喜喜冰室 (已結業)

對上一次食喜喜係在銅鑼灣舊舖，今次經過九龍灣，所以來看看新舖。坐低後就叫咗個型男餐，牛腩伊麵好好味，羅宋湯底味道啱啱好，多士好好味，如果可以燶Ｄ就very good(純粹個人喜愛）。裝修懷舊味濃，但令人感覺舒適。

係超大失望個型男餐麵少到孤寒個飲品懷舊唂咕直情係一羹朱古力粉＋1大杯水 唔講仲以為我飲緊水本身已經好期待點知咁大失望不過周圍環境同埋服務唔錯好靚好懷舊內涵都好重要㗎

想在工作之前吃個豐富的早餐，能夠有滿滿精力開展新的一天。因為時間尚早，在淘大開了門的餐廳就只有數間，於是去了試試以懷舊作主題的喜喜冰室。餐廳內的裝潢也很懷舊，有些舊的海報、報紙，早餐選擇不算太多，想吃得豐富一點，於是選了「拼搏I+II+III」，蕃茄牛腩+通粉+凍咖啡，另再加了雞扒茄汁豆+牛油多士，非常豐富的一餐。蕃薯牛腩通比想像有蕃茄味，肉也是半肥瘦，配搭蕃茄，不會太膩，頗不錯。雞扒的皮煎得香脆，肉也是嫩的。而牛油多士也很香脆。因為我比較喜歡咖啡味重的，這裏的凍啡對我來說則略甜，但一早喝杯咖啡，確實有醒神之用！

香港近年輕番懷舊冰室嘅餐廳，而今日就經過見到淘大新開喜喜冰室，門面已經係七八十年代feel，不如入去食個茶餐，懷舊一番。餐廳入面裝潢充滿住老香港風味，擺左好耐以前嘅電視雜誌，貼左不同代嘅明星卡，連餐具都好有心思，用個餅罐存放，刀叉就用舊時大漱口杯裝住，好有特色。至於食物方面，就叫左個喜喜茶餐($46)同索女餐($49)，喜喜茶餐嘅叉燒湯意粉好好味，叉燒都足料夠厚，而火腿炒蛋加左蔥花，令個味道更香。索女餐嘅牛油焗餐包，熱辣辣上檯包香撲鼻，雖然只係甜豬，不過係呢個舊環境食好有feel。食物普遍都比同區啲茶記貴，不過黎呢度食食環境佈置已經值回票價。

聽過間野，見九龍灣開左間新既就試一試佢啦。。食物其實都算係普通冰室水準，無話特別好食或者難食。環境乾淨，用香港懷舊風情去作主題，都吸引，係坐中間睇唔到電視播既懷舊野。電視好高呀⋯⋯位與位唔算話好迫，可能無咁多人，如果人多可能會迫小小。價錢都中規中矩。

呢度嘅鐵板餐同花園差唔多！但係用料非常足！好有驚喜個餐包唔係一般其他餐廳食飯餐俾你嗰啲包仔，好似腸仔包咁嘅麵包，配餐湯十分之好食新鮮熱辣！問待應先知餐包係師傅自己焗，皮脆內軟！白湯非常好味！飲得出有蘑菇蓉同配菜，唔係好似出邊用生粉開嘅白湯，真材實料！ 豬扒真係夠厚、嫩口！份量啱啱好！同埋佢有蔬菜薦底，唔覺得肥膩！ 洋蔥汁幾好味，汁真係有好多洋蔥！好多都係剩係汁。 冇得彈啊！ 店舖裝修懷舊得來有特色，嘉慧坐得又舒服！仲播住啲懷舊歌曲！係略嫌大門想開有啲熱！

成日行過装修好有懷舊味道嘅喜喜冰室！！今日終於有時間試試啦！！忙裹偷閒！！歎過早餐先！！選左個拼搏餐！！沙嗲牛肉通粉+火腿奄列+牛油多士+熱奶茶！！沙嗲牛肉整得很入味！！好好味喎！！通粉比較淋身！！牛油多士超脆！！熱奶茶就超超超滑囉！！抵讚！！值得一提嘅係冰室內部嘅装修！！時光倒流左！！番左小時候嘅美好回憶！！

