唐宮小聚 (新城市廣場三期)

營業中

休息中

三人行，食晚膳，唐宮小聚是不錯的選擇！我們叫咗椰皇燉雞湯，整個椰皇賣相當不俗！湯色清徹足料又有雞又有豬肉味道豐富非常鮮味，燉湯非常熱，絶對令人回味無窮。肥牛义燒也是牛魔王的必選！一口牛，啖啖肉，非常好味！真想立即叫碗白飯，不過白飯要$19一碗絶不平宜呀！大家最欣賞白玉王鴿，size 適中，不用准鹽,餐廳提供手套方便客人用手進食，非常窩心！王鴿令人回味無窮！糟滷醉🦐買相非常討好亦非常新鮮。蟹粥非常鮮味一絲絲的蟹肉感覺廚師們的用心，非常好味😋重有叫咗開蔥拌麵、煎辣小籠（3件）有好多花辣呀好味！少少麻辣但容易入口！最後一道甜品好搞笑叫十三么麻雀，其實是椰汁布甸，好多雀友好想食，整體非常好味😋不過分量較少適合享受晚膳人士。

叫咗個拼盤覺得好睇唔好食呀；冇乜味道最好食係黑色個粒餃。唔係打卡嘅都唔需要特別叫。3/5分乳鴿非常推薦你食呀！皮香肉嫩 就係咁解啦我相信！ 好食到啜埋佢個頭！ 4.8/5分抄手呢；都幾辣下； 唔算特別出色。 3.5/5分冬陰功刀削麵；千祈唔好食。 個麵好淋身；冇嚼口； 湯底完全唔夾～ 2/5分「山竹灌湯包」：唔記得佢餐牌說叫咩名； 其他餐枱都有呢一籠點心；好似鹹水角包住入面係蝦莢禁 幾特別 都推薦大家食 4.6/5分

想食唐宮小聚好耐 , 不過成日出到九龍都冇機會食 , 終於喺新界沙田開咗分店 ! 今日就嚟試下 !週日晚上訂咗位 , 可以直接入左座 , 疫程期間都幾多人喎 , 望完餐牌有 d 失望 🤨 , 因為選擇較少 , 我哋一行 6 人叫咗以下嘢食 :餐牌 :腐乳花蜆 ($99)你冇睇錯 😒 一上菜真係咁嘅樣 , 一啲擺盤都冇 🙄 , d 蜆肉炒到甩曬出黎 , 不過腐乳醬汁味道的確唔錯 , 同蜆肉幾夾 , 用黎送飯應該好好食 !白玉王鴿 ($38)聽過好多食過嘅朋友大讚佢嘅乳鴿 , 唔係好鍾意食乳鴿嘅我都試一試啦 !!果然好食 🤤🤤 熱辣辣 , 皮超脆超薄 !! 而且非常入味 !! 又唔貴 , 無野可以挑剔 , 性價比高 , 真心推介 😍😍 !! 炒蝦腸粉 ($79)冇乜特別 , 腸粉炒得幾好 , 不過蝦同腸粉呢 2 種食材無咩火花 , $79 偏貴少少冰鎮咕嚕 ($99) 將咕嚕肉直接放喺冰上面 , 個人覺得唔係好衛生 😧 咕嚕肉炸皮超薄超脆 😋 甜酸度亦都啱啱好 , 推介 ! 沙薑豬手 ($69) 唔錯唔錯紅油抄手 ($59)有 8 粒 , 不過好細粒 😕😕 , 皮多過肉 , 口感一般  同

⭕️全部職員戴口罩⭕️四處有酒精搓手液⭕️座位距離一半半，一部分是近距離所有是訂位先入座，有意來食就早做準備11點半開門不用叫飛入座三小碟和白肉乳鴿凍豬手，爽脆！秋葵，新鮮，膠質豐富！芥辣雲耳，不錯惹味！但芥辣不勻，有時辣到流眼水白肉乳鴿是必食之選。 肉鬆抓餅一客2件飽肚之選冰鎮咕嚕肉可以不試！冰鎮沒有令外表鬆脆金莎苦瓜苦瓜，有金有苦！大碟香口，味道一流！粉墨登場墨魚汁炒飯不過不失！整體ok! 常來之店！

今個新年淨係出去食過一次飯，諗返都驚驚地⚠️食物：▪️新年撈起 $119係新加坡嘅特色菜，撈起撈起，風生水起，愈撈愈旺！店員擺低兩個紅包，仲提我哋可以影咗相先😂 跟住展開先知原來係材料包▫️白肉肉鴿 $38超香呀，其實一人半隻唔係好夠喉😛▪️檸檬烏頭 $179酸酸甜甜，條烏頭蒸得啱啱好，魚肉好林好滑！▫️椰王燉雞 $69原個迷你椰青上，好足料，仲有唔少湯渣▪️西蘭花苗 $79呢個就稍為普通左少少，雖然香但有少少苦澀味▫️秋葵淮山 $79補腎開胃，超健康嘅一道菜～我自己幾鍾意食秋葵，鍾意嗰種口感不過就唔係個個都食得落▪️荷花蒸飯 $99睇落以為細細兜，其實打開份量都唔少，糯米恰到好處，食完一碗都唔會覺得好「流」▫️每日一燉 $59⚠️環境：雖然係小菜，但係格局有啲似日本風環境舒適，安排左係最入邊嘅卡位⚠️價錢：人均$170

