哥登堡餐廳

營業中

休息中

很久沒有到老牌餐廳用餐了. 最後一次是去金X.果然是老牌餐廳, $80-90左右一個餐, 有麵包, 湯, 主菜, 飲品, 仲有雪米糍做甜品. 份量一流, 又講下食物質素先..麵包熱辣辣,有好感. 經典羅宋湯, 唔會特別出色, 基本野. 咖哩牛舌飯- 友人覺得好味, 個汁係OK, 但我就認為可以辣多一點, 以一個不食辣的人, 都想辣多一點點. 份量好夠. 都只是$54. 抵試過鐵板牛及羊, 羊出色多D, 牛都有好多筋位. 不過, 就無 "拿" 到鬆哂. 羊就軟熟,有少許 "蘇" 味, 但係咁先似羊呢..燒春雞係特定日子提供, 要等20分鐘. 好食WOO, 肉不會 "鞋'及有味, 皮不油. 真係好耐無食到唔 "鞋" 的雞了而侍應們的態度唔錯, 出乎意料.. 坐位就一貫的迫.  整體好過 "金X" 好好多....

平時經過都見到好多人係到等緊位，但係一直都未有機會試。今次終於可以試下，佢個牛柳鐵板鐵真係好正　五成熟黎加鐵板就岩岩好，牛又入味又肉質又軟，配埋最後果杯花其心蜜，真係岩岩好，一定要再試。

the steak is soft...when I order medium rare...the chef really make it....but a little bit too salty...the red soup can be a bit more spicy....and I love the dessert which is the mochi icecream....

N年前o係土瓜灣讀小學時，哥登堡餐廳已經o係度，但一直未試過，是日終於有機會試試 一入去坐低，侍應哥哥已經主動問我地使唔使換位，話原本個位冷氣勁！好貼心！換完位後睇餐牌，嘩乜咁抵食既？晚餐竟然$70就搞掂！ 叫左個牛扒餐配焗田螺，另外叫左個焗海鮮飯。先上餐湯同包，係一般港式西餐味道，紅湯幾多料，白湯就漿粉味重少少。牛扒餐～扒大大塊熱辣辣，味道一般，鬆肉粉落得比較多，所以唔鞋。飯係炒飯底，有誠意！焗海鮮飯，其實同我心目中既唔一樣…料同飯好似分開咁，而且冇用芝士焗。不過，好－多－料！魚柳都有三大塊！有塊o係底俾飯cum住左！飯都係炒飯底，香口，而海鮮係雪藏既，普普通通喇。而白汁就比較漏。食完仲有甜品，可以揀啫哩或雪米糍。只試左啫哩，係青檸味的，但加左花奶有點怪 餐飲除左一般奶茶咖啡，仲可以揀花旗蔘蜜。好重蔘味，有回甘！正 講到呢度，可能有食家會發現冇左個焗田螺 無錯，的確係漏左單，由於我地好飽，所以叫佢直接打包。侍應哥哥sa晒冧，又叫我地慢慢食唔使急，但其實出面已經成村人等緊位！雖然呢度野食質素一般，但咁既價錢有咁既服務，仲有咩要求吖～～

聽聞餐廳是由歸隱江湖的古惑在開的，於是懷著好奇踏入餐廳，裏面燈光昏暗，彌漫著詭異的氣氛，但高朋滿座。朋友推薦我食扒慘，隨便叫了雜扒餐，醬汁均勻分佈在三塊殊途相同的雞扒，牛扒與豬扒，集合煙韌，厚實與嫩滑的口感。加上羅宋湯的配搭，味道登上造極。餐包確保某些深不可測的大胃王能夠捧肚而回。西餐黎講，呢度算抵食，擕眷共享佳餚，更可謂妙極妙極。

