唐源

營業中

休息中

大埔新開小店 ❤️ 無諗過會喺街市入面 飲咖啡，食蛋糕 🍰 ☕️仲要 食物, 服務同環境都好正 ! ( 講緊內在環境😎  ) 我地11:00am左右黎到.. 仲趕得切試佢地嘅早餐menu... 但其實飽到我地夜晚先肚餓 LOL🥓The Big Breakfast w/ British Bacon $108薯粒, 大啡菇, 蛋, 車厘茄, 茄汁豆, 火箭菜, 牛角包, 煙肉全部野都 唔太油😳 連煙肉都係 ! 健康d薯粒 炒得好香, 大啡菇 邊位微脆架 好出色牛角包 多層又酥脆🥕Carrot Cake $48 ( 第一次試呢樣野😳  以前成日比蘿蔔呢兩隻字 嚇窒左.. )因為混合左 紅蘿蔔 而有天然甜味又因為 加入左果仁合桃碎入去 蛋糕扎實有口感面頭嘅icing 有好多果仁, 果乾令呢件蛋糕 更完美 😍  好鐘意 呢件唔係死甜嘅蛋糕啊 !!🥚Egg Benedict $88水波蛋 煮嘅時間 耐左少少 … 所以無流心🙈但無損味道 ~ 勁多煙火腿同炒菠菜 !味道同口感 都不錯～不過覺得荷蘭醬嘅味道 可以再重D !!拌碟有大量沙律菜可以食 !!🥐朱古力榛子牛角包 $18媽媽好欣賞呢個 ! 牛角包中心

小小店家，裝潢新穎整潔舒適，又有着活人氣息難得是社區又多了個小店，有美味咖啡，讓人閒蹓稍息，整理情緒。Piccolo熱短笛濃郁的Lavazza Espresso咖啡底，帶着微酸的花果香，滑過細膩的奶泡，飲後在口腔中留下回甘的口感 Ça sent bon le café !

下午茶時間本來諗住飲杯咖啡傾吓計，落單嘅時候侍應姐姐提我地其實可以嗌tea set，原來就係一件cake加一杯指定咖啡，我哋三個人佢又咁岩有三款cake，於是就決定嗌tea set。三件蛋糕分別係海鹽焦糖芝士蛋糕、蘿蔔蛋糕同埋朱古力榛子蛋糕。原本諗住飲flat white同埋piccolo latte，可惜tea set唔包呢兩款咖啡，唯有飲cappuccino 同埋就咁latte啦。作為一間coffee shop，佢嘅咖啡係好飲嘅，cappuccino 同埋latte都唔錯。至於三款蛋糕之中，以朱古力榛子蛋糕最好食，朱古力同埋榛子嘅味好出好香。海鹽焦糖芝士蛋糕只屬於一半，正正常常，配cappuccino真係唔曾嘅，至於carrot cake賣相佢最靚可惜未到最差，蛋糕質地太乾，冇乜香味。

呢間Cafe開咗係大元邨街市入面，裝修得好乾淨舒服，入面環境都算舒適都幾大，當日下午茶同娘娘係入面嘆個tea💂🏼‍♀️《Mocha》$32 一嚟到俾佢嘅拉花驚艷到，拉得好靚，好有心機好得意唔捨得搞匀去，好香濃好香滑，香濃嘅咖啡味仲有淡淡的朱古力味，下午茶飲就最適合💂🏼‍♀️《Flat White》$32呢一杯嘅拉花就比較成熟，都一樣好靚，咖啡味好濃郁，因為用冇打泡嘅牛奶，所以口感會更加順滑！個人好鐘意，唔會太苦亦都唔會酸！配埋啲cake食就啱啱好💂🏼‍♀️《Chocolate Muffin》$18呢個係佢哋自家製嘅muffin，落order嗰陣仲可以叫佢幫你焗熱返，食落去唔會好甜，都唔會好膩中間仲要有流心朱古力，覺得好驚喜好好食😋會再encore!頒發軍階:上將🎖🎖🎖🎖

無諗過街市入面竟然新開咗間靚靚coffee shop，用嘅係LAVAZZA咖啡，幾高檔。第一次幫襯食早餐，叫咗一份淨牛角包，$48，另一份就係黑松露炒蛋牛角包，$68，早餐飲品可以叫drink menu上任何咖啡唔洗加錢，於是叫咗杯Flat White同Piccolo Latte。淨牛角包真係麻麻，唔夠熱又做唔到外脆內軟，呢樣野真係要加把勁再做好啲，不過個黑松露炒蛋牛角包又唔錯，牛角包入面勁多蛋，搞到個牛角包好豐滿，黑松露無乜汽油火水味，唔係cheap貨。兩杯咖啡就真係好飲，值回票價，難得嘅街市咖啡店，希望加油可以做得住啦。

今日有星期六，因為留咗喺屋企好耐，好想去大埔郊外地區唞唞氣。去完大埔踩單車之後，諗住去大元街街市買餸返屋企煮飯食。途經路過一間Cafe，裝修好靚好吸引，絕對可以稱為文青Cafe。我一向難諗食咩，就問店員有什麼推介。後來同店員傾傾吓之後，發現原來老闆真是臥虎藏龍，店舖的老闆之前喺多間五星的酒店做行政總廚。因為一場的疫症，被酒店裁員。所以老闆決定自己搞餐廳。店主用所有食材都是用酒店的食材來經營這間屋邨Cafe，佢對食物堅持用高質素的食材。例如牛角包🥐，都是從法國空運過來的。所以他坦白講這間餐廳都是薄利多銷。最後我亦都是飲咗他的咖啡。他的咖啡都是用意大利品牌，而這個品牌都是多間有名氣的酒店用的咖啡豆,所以絕對可以話，喺呢間餐廳食可以食到酒店的質素。