哈豆

營業中

休息中

一入到餐廳，就聽到五月天🇹🇼既聲音，好能夠代表到台灣既聲音😍❤️餐牌上見到佢地主打「牛肉麵 鹹酥雞 香腸」即刻嗌左一個鹹酥雞拼香腸麻辣乾拌麵🍜，一上枱即刻聞到好香好香既味道🤗鹹酥雞🐔炸得好脆，好香口👍🏼👍🏼👍🏼麻辣乾拌麵一樣係香到不得了，有麻既香味，但唔會辣到要一路飲水一路食，係好舒服令人食唔停口既辣🥳🥳✅✅香腸都係新鮮熱辣整好既，滿滿既肉汁再加上香濃既豬肉味，真係好正阿😆😆😆😆😆下次一定會再黎過🎊🎊

觀塘區出咗名好多好嘢食，今次就嚟咗喺呢間工廠區入面嘅哈豆食台灣野❤️❤️餐廳唔算好大，不過都好乾淨好舒適！而且餐牌上嘅選擇種類都好多！今次就做咗呢個鹽酥排骨肉操飯🤤呢個肉操飯好香，而且一d都唔會好肥膩！而且再加上大大塊嘅鹽酥排骨，真係好正，係好有台灣風味！同埋呢個排骨好香，食得好滋味！！❤️❤️另外仲叫咗一個路邊攤小香腸，呢個係我好鍾意食嘅台灣香腸，咬落去好Juice好多汁！👍🏻👍🏻推介！！食台灣野就梗係要叫青蛙撞奶！呢個珍珠黑糖鮮奶係我喺台灣嘅時候飲到嘅味道，黑糖好香！好香嘅奶味，而且呢個珍珠煮得啱啱好，非常彈牙👍🏻👍🏻

今日同朋友去咗觀塘嘅駱駝漆大廈嗰邊行街，戰鬥力超長買完一個晏晝之後就好肚餓啦😂於是就上網睇吓有咩好食見到有人推介哈豆！主要都係食台灣菜而且價錢非常親民☺️招牌台灣牛肉湯麵🍜 $76見到好多人都推介佢哋嘅台灣牛肉湯麵🍜而且見到餐牌都有好多唔同嘅配料，牛肉湯麵嘅配料有牛筋、貢丸、牛丸同埋花枝丸！佢嘅牛筋腩肉都非常嫩滑，而且牛筋肉好彈牙😍牛肉鮮蕃茄湯麵 $64蕃茄湯麵都係有好多牛肉，有牛腩同埋牛肉🥰兩款牛肉都係厚切但係入口都非常嫩滑👍🏻😚而且佢嘅湯麵質地啱啱好而且好掛汁非常香嘅蕃茄湯味❤️台式滷水豆腐$22滷水豆腐都好入味，佢有六件以價錢來講份量都多，鍾意食小食嘅都唔錯可以送飯就仲正🤩青蛙撞奶 $18 跟餐加配檸檬梅子QQ $12 跟餐加配兩個飲品都可以叫少冰少甜，青蛙撞奶就好似黑糖珍珠奶，珍珠非常彈口，而且有淡淡的黑糖香味，但係加埋啲牛奶一齊飲就唔會覺得好甜！檸檬梅子QQ就有珍珠同埋椰果，酸酸地嘅檸檬再加少少甜嘅梅子令到成個飲冰味道更加平衡❤️推介大家喺觀塘附近搵嘢食都可以去依間試吓，而且佢都好近駱駝漆大廈可以行完街去食飯👍🏻👍🏻

來觀塘覓食一定是找小店，今次就有觀塘朋友帶了我來這間隱藏在工廈的台灣菜小店，要注意是有兩間分店喔🙈落單形式是寫紙或出去點餐，等候時間頗久，即點即做。.我點了新出的麻辣紅燒牛肉麵（menu 都未有）$64跟餐+$4麻辣其實飲得出湯底是清甜不油膩的藥膳湯，而且多生菜🥬，飲完都不口乾。但麻辣方面就比較失望，竟然是大陸的麻辣味，能與本來的湯底分離，不是台灣的紅燒麻辣味。麵條就是普通粗扁麵，沒有什麼特色。但重點推介是其牛肉，竟然是用牛𦟌，腍滑厚身，而且彈牙多汁，甚有牛味，為碗麵挽留不少分數。建議前來用餐的朋友點回普通湯底即可。.朋友們就點了椒鹽排骨肉燥麵乾拌麵/新竹米粉，上面鋪滿爽脆菜脯，有滷蛋，味道比較地道，很入味，椒鹽排骨則香脆可口，正常發揮。.豆漿綠茶，少糖了還是很甜，味道略嫌一般。雖然菜式多選擇有台灣風味，但就覺得未至於網上吹噓十分的‘平民價’，不過有機會都會再親身來一次試試其他名菜。

