哈豆

營業中

休息中

很早以前，看到某雜誌介紹這店，說店主堅持用新鮮食材(對客人較健康，但成本較高)，棄用奶精、糖精等添加劑，心想：這店主咁有良心，應該支持一下。今天難得假期，順道堂食醬汁排骨便當和珍珠哈豆奶茶，另買了外賣紅豆豆腐花和小紫蘇蘆薈西柚，帶回家給家人嘗嘗。排骨便當：味道不錯，不會太油，但配菜(小白菜仔) 可以加多一點。珍珠哈豆奶茶：這個甜味適中，不太甜(幸好沒有叫少甜！)，但茶味稍為不夠，可能給豆味蓋過了。紅豆豆腐花：這個最好味，紅豆也煮得很好。小紫蘇蘆薈西柚：飲品感覺清新，果然是鮮水果製的！我還發現杯內有粒果核，HaHaHa「老闆娘」問我是否看到雜誌報導，才知道這店，我說是，是從很遠前來的，所以帶了冰袋。下次我會帶埋小朋友來幫襯的。良心小店，加油啊！

得知這裡開設了一家看來意念不錯的台式小店, 理應很高興, 卻換上了一次極不愉快的經歷:某天中午: 12:20pm 致電點了數份午餐, 店員承諾 1:00pm 會送到, 要求想早一點, 店方便說做好便即時出餐, 1:00pm 到了, 完全沒有任何消息或交待, 於是再致電店方, 另一店員接聽, 他的答案竟然是: 「很忙, 還未出」 並承諾說會即時出餐 (步行路程只需 5-10 分鐘) 1:25pm 了, 仍然甚麼都沒有, 致電了很多次來卻完全沒有人接聽電話? 心想: 「是否堂食顧客優先, 而外送的被歧視嗎?」1:28pm 終於有店員接電話, 得到的答覆竟然是: 「還要等多一會。」此刻, 無論甚麼理由都不能接受了~ 於是只好把單子取消, 到別處吃午餐, 又或許, 其實店方根本沒有在意過這幾份午餐的訂單......... ---過了好幾天, 心情平復下來, 好歹也應該試一試這裡的珍珠奶茶, 給予一個機會吧~點選了哈豆珍珠奶茶, 即這裡的「名物」豆漿 + 奶茶, 棄奶精而選用豆漿是個健康的做法, 只可惜豆味是有的, 茶味卻完全欠奉, 從其甚淺的飲品顏色也看得出來, 選擇了「少甜」卻幾乎沒有甜

舖頭入邊無豪華嘅裝潢，反而突顯出台灣食堂嘅簡樸感，加上老闆同朋友客人嘅即影即有相，那些年嘅感覺出哂嚟。講番飲食，有成8款飯俾你揀，D醬汁唔會太咸，味道又夠，個青瓜好好食，可以外加青瓜就更好；牛展亦係另一樣我欣賞嘅地方，有咬感得嚟又唔會太淋嘢飲就真係好難取捨飲咩好。因為熱哈豆綠茶+珍珠好正~D珍珠好Q又有咬感；又一方面蜂蜜綠茶+仙草又係我既最愛，甜得嚟又清新，仙草嘅正我都唔識講，要親身食過先feel到最重要嘅係食得好味又健康

哈豆位於一幢頗舊式的工業大廈, 先乘搭燈光昏暗的電梯, 再通過暗黑的走廊, 才可到達目的地, 一個小女子上去真是真要付出很大的勇氣! 店子只有簡單的裝潢和傢具, 像小時候去的補習社一樣, 像去補習多於去吃lunch! 店子以健康豆花, 豆漿作招徠, 店子小小, 食物種類少, 但飲品種類卻很多. 第一次來到, 必然要試一下它的招牌- 台灣香菇肉燥便當及哈豆奶茶.店子小小, 店員亦少少, 食物要等十多分鐘才可以上桌,先來台灣香菇肉燥便當, 肉燥相當對辦, 味道亦很好, 滷汁非常的香, 最討喜的是豬肉碎是偏瘦的, 吃罷也不油膩, 有別於在台灣吃到的偏肥膩的肉燥, 這顯然是為了遷就觀塘OL們的keep fit訴求! 肉燥中香菇不算多, 味道亦被濃烈的滷汁搶去, 多加一點會較好!其他配菜有滷蛋+時菜+醬瓜, 滷蛋冷冷的, 幸好頗為入味卻又不過鹹, 成功挽回不少分數. 時菜是A菜(油墨菜)一條, 對! 你沒有看錯, 是一條only! 就是白烚的味道. 至於醬瓜, 沒有! 老闆娘(疑似老闆娘) 誠實的說售罄了! (老闆娘妳欠我的醬瓜下次要還的啊!) 但老闆娘問食客們肉燥夠不夠, 不夠可以再加添,

