善茶 (已結業)

尖沙咀已經變咗唔同品牌嘅珍珠奶茶戰爭地，幾乎每一條街都可以見到有人排隊買珍珠奶茶。但係喺尖東站n出口附近，竟然見到一間唔係以台式珍珠奶茶作招睞嘅飲品店，主打港匞絲襪奶茶。店舖嘅裝潢都以舊式香港茶餐廳為主題，門面特別，有一種老香港情懷，令經過嘅人都想一探究竟。我點左一杯珍珠港式奶茶，茶底明顯比一般嘅台式奶茶香濃幼滑，茶香同奶香互相輝映，絕對係一杯出色嘅絲襪奶茶☕️。珍珠彈牙，但味道較淡，可能係想客人將重點放返係茶飲，而唔係珍珠嘅味道。朋友點左定一杯店舖推介嘅壽眉珍珠拿鐵。估唔到中式嘅茶同鮮奶裝撞嚟都有一個唔錯嘅味道，令人意想不到！壽眉特有嘅茶香四散，整體雖然冇我嗰杯港式奶茶咁濃，但佢嘅香味絕對係揸到大旗！而且，每買一杯飲品就當做一件善事，何樂而不為呢？

有冇試過像港式奶茶想加D珍珠? 因為實在太喜歡飲珍珠奶茶,但其實台式既奶茶唔係自己口味。 見到呢間店正正有呢個想法,所以想試下。成間店都好80年代左右既HONG KONG, 大排檔FEEL, 有心設計。好多得揀。焦糖港式奶茶 $28 加珍珠 +$4依個配搭真係好新鮮，焦糖係西式，但又港式奶茶，估唔到味道亦好夾，不會太甜，有焦糖味之餘又保持奶茶的香味，珍珠有咬口。壽眉珍珠拿鐵 $28成杯野好白，以為自己點錯左，但又係新鮮配搭，飲落去有啖啖的壽眉味，唔會覺得好奶水既感覺，同壽眉的味道幾夾，珍珠唔會硬。OVERALL 喜歡港式奶茶既真心唔錯。

去尖沙咀食完飯，經過這間新開的港式fusion台式飲品店，平時珍珠奶茶就飲得多，但這間卻以中式茶底外招來，如普洱、鐵觀音等等。飲品主要都是奶茶、拿鐵、中式泡茶等等，全部都由十幾廿蚊起，價錢大眾化，而且這裏的飲品全部都可以選擇冰量及甜度。鐵觀音珍珠拿鐵28珍珠煙韌且煮得夠腍，鐵觀音茶香出眾，而且不似紅茶膽般太濃，不易傷胃，奶香味道適宜。紅豆珍珠港式奶茶32除了珍珠還有粒粒煮到很腍的紅豆，奶茶很幼滑且香。

平時寫食評就多，但寫咁平就真係第一次！🤣不過今日咁岩行過呢間新開嘅飲品店，真係令我覺得幾驚喜🤗所以忍唔住要同大家分享下好東西😋位於K11隔離呢間新開嘅善茶，主力sell返港式奶茶，起碼唔使一味飲台式飲品！其實吸引我行埋去鋪頭嘅理由，係因為佢門面嘅裝修🤣有啲60年代涼茶舖又溝少少街市feel，玩味幾重😂價錢又唔係好貴👏🏼叫左個港式珍珠奶茶（少甜）☕️個珍珠煮得剛好唔會太硬或太淋，港式奶茶個茶濃啲配花奶又滑啲，最重要係冇台式既咁甜！啲珍珠食落都幾好趙口，但又唔會令你覺得好飽肚！男友少飲奶茶，就叫左檸檬🍋椰果蜜😋估唔到呢個配搭都好有驚喜，檸檬酸酸地醒神得黎配返蜜糖同椰果就剛剛好，椰果切左幼條裝口態幾好wow! 大熱天時飲感覺好refreshing🌞等飲品既時候發現原來你每買一杯野飲可以問店員攞一蚊放入捐款箱，所以舖頭叫「善」茶！雖係gimmick，但都睇得出老闆幾有心意🤤🤗

路過白蘭軒道見到一間舊式冰室咁既專賣港式奶茶店。好奇心驅使下決定一試！除左奶茶，鴛鴦，仲有其它茶類飲品選擇。佢話你每買一杯飲品佢就會捐一蚊做善事，你一買完杯飲品，就會比個1蚊代幣你拎去旁邊既捐款箱捐左佢，好熱心呀！朋友揀左港式奶茶紅豆冰，奶茶加紅豆冰原來好夾。而且紅豆好多絕不欺場。雖然叫咗半甜，但係出到嚟我覺得甜度啱啱好，如果要正常甜嘅話可能就會變得太甜喇。我就揀左咖啡點子港式奶茶，好有茶味嘅奶茶，味道夠濃！咖啡點止即係咖啡啫喱，少少甜又唔會太甜，咖啡味道剛好，口感又煙韌。不過啫喱如果大粒少少咬得到會好啲，太細粒一啜就吞咗落肚！總括來說係值得一試的港式奶茶飲品店，好飲之餘又可以做善事，何樂而不為！

