哈豆

營業中

休息中

今次同朋友嚟到觀塘工廈尋找好味嘅嘢食，俾我哋發現喺呢個工廈入邊有一檔台灣野，即刻入去試吓啦。我哋點左一個炸物拼盤，當中嘅花枝丸同埋雞軟骨都幾香口，我同朋友就一人叫咗一個麵，分別係牛肉蕃茄湯麵同埋炸排骨肉碎伴麵。麵底入口都幾彈牙，有口感，而個番茄有好濃郁嘅蕃茄味，連汁都飲埋添。炸排骨方面呢，炸得幾香口，食落唔錯。另外我哋亦都飲咗佢嘅檸檬梅子QQ，又酸又鹹，味道不太適合我。店內有部PS4，唔知係咩外借架呢？上菜時間都快手，坐得尚算舒適。

台灣菜味道讓人難以抗拒因為太迎合港人了🤣 在Brunch 時間口養養便找到《Doctor Beans 》從門外看未見特別但走進去後會發現是一間有特式的台灣店。環境燈光挺柔又舒適。若然跟朋友渡過時光也不為錯。桌子上有提供點餐紙及筆，只須寫上餐號便遞給職員即可。 不久說很快上菜了。 藥燉排骨湯、魚鬆滷肉飯 、 油菜 HKD 85 整個Presentation 又挺特別！ 湯內有很多湯料又濃烈。 魚鬆加上半肥瘦滷肉味道很香很美味。 整體基本防疫如量體身，阻隔板做足還會額外提醒客人 ！👍🏼地點位於觀塘成業工業大廈即觀塘站 B1出口再步行4分鐘

今日女女上完zoom堂，同佢去觀塘食哈豆。已經唔係第一次嚟，哈豆係觀塘區幾出名嘅台灣餐廳，好抵食。台灣小香腸 $32囡囡最愛，一客有4條，我分到1條咋，爆多肉汁🤭豆腐丸子蕃茄拌麵套餐$60 有幾舊鹵水豆腐，貢丸同花枝丸，拌麵幾爽口，鍾意貢丸同花枝丸，彈牙有肉汁。豆漿珍珠加6蚊珍珠彈牙, 叫咗少甜少冰，健康啲。蝦仁卷跟餐加八蚊，脆卜卜。鹽酥雞肉燥飯$56鹽酥雞炸得香脆,配半隻鹵水蛋, 肉燥飯份量多。青蛙撞奶加$18即是黑糖珍珠鮮奶，黑糖味焦香，鮮奶香滑。

觀塘工廈區唔淨止要黎返工，仲可以係好多好嘢食，同朋友仔去食台灣菜，好味又抵食。好，坐低睇吓有咩好食先。萬巒豬腳肉燥飯，肉燥好惹味，豬腳肉軟腍仲要有脂肪豐富嘅豬皮，食落口軟綿綿，正！雞翅拼丸子麻辣乾拌麵，個醬汁好麻，少辣啱啱好，拌麵一流。炸物拼盤，熱辣辣脆卜卜，尤其係甘梅薯角，成個外殼超脆，裡面就係帶粉嘅甜薯。珍珠鮮奶茶，奶茶味夠，唔太甜，珍珠好彈牙。珍珠山粉圓豆漿，豆漿味濃，冇添加糖，山粉圓粒粒咬落好爽。

台灣麵食 百吃不厭 今日同朋友專誠去觀塘 幫襯呢間人氣小店 -🍜#牛肉鮮番茄湯麵 ($62)食鮮蕃茄🍅有些少茄腥味 放湯煮麵又唔同 釋放營養價值 味道酸酸地食得更開胃 牛𦟌炆得軟腍有五香味 台灣麵Q彈有咬口 記得飲返幾啖滋味湯底-🥤#凍蜂蜜仙草 (加 $8)仙草爽口滑溜口感好 連蜂蜜水呑落肚 甜甜蜜蜜 -🍜#五寶什錦乾拌麵 ($64)三心兩意樣樣想食又揸唔定主意 叫呢個啱哂 五種人氣小食 香腸豆腐雞翼花枝丸貢丸 樣樣一啲 食得滿足-🍤#蝦仁卷 (加 $8)貪心啲追加咗一個蝦卷 爽口彈牙-🥤#凍珍珠豆漿 (加 $6）冇奶茶嗰種奶滑 取而代之嘅係豆嘅清香 珍珠粒嚼勁依然-📍#哈豆

