喋喋不休 (已結業)

首先呢個早餐只是＄23，奄列有6選2既餡料揀 仲有蛋白同全蛋奄列揀，麵有過十款餸，包麵有多士，牛角同菠蘿，咁多選擇有選擇困難人士就慘啦，味道正常，牛角包細細個內軟外脆，奄列足餡，驚太飽唔要個包仲減收$1。最驚喜既係屋邨小店服務態度好好，送食物到時仲好親切同我講：有野食啦慢慢食啦。呢d又平又有人情味又好味又滿足到我選擇慾既人去邊搵呀

宜家D野愈黎愈貴,已經好難搵到呢D街坊小店  早左起身,聽人講喋喋不休既早餐好抵咪去試下.未入到去已經見到好多人,入去睇餐牌都有D眼花,因為真係好多個組合可以揀,叫左個奄列餐(多士)配沙爹牛肉通+熱奶茶.好快就到左,個沙爹牛通不過不失,沙爹味唔算話好重 岩岩好,通粉就唔係太夠熱,可能剩係拎D熱湯淋上去卦,總體黎講唔算太差.奄列就有七八成熟左右,見到D蛋汁,我揀左配洋蔥煙肉,入面都幾足料,味道就係煙肉重D,無咩洋蔥味,對鍾意食洋蔥味既人可能有D失望.  見到對面食魚餐好似幾好味,下次去一定去試下先

好耐冇寫過食評，今次有咩值得我要寫返篇野呢?是咁的，呢檔野都陪伴唔少學生哥成長，價錢又相宜，除左樓下燒味飯，冇幾多間做午餐可以低過$30~你話食物質素，坦白講就好一般，焗飯永遠唔似焗飯，叫阿華田呢類落粉的飲品永遠淡過咩咁~坐位永遠都係咁迫~伙記又粗聲粗氣的~話雖說回頭，呢檔野由朝到下午茶都好鬼多人，正正就因為夠平，同埋街坊街里都咁多年，總儲落不了熟客。今次下午茶叫左個炸魚柳搭拉麵，分上的。連凍飲廿四蚊仲想點。期間聽到d食客唔多likey，嫌迫嫌杯野冇味，又話要老細要改善云云，呢檔野就黎比領滙收返，揸數位大嬸就有態度喇:「就執笠，唔改架喇!」講返個炸魚柳，大大件抵囉; 個拉麵冇咩特別，唔通係手打咩~宜家香港地太多怪獸，一種係租金怪，殺雞取卵，不知殺了幾多老店; 另一種係食客怪，口味刁得愈來愈離譜，去間餐廳仔就要貴賓享受，咁去大酒店丫笨! 順帶一提，檔野執笠前清倉，新杯具跳樓價發售，路過可以昅昅。

原本都忘記了拍照，但在吃了數口後，很驚訝這種簡單程度的天使麵竟然可以做得這般不合格，就很自然地拿出手機，草草拍了一張照片留念（還要拍得挺好吃）。「健康」拿破崙魚柳天使麵健康　勉強也算是對的，因為所有食材基本上都用水煮熟，然後也幾乎完全沒有下什麼調味。拿破崙醬　不，那只是最普通的茄蓉。除了蕃茄外，我敢肯定他沒有其他拿玻崙醬的成份。魚柳　怎麼煮的？焗的？煎的？你不會知道，因為被魚柳被很多很多的開水浸軟了，別說是煎/焗的香脆口感，就連魚肉本身的油脂，都被沖走了。所以相信我，你不會知道。天使麵　這個可慘了，因為廚師沒有把水瀝乾，弄得整個碟都是水（你看到的）。唯一可取的是軟硬度適中。整體來說，就是濕濕的、淡然無味的、沒有任何油脂的。卡路里估計特集意粉260卡、魚柳120卡、茄蓉（或拿破崙醬吧）20卡、生菜20卡，合共４２０卡。其實用開水煮並不是最健康的方法，而seasoning也很重要。這款午餐應該以「清淡」或「低脂」為賣點，除了更誠實貼切外，相信能夠更加成功地吸引到「對」的食客和食肆最重視的回頭客。

