哥登堡餐廳

營業中

休息中

今日帶著寶貝以準義工的身份往紅磡參與活動，路過土瓜灣，想到一直希望來但永遠路過而不入的哥登堡。好，扒餐以我今時今日的食力未必吃的了，就吃個午餐吧。這裡的午餐有整整兩頁，肉扒、炒河、沙律、咖喱應有盡有，連紅豆冰/雜果冰/花旗蔘蜜/冷熱飲也不過$45，不設加一。今天很幸運，十二時多到達仍有位子，再遲些的話，就可能要等了。全男班的侍應，感覺很粗線條，但對客人態度有禮親切，其中幾位還在逗著我家寶貝在玩呢。自己食力實在太弱，結果最後叫了一客肉醬意粉和寶貝共享。先上的是牛油多士及羅宋湯。麵包部份一般般而已，羅宋湯是傳統的煮法，大量的蔬菜，濃郁的蕃茄及黑胡椒味道，讓人胃口大開.....(好想再多喝一碗)肉醬意粉，以茄汁先燴過的意粉，加上以芝士同焗的肉醬，香甜中帶微辣，十分惹味。後來我在肉醬中找到一些BAY LEAF，不曉得是否醬汁是用了羅宋湯同煮，所以有著微辣的風味。至於餐飲雜果冰.....顏色像藥水，不是我那杯茶，但寶貝卻喝的津津有味。很好的一次體驗，還是會再來的。

好多次經過哥登堡餐廳，都好奇呢個懷舊嘅店名同門面究竟隱藏住咩好味嘅嘢食，有時夜晚仲見到人喺門口排隊，真係點都要食一次！機會到啦～星期日嘅夜晚，門口仲未有好多人等，我哋就喺用霓虹光管繞成嘅Welcome下等咗陣，就叫咗入去坐最尾嘅卡位，兩人坐一排...喺門口已經諗好今晚食乜...就係左上角嘅紐西蘭牛柳餐 再配羅宋湯同紅豆冰（唔駛另加錢架！）先上兩個暖暖地嘅餐包（唔駛影啦，係人都知餐包係點樣），再上羅宋湯...一飲....差啲忘記咗嘅味道—辣中帶酸嘅羅宋湯，好經典嘅味道！細個時唔鍾意飲羅宋湯，因為佢又辣又酸，而家十間餐廳有十間嘅湯都唔辣嘅...呢碗就唔同，愈飲愈溫暖，喺冬天飲簡直一流主菜上台喇～～～兩塊牛柳，一份係黑椒汁，一份係蒜蓉汁，伴菜有波浪紋薯條、一片厚蕃茄、同埋急凍三色豆（係咪超經典呢？）牛柳一厚一較薄，先食較薄個塊，竟然係well done，已唔係我想要嘅7成熟，而且肉汁爭咁啲喎～而厚個塊就真係我想要嘅7成熟，因為牛柳嘅厚薄影響煮嘅生熟度，呢一塊就有返啲肉汁喇！我個人嚟講覺得黑椒汁比蒜蓉汁好，無咁「杰」，而蒜蓉汁感道都麻麻地，偏甜。最後係紅豆冰，質素一杯，但飲埋佢，今餐就真係好懷

正所謂每個人都有心目中的乜乜乜，你說是沈佳宜，我說是葉子楣，得唔得？日前在個人的部落格，寫了一篇燴意粉的文章，裡面提到文中的女主角，最喜歡肉醬意粉。與我一樣，鍾情於港式的肉醬意粉。有朋友之前在Facebook問：（那裡有最好的肉醬意粉？）當她的朋友們，推薦的是西餐廳出品，我卻反道而行：（哥登堡啦！）沒錯，我心目中的肉醬意粉，就是土瓜灣的老牌扒房，哥登堡。每次去午餐，例牌一客肉醬意粉，百物騰貴之下，現今一個午餐要＄45。餐湯可選羅宋湯／忌廉湯，既然吃肉醬意粉，無謂雙紅會，典型的港式忌廉湯風味，配麵包吃，差不多了。燴過的意粉底，再加芝士，肉醬去焗，道理非常簡單，肉醬加上芝士更加香濃，意粉燴得條條上色，就是這樣，起碼我光顧多年，味道如一，只是價錢不一。附近中學林立，每次見到這班中學生，總想起以前曾經在哥登堡，留下不少回憶的朋友。尤其是當時就讀附近某間中學的J先生，當年的他，有沒有與協恩女生，在哥登堡約會？住在珠江戲院附近的K兄呢？有沒有與朋友們，在看電影前後，來吃個鐵板牛扒呢？

