哞熹哞熹 (已結業)

呢間哞熹哞熹之前試過旺角分店，覺得佢既抹茶飲品好好飲，佢既飲品仲可以免費加珍珠‼️今次見到太安樓開左新分店，而家仲係試業期間，於是買左杯黎試😆☕️日本靜岡培茶豆乳 $32佢既飲品可以揀配鮮奶或者豆乳，今次就揀左豆乳，野飲分層做得好分明，一入口係好香既培茶味😌茶味唔會太苦澀，同豆奶搞勻後奶同茶既比例剛剛好，叫左微糖都唔會話好淡，主要既甜度係黎自黑糖珍珠🧋珍珠好有咬口好煙韌，充滿香濃既黑糖味，唔會太過死甜😋…查看更多

之前都有飲過呢間嘢飲，都真係幾唔錯，不過嗰時係台灣店長沖嘅，印象好好！今日經過見到呢間買一送一，即刻買嚟飲！🍴鐵觀音茶拿鐵 微糖小冰 加大 $47 (兩杯)見佢沖嘢飲嘅時候已經覺得有啲唔妥，成杯都係冰，咁都算啦買一送一係咪先？佢竟然夠膽加好少奶同好少茶，咁以為個奶同茶會好濃，就冇理佢。因為張圖上面杯嘢飲係有cream嘅，咁我問佢係咪會有，佢就話而家取消咗，好啦我明明見到其他人都有，咁店舖講嘢我都信。拎到返屋企飲，飲一啖，真係難飲到想死！完全係冇味，係好似加咗兩滴茶同埋奶，同水一樣，啲珍珠又勁甜，呢杯咁嘅嘢送都唔飲！我覺得買一送一偷工減料冇問題，但都唔係去到呢個程度，極為黑心，我比$47買兩杯嘢飲，同埋一杯水加珍珠冇分別？推薦指數: 0/10真心係飲過最難飲嘅嘢，奉勸大家經過唔使幫襯！…查看更多

2週年買1送1鐵觀音latte飲唔到茶味 溝埋d奶 真係好似飲緊豆奶 好淡嘅豆奶希望開到周街周巷嘅台式飲品店控制好質素Buy 1 get 1 free for the second anniversaryTieguanyin latteCouldn’t taste the tea. Blending with milk, I was like drinking soy milk, very light soy milk.…查看更多

天氣反覆無常，又話轉涼點知又出太陽又去返夏天，唯有飲返杯襯晒陽光的臺南飲品。近年不少台灣品牌進駐香港，這間 哞熹哞熹Moxi Mox i就想將台南的美好日常帶過來，除了招牌黑糖珍珠奶茶，亦有一系列特色茶飲和花果茶飲品。拿鐵系列仲全部都可以轉豆乳，適合純素或對牛奶敏感人士。哞熹哞熹Moxi Moxi 旺角店位於好景商場地下，這一帶飲品小吃店臨立，地理位置優越，店面設計成台灣老房子的模樣，門前還有一杯巨型抹茶珍珠拿鐵可以影相。飲品項目唔算好多，好簡單分成拿鐵、芝士奶蓋和果漾特調三大系列。招牌飲品是這個黑糖珍珠拿鐵，使用台南關山黑糖粒，加上經過三溫暖程序熬煮的黑糖蜜珍珠，面頭仲有可以咬的黑糖粒。想吃珍珠的話也可以選別的配搭，因為店內所有飲品都可以免費加珍珠，可惜這天珍珠竟然未煮好，只好期待下次再試。這就是台南關山黑糖本人。日本靜岡培茶豆乳 HK$36鮮奶拿鐵系列全部都有提供特濃豆乳版本，使用 Vitasoy Cafe For Baristas，可以喝到豆乳香味。相比之下，日本培茶的味道較不突出，很溫和的躲在後頭。小山園抹茶拿鐵 HK$45店內用料非常講究，抹茶都用日本小山園抹茶，不是平價的綠茶粉。喝起來有抹茶也有鮮奶香，也是奶香比較重的配搭，配上幼滑的忌廉滿嘴清香。來自台南的飲品感覺特別親切，喝著特別懷念台南的太陽和悠閒氣氛，哞熹哞熹對食材選取的堅持也的確將台南精神帶到香港，下次經過旺角記得買杯飲。…查看更多

