喀什米爾咖喱屋

營業中

休息中

這家餐廳是筆者經常幫襯的餐廳之一 , 食物既好味又便宜 , 除了裝修比較平實和座位逼狹之外 , 其他都沒什麼好挑剔 ~Menu ~Aloo Chana 咖哩薯仔鷄心豆 $50 : 此乃一家常菜 , 在印度、尼泊爾、巴基斯坦 ,家家戶戶都會煮來吃 , 但要煮得好吃也是頗需技巧的 .... 這家餐廳的廚師就煮得十分不錯 , 薯仔和雞心豆都煮得入味 , 且煮得剛剛好 , 粒粒見型 , 不會過腍也不會太實 ; 咖哩稀傑度煮得適中 , 味道香濃且辣而不燥 , 配飯或配烤餅都一流 ~本篇完 ~

店舖門口係廚房，用餐區在廚房後面，用餐區面積不大，只能夠坐到十幾人，當日中午十二點幾去到只有兩個人食梗飲，餐枱上的餐牌殘舊，當日天氣炎熱，冷氣唔夠，坐位亦都坐到唔舒服。店員識得少量廣東話，我點咗印度雜菜炒飯，偏油，幾乎沒有香料味，不過夠辣。可能因為客人不多，所以點菜後好快上菜。食到一半想飲水，但係店員話飲用水需要$7枝，因為唔飲唔得所以焗住要俾。應該唔會再有下次光顧，因為接受唔到最基本的飲用水都要收錢。

在深水埗共有兩家喀什米爾咖哩屋，一家近地鐵站，另一家在政府合署對面(嘉頓方向)，兩家的味道都好，不過我個人比較喜歡政府合署對面那家，因為人少D易D搵位。由印巴籍人士主理，味道像是比較正宗。在眾多食物中，我特別喜愛他的咖哩角、薄餅及芝士菠菜蓉。其實我好怕食咖哩角，因為在外邊食十居其九都不是熱的，所以味道一定差，但上次由於友人想食，唯有點了，點知竟然是熱的，掂晒，塊皮唔算太厚，裡面d薯仔都好味，推介！佢兩種薄餅(Naan同手抓餅)都好食，我自己會選原味。至於芝士菠菜蓉一向是我的最愛，用來點Naan真心好食，不過比起其他餐廳，在這裡食其性價比較高。

當我經過該處附近長沙灣, 好想食咖哩幾時入去幫襯, 第一啖好似香不過發覺其實家呢唔係好新鮮有一浸雪櫃嘅味道,整體感覺不錯但係懷疑可能 放咗喺雪櫃都有幾日, 咖哩感覺係最緊要食完之後好口渴於是去其他地方買嘢飲, 下次我諗我唔會再去幫襯

路邊攤咖哩屋， 見到寫住印度咖哩角，好抵食， 好耐都冇食過薯仔角，但見到牛肉角, 就試下。印度姨姨遞上時，估唔到拿上手是熱的，同好大隻，兩隻已經一大袋,見咁有誠意即刻影番幅相推介下。食落又係驚喜，碎牛肉滿滿的塞到咖喱角脹卜卜， 絕對唔係空氣角，邊食係會有滿足感的。 在印度食野好平，呢個感覺來到香港。可惜其他咖喱不算特別平，諗去重慶咖哩，似印度地道，唔會專過來食。但如果經過好值得試。食完記得飲涼茶，因為好易喉嚨痛

朋友上週回港，不知何故， 每次都嚷著要吃咖哩，真的懷疑他上輩子是否印巴人?! 雖然他不常在港住， 但他總熟悉全港各區的咖哩店， 今次也不例外， 由他發辦要吃這一家!一般南亞咖哩店只提供雞、羊及魚的選擇，今次出乎意料，餐牌上竟然有咖哩牛， 了解之下，原來老闆是回教徒。我們叫了二客咖哩套餐，分别牛腩和羊肉。 看上面兩圖，大家一定分不清楚那個是哪個，這個只有老闆...或吃第一口時才知道！套餐可配白飯或油酥餅，對於經常吃飯的我們，當然選油酥餅啦！多謝朋友的好介紹，今餐非常滿意！