難得星期日，我這個新界人，當然要去尋找香港有那些美好的地方，於是到了正新舊交雜的土瓜灣逛逛，看看舊街道樓字建築風貌外，當然要醫肚，所以來到這區的哥登堡。//其實我發現這種港式傳統西餐扒房在港九新界都有不少，但每間都各有特色，所以我都希望可以盡小小綿力記錄一下(歡迎看看我以前的愚作)。//我和友人到達時都只是六點多，但已經有八成人，可見有不少街坊支持。因時間尚早，所以還可安排到二人坐四人卡位，相對較舒適。//餐牌選擇不少，價錢較吸引的是自選晚餐，可以有一個前菜、兩個主菜，配飯意粉或薯菜，有湯和飲品，都只是90元，當然可以有貴少少的鐵板餐，但都是110元左右，在現今的環境，已算較經濟。//先到的是羅宋湯和大大個餐包：我十分喜歡這湯，因有點濃稠，夠辣，配菜亦不少。加上一傳統餐包，有點懷舊的感覺。//前菜:焗田螺，有四隻，雖不大隻，但用牛油焗，牛油香氣十足，配上薯蓉，係一個不錯的前菜。//主菜：點了牛扒配吉列石斑配意粉，石斑夠大塊，啖啖魚肉，整體尚可;但牛扒則是普通貨色，較薄和沒有牛肉味，有點將價就貨之感；但友人點的雞扒就相對好味。份量算多，滿足到飽肚需要。//紅豆冰，啫喱：都有點懷舊感，但紅

七夕就近近地去哥登堡食 等左好快就有位 $120既鐵板牛柳同一份百幾蚊鐵板羊扒 之前100蚊都唔洗既 先黎個羅宋湯 幾好飲 酸酸地 少辣 唔食辣既我地都接受到 個餐包都唔錯 而我個牛柳就偏細份同厚 而且比較易咬 薯條偏小 但黑椒汁唔錯 唔係好辣 至於羊扒 其實味道同普通雞扒好似差唔多 但咬耐d食到羊既少少"蘇"味 接受到既 同埋羊扒個外皮較脆 所以我比較推介羊扒 而野飲 我叫紅豆冰 煉奶味較香 但稀左小小 甜品揀左雪米糍 草莓味比較似咳藥水 但我個fd 話幾好味😅

以前黎到見到好多人排隊，因為男朋友冇乜耐性，所以見到咁多人通常都唔會打算排隊。不過個日咁啱冇人排隊，於是就嗲男友陪我食。 入到去全場full左，不過咁啱有張既四人枱，雖然要搭枱有少少尷尬，不過都冇失去我覓食興致。 個陣餓到相都唔記得影相咁制，忌廉湯味道好濃亦唔稀，紅湯亦不過不失。啲侍應啊叔又好好人，叫我小心啲熱慢慢食，雖然好普通咁一句，但個刻真心好warm。 對於我呢啲無肉不歡既食肉獸，呢到可以話係我既天堂，三塊扒。呢次亦係我人生中第一次咁浪費！真係飽到食唔曬！牛扒同豬扒都係冇乜肥膏，啱曬我既口味 個頭盤係法式田螺，平時根本唔會揀，但因為見到太多肉，所以頭盤揀海鮮感覺好似平衡返。我又唔係好識品嘗，但我覺得好好食，又冇乜腥味。飽到就快嘔都要清左碟薯蓉佢，正！ 甜品我揀左兩個啫喱，都有奶。青檸酸酸地咁唔會覺得好甜好膩，第一次覺得原來除左芒果布丁，啫喱放花奶一樣咁好食，不得了。 原本以為凍飲要加錢，結果$165賣單！講真兩個人各75蚊真係算抵食。我終於明點解每次去都咁多人排隊。