哈豆台灣菜觀塘成業街有分店，同事建議一齊去食晚餐，門面裝潢懷舊台灣風格，仿佛置身台灣菜館，地方亦幾寬敞濶落。我們點咗椒鹽排骨肉燥飯，山賊燒雞翅肉燥飯，小食台式香腸，逢甲鹽酥雞，又用優惠價加配咗鮮榨檸檬多多同珍珠豆漿。椒鹽排骨同逢甲鹽酥雞酥炸即製，炸粉唔算厚，排骨同埋雞肉食落唔覺太乾，仲有肉汁,肉燥同山賊雞翅都滷得幾入味，唔太鹹👍，而滷水蛋反而淡咗一點。珍珠豆漿珍珠Q彈，豆漿豆味香濃順滑，鮮榨檸檬多多，清新酸甜，唔錯😋

觀塘出名多工廠，今日就去成業工業大廈搵食。見到有間叫「哈豆」嘅台式餐廳，見個名幾得意就一於去試下。提提大家，呢度係用落單紙落單嘅。只要將自己想食嘅野寫落落單紙再交比店員就得架啦。我同朋友分別嗌左一個飯同一個湯麵。豐盛牛肉鮮蕃茄湯蕃茄湯底用左新鮮蕃茄整，試到蕃茄嘅鮮，湯底有少少辣，食落更開胃。貢丸同花枝丸口感彈牙。牛𦟌好入味，好厚身，雖然厚但夠腍易咬。麵唔會煮得太腍，軟硬適中。萬巒豬腳肉燥飯豬腳皮入口黏黏的，有骨膠原之餘唔覺肥膩。飯有芝麻粒，有咬口又有芝麻香。肉燥份量夠多，送飯啱啱好。飯同麵分別送一杯免費飲品。我點左一杯熱嘅豆漿綠茶，朋友就點左一杯熱嘅葉月紅茶。我飲左豆漿綠茶。嚐到綠茶嘅微甜同埋豆漿嘅豆香，因為有豆漿嘅關係，令豆漿綠茶飲落去口感好滑。另外嗌左兩個小食同朋友開心share。山賊燒雞翅見個名幾得意又想食雞翼就嗌黎試下。雞翼色水好深，呈深啡色，醃味適中唔會太鹹，味道似落左瑞士汁，甜甜地夠入味好香口。雞翼夠大隻夠厚，肉唔霉。南瓜薯餅就食得多，和牛薯餅又食過未？清境和牛薯餅炸得香口，外脆內軟，炸粉夠薄，餡料薯蓉份量夠多，薯蓉夠幼細，口感夠粉，味道甜甜地，有牛嘅香味，好好味。餐廳有部

《炸物拼盤》識食一定係食拼盤包羅萬有鹽酥雞、台灣腸、貢丸、花枝丸、甘梅薯角、蝦捲新鮮炸起永遠都係最好食㗎尤其係粉漿超級薄花枝丸同埋貢丸咬落去仲能夠鎖住肉汁 必食啊最令小編深刻嘅係炸薯角面頭有一層甘梅粉 呢啲係台灣夜市先會見到嘅點綴啊.《台式滷水拼盤》食得台灣野又點可以唔叫滷水呢滷蛋、豆腐、雞翼、豬手同埋牛肉可以一次過試晒全部餸無論係肉類蛋類定係豆腐 全部都滷好入味.《蕃茄牛肉伴麵》因為太想食台灣嘅新竹米粉加咗$3轉左米粉底小編都好驚叫拌麵會唔夠汁撈之餘會越食越乾身但係呢個拌米粉就完全冇呢個問題除咗有大大嚿蕃茄再加蕃茄膏之外仲有少少滷肉碎再加榨菜撈埋一齊食落去好有口感不得不提嘅係牛肉燉得超級淋有入口即溶嘅感覺.《檸檬梅子生粉圓》好清新呀 檸檬同埋梅子山嘅味道加埋好似飲緊益力多咁但係感覺上呢就健康好多尤其係今餐有唔少煎炸野呢杯酸酸地嘅嘢飲又可以解油膩感仲好似好下火咁哈哈

