喀什米爾咖喱屋

營業中

休息中

門面望就有三個印度人包括侍應及廚師，表面望落去仲以為冇位坐，入到去都有幾張枱，有冷氣，餐單款式不算多，只有幾個套餐，不過都有D小食，揀左個咖喱羊肉+兩件淨薄餅+凍及熱印度奶茶+雜菜炒飯，咖喱羊肉幾好味，辣辣地，由於我唔係好食得辣都食到幾件既，但面果層咖喱幾油下，所以我都撇除左D油先食，個淨薄餅普普通通，雜菜炒飯都好食，菜有咸味，飯都炒得好金黃，好靚，幾乾身，但個凍印度奶茶對我黎講就反而好淡，冇乜味，呢餐飯唔算貴，幾好味，都值得試下^^

這次是我繼去過重慶大厦後, 第二次食同類的食物.第一個感覺是: 都好企理丫. 因為常覺得印度人不太注重衞生, 然而, 麻雀雖小, 五臟驅全. 而且活像一個家庭一樣, 很有屋企feel.野食方面, 選擇不是太多, 有套餐(即一碗咖喱餸 + 白飯/薄飯 + 飯品), 各色薄餅, 幾款炒飯, 幾款小食, 及汽水/印度奶茶/乳酸/水.咖喱很油, 建議先撇除上面的油才吃, 否則將之撈上白飯/薄餅後, 肯定你不一會兒就飽到舉手投降了.炒飯炒得很乾身, 而且顏色鮮艷, 比餐牌上的display更加光彩奪目.至於飲品, 印度奶茶與香港的沒多大分別, 只是多了幾點不知名的黑色物料罷了, 沒問題的. 我不嗜甜都沒加, 還可以.記緊有幾點要注意的:1.套餐/炒飯的份量很夠, 絶對夠兩個女仔或一個男仔食用.2.食物頗辣, 要有心理準備(不嗜辣的女朋友都給吃到流鼻水, 心痛死了)3.水盛惠$5, 可以的話自備.4.老闆懂咸淡的廣東話, 不用說外語.

在深水埗打完拳和朋友吃飯,想試很久一直沒機會,突然諗起這間店便問朋友試唔試?朋友沒問題就速去.開頭叫了1個羊肉咖哩跟飯,一個羊肉比薩,一客咖哩角.最後咖哩角售罄,店員問我試唔試炸雞翼,見唔夠食就試一試,點知我朋友吃一啖就放低,我問真係咁唔得,佢叫我自己試試,一試之下本來羊肉咖哩和羊肉比薩的良好印象即刻大打折扣,雖然知道是一早炸好的,但表面那層炸粉,一口咬下立即成口油有點噁心的感覺,我諗去呢度都係吃咖哩好,比薩都只係一般一般,我和朋友最後都多叫一份羊肉咖哩.我們2130hrs去吃,一路見很多印度人入來吃飯,我諗是因為夠地道吧,但我覺得唔夠香味和偏淡,都算係好吃,但唔係首選!

已有好一段時間沒有經過此食店，再次途經，發覺已裝修過，所以主人與奴隸獸決定在此午飯。點了：1. 咖哩羊肉套餐配薄餅及Coke Zero（HK$35）：咖哩及羊肉的味道尚算OK，不過肉的份量少了一些，及咖哩汁比較肥膩。2. 印度咖哩角（$10，2件）：咖哩角外層的小茴香少得可憐，料的青豆亦不見蹤影，味道大不如前。3. 牛肉卷餅（HK$10，3件）：好勁辣啊！！！（辣得奴隸獸眼淚直流。）而且香料味道欠奉。不知為何，裝修過後，連味道也走樣了。

** 此食肆的第一個笑**前日(18-2-2008 Mon)放晏晝假,拎o野出o黎深水(土步)畀男友人CK,順便食飯兼逗利是.我o地諗過去西九龍中心8樓o既意大利噹拿屋或榮發茶餐廳,但CK否決o左前者,話o個o度唔係咁乾淨喎,於是我o地去後者啦,但中途被我遇見返呢間.於是提議,我o地駐足睇睇,好彩有o岩佢食齋o既雜菜炒飯,於是我o地入去lu.呢o度舖仔細細,但裝修好靚,CK話其實呢個舖位轉o左好多手,呢啲裝修係上手賣雲吞麵o既,成$20.00碗,邊做得住?所以執o左.我o地叫o左:1. $10.00 o既雞肉薄餅呢個先到,係我食o既,其實o係印度薄餅內加入雞肉.我試吓先.唔….有羶味,正常o既,印度菜嘛,雞肉以近乎漿狀加入薄餅內,幾得意.但我覺得辣.3. $10.00 o既香蕉薄餅呢個係CK睇睇吓想試又o岩佢後加o既,由於我食o左辣o既o野,話食甜o野可以中和返辣味,而CK都畀啲我試.好味啊,佢係甜,但o岩o岩好,而且好好味.2. $25.00o既雜菜炒飯呢個係CK o既,佢都分啲畀我,佢話好辣,當我中和返雞肉薄餅o既辣味後,就試呢隻,唔係啊,唔辣啊,料唔多,有腍晒o既薯仔,紅蘿蔔同唔

