唯珍上海麵家 (已結業)

近來諸事不順，心情處於谷底。晚上九時多，伶仃的坐著巴士回家，看到rxxdshow 的李x恩說著上海小吃，便又回想這至小便經常光顧的小店。一麵雪菜肉絲粗加腩汁，一杯凍豆漿，喝上一口腩汁，已是一種溫暖、一種感動。那四眼嬸嬸仍在說著那重上海口音的廣東話、那半禿阿叔仍是一臉憤怒、那棄下的筷子袋仍是這樣隨風飛揚，但就是這種熟悉的風味，已不再是隨手可即的堅持。本想多點一客平生吃過最美味的荳沙窩餅，也算了，反正下次再來，他們仍會為我勤懇的即叫即煎...

今朝早上完堂就黎食, 大約11:30am, 唸住叫d煎野食, 但因為未開爐,要等到12pm先有得食, 行左陣再返到去, 2個人叫住個水餃麵等住先~到12點度, 我呀姐舍到我要煎野就問我要d咩,今之叫左上次冇叫到既蔥油餅, 我覺得都好好味,但就比較厚d, 個人愛唯一o個野脆卜卜既多d.而北京餡餅同豆沙窩餅都係即叫即煎, 好好味~

醬炸麵($18): 個人不太喜歡, 但$18有好大碗北京餡餅($6): 係9菜豬肉餡, 本身唔食9菜既人都覺得好好味.豆沙餅($6): 呢個最好味, 一d都唔油, 又脆, d豆沙餡又唔會過甜, 正!!煎餃($10/4): 有9菜豬肉同白菜豬肉選擇, 我要左後者, 係即叫即煎架, 熱勒勒, 但好油!!2個人都係食左$40, 好抵食!

路經此店,買左件蔥油餅$6, 大大塊,十分多芝麻,頗香口,而且煎得夠乾身,正!

尋晚食完和味生滾粥,行過黎呢上海麵,2 個人叫左炸醬麵$18,煎餃子$10/4隻,無錫骨汁津白$10,豆漿$6炸醬麵---炸醬甜中帶點辣,細細粒排骨系底,連埋青瓜絲一齊食,都幾開胃!而麵條系一般上海麵.煎餃子---皮薄且脆,韭菜豬肉餡十分新鮮,不俗!無錫骨汁津白---份量算多,味道則一般啦,無錫骨汁有點似薑醋汁.豆漿---過甜,吾多掂!老闆相當親切有笑容,衛生環境就麻麻,有吾少蚊滋飛來飛去.埋單$44十分抵食.

我本身都好喜歡吃上海麵,睇食評呢間都幾好,趁假期去試下,叫了:煎餃子- 好味,有肉汁,皮口感幾好抄年糕- 我本身唔鍾意食年糕,係我老公仔叫,不過我試過都係唔鍾意食,但配菜抄得好好味,夠獲氣,所以我吃晒D配菜無錫骨麵- 係幼麵,都幾好,不過唔會好似麵軒咁好味,D無錫骨,第一口咬,嘩,好實,再吃可能有番D肥肉,所以好D,個汁我愛人話甜左D,不過我仔仔好喜歡,我覺得OK啦豆沙餅- 好味,它的做法不是炸,是煎,這個我只在大陸見過,個皮好酥,豆沙甜度剛好,在門口有個人負責煎,最後走時見仲有煎蔥油餅,都忍唔住買左邊行邊吃,不過可能煎定,雖然佢番煎左一陣,不過D蔥淋晒,同幾多油下,但好多蔥, 可以一試

上課前和朋友來一個小點補充一下, 簡單的點了餡餅和煎餃子; 餡餅和已往相差不遠, 餡料多而香口; 煎餃子一共四個, 外皮香脆略為偏向多油一點, 韮菜豬肉十分可口.