本身幾喜歡吃印度菜過去8年曾踏足3次印度 有時人在香港 也會回味正宗印度咖哩的味道某天晚上經過這間小店看到2個印度人在店外 問我吃什麼我就點了2個 牛肉咖哩角 價錢為$14外皮好脆 而且好薄身裏面的餡料非常充足牛肉和薯仔的比例是一半一半薯仔煮得非常軟身咖哩有一點點微辣食落好香口而且食兩個就好飽絕比食空氣面包強吧

同男朋友去深水埗買電視，行過餐廳見到門口有小食賣，於是口痕試吓。門口嘅印度人識講純正嘅廣東話，問佢有咩推介就介紹咗薯仔咖哩角，$14兩件。啱啱新鮮炸好，熱辣辣，咬落去外皮好酥脆，餡料好重香料味，而且薯仔係一粒粒，有咬口，我哋仲配埋另外叫嘅咖喱雞汁一齊食，果然香料同咖喱味好夾，點左咖喱更加好食一件份量好大舊(差唔多半個手掌)$14有2件好抵食另外仲叫咗咖喱雞配薄餅$55一打開蓋俾層油嚇親，於是男朋友即刻撈埋啲雞(感覺食左冇咁有罪惡感)，啲雞煮到好軟身，肉質幾嫩滑。主角咖哩食得出係有好多香料煮成，而唔係普通溝咖哩醬開出黎，月桂葉味好香，而且食落帶點辣，好過癮，食到頭皮有少少發麻但略嫌薄餅有點油，食落有點膩，如果做到好似手抓餅嘅效果就好了。

行過幾次已經想試下呢間咖哩店，佢門口有店員係度整薄餅好似好正宗咁樣，今日出開黎深水埗即刻約朋友黎食下先。Aloo Chana（$50）自己叫了咖哩薯仔大豆，用一個碗仔盛裝，份量不算很多，但足夠送兩塊餅的啦。咖哩幾香，但意外地完全不辣的。薯仔切粒，size同大豆相約，每一口都是豆跟薯仔，口感不錯。Plain Paratha隨咖哩附送的原味薄餅，有兩大塊幾抵食喎。烤得香軟煙韌，點咖哩食真係好正，好鍾意呢種口感。Lamb Masala（$75）朋友點了馬薩拉咖哩羊肉，也是不辣的呢。羊有四件左右，但骨為多，只是舐舐味道而已。呢款咖哩香料更多，味道複雜偏酸，但個人喜歡樓上個款多點。Lachcha Paratha（+$5）朋友加錢轉了油酥餅，入口鬆軟多了一份鹹香，但加錢轉得番一塊，感覺唔抵呀。Banana Paratha（$20）之後就係甜品時間，點了香蕉薄餅，因餐牌上有兩款香蕉薄餅，問一問店員有咩分別，店員話打錯字無分別的，即場笑左。香蕉甜美，薄餅包著好幾片香蕉，甜度適中，簡單又好味的甜品。門口有整好的不同口味薄餅，炸雞脾，漢堡包同其他小食，不少人買外賣呢。廚師全是印度人，只有店員會說廣東話，感

今日一條友on居居行深水埗，經過欽州街俾我發現新大陸，原來黃金電腦中心附近有間真正印度人開既咖哩餐廳。間餐廳門口係有個印度人煎薄餅，抬頭望一望佢地掛到頭頂咁高既餐牌，發現五六十蚊一個咖哩連飯/薄餅，當時感覺好似貴左少少，但心諗，反正自己今日對食午餐都咁有要求，把心一橫就洗多比平時二三十蚊去試一試真正印度人親手整既咖哩。間舖唔大，得果十幾個位，待應加埋廚房都係兩個人🤣🤣不過可能因為過左食飯時間，所以我可以好隨意咁行入去搵個卡位坐。餐牌上主要食物除左黃咖哩同埋菠菜咖哩，仲有燒春雞，咖哩角同埋牛肉卷餅等等，我因為今日口淡淡，所以揀左個咖哩羊再加一杯印度凍奶茶。 亦都可能因為過左食飯時間，制作過程非常之快速，我攞起手機㩒左兩分鐘message就有得食，對於一個餓到好似非洲兒童既我實在完全係差唔多喜極而泣。個咖哩羊賣相還可以，只可惜份量少左d，只有屋企食飯碗咁既份量。同埋我係鐘意食羊so味既食家，不過呢個羊一d都唔so，唉，冇so味既羊真係大打折扣呀！ 不過好彩個薄餅都夠熱同香口，加返少少分啦。個奶茶就一般般，同我屋企自己用Lipton 沖既奶茶冇太大分別，如果要我讚就可能唯有讚佢冰夠凍囉！🤣🤣