星期日一早七點幾落嚟食個早餐, 店舖行懷舊裝修風格, 兩部電視不停播住啲八十年代嘅電視節目/歌曲! 座位分布尚算闊落, 員工服務態度都親切! 叫咗個早餐A, 雙蛋多士火腿通粉, 份量幾足, 可能星期日客人唔多, 所以個太陽蛋我估計係即煎, 幾靚仔下! 至於個通粉, 講真無乜味, 正正路路, 一定唔會好似"噢牛牛"嗰啲咁好味! 最驚喜地方就係餐飲轉紅棗蜜係唔駛加錢! 咁樣食個早餐埋單36蚊, 我個人就覺得唔錯喇! 晚餐就等下次有機會試再寫食評啦!

「喜喜冰室」經歷了在港島區銅鑼灣的發展過後，在銅鑼灣「百德新街」分店，終於貌似成功安定下來，生意額好像已經穩定了。後來某一日，我偶然在牛頭角「淘大商場」附近閒逛的時候，無意中竟然發現「喜喜冰室」，終於都跨過「維多利亞港」，登陸九龍東，還在「淘大商場」近着「牛頭角道」附近開了分店營業。在銅鑼灣已經有人認識的「喜喜冰室」，在九龍東的「觀塘區」裡面，在牛頭角居民心目中，仍然只是一個「寂寂無聞」的小茶餐廳而已，所以食客們在「淘大商場」「喜喜冰室」分店評價，仍然有待改善，時有批評出現。我剛剛去到牛頭角「喜喜冰室」店門之前，還未踏入餐廳，已經感覺到牛頭角「喜喜冰室」，雖然依然走懷舊路線，但是牛頭角「喜喜冰室」的懷舊感覺與銅鑼灣店「喜喜冰室」，已經有截然不同的分別。銅鑼灣的「喜喜冰室」賣的懷舊集體回憶，是舊式十四座，懷舊乒乓球檯的復古情懷和感覺。至於牛頭角「喜喜冰室」主打的集體回憶情懷，就是舊式公屋徙置區，以及與徙置區有關的事情。我進入牛頭角「喜喜冰室」，坐到「喜喜冰室」中央位置的樓面檯櫈，一看見餐廳樓面近着廚後門走火通道，掛着一些有點像公屋通道鐵閘的東西，我立刻回想起，以前牛頭角上村下村未重建前的

今日特登嚟呢到試早餐, 原來呢到早餐食到11點半, 11點去到都有人等位, 但好快就安排入座, 今日既人流唔算太多, 11點半後就得返七成入座率, 餐廳內裝修成六七十年代既感覺, 仲有個電視會播返啲六七十年代既歌手既MV, 例如有張國榮, 徐小鳳等等, 亦都有外國既樂隊歌手作品, 環境都唔會太有壓迫感, 都算坐得舒服既, 最特別係某啲餐牌會寫住係型男餐索女餐等等, 張餐牌都幾吸引人睇, 但就唔知得唔多人食腸仔米粉配雞扒茄汁豆多士 - 多士一邊有油一啲冇油, 失色咗, 真係慳皮, 雞扒外層有啲過火, 燶同硬邊, 肉質都算嫩身, 腸仔湯米粉好住家FEEL腸仔湯公仔麵配火腿奄列多士 - 多士一邊有油一邊冇油, 多士最緊要係有牛油, 冇牛油邊好食呢, 有啲人鍾意夾埋兩片一齊食, 一邊有一邊冇都算, 但好似我咁鍾意分開一片片食, 咁一邊有油一邊冇油就好唔開心囉, 好彩同行者唔介紹幫我食咗塊冇油既多士, 火腸奄列既蛋唔算好滑, 但味道不差, 腸仔公仔麵好住家FEEL凍檸茶 - 原來檸茶既茶底都有分濃底同淡底, 係侍應姐姐問我地要濃定淡, 其實都幾好, 因為有啲人唔鍾意太濃, 今次我叫咗個淡底既檸茶