平時揸車都成日經過呢間舊式西餐廳，一路都未幫襯過，尋晚終於“的“起心肝要試試，夜晚七點零去到已經成間餐廳爆哂，非常墟冚，仲有幾個人喺門口排。我一個人就簡單啲等一，兩分鐘就搞掂。待應安排我坐低喺張二人枱，咁我就昅昅餐牌有乜好嘢食啦。基本上都係一啲豬牛雞扒類嘅餐，當然有鐵板啦！仲有吉列類，焗飯類，咖哩類嘅食物……選擇都幾多！以我觀察到最多人叫就係鐵板西冷同牛柳，分量都幾大味道應該都唔錯，雖然未食過但咁多人叫應該都唔會差啦。不過今晚冇食扒叫左細個至愛嘅焗肉醬意加紅湯，效率好高，湯連餐包好快送上，包微暖，都可以！飲羅宋湯係入嚟試呢間餐廳嘅主要任務，haha~由細到大都好like唔知點解？！呢度個湯個味做得好好，份量都ok大，勁多椰菜，味道較一般西餐廳辣，我食得比較辣就梗覺得ok,如果怕辣就可能要飲多幾啖水嘞！等多十分鐘左右，個肉醬意都上埋，佢呢度係用碟上，我估佢應該用焗兜焗再放落碟度！肉醬同芝士嘅份量都好多，意粉亦都好大碟，冇過淋，成碟嘅味道就係我想揾舊式西餐廳嗰種！Good~食完都飽左八成！之後有甜品送，啫喱或雪糕糯米糍，就要啫喱啦！反正好耐冇食過，青檸味仲有幾粒什果，餐茶冇乜特別好講啦，都

哥登堡餐廳.---因為姑姐住這區, 每年暑假她總會邀請我去她家住一頭半個月玩吓, 她寵我寵得不得了, 平常都間中買零食買靚裙仔來探我帶我去喝茶, 跟她住的日子她更是常請我吃這吃那又常帶我落街, 小朋友當然高興, 不用困在家, 即使只是在她住所附近買吓早餐四圍逛吓已經覺得很好玩, 每年都極之期待暑假!  因為我們經常經過哥登堡唔覺有甚麼特別, 印象中亦唔知自己究竟童年時有無來吃過一次半次, 餐廳就很深印象但對吃過未的部份卻是好模糊...近年看飲食雜誌時如有介紹懷舊餐廳, 間中都有它的報導, 人長大了開始眷戀兒時的所謂回憶, 反而很想去哥登堡吃吃看看.出奇不意的幾年前某天, Honey帶我到這兒吃午餐, 我喜出望外, 終於可以見識一下它的獨特之處, 看看為何它可以屹立不倒這麼多年, 一試, 果然名不虛傳!  我說的是焗肉醬意粉, 焗的香噴噴並且碟頭大, 每條麵條都沾上醬汁, 每次水準都保持中上, 跟餐湯及餐飲, 40蚊免加一, 餐飲可選蔘蜜茶啡或紅荳冰, 我經常笑說:"無得輸"!!  餐湯濃淡相宜不會過咸或水汪汪, 多士翻熱才上枱所以是微暖.  當然, 我有試過其他食物例如焗豬排意粉, 吉

先來的是粟米忌廉湯，不稠不稀，味道可以，之後是鮮油餐包，有些少暖，都可以。不到一會兒今天的主角蒜茸牛扒終於登場， 外表看面積已經不算細小，而且有部分還特別的厚，最厚的差不多有2厘米厚，雖然厚度不一，不過厚的地方和薄的地方距離5成熟亦不差太遠，厚處肉質較好之餘，肉汁亦較豐富，至於蒜茸汁，蒜茸味弱，我覺得一般。吃完了豐富的一餐之後是一杯奶茶和甜品，奶茶普普通通，不見得特别出眾，而甜品是雪糕糯米糍，一口吃掉，好吃 !

