哈豆

營業中

休息中

今日早收工悶悶地就約左幾個朋友去食晚餐，係觀塘工業大廈有一間隱世台灣飯店，服務員熱情既招待好快就坐底左。首先我地叫左個逢甲鹹酥雞肉燥飯，真係色香味俱全，粒粒金香既肉燥飯，加上香脆既鹹酥雞，非常之滿足。跟住再黎就係椒鹽排骨肉操湯麵，麵底非常多，又好彈牙，口感一流。排骨炸到金黃，非常香脆可口。賣相睇見都流曬口水。跟住重有台灣牛肉湯麵，麵底一樣好多，加上牛肉軟硬適中，口感一流，非常有驚喜。最後就係牛肉鮮蕃茄乾拌麵，番茄醬拌咪啲麵食好芝味，牛肉味好出，份量都好多。值得一試。套餐可加咪特色飲品，首先就係青蛙撞奶，呢個非常有驚喜，好好飲。甜度適中，我自己就叫少甜，加咪珍珠，真係世界級值得一試。友人就選左豆漿綠茶走冰，大大杯好止渴，唔會好甜，非常健康。

今日心情好，就約左幾個朋友行街食飯，去觀塘行街，行到累累地就搵間餐廳食野，黎到觀塘工業區比我地搵到呢間餐廳，係食台灣風味。服務員熱情既招待好快就坐低左。首先我地叫左個牛肉鮮蕃茄乾拌麵，蕃茄醬撈埋啲麵食味道一流，牛肉入口即溶，味道好出。非常野味。隨餐跟左杯青蛙撞奶，係黑糖撞奶，我叫左少甜，非常之有驚喜，係我最鐘意既口味。世界級值得一試。跟住就叫左個台灣牛肉湯麵，清湯底好清甜，牛肉味好香，入口即溶，麵底又好彈牙，口感一流。隨餐跟左杯豆漿綠茶走冰，非常之香濃豆漿係我口中徘徊，都係唔錯既選擇。友人就選左椒鹽排骨肉操湯麵，排骨非常大塊，炸到金黃色賣相一流，非常香脆可口。非常有驚喜。再黎就係逢甲鹹酥雞肉燥飯。肉燥拌咪飯食真係好滿足，再加咪香脆既鹹酥雞真係好香脆。友人勁喜愛。最後叫多個小食，台灣滷水拼盤，有滷水豆腐乾，滷水牛肉，非常野味，入口即溶，口感一流。

今日去咗觀塘apm買咗好多嘢 所以朋友就話不如去搵間餐廳度醫下個肚 咁岩我又覺得有啲肚餓 朋友話喺觀塘有間叫哈豆嘅台灣餐廳都算出名 食台灣嘢 而且老闆係一個台灣人 所以味道一定正宗 咁就決定入去試下入到去裝修都算簡約 但係有一個好有趣嘅地方 就係貼咗特色嘅揮春 幾得意之後就到叫嘢食嘅時間 我哋叫咗一個椒鹽肉排飯再加一個鹽酥雞 果然真係同我喺台灣食到嘅一樣 肉係好厚 肉汁非常之豐富 肉味好濃烈 而且炸粉唔算好厚 所以炸到外脆內軟 值得一讚鹽酥雞 一樣炸到好脆身 但係又唔係好鹹 雞味雖然冇豬肉咁濃 但係都有好多肉汁 令到我食上癮之後就叫咗一杯珍珠奶茶 睇相都知道佢係用咗鮮奶去做 所以佢味道同出面飲到嘅有啲分別 而且增加一份新鮮牛奶嘅濃郁感

今日同朋友去完觀塘道做嘢 朋友帶咗我去佢公司嘅樓下嘅呢間哈豆 係食台式料理 下午茶時間嚟到 餐廳冇乜人 坐得極度舒服 仲有部大電視播住台灣嘅流行音樂 好有地道嘅感覺路邊攤小香腸 每次去親台灣夜市都必食當地嘅香腸 呢度嘅小香腸一份有四條 肥肥短短咁好可愛 腸衣好脆 入面嘅肥肉同瘦肉比例啱啱好 非常惹味香甜椒鹽排骨肉燥飯 椒鹽肉排勁大塊 已經幫我地切件 皮好脆 入面肉汁豐富 肉燥煮得非常軟淋又入味 用嚟撈飯一流黑糖珍珠鮮奶 黑糖味濃郁 珍珠煮得夠煙韌 配埋鮮奶感覺冇咁罪惡 又養生

