唐宮小聚 (新城市廣場三期)

香港人是否這樣忙嗎？跟一位朋友相約超過半年終於可以見面及食飯了！她比較細食，所以選了這間， 一進大門是中式感覺非常重裝修。問了店員特式菜便介紹了幾款。上菜是非常快的， 第一份是“冰鎮咕嚕肉” 一進口有少少酸酸甜甜的醬汁之後是嫩嫩的肉，感覺直衝至腦神經， 整個人醒起來了。第二道是一裝在小竹籃內的“青梨”。造型非常美及真實， 但咬下是軟綿綿而香的小甜包。非常特別是打卡必定主角。第三道是炸乳鴿， 熱辣辣黃金色的乳鴿一見已食慾滿滿了！一進口先是熱辣辣、甜醬味濃、之後是肉香及肉汁爆炸式的在口裏大混戰， 此刻與朋友只是沈醉在享受中。。。之後還有造型可愛小豬包作為朋友壽包。飽餐一頓後，這飯局可算是完美的結束了。…查看更多

今日又去咗沙田新城市廣場嘅唐宮小聚飲茶，真係好開心！每次嚟到，我一定要食乳鴿，因為佢炸得真係剛剛好，肉質唔會太乾，仲好夠肉汁，食完真係令人滿足。跟住就食咗和牛叉燒，呢個叉燒真係煮到剛剛好，食落去好嫩，完全唔會煮過龍，咬落去真係好香口。再加上必食嘅鳳眼餃，每一口都感受到餃皮嘅Q彈，蝦餡就鮮甜到不得了。係唐宮食飲茶，雜菌包一定要試，包入面嘅雜菌味道非常豐富，食完好有飽腹感。至於黑金流沙包，每次都係我嘅最愛，流沙仲有一啖啖嘅香甜，令人停唔到口。最後，黑松露蝦多士亦唔可以錯過，松露味道撲鼻，搭配蝦嘅鮮味，令我好滿足。總之，今日的飲茶體驗真係非常棒，下次一定仲會再返嚟！…查看更多

【沙田新城市廣場唐宮小聚食評】今次同朋友去沙田新城市廣場搵食，試咗間唐宮小聚，整體感覺相當唔錯！首先必讚佢哋嘅乳鴿，外皮烤到金黃酥脆，咬落去肉汁爆晒出嚟，肉質嫩滑又夠入味，完全唔會柴，真係食過返尋味！點心方面亦見心思，蝦餃嘅蝦肉爽彈飽滿，晶瑩剔透嘅外皮仲好有韌度；叉燒包就特別推介和牛叉燒版本，叉燒肥瘦均勻，帶點焦香之餘又有和牛嘅油香，鹹甜平衡啱啱好，夾埋軟綿綿嘅包身，簡直一流！店舖裝修走簡約路線，燈光柔和，座位間隔夠寬落，坐得舒服唔迫夾，好適合家庭或者朋友一齊嚟聚會傾計。服務態度都幾親切，加水換碟夠及時。唯一可能要留意嘅係週末可能要排陣隊，但呢度食物質素同環境都對得住等待時間。人均消費大概百幾二百蚊，性價比唔錯，下次會再帶屋企人過嚟試！…查看更多

一壺茶、新派點心、說說笑笑，這樣子可以讓一家人歡樂地享受一頓午餐，感恩🥰黑天鵝 $69酥皮的鵝身非常鬆脆與軟綿綿的餡料黑蒜帶子燒賣 $69淡淡的黑蒜味，沒有搶走帶子的鮮味黑金流沙 $59鬆軟的飽與輕甜的流沙，好味😋肉鬆抓餅 $59抓餅並不油膩，配上軟軟肉鬆，唔錯桂花凍糕 $39天氣炎熱，入口涼快的桂花糕，享受南瓜八寶飯 $59精緻但甜味太重，蓋過其他食材味道金蠔煲仔飯 $149兩隻金蠔不是主角，米飯才是主角脆蝦多士 89大蝦夠鮮味，多士非常脆非常山竹 $59外脆內軟，造型新穎翡翠石榴果 59菜苗作餡料的傳統餃…查看更多

點心類：👌🏼松露蝦餃：松露味充足，蝦肉爽彈。缺點係個外皮做得太軟腍腍，好黐立立好難夾，口感又冇彈性。🤔挪威煙熏三文魚脆 ：普普通通，就係正常味道嘅煙燻三文魚，上面加左少少Wasabi醬，下面放一個脆脆地嘅粢飯。冇乜特別，唔使特別嗌。🤔黑天鵝酥 ：賣相好靚。外皮炸得好酥脆。裏面嘅材料係類似粉果嘅口感同味道。味道正常，食到頗口乾。🤔翡翠石榴果 :  個名好華麗，但係同普通酒樓嘅豆苗餃冇乜分別。同埋呢度嘅皮做得唔好就係太軟腍腍，唔夠彈性。😋紅寶石粉果 : 好味，有松露香。鍾意菇嗰種香味嘅朋友會滿意。👌🏼黑蒜帶子燒賣：黑蒜少少酸甜，夾埋一齊正常味道，冇特別黑金流沙包:   非常流心，直頭係液體狀，但係太甜。👌🏼薺菜煎餃：有好少見嘅薺菜，味道okay主菜類：💯🤩陳釀醉蟹 :   呢個好驚喜。花雕酒調得好好味，甜甜地，勁易入口。蟹膏雖然唔算多，但係蟹公嗰個透明膠都充足。而且非常入味，食到隻腳都有酒味。 濃湯海鮮煙燻豆腐 湯嘅味道其實唔係話非常濃郁，就係正常高湯味加少少煙燻嘅味。豆腐份量足夠，但味道又唔係期待中好鮮甜嗰種。普通啦。🤩💯豆漿蟹肉豆苗 :     呢個好味。豆漿撈埋高湯嘅味道濃郁，豆苗好滑又冇草青味，撈埋一齊食又鮮又爽甜。…查看更多