今日同事請我食午飯，話哥登堡D牛正，我地13：00到，等左10分鐘，要搭枱1. 鐵板纽西蘭牛柳配黑椒汁，绝配，牛柳嫩滑，肉質鲜美，一D都吾韌，份量足2. 鐡板纽西蘭牛朳配黑椒汁，肉味冇咁重，但係吾韌，亦好大塊估吾到有D咁好嘅牛，不过最好叫五成熟服務挣D，港式做法，即收你野，問你餐茶要乜，甜品要乜，趕左D囉

已有十五年沒再光臨哥登堡，當年因工作關係有機會在舊哥登堡吃過數頓午飯，還清楚記得舊店位於土瓜灣碼頭附近，印象極深的是其午餐的豐富份量，每次總得令人捧著個大肚子離去。今天適逢乘巴士到土瓜灣，一下巴士已經是哥登堡之大門，門外仍舊是那份熟悉的感覺，多了的卻是一塊惹人注目的「自選晚餐」餐牌。頭盆一客、主菜一份(選二餸)配飯或意粉或薯菜、餐湯(粟米忌廉湯或羅宋湯)、咖啡或茶一杯，都是七十元正(需加一服務費)。時值六時半，趁人客還未到，不由分說便入內懷舊一番。沒有猜錯，這時人客還不算多，故可覓得一張卡位雅座。侍應哥哥十分有禮地與我打個招呼，並問我喜歡吃甚麼，一問之下得悉原來舊店已經結業一段時間。此店有約十張卡座，已幾乎全部爆滿，中間位置放置了長枱。哥登堡雖為老店，但侍應哥哥仍甚有活力，全場東奔西跑，說話活潑迅速，遂決定點頭盆「焗法式田螺」、餐湯「粟米忌廉湯」，主菜選了「吉列石斑配蒜蓉汁牛扒飯」、餐茶「熱花旗參蜜」。不消一分鐘「鮮油餐包」及「粟米忌廉湯」已經送到，忌廉湯溫度夠熱，忌廉味足，湯不稠不稀，內有切粒粟米，水準仍高。餐包仍附上粒裝牛油，我這些不怕發胖的人最為喜歡，沒有這片牛油根本不算是正宗之

有日下午1：30左右經開土瓜灣，見有d肚餓咪睇睇openrice附近有咩好介紹，結果選擇咗呢間餐廳，入到去第一個感覺係乾淨企理，仲帶有小小懷舊feel添！坐底後點咗個午餐，味道係ok嘅！不過當其時餐廳內只得4、5枱客，但冷氣就開到大約13-15度左右！其實今次寫食評主要係想講⋯⋯我發覺現時有好多出咗名既食肆，有幾個特徵，就係開行個冷氣、好快俾完您食又超快幫您執埋枱，除咗服務態度差之外，仲有係食物水準下降！

*女友今晚有約,自己安排晚飯去鋸個扒,點了九十幾蚊既鐵板餐,另加一*先來了紅湯,足料,味夠濃而偏辣 我BUY餐包跟一盒小牛油,包微溫且軟熟 可以紐西蘭牛柳扒跟上,鐵板'支支聲響',香噴噴的擁上面上 好煙下牛扒我點了七成熟,切開時八九成熟,兩件扒仔有一寸厚,肉質都算鬆軟,肉味就唔夠配埋洋蔥汁味道反而較好選跟薯菜,有幾條薯條,一片蕃茄及少量既雜豆,雖然唔係主角,但覺得太少喇甜品我獨愛芒果雪糕,飲品凍檸茶 都可以

