哈迪斯 (已結業)

今日同媽媽去左lee 到食tea,媽媽叫左個$11提子鬆餅茶餐加多4蚊要多個藍莓酥,我就要左一個$10既杏仁酥茶餐,媽媽話個提子鬆餅好好食好脆口,藍莓酥就一般啦.我個杏仁酥非常正,剛剛出爐,熱辣辣,好香杏仁味呀!$10有2件兼有野飲!下午茶想食少少不防試一試啦!

我去買野食, 個人好好, 好有禮貌d 野食都ok, 幾好味, 又唔係太貴

前日下午去買o左杯薯茸食.當我第一啖食落去,發覺陣味好怪,好似變o左味咁!於是我咪去counter問下lor!當我同兩個經理講時,男o既全無表情及反應,女o既就同我講"d薯茸係咁ga,無變味,可能係你食唔慣啦!"我聽到之後就火起喇,我話"我平時食都唔係咁o既味ga喎!"跟住個女經理就話"可能係d薯粉轉o左牌子,所以唔同o左味啦!不過其他食客都係咁食,無人投訴過lor!"對話期間,o個兩隻經理完全無杯薯茸o黎睇過,剩係話無問題,再加上我聽到佢咁講之後,我都知講多都無用,佢地都唔理ga喇,所以只好掉o左杯薯茸啦! 正所謂錢係事少呀,如果係d食物有問題而令人不適咪"大劑"!唉...真係今時今日都仲有d咁o既服務態度ga........!

哇.... 我都未見過d 經理會差成咁,尤其係果個女經理, ~ d 服務態度差, 差到爆...同佢講我仲欠一包薯條好耐都未有, 佢竟然同我講"d 薯條唔使炸咩", 哇.......咩態度ar~~~~~ 如果你地公司高層睇到我地d 評語後, 唔該檢討下, 無謂搞到無人幫襯ar~

今日LUNCH 於西九龍哈迪斯﹐但令我非常失望﹐因為居然無左我一向最鍾意食的雞上脾﹐而家全部只賣雞翼(炸雞翼或蜜汁烤雞翼)﹗即係一個餐兩件雞﹐兩件都係雞翼﹗蜜汁烤雞翼仲要每件加一蚊﹗而且雞腿及雞上脾似乎唔係暫時無貨﹐而係長期策略。因為收銀處掛埋個告示牌出黎通知顧客現在只賣雞翼。唉﹐哈迪斯﹐你到底搞乜鬼﹖其它地方的哈迪斯是否亦是如此呢﹖

這間哈迪斯唔多得掂，應該有五年以上都沒有整頓店面，燈光暗，好多時都沒有人清理桌面。有一次我同朋友打完波一行五人來吃飯，打完波d野食又是食熱氣野就當然渴水，他拿起杯汽水竟然是搖起沒有聲，打開來看0舊冰竟然大到頂住杯周圍加埋重要是個杯的四份三容量，於是只好死死地氣去買個杯，當然要佢走冰啦。

好耐冇去呢間快餐店，最近去到食嘢時發覺個新來(老D個)經理，對住D客人黑口黑面，排哂長龍又唔幫手，重繞住手，都唔知點解呢間快餐店，有Ｄo甘差經理。

9日18日遲左開門呀!係唔係D經理遲到?係唔係個位女經理呀!如果係叫佢自已檢討下啦!

In Sham Shui Po, Hardee's quality is good enough!

冇乜人幫襯，氣氛淡悶