唐包點 (港鐵美孚站)

營業中

休息中

唐包點係美孚港鐵站閘裡面, 見今晚收工收得夜, 就順道係唐包點外賣左D點心番屋企食。章魚肉餅飯27肉餅飯，細細個就食, 係我的comfort food 黎, 多得唐包點, 係夜回家/ 自己懶整肉餅時, 叫一盅就最方便。唐包點的肉餅做得鬆化好吃, 基本上食唔出有好多肥豬膏, 而且有內裡章魚粒有馬蹄粒, 口感一流, 而且厚度適中唔會太硬實。飯量也多, 一個男人實夠吃。魚香茄子飯 29唐包點進化到唔只賣盅頭飯, 連有汁飯都有得賣!! 而且更加係港式味道的魚香茄子飯。茄子和飯分開上, 唔會整到D飯太肥淋淋, 唔會睇細細盒, 其實D茄子都幾大舊。茄子有魚香味, 香辣開胃, 送飯一流。鮮竹卷18內容餡料包括豬肉、冬菇、木耳和紅蘿蔔絲等等, 腐皮外面煙韌，內餡爽脆。加上蠔油芡汁, 即使無酒樓的環境, 也味美非常。叉燒包7. 5大大個, 熱騰騰, 叉燒餡兼具鹹甜、肉和漿汁也豐盈，而且肉香也濃。香菇雞包 7. 5香菇雞包除了有雞有菇外, 也有木耳, 而且最重要係唔覺將啲雞肉入面有大量肥肉，食得健康。香滑奶茶12係新產品, 12蚊就有一支, 通常係酒樓食點心只會配中式茶, gam 樣配香滑奶茶都係第一次。

放工時間經過美孚西鐵站，諗住簡簡單單解決晚餐，就嚟咗呢間《唐包點》買外賣。點咗一個秘制豬軟骨飯及一個香菇雞包。豬軟骨飯 - 飯同餸係分開兩個膠盒裝。豬軟骨有好多餸汁，豬軟骨炆得十分腍，肉嘅地方幾乎入口即化，而軟骨仲輕微帶少少咬口。調味鹹淡得宜又帶有少少醋味，所以豬軟骨食落唔覺油膩。白飯本身有少少硬身，不過撈咗個餸汁之後，軟硬度又變到好適中。香菇雞包 - 外皮帶少少煙韌，入面都有幾多餡，仲加咗少少爽口嘅蔬菜，味道唔錯。呢餐兩樣加埋只係$30幾，咁平本身冇對味道有期望，不過估唔到又幾好食。

糯米雞的學問很深奧，製法是以荷葉包著糯米，要蒸得稔稠糯滑，「入味」，很考功力，比烚糉困難得多。糯米雞是源自廣東的一種點心。中央放雞肉、等餡料。餡料組合很重要，應有豬肉，鹹蛋黃、冬菇，海味四元素。先說雞肉，宜用雞上髀或雞中翼。此店用大雞翼，算是不俗。豬肉元素可選臘腸（冬天）或叉燒（夏天），此店用豬肉粒，扣分。此店鹹蛋黃、冬菇兩者俱備，惜似欠蝦乾或瑤柱碎。秋天是栗子上市的季節，用栗子代替鹹蛋黃，很好吃呢！夏天則宜放入蓮子，小帶子。稔滑，「入味」的好糯米雞。