第一次來唐宮小聚，皆因朋友説食物十分精緻，特意來打個卡。.五個人吃飯埋單約八百，個人覺得價錢非常合理。食物擺盤果然精緻，女生們絕對不能錯過非常可愛的「得意小豬」.另外味道方面也非常令人滿意，鴨舌、荷葉飯、乳鴿、蝦餃也很不錯，值得來第二次！而最「豪華」的鮑魚撻則令人有少許失望，個人覺得味道有點奇怪，可能較適合喜歡吃黑松露的人。.唯一要改善是員工不夠主動收回已吃完的碗碟。另外，不知道是否因為不夠人手，即使想點餐也要等一段時間才有人下單。

因為有同事將要移民袋鼠國🇦🇺，所以選擇一間新派餐廳聚餐！門面以為好細，但其實內有乾坤，很大地方😲，而且比我想像中多人（差唔多85%入坐率），在疫情下，我完全沒有想到！由於樣樣都想試吓，所以order了很多不同款式的點心、食物！細細碟，而碟碟也很精緻，每人淺嚐剛剛好！同事極力推薦食乳鴿，所以趁新鮮熱辣辣時立即食，真的特別好味！我比較喜歡焗鮑魚酥、荷花蒸飯、 炒蝦腸粉及黑方豆腐！餐廳很細心，每人提供一對即用手套、一包濕紙巾、一個信封✉️放口罩😷用！最美中不足的是沒有提供熱飲😅

近期星期日難得要等位嘅地方等咗差唔多半個鐘頭終於入到去一入到去環境都好光猛好乾淨我哋兩個大人一個小朋友坐低嘅時候我個小朋友話有烏蠅同有螞蟻我當堂嚇一跳 原來係佢個碗嘅裝飾🤣都幾有特色香港嘅社會一定係畀小朋友先所以餐牌由佢睇 佢一點餐就話要食隻豬仔好可惜豬仔賣曬 我叫咗碟洪仔畀佢食未到係點我就唔清楚因為畀佢食晒不過賣相都幾特別 啱曬小朋友先講返啲大人嘅食物白玉鴿 味道好好味賣相都唔差 尺寸亦都剛剛好跟住叫咗個肥牛叉燒佢哋用整叉燒嘅方法嚟整牛肉味道好特別 都幾有新意 可以畀高分跟住叫咗幾樣 水準就一般般椰皇燉雞味道似一般嘅燉湯冇乜特別跟住叫咗一個叫做知足常樂其實就係海鮮蟹粥賣相好普通 我以為內有乾坤點知淨係食到鹹味好鹹再來一個擔擔麵好重麻辣味 但係麵底一般再來一個荷花蒸飯飯粒好硬好似未煮熟咁味道都係一般最後叫咗個陳皮燉雪梨陳皮味好香不過太甜整體來說全間餐廳菜式設計好好裝修亦都好好不過味道 就一般價錢亦都唔算抵食

剛行過沙田新城市廣場，看見新開了一間食肆，原來係唐宮小聚，在深圳也食過，食物質素幾好，今次試下香港分店如何。食物質素和賣相還可以，服務態度一般，價錢偏高，比較失望！深圳海岸城分店，服務與食物比這裡高質好多！

食品味道不錯。但要小心，我是預備用優惠券的。但一到下午茶時間便將所有食物自動轉做下午茶價。 即使你只是不知情下食了一件下午茶食品，也不能用優惠券，變成了大失預算。

不嬲都勁鐘意食點心既我最緊去左沙田新開既✨唐宮小聚✨食野裝修勁令坐得又舒服服務都好好佢除左有點心食仲有小菜嫁啲點心都比較新式好食得黎外形又好得意好岩相機食先🤣🤣下面就講下我叫既野食啦流心燒賣-入面有粒流心鵪鶉蛋，有啲似鵪鶉蛋燒賣，但依個蛋🥚會滑啲小小熊仔-小朋友見到一定勁鐘意，入面仲要係流心朱古力非常山竹-個皮少少脆，有啲似咸水角，但依個個餡料好食好多，有香香既龍蝦🦞仔焗鮑魚酥-上咸下甜，好特別，鮑魚唔難咬，酥餅都好香，我自己比較鐘意分開食🙈椰皇燉雞-勁好飲既湯，雞味夠之餘椰皇味好香白玉王鴿-好香，但我覺得太過油醬汁鴨舌-超級嘢味，鐘意麻辣要食，少少麻辣，會食唔停🤤凰梨咕嚕-好食，咕嚕肉外皮係脆嫁，甜甜酸酸勁開胃鮭魚燻蛋-煙燻味好重，鐘意食煙三文魚可以一試整體來講嘢食都好食😋我係會再Encore🤩地址: 沙田沙田正街18號新城市廣場第三期3樓A333號舖