An easy walk from Sham Shui Po MTR. If you are looking for decoration and ambience, go elsewhere. If you want a rich curry with freshly made, hot bread on the side, then you are in the right place. Serving sizes are generous and the prices are fair. It's not easy to find Indian food with the right masala but you will find it here. Plenty of options for vegetarians and meat eaters alike.

今日倍媽媽去深水埗買野，去到深水埗當然要去埋印度餐廳買芒果啦。呢間餐廳嘅芒果係我舊同事介紹的。原來好出名的，上過報紙我上次來買係七八月時嘅巴基斯坦芒果，仲見到有人揸車黎一箱箱咁買我放入袋時聞一聞勁香芒果味食落好甜好清香，絕不是有D芒果得尾個甜字，所以先記得今次黎要入貨今日黎到就是買了六個以下的印度芒果好掂! 一樣好香切出來係深橙黃色, 未食已經覺得甜當然食落係超超甜啦值得一試! 總結: 芒果係必買的，其實佢仲有芒果汁賣的，但本人就喜歡成個食搵日入去試下印度菜睇下正唔正先

喀什米爾, 位於黃金正對面, 位置好, 但地方細, 所以成日坐滿人呢度係幾位印巴人仕搞既, 門口就見到印度薄餅同果汁裏面只有五, 六張枱, 地方幾窄下因為我自己鐘意食咖哩, 以前食過幾次, 印象中佢地做既咖哩唔錯既今晚再去返尋味, 叫左咖喱羊肉, 點知出左意外咖哩: 自家製印度紅咖喱, 食得出有咖喱香料, 以前食過正常狀態係微辣中帶少少甜但唔知點解今晚食既有苦澀味, 而且唔係帶甜而係帶酸羊肉: 完全無羊羶味, 根本只係一舊肉, 份量上都差D飯: 好大碗, 其實呢, 正路係應該食薄餅既, 佢地D薄餅做得唔錯架, 只係我唔食飯會好快餓芒果汁: 十蚊樽裝, 抵飲, 行入去OK買樽水都七蚊, 八蚊, 快餐店飲杯檸茶都十幾廿蚊, 十蚊果汁仲唔抵?咖哩羊肉, 包飯or薄餅兩塊, $58芒果汁一樽$10

忍唔住要寫食評。之前有食開唔差，今日同老公經過深水埗就諗住食佢。入去餐牌唔同左。叫左個咖哩拼餅同一個鷄卷。再叫左一支芒果汁同一杯lassi.(類似乳酪飲品）食物黎到。味道同之前比，明顯唔同左廚房。都算。支裝芒果汁，無伏可言當杯lassi上枱，老公一飲同平時其他印度餐廳既唔同味。再聞一聞，益左。可能天氣熱。同個店員講，佢話無問題。再同個廚房講（應是老細）都堅持話無問題。當然我地無再飲佢杯變左既野。再叫左罐汽水飲。到埋單時，竟然仲好意思收我杯益左既lassi錢。之後仲同我地解釋話要收番錢。$15蚊我豪俾你，但真係未見過咁厚面皮同咁既服務態度餐廳。簡直垃圾

印度野真係好少食，難得P大人咁有雅興，好!!我請你食咖哩 其實呢間野開左都好耐，每次經過都比門口擺放既芒果汁吸引目光，芒果汁有買過，挺好喝的，但還是一直未有走進去吃一餐。今日經過P大人見到門口餐牌有個綠色既咖哩，佢即刻好想食咁既樣，於是就走進去了。我地要左一個咖哩羊配炒飯、菠菜咖哩牛配薄餅、芒果汁、印度奶茶。菠菜咖哩牛 - 真係好綠呀!!食落唔辣，牛腩同薄餅都好好食。咖哩羊 - 比較辣，羊有d韌，炒飯太乾身，麻麻地。印度奶茶 - 估唔到幾岩我口味，好飲!芒果汁 - ok架都。總括，食物質素中等，一試無妨。