偶而都會來這處鋸扒除了因為抵食，也是對老牌食店的支持本想食鐵板餐，但這日居然不提供鐵板餐 ... 咩原因已經唔記得 ...餐廳有方枱和卡座，我們有小朋友，被安排了卡座點了一份鐵板晚餐 (HK$85) 和一份自選晚餐 (HK$75)先來餐湯，我們揀了紅湯 (羅宋湯) 和白湯 (忌廉湯) 各一羅宋湯很濃還有很多蔬菜，味道酸中帶辣，很開胃儍爸的鐵板羊扒餐跟薯條配蒜蓉汁，因為這晚不提供鐵板，改用碟上一份有 3 件羊扒，仲要不是薄切，幾抵食我的自選晚餐 ... 頭盆在以下七款揀一款、主菜就任選二款頭盆本來想揀焗田螺，但囝囝想食煙肉腸仔卷主菜揀了吉列豬扒和雞扒配意粉，與小朋友分食的關係，又是配蒜蓉汁吉列豬扒炸得香脆唔油膩，咬落去亦鬆軟不會靭可以配白飯或者意粉，意粉加茄汁和蒜蓉抄過甜品可以揀雪糕糯米糍或啫喱這兒的啫喱好搶手的，所以食到差不多好叫定甜品 ... 遲了就無啫喱食的點解我咁鍾意食啫喱 ... 因為這個好有懷舊風味的金屬器皿囉 ... 可以緬懷一下兒時的感覺嘛綠色的青檸啫喱加點花奶好味點最後，還有餐飲 ... 值得一提的是椰汁紅豆冰及涼粉什果冰都不須額外加錢的

以前成日去哥登堡食LUNCH因為好平同好正同埋一遲少少去就會逼爆因為附近好多學生都會衝落去霸位夜晚都係差唔多7點就會滿座所以成日都會見到成堆人係出面排隊今次我都算早 大約六點半就到左所以唔洗等咁耐其實呢度既裝修都係偏向懷舊如果細心既話 可以見到後巷添不過衛生情況可能會差少少講番野食先叫左個SET DINNER泥食有湯,餐包同野飲佢個白湯唔算濃 但好夠味比起出面個D稀到好似水咁既 真係贏成條街到主菜泥啦塊扒真係無得頂 我叫左7成熟但要再等佢D餘溫再自己煮一煮 岩岩好7成好軟 好香滑我再有加錢跟個飯 因為驚唔夠飽但個飯就有少少掃興 因為係凍既不過整體泥講都比個LIKE佢有懷舊味道既餐廳越泥越少希望下次食都可以KEEP到水準

啲食評講到好平靚正，已經成日想試無奈唔係住果頭搭車實在唔方便，今次襯長假同爸爸去食！因為時間早所以唔算好多人，爸爸點咗個午餐配參蜜，我就點咗個鐵板羊配紅豆冰，兩杯野飲都唔駛另加錢，正！先上個餐湯，我個紅湯幾多料，不過辣咗少少所以我無飲晒，個多士好好味夠脆！主菜賣相就麻麻，不過個味唔差唔會覺得好味精太濃味果種。我個羊扒有四件都幾抵不過肥咗啲。。。即係無乜肉-_-相對最欣賞嘅未必係食物，反而係服務態度好好，如果女士入黎會主動講果邊會凍，另一邊會好啲，都幾窩心。

今日特意來到土瓜灣 當然去食哥登堡 近六點半來到 幸好還有位 二人點了晚餐和扒餐牛油餐包不過不失 白湯亦普通 內只有粟米但勝在大碗 由於我選了晚餐 有頭盤薯茸焗田螺 田螺真係焗得好食 有四粒算係咁主菜我是豬扒拼雞扒配飯 兩塊扒都頗大 我覺得豬扒較好食 另外係牛柳五成熟 入面真的還有血水的 很多地方也不敢弄五成 隨意給你七成裝五成 肉汁美味 餐飲當然選紅豆冰 還不用加錢 甜品選啫喱和雪糕糯米滋 兩者皆不俗 總括來說是抵食 絕對是港人的扒房 二人吃了193元

這間已有六十多年歷史的老牌港式西餐廳，多年前當自己在附近居住的時候，偶然都會前來「鋸扒」，但自從自己搬離這區生活之後，已有很多年沒有來過了。這一夜，拜年過後，終於重遊舊地，再次來到這間現已儼然成為附近地標之一的西餐廳吃晚飯。幸好這夜我們來得早，來到的時候才不過六點多些，要是遲點才來的話，就未必可以即時找到座位，要在餐廳外等候了。雖然這裡的港式鐵板扒餐看來較為吸引，但餐廳中的一款「自選晚餐」，才只不過 $75一客，已可在六款頭盤中選擇一道，再在豬扒、牛扒、雞扒、吉列石斑、吉列豬扒五款主菜中任揀兩樣搭配白飯、意粉或薯菜，還附送餐湯、餐包、甜品和飲品，確是非常抵食，所以最後我還是捨棄鐵板扒餐而揀了這「自選晚餐」做晚餐。我的餐湯選擇是「粟米忌廉湯」，是自己中學時期在港式西餐廳吃午餐時最常喝到的餐湯，略為濃稠的忌廉湯，奶味甚重，雖說不上是甚麼靚湯，只不過是港式茶餐廳必備的兩款一紅一白湯中的白湯而已，但正是當年所喝的味道，所以仍是甘之如飴。隨湯附上的甜餐包大大個的，正好塗點牛油，伴湯同吃。頭盤中最吸引，也最抵食的，肯定是「法式焗田螺」。這裡的做得很不錯，一客四隻的焗田螺，夠熱燙，也夠味道，不但田螺