一向覺得唐宮小聚好味🤤今次去新開嘅沙田店食～環境好靚、好大呀！😍店員服務態度良好👍🏻我至愛流心奶黃包🧡黑金流沙 $49 好好食！🤤流心燒賣 $49面頭加上黑松露，燒賣咬落多汁！肉質彈牙👍🏻椰皇燉雞 $69個湯好清甜😍火焰菠蘿 $119現場效果犀利！🔥入面原來係咖喱牛肉加菠蘿，辣辣哋，有好多牛肉！唔痴牙👌🏻送飯食一流～肥牛叉燒 $149好特別嘅叉燒，望落似牛扒！燒得好香，肉質軟腍，不過價錢貴咗啲🙈荷花蒸飯 $99 加咗鮮蝦、火鴨、雞丁同瑤柱，個飯係炒飯底，粒粒分明，但整體味道較淡～麻滑石斑 $199賣相吸引！🤤魚肉起咗，所以啖啖肉，冇骨👍🏻魚肉好滑呀，味道辣辣哋，好食！

今晚到沙田新開張的唐宮小聚晚膳，幸好我們早已訂座，晚上七時已經座無虛席。今次選擇這間餐廳的其中一個原因，就是品嚐餐廳的特色甜品 - 得意小豬，但可惜已售罄。我們點了白玉王鴿、脆蝦多士、黑金流沙、肉鬆抓餅、荷花蒸飯、開蔥拌麵、鳯梨咕嚕和冬陰公粉。白玉王鴿 ～ 乳鴿尚算大隻，外皮脆，而肉柔嫩，好食又低食脆蝦多士 ～ 香脆可口，配上黑松露，味道很好黑金流沙 ～ 賣相相當吸引，奶黃不會太甜，流沙包很軟嫩肉鬆抓餅 ～ 肉鬆和抓餅這樣的配搭很新鮮，味道相當吸引鳳梨咕嚕 ～ 咕嚕份量太少，味道一般

門口靚靚仔仔。帶埋🐽仔入去試下先Menu前後兩頁。選擇都多個碗近睇以為有ant 🤣🤣椰皇燉🐔～一打開蓋。飄來陣陣椰香。天氣乾燥。嗌1⃣️個黎飲唔少得。😝黃金流沙 X小小🐻仔～點心樣子Q Q的。呃like 一流。🥰🐻仔入面滿滿朱古力醬。朱古力控like爆😍一咬流沙湧出黎。足料+大🈵️足糟滷醉🦐～有6隻大大隻🦐。一咬入口。濃濃酒味滲透口腔。愛酒人仕絕對不能錯過。🤪🦐爽口彈牙。仲有蝦膏架。🤩冰鎮咕嚕～為食妹👧🏻大愛❤️。用🧊盛載著。外層趣卜卜。內層熱辣辣

沙田新城市廣場的一田新開張後，進駐了不少新的餐廳品牌，新潮的點心品牌唐宮小聚也插旗餐廳裝潢很華麗，餐牌上也很多有創意的點心，茶品只有一種選擇，在新潮的餐廳吃點心，感覺截然不同呢肥牛叉燒豬肉叉燒就吃得多，但牛肉呢？好特別的肥牛叉燒，看起來像叉燒又像牛排，外層焦焦的，裡面熟度大約七分熟本身有醃漬過再去燒，偏西方的味道，牛肉肉質嫩，厚切很有口感，好吃白玉王鴿鎮店招牌，價錢38一隻，蠻實惠的！點了兩隻夠四人吃，貼心提供塑膠手套給食客拿著啃乳鴿醃得很入味，顏色燒得很完美，油亮亮很吸引人，咬下去肉汁流出來，肉質很嫩很juicy皮也脆脆的，很推薦這道！黑金流沙黑金的流沙包現在很常見，不論是酒樓或是比較新潮的點心餐廳都有每間吃起來都差不多，流沙的部分濃郁，當甜點剛好流心燒賣燒賣大大粒，豬肉漿彈牙，燒賣皮乾身很貼合，外型漂亮沒想到裡面包著鵪鶉蛋，很有驚喜，不過不知為何叫流心？！煎辣小籠吃起來有花椒的香氣，一咬下去小籠包就爆出湯汁，整體很惹味椰皇燉雞慢火燉煮的雞湯，味道清淡，椰子香氣淡淡的，有幾塊熬到很老的雞肉在湯裡，不過不失冬陰功寬粉冬陰功湯底味道偏酸了一點，海鮮大大塊，有花枝、蝦子、蛤蠣、炸魚皮等等，