今日收工黎到觀塘食呢間性價比極高，環境非常舒服，而且店員超級nice，好有人情味既台灣餐廳。我特別想讚一讚餐廳一邊會播住台灣既流行曲，真係好正，張枱亦好大，坐得好舒服。豐盛台灣牛肉湯麵 76蚊轉配新竹米粉 加 3蚊加左個蝦仁卷 加9蚊加左個暖既珍珠豆漿 加6蚊 湯底好甜好好味，豐盛版仲多左三種丸，真係好豐富，牛肉好厚好好味。五寶什錦醬乾拌麵 68蚊加配鹹酥雞 加9蚊加配凍桂圓紅棗茶 6蚊 我個人超鐘意呢個調味，芝麻醬再加埋麻辣醬，估唔到係咁夾。魚鬆肉燥時菜 30菜真係好新鮮，而家配搭肉燥好夾好好味。

我間中就會去觀塘成業街攞集運，有時放工嚟攞完集運之後好想搵啲嘢食，但呢條街好多餐廳都唔做晚市，今日終於俾我意外地發現呢一間哈豆係營業至晚上9:00 ，於是今日嚟攞完貨之後，就上去食埋晚飯先返屋企。地方不大，但環境亦舒適，讓我可以靜靜地食番餐一個人的晚餐。以小店來講選擇都算幾多，台式小食令我可以懷念一下以往的台灣之旅。麻辣丸子三兄弟分別係花枝丸同埋貢丸，食得出兩款丸子都係來自台灣嘅貨色，麻辣醬唔算太辣所以覺得好好味。主食就揀咗排骨肉燥乾拌麵，拌麵亦有加入蘿蔔粒、半隻滷水蛋、蔬菜等等，撈勻食味道唔錯。酥炸排骨炸得非常香脆，而且超大塊，大件到其實我都食唔晒，真係好抵食。補少少錢就有呢杯百香果綠茶QQ，揀咗少甜少冰果然唔係太甜，入面有好多珍珠同椰果，Q彈有口感，值得推介！

是次麵類全部有半隻滷蛋及生菜- 沙茶牛肉乾拌麵原本以為係港式，其實係台式牛肉（即係牛𦟌），有菜莆及滷肉，沙茶味濃又香，一啖接一啖。乾拌麵濕度適中，不過太乾導致黐埋晒。- 排骨芝麻醬乾拌麵香濃芝麻醬，淡淡甜味，加上菜莆，口感提升，亦都有滷肉。基本上同上，沙茶同芝麻各有特色，不能正面比拼。但兩者都值得一試。排骨是鹽酥雞脆漿，肉質較厚實，不過冇咁滑。-台灣牛肉麵轉新竹米粉湯底值得欣賞，藥膳味濃加上蘿蔔清甜。個人認為比紅燒更值得更合襯更健康。米粉份量足夠，吸湯程度十分滿足。-另加香腸及鹽酥雞台灣香腸果然要串燒才是最吸引，所以還是把quota留給鹽酥雞吧。總結，麵滑彈牙，牛𦟌厚，肉質有咬口，筋淋。推介的！！

之前都同朋友食過佢間分店，今日係觀塘交收完，好肚餓又想食台灣野就去食佢既分店。🔅五寶什錦撈拌麵佢個麵好爽口，仲掛住d拌面辣辣地既汁，個五寶各有特色，台灣腸好甜，花枝丸同貢丸好新鮮彈牙，雞翼滷得出色，豆腐炸得金黃色外脆內軟，加埋d菜脯同肉燥味道好非常豐富！評分: 4.673//5🔅青蛙撞奶佢個奶非常濃郁，珍珠佢有黑珍珠同埋白色珍珠，都好彈牙！同埋佢杯野唔甜，啱曬我呢d怕甜人士！評分: 4.543/5