上網見到朋友介紹，咁岩去開附近搵朋友，就諗住和朋友一齊去試下，點知朋友又行唔開，去唔到堂食，唯有叫外賣，因為好怕等外賣，所以就膽粗粗打去落左order先，話15分鐘後去拎，點知老細又肯喎！真係nice和朋友三個人叫左兩個豆花、一個魯肉飯和一個吐司，三杯野食。飲品好正，西柚綠茶不會酸，西柚味同綠茶配合得好好，配上綠茶的甘香，很好！紅茶瑪x朵 (忘記了正確名字)好正，好有口感，個底度有d像仙草既野，食落好軟棉棉，感覺似珍珠奶茶，但比珍珠奶茶香！蜂蜜綠茶的蜂密是來自長白山呢，好所好滑，不會是普通加糖水的那種甜，飲落去也覺得好香，甜度適中，但又不會像出面的咁漏~豆花真係好滑，好香黃豆味，黃豆應該係超級新鮮才會有那種淡淡的黃豆味，豆花入口即融，不用像平時咁要加黃糖，超正！魯肉飯的飯真係超軟、好香~最正係個小黃瓜，煮得好入味，齒頰留香最特別係芝麻綠豆吐司，很特別，出面食唔到，裡面像綠豆芝麻糊咁，芝麻很香，但又有綠豆即煮到有嚼頭的口感，十級推介呀！真係超正，下次一定要去堂食一下！

之前係facebook見到doctor beans個網站，見佢所有飲品同食材都係真材實料，而且係真正既台灣人做，所以就黎試試。我帶我老婆同仔女總共四個人食，我同我老婆分別叫左兩個台灣香茹肉燥飯食，一杯小紫蘇西柚蘆薈，一杯珍珠哈豆紅茶，兩個細路就叫左一個原味豆腐花，一個布丁豆腐花。因為細既平時唔中意食飯，所以就冇幫佢地叫飯啦！一開始兩個飯先到，見到就覺得好有台灣既感覺，因為佢係用台灣便當紙盒裝的，勾起之前去台灣既感覺，食落去真係台灣香菇肉燥飯既味道，用料新鮮冇味精，有肉既鮮甜味出左黎，兩個細路因為好奇各食左一啖，點知成盒就俾兩件化骨龍食晒。。。唯有再叫多盒飯啦！無幾耐飲品亦都到齊，真係好欣賞呢杯珍珠哈豆紅茶，珍珠好似台灣最大連鎖店50嵐，好Q好有味，而用豆漿代替奶精粉，唔止更健康，而且好香濃好滑！另一杯都好好飲，明顯係新鮮果汁，冇化學原料濃烈既水果味，而且超多果肉，真係要俾十個讚！最後個豆腐花好滑，入口連咬都唔駛，布丁又完全係台灣鷄蛋布丁既味道！搵左咁耐終於搵到間正宗台灣味道既食巿，個老板好親切，仲出黎同我地傾計，原來佢係台北人！下星期放假仲要黎食！同老板話因生意太好，佢地未請到人手，所

之前收到doctor beans既傳單，以為淨係得野飲，上到去先知原來仲有台灣出名既魯肉飯食，仲有吐司同豆腐花。我本來想叫一杯珍珠奶茶飲，點知裡面既職員話冇，感覺有d失望，但個職員好細心同我講解返，原來奶茶都係用奶精粉沖，對身體唔好，所以佢地用左豆漿紅茶代替！味道出奇地好味，有d似奶茶味，仲多左d豆香，好純好滑！而d珍珠真係我係香港食過咁多間最好食既，好彈牙仲有甜味，高成本低價錢店家真係好有良心！我個朋友就覺得個台灣香菇肉燥飯好好食，好有台灣既味道，而且份量大，肉質新鮮。個豆腐花真係好正，應該係店家自己磨出黎，真係好滑，仲滑過阿婆豆腐花，而且豆腐花既配搭好特別，真係要試下！最後食完已經好飽，每人都係35左右，真係好抵食！我地走既時候老闆仲走出黎同我地講88，發現佢真係台灣人黎，唔怪得d野飲同野食都咁有台灣feel啦！真係值得大家一試！