最近看到報道聽說尖東有間茶飲店, 專門賣港式飲品配特色珍珠, 星期六去婚紗店前, 想去打個卡飲返杯! 店面唔大,但設計好有本土特色, 生鐵信箱, 紅白藍簷篷, 舊式冰室地磚, 全部好好有心思! 餐牌設計亦係非一般的製作, 分為港式奶茶精選, 珍珠拿鐵精選, 拿鐵精選, 清爽精選和港式茶樓精選。和朋友點了壽眉珍珠拿鐵和咖啡點子港式鴛鴦, 超想試晒成個menu的獨有配搭。壽眉係頂級的白茶, 茶樓飲茶的感覺返晒來, 傳統口味配上流行沖調手法, 係香港得獨有味道; 氣味青香, 奶味濃厚幼滑, 壽眉本身有青熱解毒功效, 自己平時同屋企人飲茶都好鍾意飲, 今次竟然飲到壽眉拿鐵, 真係好令人震奮!咖啡點子港式鴛鴦, 適合貪心又受唔堵咖啡超提神的我, 茶底現場沖製; 奶茶咖啡調配剛好, 點子, 有淡淡咖啡味, 唔會太甜, 果然係signature推介!如果經過尖東白蘭軒道, 一定要來善茶本土味極濃的特飲外賣店!

尖沙咀去咗一間飲茶嘅地方，其實香港而家都越開越多，要突圍而出真係唔容易。呢一間飲茶嘅專門店就真係好着重茶。裝飾都非常古色古香，睇落去好似去咗中式茶樓飲茶咁。基本嘅港式珍珠奶茶都有，亦都有好特別嘅不同中國茶Latte。我哋最後就講咗一杯港式珍珠奶茶同埋一杯壽尾珍珠Latte。朋友個杯港式珍珠奶茶嘅奶茶味好香濃而且好滑，叫咗少甜所以唔會太膩，味道啱啱好。壽尾珍珠Latte啲珍珠好有彈性，甜甜地比較有口感。而且首尾係比較濃郁嘅綠茶，好彩佢個濃度調校得相當適中，所以唔會覺得太過濃，飲落去都有淡淡的清新口味。

台式珍珠奶茶和黑糖珍珠鮮奶的熱潮一浪接一浪在尖沙咀白蘭軒道轉角處有家「善茶」主打港式本地的飲品其實本地的港式絲襪奶茶絕不比台式茶飲遜色可謂各有千秋「善茶」創新地糅合了港式跟台式奶茶的元素讓港人重新體驗港式口味實在有驚喜店舖裝潢走懷舊風彷如時光倒流，感覺很親切在2016年「金茶王」陳師傅學習沖調絲襪奶茶獨家研發的「溝茶」配方加上台式配料如珍珠、仙草等既保留傳統本地風味又有新鮮感以後不一定去茶餐廳才可以喝到絲襪奶茶啦（店外的Ipad有店主詳細的過程）紅色手寫餐牌、紅色燈罩紙皮石牆身等佈置盡顯店主心思每個角落都好適合打卡呀！咖啡點子港式鴛鴦$30一看到「鴛鴦」兩字濃濃的港味呀咖啡味突出提升了絲襪奶茶的茶味味道有點小偏甜可以點單之前告知店家調整甜度而且茶飲可加配台灣黑鑽珍珠、仙草、咖啡啫喱紅豆和椰果另外奶茶選用澳洲植脂淡奶不怕有奶羶味而且只要大家每買一杯善茶就會捐$1給慈善機構飲茶之余還可以做善事的確有意義店主加入茶樓飲茶元素的茶飲以中式茶葉如壽眉、鐵觀音、茉莉香片還有普洱調配，中西合壁不再像一般使用綠茶、紅茶一般普遍了

一直都只係飲台式珍珠奶茶，所以見到網上有人介紹呢間有港式奶茶加珍珠的店就去試下。叫了珍珠港式奶茶，少甜去冰。杯上的圖案滿滿懷舊的氣息。珍珠唔會太硬亦唔會太軟，少甜味道剛剛好唔會飲落仲係好甜。下次再去會想試試茶加珍珠拿鐵~感覺應該都會唔錯~😋

係Facebook見到依間飲開張 於是特登行去試下有幾特別 佢係就近K11 都唔太難搵 店面雖小 但都幾有香港特色 design都幾別緻餐牌都幾多選擇 而我就梗係試下個絲襪奶茶 仲加珍珠 齊頭$30 價錢就同手搖飲品大致差品多既 其實原本對絲襪都無咩特別期望 以為同普通手搖飲品差品唔多啦 點知飲過先知到原來茶底都幾香濃細滑 我就少糖左 所以甜度岩岩好 保留返淡淡茶香💓🤤🤤走之前仲同我地講黎緊會放啲凳仔出黎比大家坐下添 啲職員 好nice 好主動 好抵讚！！！

