喋喋不休 (已結業)

之前看到有人推介好食, 唔信, 所以去試下啦.環境:初時以為街市的美食廣場會不清潔, 但環境十分乾淨, 服務又好.食了早餐:奄列(煙肉蘑菇) 牛角包沙嗲牛肉麵熱奶茶奄列(煙肉蘑菇) 生熟適中,不會太亁,好多大餐廳都做唔到牛角包好新鮮,香口沙嗲牛肉麵湯好香濃, 牛肉軟滑熱奶茶尚算OK只售$19, 物超所值.去過好多貴些的餐廳都無咁好食之後會再去試埋海南雞飯

因為近我屋企附近ge 關係，所以成日都會黎食早餐呢度既早餐真係好用心，比出面d早餐無論係選擇，品質，價錢都係勝一籌早餐最得ge係奄列, 無論配料定係蛋白/全蛋都可以自選另外成日食ge就係佢個雞扒早餐，細塊唔會太飽，個皮煎得好香脆。仲有，呢度竟然可以比我揀水煮蛋 (poached egg)!! 即係egg benedict 上面過隻蛋果種煮法. 用水煮又健康又好食(個蛋黃最靚係半生熟)雖然食過呢度個水煮蛋偶有失手，之但係咁考工夫ge野佢都整到真係好抵讚如果去食午餐的話通常會點招牌菜海南雞飯，佢d雞真係唔知點解可以做到咁滑同咁香雞味，真係好正。不過個飯通常煮得比較爛d。但係我用咁平的價錢食到呢個水準ge 雞已經好滿足我未試過呢度d tea, 不過佢地有整home made cheese cake, 賣相好似好好,下次一定會試下。彈：呢度真係認真逼同多人，唔好預坐得耐，同埋要比d耐性等野食到

早上(14/9)我入0左去大埔同祖安食個早餐, 先出發去澳門. 今次我地去大元村0既喋喋不休, 其實我不嬲都好鐘意去呢度食, 因為選擇都幾多, 而且d 0野食都比較健康d. 不過有一次佢地係度趕客, 個客就係我同祖安, 令我地好失望, 所以決定唔去兩個月, 哈哈!!! 1. 早晨全餐 ($19) ~ 積奇早餐：蛋白, 午餐肉, 沙爹牛麵配牛角飽!!! 首先欣賞佢配搭多, 唔要牛角飽, 可以配多士, 全麥飽或方包!!! 唔要午餐肉, 可以配煙肉, 肉腸, 火腿或雙蛋!!! 其實蛋, 午餐肉, 沙爹牛麵都係普通水準, 牛角飽就幾好味!!! 2. 早晨全餐 ($20) ~ 祖安早餐：蛋白, 火腿, 雪菜米配牛角飽, 飲朱古力(+$2)!!! 火腿都係普通, 個雪菜米就唔錯, 唔會淡"戊""戊"!!! 整體評價：食物健康, 環境迫爆!!!

我係睇到新假期介紹至知大元村有間咁ge餐廳.午餐$23包飲品, 價錢真係好平(但$24似乎係四圍左近餐廳午餐的公價). 佢勝在白飯可改紅米糙米唔使另外加錢 , and食得出唔係咁重手味精.今日食咗 招牌菜之一的炒貴刁:真係幾香口, 同事柯打的咖哩牛腩都唔錯:有馬來咖哩的濃郁味道,整作幾用心, 食得出唔係求其開粉的貨色.不過佢真係好迫好迫, 12點半啲學生湧入時, 啲阿姐仲會叫人搬去隔離枱, 食完真係要九秒九閃人嗰亭.

一個早餐，由麵包、奄列配料、奄列要全蛋或蛋白都係你話事!我鐘意奄列配芝士一大塊！夠溶！！全蛋奄列...蛋味香到...最衰就早上8點開門......我試過兩次，為了食....代價就是返工遲到！！

上網看到咁多人講喋喋不休,好奇心,由香港來吃早餐,居然可以吃到旦白奄列,正. 不過間餐廳好嘈,食客說話好大聲,加埋有一個侍應說話好晦氣把聲高8度.

有一日,朋友相約到大元村街市上的餐廳吃下午茶(2:30pm後),因為餐廳位置的關係,心褢沒有甚麼期盼,餐廳大概有30個位左右,不算大,看看餐牌有下午茶,便叫了一個咖哩雞排飯,還可以免費轉做紅糙米,食落健康d,飲品方面,可以轉紅莓7up,波子汽水,甘蔗汁等,飯上桌的時候已經傳來咖哩的香味,將咖哩放進口裏後,咖哩味充滿整個口腔,再加上有益紅糙米,可以吃出是用心的煮做,加杯凍奶茶都是$24,抵食。

我個fd聽到我食芝士蛋糕都為之眼凸!!!!!!!hahahhahahhahaaa但係真係唔錯的。因為我已經食過的喇放心啦.佢就食左個叻沙.....佢.......竟然飲埋d 湯。48.5蚊.超抵食的!!下次我想try try佢的雞飯。不過佢地的waitress好忙,唔多得閒理人。

雖然這間餐廳永遠都好多人,坐得又迫,但我始終都喜歡到這裡吃飯,因為這裡提供的食物很有誠意. 雖然它的食物只售$22至$25元(連飲品), 但一d都唔欺場,賣相好,飯和"宋"近乎一比一.我特別鍾意這兒的蝦湯麵和叻沙.不過不是常常吃到,因為它每星期轉餐牌一次,每日只供應6-7款選擇,因此要遇正先可以食到.仲有,呢間雖然只係一間係大埔一個舊公共屋村的冬菇亭,但係呢度的職員全穿上制服,好pro.我發現最近佢地仲有制服鞋,就係CROSS...

推介年內面好入味海南雞飯都ok(飯硬左d,雞咪差d)但係我唔鍾意佢地d湯底味精左d如果以大元既級數,同lee個價錢lee間算係咁啦其他炒炒面都ok,唔會炒到一舊野幾野味幾爽都係果句,等野食要一段時間

每次去親呢間舖都係人頭湧湧, 所以盡量唔好響下午1:00 ~ 2:00既繁忙時間去食晏, 平時多數食0個度最出名既海南雞飯, 近日去食0左個青咖哩海鮮飯, 個青咖哩辣0左少少, 男友食雞扒日式便當, 都幾好食, 最攪笑既係坐對面既食客(因為實在太多人食, 所以要同其他人同桌), 叫0左個焦糖芝士蛋糕, 食0左一啖叫0左幾次好好味....極之誇張, 雖然本人都認為呢間餐廳好味又抵食, 但不至於咁誇張!! 呢間餐廳晚市只比人包場, 星期一至四最低消費$1,500, 星期五至日最低消費$2,500, 本想諗住約埋朋友食一次, 但好多時都比人book0左....如果想book要預早少少!!

假日經常到呢間餐廳食lunch. 聽講呢度既大廚以前o係酒店做西餐, 所以呢度食物款式比較特別. 食物款式唔多, 但係質素有保證. 價錢可以話係超值. $20-$25一個餐, 冷熱飲同價.推介大家食牛肉麵, 海南雞飯, 印度架喱. 五星級炒貴刁都幾惹味, 不過略咸. 之前仲試過有肉骨茶添!食完飯仲未飽既可以試下呢度既cheese cake. 又平又大件. 強烈推介mango cheese cake, 不過唔係成日有.大家請留意呢間餐廳大約18:30就關門, 唔做晚市(不過有時見有人包場搞活動). 仲有就係呢間餐廳慢工出細貨, 趕時間就下次先黎啦.