觀塘既台式餐廳比比皆是，但我最鍾意一定係哈豆。每逢去觀塘接女友放工然後諗唔到食咩，哈豆都係我地既首選，今日都唔例外。成業大廈分店既哈豆裝潢比較間陋，不過防疫設施做到足，門口有酒精搓手，另外枱之間有透明隔板- 紅燒牛肉肉燥飯其實係牛𦟌🤣豬肉肥瘦比例適中，醬汁亦好多，每一啖飯都被香噴噴既醬汁覆蓋住，三扒兩撥就已經食曬😋- 雞香腸麻辣乾拌新竹米粉 新竹米粉同麻辣醬完全融為一體，非常入味。台灣既香腸永遠都係咁正，口感紥實。而鹹酥雞既粉漿唔會過厚同油膩，肉質嫩口同酥脆。- 炸物拼盤☝🏻次過滿足🖐🏻個願望，包括香腸、鹹酥雞、蝦卷、丸子同甘梅薯角。本人第一次食甘梅薯角就愛上左😍，入面既番薯軟綿細密，再加上厚厚既甘梅粉，味道酸酸甜甜兼香脆。另外花枝丸同貢丸好彈牙。套餐仲有一般免費飲品，我叫咗豆漿綠茶，至於女友既綠茶多多就要加$8。

雞翅拼丸子麻辣乾拌麵，雞翅、花枝丸、貢丸表面淋上黑椒汁、芝麻，食落好香口，雞翼肉嫩多汁，食落好入味，花枝丸口感Q彈，內有花枝粒，味道鮮甜，貢丸食落鮮味十足，滷蛋蛋香味濃，生菜味道清甜，麵條口感爽滑、容易掛汁，配以滷肉、菜甫、芽菜、香蔥、辣椒醬食用，味道好豐富。甘梅薯角，蕃薯條口感外香脆內軟糯，味道香甜，配以甘梅粉食用，味道更佳。清境和牛薯餅，薯餅口感酥脆，內有和牛肉碎，牛味濃香。台式滷水豆腐，豆腐食落好Juicy，充滿滷水味道。哈豆紅醋醬瓜，醃紅蘿蔔、醃青瓜口感脆爽，味道帶酸、開胃。檸檬梅子QQ少甜，採用原粒梅子、檸檬汁製作，酸度5.5分，白玉珍珠、珍珠口感彈牙，椰果口感煙韌。綠茶多多少甜，採用茉莉綠茶製作，茶味清甜，飲落有回甘，多多味道酸甜。

又嚟到觀塘工廈搵嘢食😆今次試下呢間好似好出名嘅台灣菜啦🤤·✨萬巒豬腳肉燥乾拌麵🐷 $52單點 $56跟餐飲平時食台灣菜好少食豬腳，今次唔洗食炸嘢就點嚟食🤣豬腳肉有五六舊，食落好入味，肥瘦適中，肉質都夠腍，豬皮仲好Q彈🤣·✨椒鹽排骨肉燥飯🐷 $52單點 $56跟餐飲排骨份量都幾多架，炸得香脆，有肉汁鮮嫩，排骨擺咗一陣都仲好食🤣兩款都有嘅肉燥，唯味道偏淡·✨逢甲鹽酥雞🐔 $32嫩滑雞肉夠juicy，調味粉都平均，炸粉唔厚，更加酥脆可口就好了🙂·✨肉燥時菜🥬 $24純粹想食下菜，好在菜係唔多油🤤啱哂我地～·✨葉月紅茶/茉莉綠茶飲品叫少甜飲到茶香味，還可以·🌟抵食觀塘台菜，性價比取勝，味道不過不失，較適合口味冇咁重嘅人士，觀塘有兩間分店呀，可以一試😗👍🏻