今日和同事到K11食Lunch。食完Lunch見到K11附近的善茶,賣港式奶茶。這間茶店裝潢懷舊, 白綠色的紙皮石和紅色燈罩, 有古老香港的特色。 見到牆上掛上善茶緣的紙牌, 寫住你買一杯, 我們捐一元。仲有一個捐款箱。欣賞老闆有這顆善心。所以我們也毫不猶豫就買。 餐牌上都有好多選擇,主要賣港式絲襪奶茶。每日新鮮小壼煮茶, 人手撞茶再雪過夜。冰度和甜度都可供選擇。 我要了少甜珍珠港式奶茶$30 奶茶香滑, 好地道的港式絲襪奶茶。不過這個奶茶是没有奶羶味因為茶店用了植脂淡奶。少甜的正合我心意。珍珠好彈牙, 不會硬。 同事則要了港奶茶紅豆冰$32 同事說這個是紅豆沙加奶茶的感覺, 紅豆值得加分, 因為紅豆是腍, 有咬口。 日後我們又多一間茶店選擇了, 真好。

台灣手搖飲品雖然大受追捧，但其實本土奶茶都好值得支持👍🏻以往絲襪奶茶要係某d茶餐廳先有機會飲到，尖沙咀新開左間善茶就將珍珠奶茶就加入左港式元素，主打港式珍珠奶茶、港式奶茶紅豆冰等等我就揀左咖啡點子港式鴛鴦☕️咖啡同奶茶既比例洽到好處，茶香而不失咖啡的甘香，order左少甜，味道剛好！咖啡點子其實係啫哩，質地Q彈，加埋一齊飲又幾夾喎❗️朋友就揀左檸檬椰果蜜🍋我愉愉地試左一啖唔知係咪我完d濃味野，我第一口飲落去個陣好酸😂不過我朋友話好fresh好好飲，而且飲到啖啖椰果粒，夏天消暑解渴一流👍🏻

最近得知尖沙咀新開左間港式茶飲店：善茶，售賣各式各樣的絲襪奶茶、中式茗茶等等。小店裝修主題係懷舊香港，手寫餐牌、紅色燈罩等等，打卡位超多呢！而餐廳亦希望用港式奶茶同大家結善茶緣，每買一杯飲品都會得到一個代幣，代表將$1捐畀慈善機構，真係好有善心啊！飲奶茶又可以做善事，何樂而不為善茶既絲襪奶茶用了獨門的拼茶，加上茶壺撞茶而製成的我點左兩杯分別一熱一凍既港式絲襪奶茶一拎上手好大杯！凍奶茶杯身係透明的，可以清楚見到奶茶色澤端好，奶同茶既比例剛好，入口唔澀口，茶濃香，奶夠滑，係一杯出色既港式奶茶！而熱奶茶則用紙杯呈上，店舖貼心的採用附有隔熱手揸墊的紙杯。個人認為熱飲比凍飲更出色

經過近棉登徑既白蘭軒道，見到有間吸晴既飲品店，懷舊港式茶餐廳設計裝修！最經典既手寫餐牌、紅色燈罩... 專做港茶、絲襪奶茶wo！甜度、冰度可自選，額外添加有黑珍珠、椰果、仙草，特別既仲有+紅豆、咖啡點子！揀左👑人氣既珍珠港式奶茶，我點左70%甜，甜度剛好，奶茶味濃同滑！珍珠拿鐵，有濃味d黑茶：鐵觀音、普洱，清香d既壽眉、香片！揀左鐵觀音味珍珠拿鐵奶味同茶味都好平均，初頭估鐵觀音會濃d，飲落又清清地，有茶香！杯身都係港式茶餐廳既圖案，非常有心思！仲有做善事

整個夏天，街頭一輪台式飲品混戰，但身為香港人，怎能不支持下香港代表：港式絲襪奶茶呢？師承金茶王得主去研發「溝茶」比例，絲襪奶茶簡直是每個香港人都熟悉的飲品。一目了然的飲品餐牌，以港式奶茶為主調，加上台式配料，例如珍珠及咖啡點子等等。充滿懷舊風的裝修。非常適合影相！最後叫了兩杯飲品，一冷一熱。珍珠港式奶茶（熱）（$30）絲襪奶茶味香醇濃郁，喝一口感覺順喉，珍珠軟硬度適中，亦不會太甜。港式奶茶紅豆冰（$32）少冰少甜將兩種經典飲品：絲襪奶茶加紅豆冰混合，加上淡奶，顏色漸層好美！我愛絲襪奶茶的濃厚感，亦愛紅豆的甜，而且紅豆煲得夠時間，不會一粒粒硬硬的。