大元村美食廣場的食店很多都好的，這間喋喋不休就是了~今次叫了和風炒飯配熱檸水 ($23)碟飯很大碟，有些木魚碎在飯面飄揚，還有些雪蝦，粟米和肉粒，雖然味道只係一般，但現在物價高漲，都仍然可以咁平食到碟飯，都算唔錯LA~這裡的定食也很平，種類繁多，廿多元已可食得飽飽了

因為e度食飯比較平，所以一到午飯時間就好多人(勁多學生=.=)今日點左個日式便當:有雞扒、紅糙米飯、沙律和木魚炸豆腐。雞扒煎得好香而且肉質夠嫩。而木魚豆腐很好吃，豆腐好滑，而且配合埋d木魚一齊食會更好吃而沙律好足料。好味這個便當份量十分足夠而價錢便宜，唔怪得日日都咁多人喇

吃了日式便當($23)：有豬扒、紅糙米飯、沙律和木魚炸豆腐。『紅糙米營養價值高，有助降低膽固醇』，有肉有飯又有甜品，營養均衡。建議可多一點蔬菜，變得更有營。紅糙米飯硬身有口感，而豬扒則比較乾身硬口。建議可用多一點醬汁調味，而沙律夠冰凍夠新鮮，料多又有薯仔，好味。而木魚豆腐有點淡口，可能配合健康食譜，要吃得清淡吧。雖然份餐只屬徵暖，但份量多而價錢便宜，可用抵食來形容。

每個星期日都到大元搵食, 大部份味道一般, 但這間餐廳給我一個意外驚喜!!首先, 選這餐廳是因為在玻璃門看到餐廳入的便當, 覺得十分特別及吸引, 就算要等位都要一試.因為實在太多人, 搭桌也在所難免.三個人叫左三個日式便當, 分別要雞扒, 豬扒及魚柳, 及轉紅糙米飯.餐牌寫明"紅糙米營養價值高, 有助降低膽固醇" , 有營之選!! 便當有什果沙津, 木魚豆腐, 紅糙米飯, 雞扒, 豬扒及魚柳份量十足, 營養均衡, 有菜會更好. 三款肉類中, 以魚柳的味道最佳, 沒有骨, 不會乾, 醬汁也很好, 還有片紫菜作裝飾雖然即磨咖啡只是需要靚機器及靚咖啡豆, 但就算西餐廳, 也並非每間有花心思在咖啡上, 所以部份質素非合乎理想, 所以我見到左邊有客人有這杯咖啡時, 二話不說, 跟侍應姐姐要求加$2換即磨咖啡, 姐姐亦很好的馬上幫我改單, 我才有幸在茶餐廳試到這杯高水準咖啡!!

成日聽人講 “喋喋不休” 好味，希望越大失望越大呢~黑醋骨飯：黑醋骨炸得香脆，醋味甜酸份量配合得很好，聞到醋香已令人留口水啦。黑椒焗牛扒飯：牛扒唸身但無肉香味；黑椒汁亦唔夠野味和辣；飯也焗得唔透，有點生米。餐牌選擇唔多，但就有便當拉麵既午餐，感覺上很怪。

朋友介绍我去，個早餐幾特別，可以百搭，我點左芝士火腿旦白奄烈、牛角包、沙爹牛肉麵，個奄烈過左火，但味道都ok，個牛角包太硬，食唔到，沙爹牛肉麵都幾好！總的說來，個早餐$19真係好抵！但質素真係麻麻！仍有改善空間！

同朋友去食下午茶,但是十分少選擇我同朋友點了湯鳥冬,我選了蕃茄豬扒鳥冬朋友選了雞扒鳥冬等了都幾耐下點知碗面一來,個賣相十分醜怪d蕃茄爛容容d湯又同d碎蕃茄混埋一齊,很混濁湯不能見底豬扒又沒什麼味道而且碗面是不熱的只可以話係暖,食落口鳥冬十分硬身真的不明白為什麼那麼多人讚