點左兩樣咖哩羊同咖哩牛,可以跟飯或者跟薄餅因為今日做完兩堂瑜珈實在太肚餓由朝到晚淨係食左兩個包所以d食物一嚟到,就好快全部掃晒,感覺d咖哩好辣, 之後再叫多一個香蕉薄餅,好快又比我攬掂埋 1.咖哩羊(感覺d咖哩好辣,d肉好肥) 2.咖哩牛(有勁多油浮面,食左一定好危,勁高卡,大包好努力飛油,唔知係咪天氣凍,d油凍到變左蠟,好得人驚,食左之後做幾多運動都保唔番,而家諗起都重好驚) 3.香蕉薄餅(好多香蕉,不過我諗都係普通薄餅好食d) 4.卡巴---乾爭爭, 味道普通 最後每個餐都跟飲品,我要zero,大包要個茶味怪怪地o既印度奶茶 總結大包同蝦蝦意見,我地都係覺得大角咀越旺既咖哩好食好多

雖然買了便當及Pizza，主人與奴隸獸皆知H 君的食量驚人，所以途經此店時再買些小食：1. 咖哩角（HK$10，3件）：咖哩薯蓉餡料，香料味道不及印度咖哩角，差得遠。2. 咖哩魚柳（HK$10，4件）：咖哩香料亦蓋不了魚柳的腥味，肉質不夠結實，味道強差人意。3. 牛肉卷餅（HK$10，3件）：牛肉、洋蔥及印度香料味道濃郁，奴隸獸與H 君皆極為欣賞，覺得買多D 就好啦！

味道好夾, 塊皮好好食, 只係10蚊塊, 兩個女仔share岩岩好!(阿姐仲同我地切開兩塊)

成日行過都有興趣想食, 前幾日終於去左食喇!兩個人叫左兩個set. 咖哩羊肉&咖哩雞肉+ 香蕉味&芝士味薄餅(要補錢). 兩碟咖哩個汁底應該係一樣, 都ok; 羊肉入味, 雞肉煮得o岩o岩好. 香蕉味薄餅比芝士味做得出色, 同咖哩出乎意料地夾. 再加多兩杯飲品, 普普通通.舖頭既人(印度??)雖然聽得明廣東話但始終有d雞同鴨講既感覺, 但都ok nice. 仲有menu舊左d, 改價錢都只係搵雙頭筆刪左就算. 舖頭只係得五張"木台", 窄左少少.

店內傳出印度音樂，及陣陣的咖哩香味，有多款印度小食，但主人與奴隸獸只是買了：印度咖哩角（$10）：咖哩角外層有小茴香，又香又鬆脆，料是薯仔及青豆，咖哩香味濃郁，有少少辣，味道好得出人意表。下次一定要再試其它小食。

成日返工都經過呢間舖頭, 每次行過都聞到d咖哩角好香, 尋日決定試下個香蕉薄餅!對於我呢位香蕉fans, 見佢即叫即整已經好開心, 跟住見到佢將成條香蕉切落個薄餅裡面, 嘩!! 太好喇, 一定唔係偷工減料.煎完之後佢就放左落袋比我, 好燙手~因為太熱ge關係, 所以返左公司先開餐之前我試過bbq燴香蕉, 的確係熱, 而且d香蕉仲溶溶地, 不過就唔算太好食. 返到公司, 一打開個袋, 未食已經聞到好香香蕉味!! 一咬落去, 真係不得了, 比bbq d香蕉好味得多! 可能因為煎過, 所以d薄餅同d蕉溶左一齊, 而且又足料, 每一啖都有香蕉!下次我會試下芝士薄餅, 我相信會更加好味~

本身我好鍾意好濃烈0既香料味, 所以對不同國家的咖哩有偏好. 無端端行過發現呢間充滿「喬寶寶」0既舖頭仔, 就覺得「正宗」, 原來佢的價錢好competitive 喎~, 咁平, 一塊原未薄餅都係$5, 牛肉的都係$10, 買咗塊返屋企食下. 好味喎~裡面有牛肉碎, 薯蓉, 馬豆同我諗係咖哩粉~ 雖然係多油, 但係都唔係成日食, 所以ok的．　如果addicted to重慶大廈咖哩店的薄餅，呢到可以止口痕～

one day, i'm in Shum Shu Po, i saw this indian fast food, $ 10 for 1 pcs Roti, price was very cheap, i buy 1 plain and 1 egg roti, the taste very same the singapore style, they made the tradtional feel same as bring me back to singapore.

晚飯前，想食小小東西，所以再來這裡買薄餅吃﹗今次試試牛肉薄餅，$10一件好抵食﹗唔需要番熱，就已經熱辣辣，應該是剛剛做好，牛肉有少少咖喱味，份量亦唔算少，差不多每口薄餅，都有牛肉﹗食慣清淡的我，當然會覺得件薄餅好油，不過偶然食一次，都無所謂﹗

下午路經過該店, 被他們的印度歌聲吸引停下觀看店子門口的食物, 包括有咖哩角, 薄餅, 雞翼, 雞腿, 等等。剛好肚子又叫, 又倦, 又熱, 見有坐面在內, 儘管入內稍稍休息及吃點東西。環境: 坐位簡樸, 冷氣足夠, 沒有一股印度味。食物: 1)羊肉薄餅$15, 少少辣, 少少香料, 味覺好想尋找香味的來源, 好味。2)炸雞翼(2隻)$10, 皮脆, 肉滑帶汁, 正。3)可樂$5。下次試下:咖哩羊肉及榴槤薄餅