很少去九龍區隔涉的地方吃飯，特別是地鐵不到的地方。今晚和老公到土瓜灣找朋友後，即上openrice 找到這間推介餐廳。晚飯時間頗滿坐，但等位也不用10分鐘。內部特別裝修，都是舊式咖黃的燈光，靠牆兩旁各有6-8張卡位。晚飯套餐價錢一般由$70-95左右。老公試了鐵板羊扒($80)，我就選了吉列青衣沙律($85)，飲紅湯。紅湯太辣，不會推介。老公說羊扒不錯。黑椒汁味道很好，很有懷舊港式的扒房的味道。至於我的沙律魚就普通。雖然很足料有兩大塊魚，但較乾身實肉。沙律混合了蘋果，很多西芹，青瓜，小量菠蘿但太多醬，味道一般。餐飲選了什果賓治及椰汁紅豆冰。什果賓治味道似車厘子糖水，椰汁紅豆冰賣相不吸引但竟然有驚喜，味道恰當不太甜，椰汁份量剛剛好。甜品選擇有雪糕及啫喱。今晚啫喱售罄，唯有選芒果味及vanilla 味各一。推介vanilla ! 總結，我們是選錯了食物，應該試牛扒或牛柳。隔離枱的 T 骨牛扒有兩個手掌的大小。而鐵板牛柳份量雖然只有三小枚但好似很嫩。下次必會再試。

港式食品除了魚蛋蛋tart 菠蘿包奶醬多此等小食，港式西餐也是其中一大特色。去扒房吃份滋滋作嚮的鐵板牛扒餐，對大部份香港人來說應該是一種又幸福又奢華的回憶吧。小時候并不在香港住的小妹，卻是很少上扒房吃牛扒。聽過花園餐廳、弟尾牛扒、金雀似乎都很出名, 但我統統都沒有去過。吃過的大概就只是大家樂的爵士牛扒了(其實幾好吃的，又便宜)。在朋友的介紹下，今天興沖沖地來到土瓜灣的哥登堡，鋸港式牛扒也。土瓜灣對我來說簡直就是神秘的一區。莫說它對住在屯門的小妹來說不很方便, 而且幾乎不會有事要來這區辦。買東西、觀光都和土瓜灣沾不上邊, 也沒有朋友住這頭要去拜訪。不是為了吃, 真的想不出會有甚麼原因會來這區! 上openrice網站看看, 原來土瓜灣吃的也不少。而且價錢多數不貴, 要找天來好好發掘這一區呢。說回是晚的哥登堡牛扒。下班從中環出發, 我們搭天星小輪到達尖沙咀碼頭。這裡就是5號九巴的總站, 只要搭10個站左右在天光道下車, 十多分鐘車程就到哥登堡門口! 原來, 土瓜灣比想像中要方便得多。星期六還未到七點, 哥登堡已經快坐滿客人。如果不要求卡座的話還是可以即時入席的。餐牌上選擇不少, 不過既然決

認識哥登堡餐廳，不是因為曾經在區內住過，也不是這區上班，上學也只能說對了一半，何解？讓在下先說說陳年舊事。童年的時候，除了在學校上課之外，還要去學習鋼琴，鋼琴老師家住在天光道一帶的，因此每逢要學琴的時候，總會來到土瓜灣的天光道，上去老師學彈琴，從那時起，已經知道哥登堡的存在了。出來社會工作，正所謂「一日為師，終身為師」，或多或少想起了鋼琴老師，可是都已經忘記了她住在那兒了，技癢的時候，才彈奏一曲，並想想老師當時教在下彈琴時的模樣。當時在下返學，沒多一點零用錢，而且兒時上學根本不需要那麼多零用錢的，因此莫說收取幾百個大洋的西餐，就算對於港式豉油餐廳，只有望遙輕嘆，望塵莫及。就算出來社會工作，也許都未必到土瓜灣的哥登堡餐廳用餐。進入餐廳之後，燈光昏暗，有著方枱和卡座，不拆不扣的豉油餐廳格局。除了鋸扒之外，還有意粉和飯，選擇意粉或飯相對地便宜得多了。羅宋湯俗稱紅湯，每一次去這類餐廳，總會離不開點的，蔬菜的軟腍，湯底的微辣，正正是豉油餐廳所估的紅湯的特點，不過次卻偏辣了一點，幸好的還可以接受呢！餐包是一整塊方包，烘過的但只是有微溫，塗上牛油吃一口，仍然有鬆脆之感，而且不是烘得過火，火喉恰到好處