呢間哞熹哞熹杯杯野飲都好好飲！可以加珍珠或者係寒天！我中意加寒天，因為成日都加珍珠，有啲悶🙈 我分別試過高山啊薩母紅茶拿鐵、日本靜岡培茶拿鐵同咪哞熹黑糖拿鐵，都係各有特色，甜度適中，價錢都合理！…查看更多

#疫情下的晚餐 #乞衣咁搵街邊搵公園咁坐低食個沖茶哥哥好奇怪話佢地鋪頭無單仔，係都要我地企係鋪頭出面等，但係第二次去又有單，要我地企係度等?其次又沖得比較慢，明明我地前面得1杯，都沖咗好耐下，嗰晚又凍，結果就係嗰度乾等講返杯野飲先 #寒天抹茶拿鐵 一定要攪勻，因為糖漿沉咗係底，而抹茶有少少苦，所以攪勻先會啱啱好，咁就唔會偏甜但係送嘅手提又環保，手提帶又靚味道: 6/10味精: 0/10價錢: 5/10環境: 0/10服務: 5/10#vinainmongkok #vinadrink #bubbletea #matchalattewithjelly #matcha #matchawithmilk #moximoxi #f4follow #f4f #likesforlike #l4l #l4likes…查看更多

經過旺角，想飲杯台式飲品，發現呢一間未飲過，即刻過嚟買杯試試。本身鍾意飲茶，所以想叫杯奶蓋茶可以試試個茶底好唔好飲，但係見到個Menu主打係latte，門口仲放咗個綠茶拿鐵公仔，應該係主打，但要$45，喺未知道呢間店好唔好味嘅情況之下，今次就冇試，latte可揀牛奶或者豆奶，同所有飲品可以免費加珍珠。我叫咗杯凍靜岡培茶牛奶珍珠latte，同一杯熱可可牛奶珍珠latte，靜岡培茶latte好有驚喜，培茶茶味濃郁，溝咗牛奶仍然飲到一陣培茶嘅香味，質地較濃，有綿綿嘅奶泡，真係好好飲，與一般嘅珍珠奶茶明顯有分別。但係可可latte真係好一般，完全冇特別，質地亦較水，朱古力味同奶味都未見突出。培茶latte真係好好飲，呢個質素令我想下次再試$45嘅小山園抹茶latte，或者再飲培茶latte，誠意推介！…查看更多

為配合增肥計劃，呢一晚食飽飯加多杯台式飲品！來自台南既 哞熹哞熹 (もしもし)第一次接觸到佢係某一年既台北旅行上~時至今日，當時個杯黑糖珍珠依然係我飲過最好飲既黑糖珍珠~今晚係旺角食完飯後有D口渴，最岩就係買返杯野飲下！日本靜岡焙茶豆乳(半糖少冰)$35食飽左就唔揀珍珠既野喇，試試佢既焙茶！茶味都算香，但可能係因為我半糖既關係~個茶味就好似好濃咁喇！豆乳係用維他奶新出個隻，呢隻豆乳味道唔算太出~整體黎講，味道係OK既~但相以更好！…查看更多

今朝落完大雨出太陽 忍唔住走咗去買野飲呢個新開台南嚟香港嘅手搖飲品店 主打鮮奶嘢 我呢杯係招牌 綠茶粉係日本黎 可以揀微糖茶味濃 奶味夠 唔甜 我好鍾意朋友飲黑糖珍珠鮮奶我飲咗一啖激好味 有一粒粒咬得嘅黑糖脆脆地 好有層次 😍…查看更多

平時經常來旺角間唔中都幫襯附近啲奶茶點飲品店呢間係經常光顧嘅其中一間之前都係飲佢個黑糖同埋抹茶招牌嘢今日好鬼熱靚女老闆娘問我想唔想清新啲你咁問緊係想清新啦咁佢就推介咗呢杯 盛夏青春( 百匯水果茶)飲到好多熱情果同埋入面有台灣鳳梨同埋本地一啲水果妹妹服務員整完杯嘢仲特登放咗上個打卡位開曬燈畀你影相雖然我唔係美少女都影咗張之前都飲過佢哋其他系列例如抹茶同埋黑糖珍珠奶茶佢哋用料係有誠意嘅講真大熱天時食完嘢飲呢杯仲啱過飲奶茶個人推介…查看更多