這餐廳歷史悠久，但一次都未幫襯過，不知室內究竟是怎麼樣，門面裝修極為六十年代感覺，初初心想老闆裝修下啦，咁殘舊，但現在就會話，老闆千祈唔好改，呢種“陳寶珠“懷舊情調，香港買少見少，係寶！特別乘車來朝聖。朋友介紹要食牛扒，睇餐牌，有讀書學生時代回憶，價錢超對街坊，如果其他稍為有裝修高級些餐廳，絕對要貴一半或一倍價錢，部份晚餐$75, 怪不得滿座，門口要排隊，“柯打“ 了牛柳，T骨牛扒，一個鐵板上，一個碟上，份量超對抵食，牛肉質地唔錯，件頭足料，食到輕微梳打粉，但總體處理唔錯，要七成熟就七成熟，不會過火，羅宋湯，粟米湯，味道都好好，薯條麻麻，可惜水吧師傅麻麻，可能搵個伙記兼任，杯“鴛鴦“好鬼難飲。

首先要講d 職員個個都超級快手快腳，但又唔入"砰砰彭彭"個種，勁!!!每份餐都包餐湯(紅/白)，餐包(跟牛油)，主菜，餐飲(可選紅豆冰/什果涼粉)，甜品(啫喱/雪米糍)湯: 個紅湯好多料，食埋個餐包都飽左3成。主菜 : 我點左牛，7成。係鐵板上放多陣9成都黎梗，但肉都唔老，仲食到肉汁。羊肉偷食左一啖，太so的羊我食唔到，這個我都食到。餐飲 : 選左紅豆冰，普通過普通。甜品 : 未到9點已經無晒啫喱，得返雪米糍，係出邊買返黎的大路貨仔。結論 : 味道ok, 以咁嘅價錢黎講都好抵食。晚餐時間就一定要排隊等位，除左頭幾個係企入餐廳等，其他都要排到出街，餐廳係大馬路隔離，少d耐性都未必等到，唔想等咁耐就早d黎。

呢間是一間好傳統的港式西餐廳，好似人地叫豉油西餐 ，入到去，好熱鬧，似去左墟市feel，環境唔似一般西餐廳清靜浪漫 ，午市會分學生同正常午餐，學生會平d,但冇包包同湯，我不是小朋友，當然叫大人午餐 ，先來包包同湯 ,包是多士好脆，加埋牛油香脆無比，忌廉湯好濃夠熱，有粟米粒，正主菜焗鮮茄雞球意粉出場，賣相就唔多得，應該是焗完倒出來 ，亂晒，但食入口，充滿港式味道，意粉是燴意，用茄汁炒過，雞有味皮脆，一流 ，同賣相完全兩回事，超好食，掂花旗參茶，不太有參味，ok呢間餐廳，雖然個個伙計都好似麻x佬 ,但服務異常專業，有禮，當食完食物，會有禮問要唔要，再清理，很好……

有一次見完客的時候 係等巴士時見到一間好懷舊的餐廳見到外面的宣傳 似乎幾抵食咁 就記住左呢間餐廳返到家openrice 睇過其他食家既食評 都覺得幾抵又好味就決定搵一日同bf 去食啦^^之後搵一日帶左bf 同佢講去土瓜灣dinner其實bf 唔知去邊間 到左哥登堡門口佢竟然話佢細個成日去食天后個間分店 真係好巧合^^ 可惜宜家天后個間已經無左了我地六點多少少去到 但都要排隊 不過都算快 仲有得坐卡位heehee我揀了一個比較抵的自選晚餐有頭盤焗法式田螺 湯羅宋湯 主菜揀了豬扒配吉列石斑 包埋飲品同甜品都係 $70  田螺好好味 未影相已經食哂 羅宋湯好濃味 好鍾意 但食埋餐包已經半飽反而主菜比較普通 豬扒係ok ge 但吉列石斑因為凍左 所以麻麻地 但呢個價錢咁多野食我接受到~~bf揀了紐西蘭牛柳餐 呢個唔包焗法式田螺 $95但係份肉好大份! 而且味道好 真係有肉味 質感都岩岩好 呢個好好好好吃 今晚真係食到好飽 甜品都唔係好食得落了 haahaa好開心 可以陪到bf 食到佢的童年回憶 會再來的~