清早吃一個早餐是何等美的事! 剛巧家姐適逢休息，便一大清早揾埋家姐一齊去這間喋喋不休嘆番個早餐(這間食肆的口碑在我的朋友口中都是不錯的)。好!言歸正傳!去到坐低望下餐牌，其實款式同其他茶餐廳都差不多，但這間的早晨奄列餐能夠讓你選擇全蛋白或全黃，同埋選擇個配料!最終選擇左個煙肉、磨菇全蛋白奄列配炸菜肉絲螺絲粉+方包，飲熱可力!等了差不多5分鐘野食開始來到!先來的是個炸菜肉絲螺絲粉，唔知點解個湯好似有少少酸，但係接受到。其後煙肉磨菇奄列配方包都陸續出場。先講下個奄列先真係好足料蛋白味都好夠I like it!而個方包就毫無特別，所以下次都諗住試下個牛角包!而杯野飲都係無咩特別咁，普普通通的一杯可力。價錢方面我覺得經濟實惠(盛惠19元)。環境方面就略嫌逼左少少，但可以接受!最後推介下大家可以試下個奄列餐真係唔錯!Ps.大元邨美場廣場有裝修工程 會有較多塵及嘈音，請大家注意!!

今日係第一次來呢間食第一感覺係入面好多人同附近其餘幾間好唔同!我見對面食糖醋脆肉紅米飯咁香所以就同家姐一齊叫左唔好意思呀 差d唔記得影相所以食左幾啖幾好呀~ 有得選紅米同白米呢樣係我係第一次見到!我個餐係糖醋脆肉紅米飯,有碗湯,同一杯野飲飯好大.. 我已經唔算細食但係都食唔哂 XD我係第一次食糖醋脆肉,所以唔知道真正好好味既係點..但係我覺得呢間既糖醋脆肉幾好味肉唔算好肥, 略有"肥膏"d汁好好味!!!紅米飯飯量非常多.. 滿滿一碗之多!飯就唔算太硬唔算太軟, 中中間間啦!!個湯我唔知道叫咩名,有豬肉..好好味, 冇味精味, 有埋湯料食非常好飲!! (力推!!!)我叫左凍朱古力冰少足朱古力味又大杯!!埋單只要23+2=25蚊抵食又極好味!

四月九日自己都喜歡去茶餐廳食飯,在大元村美食廣場經常是午餐的聚腳,這店鋪只開三年,每次午飯時候,人也迫爆.今次早餐想不到可以找到位置.坐下看看餐牌,最後選了五香肉丁麵,奄列多士以及一杯凍奶茶奄列可以選擇二款不同的材料,選了火腿以及芝士,奉上時看到奄列賣相不錯,可能有特製煮食器具,加了芝士關係,變得比較缺少嫩滑,反觀變了重蛋味以及芝士,食落又不錯的.多士真係不合格,是凍的,怪不得客人叫牛角包.五香肉丁本來是公仔麵的好朋友,只下得多一點就變得美味.剛好二十蚊,價錢又便宜,坐得舒服.有時間再來早餐.

今朝睇完醫生見仲有小小時間...就第一時間黎e到開餐...叫左自選既奄列餐...芝士火腿蛋白奄列 + 雪菜肉絲米一切開芝士汁同d蛋白汁一齊漏出黎.....真係又香又滑雪菜肉絲唔係大家樂貨式而係一條條既有1吋幾長既手切肉絲....米粉既粗度同軟度適中以前係city u 返學既時候, canteen 既早餐既蛋係可以轉蛋白架..但係e家仲邊有e隻歌仔唱...就唯獨係e到先可以....而且選擇多元化單係奄列既內容都有6款連麵底有6款選擇....烏冬, 公仔麵, 米粉, 河米, 螺絲粉, 通粉餸仲有成12款..早餐可以有咁多選擇真係幸褔...之前, 只係午餐黎e到幫親...好難先可以係到食早餐...真係好好味~美中不足既就係個包好似晒黑左d.................