旺角嘅台式飲品店真係好多，今日就試吓呢間開左幾個月嘅人氣飲品，醫護仲要係買一送一，真係抵到爛，冇理由唔試！➡️ 哞熹黑糖拿鐵 ($36/ 2杯) (醫護優惠)一攞上手，珍珠仲係暖粒粒，而且成杯拿鐵層次非常鮮明。珍珠份量非常多而且非常Q彈，每一粒都分開，唔會黐住一齊。暖暖嘅黑糖味加埋凍鮮奶，味道香濃得來唔會太甜。店舖亦都好細心，會比個飲品杯手抽你攞住走，好方便！哞熹哞熹地址📍: 旺角花園街12-16號好景商業中心地下23號舖.............................. 味道😋: ⭐️⭐️⭐️⭐️抵食💰: ⭐️⭐️⭐️⭐️💫…查看更多

小妹經常飲各式台飲，至愛comebuy tea，身為抹茶控嘅我，今次想轉下口味:焙茶。因為香港抹茶飲品嘅水準越來越高，反而焙茶唔係間間有，好冇飲亦要睇彩數😜叫左凍焙茶latte少冰半甜轉豆奶，因為胃唔多好，無奈要放棄店主自家整嘅黑糖珍珠...😣飲品到手，入口係***超濃郁焙茶味🤯😍，可能配豆乳關係，茶香同順滑兩者兼備😚，另外飲到尾，冰溶晒都冇話淡如水🤩，呢點係非常難得，明就明😏之前响k11 tea express 飲過熱焙茶latte，果次覺得奶味重左啲，蓋過左茶香，今次呢杯真係 my cup of tea 期待該店其他茶飲🥰…查看更多

🌸台南過江龍台飲店🌸🌸老闆的親和力高🌸🌸打卡會送飲品手提繩🌸✂️所有飲品免費加珍珠✂️.旺角有很多台飲店，最值得去的必定是這家👍🏻.🔸哞熹黑糖拿鐵вrown ѕυgar laттe（$36）🌟雖說珍珠是免費的但份量很大方，每啖都吃到粒粒珍珠👍🏻👍🏻👍🏻👍🏻🌟珍珠Q彈有咬口且每粒分明，不像一般台飲店煮得馬虎過熟甚至不夠熟而每粒黏住🌟邊飲拿鐵之餘還食到黑糖碎，是台南關山的黑糖粒，黑糖味倍增🔝🌟奶味濃而香滑，令人回味👍🏻👍🏻👍🏻👍🏻🌟奶泡蓋面，口感豐富👍🏻👍🏻👍🏻👍🏻💬黑糖配拿鐵還可選黑糖配豆乳💬💬可選凍或熱💬❤︎老闆會推介到店必飲的黑糖拿鐵❤︎❤︎以價錢和質素，比起其他店是超值❤︎…查看更多

天氣變熱真係忍唔住又想飲返杯台式飲料😜唔想又幫襯周街都係嘅大型連鎖店俾小編搵到台南過江龍香港分店只此一間嘅「哞熹哞熹」😆芝麻控表示被選單上嘅黑芝麻系列所吸引！😍大行其道嘅奶蓋、黑糖一街都係唯獨芝麻真心少見😌黑麻麻珍珠拿鐵($36)哞熹哞熹特別在加珍珠係免費㗎！🥰讚啦😙即點即做原來呢杯只可以做半糖😲幸好成品拿鐵甜度不高👍🏻甜度主要來自暖粒粒煙韌嘅黑糖珍珠黑芝麻醬/粉+牛奶+cream係面頭完美💯店員細心提醒要攪拌後先享用嘩！非常濃郁嘅芝麻味！亦有沙沙口感！好正呀😋😍奶味絕對沒有蓋過芝麻味呢杯飲品真係好特別 價錢唔平 亦驟眼比一般坊間珍奶細杯啲啲但事實你又好難搵到同款飲品喎🤣小編一定會再訪🤤…查看更多

哞熹哞熹是台灣傳入來的黑糖珍珠奶茶同XX堂及幸福X 有得FIGHT最緊要係其實每間都有自己特色不是全部都一樣味。老闆極力推薦黑糖珍奶，等飲品時都會同你傾下計，介紹下哞熹就身攞飲品俾客人。黑糖奶茶果然好岩打卡，飲品可見到層次分明，有2/3係牛奶，同時感覺牛奶混入了滑忌簾，搞拌後味道更重奶香更加滑。1/3黑糖珍珠夠軟，黑糖味道好濃好香甜，並有黑糖粒在面，真的是即日製先會咁正。飲飲下會嘗到黑糖碎，脆脆的，甜度可以叫半糖，感覺更健康。對於哞熹哞熹的珍奶，最難忘那種香滑感，真的好有傳統台灣珍奶FEEL!!!…查看更多