觀塘的工業大廈隱藏好多美食👅 今晚便和朋友來了良心小店哈豆，試了地道的台灣美食(超想念在台灣瘋狂吃逛吃逛的日子👉🏻👈🏻) 🤤▫️$65 牛肉鮮蕃茄新竹米粉🍜 鮮蕃茄湯底酸酸甜甜夠開胃🍅 牛肉部分用了牛腱，吃下不老不硬、口感軟嫩👅 新竹米粉Q彈爽口，吸收了蕃茄湯底的精華，裡面還撒了翠綠色的蔥花，色彩繽紛的一碗麵，令人食慾大開‼️▫️$60 椒鹽排骨芝麻醬乾拌麵🍜 椒鹽排骨意外的多，老闆真的很大方👍🏻 排骨炸得很酥脆，香香的很可口‼️一邊拌著麵一邊聞到濃濃的麻醬味，太吸引了👅 麵的口感Q彈帶有嚼勁，麵條沾滿了麻醬，齒頰留香‼️▫️$42 炸物拼盤🍤 有香腸、蝦捲、鹽酥雞、花枝丸、貢丸及甘梅薯角👅 最推介甘梅薯角，它的外皮金黃酥脆裡面口感卻很綿密，甘梅粉獨特的酸甜味和甜甜的薯角味道很搭，不錯‼️▫️$24 肉燥時菜🥬 翠綠色的青菜中和了味道較豐富的肉燥，是一道簡單但很美味的菜式‼️

哈豆在觀塘聞名，現在又開設了第二家分店。工廠改建後的餐廳寬敞，裝飾靈感來自台灣。在食物方面，我想說這是台灣風味，而且麵條也很甜。台灣的Sun Chuk Rice粉條不像我以前見過的那麼薄。四川麵條的味道略好一些，您可以看到它顯然是一個普通的湯，是通過在其上加入四川醬製成的，味道像精油。對於開胃菜，嘗試了豬蹄，麵筋和黃瓜，非常適合共享。湯很好吃又辣。對於飲料來說，大豆綠茶很有趣，所以點了點菜和普通的綠茶。

好友放半天假約我一齊午餐，觀塘成業街19號成業工業大廈2樓29室，餐廳裝修簡單，價錢合理，更不收加一服務費，真超值抵食。我們點左台灣牛肉湯麵🍜配紅茶豆漿$60，牛𦟌腍滑很入味，麵質很滑，湯底香濃，真美味秘製牛肉沙茶乾拌麵配綠茶凍豆漿$60，沙茶醬很香，牛肉味非常濃郁，非常好食😋麻辣丸子三兄弟$18，有牛肉丸、豬肉丸、墨魚丸🦑加辣汁更惹味。台灣滷水拼盤$42，有雞翼、豆腐、牛𦟌、 滷水蛋、豬腳，全部都很入味又夠腍，真美味又好食。

非常懷念台灣美食，可惜相信今年內都好難可以外遊，所以決定係官塘搵間台式餐廳，食下台灣美食止止渴 「哈豆Doctor Beans」位於成業工業大廈2樓，店內掛滿有台灣氣息的畫報，播放台灣歌，人置身其中，有去咗台灣的感覺 清境和牛薯餅（和牛饀可樂餅）～粉漿薄，外面炸至金黃酥脆，咬下去綿密滑順的馬鈴薯餡，口感外酥內軟 五寶什錦醬乾拌麵～包有香腸、雞翼、豆腐、花枝丸、貢丸（配有麻辣醬＋芝麻醬）先將醬汁同麵撈埋，已聞到陣陣麻辣香味，但入口反而先食到芝麻醬香味，而麻辣味就慢慢滲出嚟，雙重味道，越食越好味花枝丸、貢丸，q彈爽口台式香腸，肥瘦均勻，咸味適中，咬下去能感覺到腸衣爆開，然後又爆出滿口鮮嫩的肉汁 凍蜂蜜檸檬椰果～蜂蜜的香甜味，中和左酸酸的檸檬味，入口酸酸甜甜，非常清爽可口