每枱都放咗支搓手液五寶什錦醬乾拌麵 $68麻辣醬+芝麻醬，麻味十足，五寶係有雞翼丶台灣香腸丶豆腐丶貢丸丶花枝丸，足料！麵底亦夠多！排骨肉燥乾拌麵 $58 (轉新竹米粉 +$3）排骨算大塊，外層酥脆，肉腍易咬；一向鍾情新竹米粉，質地較爽丶彈牙，拌埋肉燥丶蔥粒，索埋佢哋嘅香味！清境和牛薯餅 $26正常吉列外層嘅脆，和牛味就無乜，但薯餅就唔錯檸檬梅子QQ 跟餐 +$12QQ即係椰果加珍珠，聲稱係鮮檸檬，飲到有話梅肉，但味道唔算突出，檸檬味偏重百香果綠茶QQ 跟餐 +$12

好耐冇去台灣，好掛住 #台灣美食，所以去咗觀塘位於工業大廈內的台灣菜 #哈豆。店舖有台灣小店感覺，下午時間去見到坐滿人，証明食物都唔會差。對於選擇困難嘅我，點咗乜都有嘅 #豐盛台灣牛肉湯麵🍜，一碗有齊牛肉、貢丸、花枝丸同滷蛋。湯底清甜不太油膩，粗身麵條軟硬適中。牛𦟌很淋又有咬口。丸類真材實料，食到有花菇同墨魚粒，鮮味彈牙，整碗麵感覺不錯，很有 #台灣味道 😋套餐加配飲品，原本想飲 #珍奶🧋，但珍珠賣晒了，所以選擇了 #仙草鮮奶茶。飲品可自己選擇甜度同冰量，我點了少糖少冰，感覺健康啲😆。飲落奶味較多，仙草分量不少，每啖都飲到爽口仙草。食物味道唔錯，下次要再試埋其他。

近期特別喜愛去樓上店食野，一來空間感會大D，其次是食物質素都不錯😊！今次去咗觀塘工業區的《哈豆》食台灣菜，六點入座，剛好第一枱☺️不用等位，到了七點就開始坐滿了！台灣滷水拼盤 $49拼盤有(豆腐、滷蛋、萬巒豬腳、雞翅和牛肉)今天走牛😅！滷汁濃郁入味，湯汁稠糊，色澤紅亮，偏鹹味，加上豬腳QQ彈牙的口感，滿滿膠原，超級好食👍🏻👍🏻！炸物拼盤 ＄49拼盤有(香腸、鹹酥雞、蝦卷，丸子和甘梅薯角) 夜市難以抗拒的炸物，通通擺在眼前，鹹酥雞炸粉厚薄適中，香脆又厚肉，咬下去還能咬到啖啖啖肉汁，不錯😋😋！青蛙撞奶 ＄30梅子綠茶山粉圓 ＄20綠茶的甘醇與酸酸甜甜的梅子混合，酸中帶甜，甜而不膩，再加上山粉圓，除了含有豐富的天然膠原蛋白外，亦令口感大增👍🏻👍🏻！

今日同媽咪睇完戲之後就上左黎食少少野先返去呢間食台灣菜既小店有兩間分舖係觀塘，仲記得以前係觀塘返工，間唔中都會黎食晏因為我約左朋友早食dinner，所以我就無嗌飯/麵，反而想食d小食過下口癮反正平日星期一至五，下午時段有9折，所以決定要曬兩款小食拼盤同媽咪食！！而媽咪就要左一份酥炸排骨肉燥飯加蝦仁卷配凍紅茶兩款小食拼盤都好豐富，一款以炸物為主，一款則為滷水小食滷水小食款款入味，尤其係牛展同豬腳份外出色而另一款以炸物為主既拼盤都唔錯！！！炸得色澤金黃唔油膩甘梅脆薯條香甜粉糯，超正而媽媽亦大讚佢既酥炸排骨好有水準我亦嗌左一杯台式特飲：鮮榨檸檬多多既可解渴又解膩