呢間店好細,冇裝修,坐位亦唔舒服,不過...D o野就好好食,而且經濟實惠酸辣麵-好掂!食到我o華一聲叫出o黎,酸辣味濃淡適中,材料新鮮!!雪菜肉絲麵-好味!淸而不淡.肉絲鮮甜不過我老公就嫌牛腩太"un",炸醬麵太咸,我諗各花入各眼啦.

之前聽MM介紹過, 星期日剛好要去上海街買野, 就揀左呢度食晏.同lazy媽兩個人叫左韮菜豬肉餡餅: 皮唔厚唔un又唔算油, 相對餡料的分量亦多, 兩個人分最好無錫骨上海粗麵: 粗麵有咬口, 唔會淥得太腍, 無錫骨酸甜剛好, 肉亦唔韌, "送"麵食好掂!炒年糕: 等得耐左少少, 証明應該係即叫即炒, 份量幾大, 當中的椰菜芽菜之類的亦唔少, 年糕又係煙煙韌韌, 不經不覺又清埋.豆沙窩餅: 原本無唸住叫, 聽到隔離檯的女士叫的時候, 我同lazy媽講左句"係喎, 仲有豆沙窩餅喎", 點知個亞姐非常好耳, 即刻問我"係咪要呀??", 既然係咁又要一件試試啦(其實都驚食唔晒). 賣相同平時的唔同, 就似係兩塊薄餅(唔似平時的粘米/糯米)夾住一層薄薄的豆沙去煎, 豆沙唔太甜, 份量亦多, 0岩我口味, 個人食左四份三.....期間有位應該係負責御膳廚房的尚宮娘娘走左出來問我地d無錫骨好唔好食, 我地話好味兼肉質夠鬆化, 佢即刻好開心咁講"緊係啦", 之後其他尚宮娘娘都走埋來講埋一份.... 哈哈, 食到抱住個肚走埋單都係六十大洋. 下次要再試水餃/雲吞/豬扒/牛腩.....

上星期黎食,叫左水餃$10-15--幾好,蔥油餅$5---大塊兼香脆,因是即叫即做的,豆漿$5-- 有豆香而冇渣!老闆同阿姐都好nice!值得推介!

睇到呢度既食評見到都幾多人讚呢間野，咪走去試下。間舖唔算多人，d裝修都係幾普通(可以話冇)。試左北京水餃同酸辣雲吞，d水餃同雲吞都幾大隻，d上海粗麵都幾多。酸辣湯辣度剛好，酸酸地幾開胃。大大碗麵都係$16(北京水餃)同$22(酸辣雲吞)，都算抵食。食緊麵個陣都有好多人入黎問有冇北京餡餅同雲吞，下次可以試下佢d餡餅先!

北京炸醬麵﹕湯分開上，令麵不會過淋。醬，味道濃郁，但略咸。菜肉雲吞﹕絕對新鮮。豆漿﹕應不是自家製，因聽到店員向供應商落貨。

誠如其他食客所講﹐呢道既水餃正宗又好食﹐價錢平﹐服務親切有如朋友屋企一樣。剛剛只幫襯過水餃麵及豆漿﹐下次一定會試埋其他美食﹗

我本身好鍾意食上海雲吞水餃麵,個度d雲吞水餃是即叫即包,好正架,上個月尾我叫咗一打生雲吞for打邊爐,個伙記還是老闆娘即該話:你等下啦,我而家包俾你,個次佢俾咗15隻我,但照收1打價錢,哈!!仲有豆沙鍋餅,又係即叫即造,好正..仲有葱油餅,北京餡餅,我有時都會買以上的食物做晚飯加料,全屋企人都話好正...啊仲有個唔記得咗好似叫牛腩撈飯,我老公最鍾意食.個度放工時候都幾多人叫小食外買,雖然個度地方好細,但都唔僅要,好食又抵細咪得(如果要求唔高又想食抵食既嘢)

星期一食晏同同事去，食左碗水餃面，認真唔錯，d 面都好好食，而且都幾抵，碗面都係十六大元咋！另外仲食左個煎餅，唔記得左叫咩名，只記得賣六蚊個，都幾好味~