九龍灣又開左間新既冰室, 今日終於入去試試~裝潢富有懷舊feel, 地方乾淨整齊, 感覺幾舒服. 食物選擇都ok多, 不過價錢算是中上~ 有點貴....今日點了個茶餐試試. 喜喜茶餐 $46叉燒濃湯意粉, 賣相OK, 可惜個"濃湯" 真係冇咩味...好失望奶茶並唔夠滑, 失望

餐廳裝修跟銅鑼灣的差不多，集時尚與懷舊於一身。餐廳有兩個門口，正門是正對著馬路，另一門可通往淘大二期，門外是懷舊裝飾。餐牌只是張過了膠的普通A4紙，不花巧。常餐，一向是姐的最多。普通的一個常餐，如何變得與別不同？— 改，個，好，名。有常餐，還有型男/索女餐。姐，點的是索女餐🙆🏻‍♀️🙆🏻‍♀️黑松露炒蛋配餐包、忌廉磨菇雞湯通粉忌廉湯不是很creamy那款，清清的不會過滯。通粉是小顆的那種，一匙可吃到三、四顆，不用數通粉的吃。餐包色澤有點黑，吃下是剛好的，略嫌不夠暖。黑松露炒蛋是較偏身、全熟透的煮法，黑松露味濃，跟其他地方的炒滑蛋不同。

呢間係淘大既餐廳開左一個月多啲，我咁中意試新餐廳，當然要試啦，今日就同屋企人去試下呢間裝修好靚既餐廳。餐廳裝修的確好靚，玩懷舊風，好多五六十年代既野，好似返左去舊時光咁，啲餐牌都好靚，會諗d創意野，叫做吸引下中意打卡既香港人。我叫左常餐，因為冰室就應該要試常餐！有香蔥炒蛋，芝士牛油多士，同叉燒意粉。多士幾脆既，但個香蔥蛋唔夠滑！亦無乜味，叉燒意粉既叉燒幾大舊但係幾鞋口下，個湯都係無味...鹽係咪太貴？定係想行健康路線？豬扒飯，份量係幾大，個樣都幾靚既，但係都係無乜味，而且豬扒好鞋...蘿蔔牛腩飯，呢個唔係menu入面，係是日套餐，包埋湯同埋餐包，份量都係大，但呢個無試味，所以唔評論。

真係要難食我先會諗起化身港女寫食評。晚飯時間見呢間新野無乜人，入去叫左個鐵板西冷扒，想要七成熟，但阿姐話無得揀，入面整好嘅，算，心諗，信個廚吧。然後嚟到，塊扒係平時外賣飯盒塊扒咁款，煮熟左疊上薯菜面咁。唔知係食材問題定煮過熟，最大敗筆係成塊都係筋，專登切到好細塊好細塊咁食都避唔開啲筋，對唔住，真係𡁻唔到吞唔落。有圖。搞得塊扒嚟，其他野凍晒。黑椒汁唔辣，無黑椒味，想汁撈飯都唔得。薯條係幼身麥記嗰種。本來好肚餓，最後都係餓住走。我覺得自己好浪費但係真係食唔落，對不起。。。建議參考花園餐廳個啲牛扒餐，價錢可再調整，因為而家連大家樂牛扒餐都好食過呢間。其實嚟得茶記食野真係唔會講究你裝修同態度，只要好食，其他普普通通你都會客似雲來。至於好唔好食，就係睇你入左咩貨同請左個咩廚。唔會有下次了，行返落牛頭角或者利基嗰邊，大把茶記好食好多。睇人流揀食肆真係無錯！補返啲其他感想：有啲伙記係新手，態度好好，唔熟唔識答我問題都好謙虛，但係佢唔熟手我又比唔到服務呢項高分。餐飽係甜餐飽，有叮熱，可因應個人喜好讚或彈。湯，金寶罐頭湯咁，又係請大家因應個人喜好讚或彈。未試過餐湯無得揀，得一款白湯。熱檸茶幾好飲，夜晚啲

見到新開唸住去試一試，裝修又咁懷舊，見menu 好多野食都遮住哂未有供應，於是叫左個叉燒通粉常餐，真係好失望，奶茶奶同茶分開哂，一舊舊浮係面，蛋又煎得老，叉燒唔店仲有少少蘇味，通粉冇味又淋哂，得塊多士係最正常，仲要收得咁貴，真係好伏