唔想食咁貴，但又想試下新嘢？今次兩位小編來到觀塘嘅工業大廈，坐低咗喺呢間頗出名嘅台灣餐廳～ 睇OpenRice見到佢喺觀塘有兩間分店✌🏻 六點幾去到成業街分店，冇乜人，即刻就有位👏🏻 Menu上面好多選擇，湯麵、拌麵、肉操飯等等，價錢跟餐都唔貴！🤩—————🤍山賊燒雞翅沙茶乾拌麵（單點$52/套餐$56）（+$9 鹽酥雞）（+$12 百香果綠茶QQ）本身賣相睇落一般，以為會唔好食，但係食落發現唔錯！✨ 好足料，有生菜，有半隻滷蛋🥚 沙茶醬拌麵好夾，味道濃郁，如果麵底可以煙韌少少會更好😢 雞翼有三件，同樣餣得好入味🍗 當然會話平食唔要求咁高，所以整體都係滿意嘅一餐🥰 鹽酥雞好食，果然係招牌菜，不過份量有啲小同細粒，始終係跟餐加錢嗌🤣百香果綠茶QQ係有椰果同珍珠，叫咗微甜，甜度就剛好！解渴之選，椰果同珍珠都有咬口👍🏻

呢間工廈台式餐廳o既裝修相對簡單，感覺都幾homey。Menu 提到原來餐廳係由台灣人開的！咁我expectation 會更大。佢d 飯麵o既餸有好多組合選擇，可以左拼右拼，我試o左一個鹹酥雞拼香腸麻辣乾拌麵(跟餐$62)。不過因為我唔係幾食得辣，驚佢成個麵辣得濟，所以我走o左辣先~餸同麵係分開上的。特別想講o個隻香腸真係超好食，5 粒星，層皮係搽o左蜜糖去燒o個隻甜脆，然後裡面實淨有咬口，又油潤感十足，成條腸味道都十分甜。佢另外瀋上o左少許香蒜碎，再填上一點嗆口感，巧巧吃~個乾拌麵o既醬汁除o左用上蔥油同台式肉燥，仲加o左榨菜，令佢食起上o黎多o左份鹹香。附上半隻蛋，但同一般o既滷水蛋不同，唔講仲以為係茶葉蛋o黎……可能多o左花椒八角之類o既氣息，層次好豐富！另外少少地仲點多一串丸o黎食。個麻辣丸子三兄弟($18) 本來我都想走埋辣，不過侍應哥哥話可以分開，都想我試下，咁我話好啦。有兩粒花枝一粒貢丸，兩款都係真材實料，同埋淋上一隻甜甜地o既醬汁，就咁食已經幾惹味；再點埋少少麻辣醬，辣辣地更過癮。頭先個乾拌麵已包飲品，basic o既免費，靚d o既就補錢。試o左推介之一o既黑糖鮮奶茶

觀塘有唔少工廈入邊都有好嘢食，咁我今次成業工業大廈，近觀塘廣場嗰邊，試吓呢一間台式小店 哈豆🇹🇼。舖頭簡單佈置，另外都會播啲台灣嘅歌曲。秘製牛肉沙茶乾拌麵 $60沙茶醬拌麵原來都有好多材料🤩，佢除咗有沙茶醬之外，亦都有肉操汁、菜脯、滷水蛋、秘製牛展同油麥菜，整體份量都幾大份。拌麵嘅麵質，我覺得幾好，呢款就唔同刀削麵。佢煮得啱啱好，唔會話太冧或者偏硬身，可以掛到沙茶醬汁。另一方面，沙茶醬唔係淨係得鹹味，撈埋啲肉操汁就唔會話令到成個麵好乾。辣菜脯粒就擔當左個幾重要角色，有時沙茶醬俾人覺得肥膩，菜脯爽脆又帶點香辣，減膩😆。至於牛展，幾冧身，而且好香牛味，容易咬，幾出色。滷水蛋都醃得入味。蝦仁卷 $9 (跟餐加）平時食台式餐廳多數都係跟鹽酥雞，今次見到有蝦仁卷，決定試吓。🦐蝦仁卷外皮被炸過，所以就變咗脆口。另一方面，餡料除咗有蝦肉外，亦都有啲馬蹄粒粒，令到成條卷更加爽口。葉月鮮奶茶 加胚芽 $8+4 (跟餐加）奶茶使用鮮奶整，鮮奶味就比較重，如果佢個茶味可以重少少會更加好😛。另外，我自己加胚芽，胚芽份量都多，脆脆哋。