星期六中午去觀塘拎野，地膽朋友介紹一齊去食台灣嘢，佢話呢間係台灣人開嘅小店，餐廳地點喺成業街嘅成業工業大廈。裝潢簡潔座位濶落，去櫃枱落單比錢然後等食物，方便又簡單。 Menu主打台灣料理，有齊我最愛嘅牛肉麵、珍珠奶茶同台式小食！午飯SET跟餐加小食都係$6至$9， 飲品當然有大量台式特飲，價錢親民唔錯！👍👍👍🍜台灣牛肉麵 $64 加香腸 $6招牌菜正宗台灣牛肉麵，有牛筋同兩件厚切紅燒牛展，肉味濃郁仲入口即溶，忟得勁淋勁入味！大大舊牛筋一樣忟得爽口彈牙！配菜有紅蘿蔔、白蘿蔔同半隻蛋，麵底比較偏軟身，我自己就超鐘意！連埋湯一齊食更香濃！跟餐加了台式腸，煎到香脆味道冇得彈！跟餐飲品點了青娃撞奶 $18 ～睇個樣已經知正宗！奶味香濃，粒粒黑糖珍珠勁好味！🍡豆腐丸子沙茶醬伴麵 $60 加鹽酥雞 $9  一上枱已經聞倒超沙茶醬味嘅伴麵！有台式貢丸同花枝丸、仲有炸到外脆內軟嘅豆腐！沙茶醬撈勻食味道啱啱好！麵質彈牙煮至適中，麵底份量足！跟餐加左鹽酥雞，實在炸太好！雞肉軟嫩保持肉汁，香口又惹味！必點之選！  跟餐飲品點了檸檬棷果 $12， 酸酸甜甜嘅果汁簡真完美！

早幾日同大爺去咗觀塘攞嘢難得落觀塘就去搵吓有乜平靚正嘅野食🍲🍽太耐冇去台灣旅行🧳😭思鄉之下我哋就決定食台灣野❤️✨椒鹽排骨肉燥飯 呢度嘅嘢食真係好抵食跟野飲套餐價都淨係$58😍真係非常抵食👏🏻椒鹽排骨炸得好香脆入面肉又唔會太乾身仲保留到juicy肉汁😋肉燥粒唔會太咸而家好好送飯 正😄✨台灣牛肉湯麵🐮牛肉麵嘅牛非常淋身唔會痴牙😂湯底牛味好濃🥰麵身好彈牙份量亦都好大碗套餐價都只係$64👏🏻又係非常抵食😋✨台灣滷水拼盤拼盤包括有豆腐 滷蛋 牛肉 豬腳 雞翼啱哂咩都想試嘅我哋👍🏻滷水最緊要係個滷水汁有時係街食嘅滷水食物淨係得個咸字食唔到其他味道但呢度個滷水汁咸咸地得黎有滷水香料嘅味道味道比較多層次不錯啊👍🏻👍🏻👍🏻✨哈豆 (觀塘)📍觀塘成業街19號成業工業大廈2樓29室

中午放lunch 一試，第一次去。店舖分兩邊，要過隔離舖落單，大排檔feel，d凳唔算舒服。中午食個麵，鹽酥雞麵。麵質可以，隻辣味不錯，台灣麵係呢種辣味。份量方面，唔算大，唔大食嘅人剛剛好。味道嚟講，碗嘢好好味又唔係，不過ok 合格嘅，就睇在佢個辣味中point 份上。d鹽酥雞另上，我忘記影佢入鏡，細細舊，都幾多舊，但十分之乾下。豆漿綠茶不錯，半糖d味幾清，算解渴，好過飲就咁豆漿。套餐六十幾蚊，雖然唔算唔好食，但又未去到好好，唔算精緻的食物，我唔覺得好抵。

😍清境和牛薯餅😍$26 必食薯餅，好出色炸得好酥脆，餡料口感好綿密，正❤❤  😛萬巒豬腳肉燥飯😛$58 呢個份量都好多，有菜有蛋有肉，好均衡😌😌豬腳肉好Q彈，用黎補骨膠原一流🙈🙈  😗椒鹽排骨芝麻醬乾伴麵😗$62 本身以為係日式芝麻醬，但呢個係中式既芝麻醬，有少少花生醬味，質地係有少少杰杰地，但整體食落都好食既😁😁排骨就好大份，調味剛好唔會過咸😋  😁蝦仁捲😁(+$9 )呢個見佢幾特別就加黎食下，都幾好食😁😁  😌豆漿紅茶😌 (跟餐) 呢個飲落好順好香，中意豆漿要試下  😋青蛙撞奶😋 (+18) 個名好特別，其實就係黑糖珍奶，可以半糖，但可能因為咁唔夠重黑糖味，建議要翻全糖😂  係觀塘有兩個分店，都幾出名，放lunch可以食下😋😋 

台灣滷水拼盤 $49呢款滷水拼盤入面嘅餸菜真係好豐富呀，好似有豆腐、滷水蛋🥚、牛肉🥩、豬腳同埋雞翼🍗，全部都整得好入味，滷水味道濃郁之餘又唔會太鹹，仲甜甜地好正啊青蛙撞奶🥛(L) $30呢款個名好特別嘅飲品其實係黑糖珍珠鮮奶，雖然味道偏甜，但係北海道牛奶味非常濃郁🐮，仲喺杯嘅外圍有靚靚黑糖pattern，值得推介👍🏻珍珠茉莉綠茶 🍵 (R) $18呢個綠茶配上黑白珍珠，特別得來口感又多彈牙，整體來講係健康嘅飲品，用來送台灣嘢食又正宗又夾！山賊燒雞翼沙茶乾伴麵 🍖🍜$52呢款拌麵係餐廳嘅熱賣產品之一，果然值得嘗試😋入面有三隻燒雞翼同埋滷水蛋，雖然材料簡單，但係連埋沙茶醬一齊食已經好開胃，性價比好高啊魚鬆肉燥乾伴麵 🐟 $44呢款拌麵係老闆推介嘅嘢食，啱晒細食又注重健康嘅朋友🙌🏻入面嘅材料主要係魚鬆、肉操、菜心🥬同埋滷水醬料，簡單得來又食得好飽，確實唔錯🤤

不變通的餐廳，不明白為何一個set可以米粉，另一款只可以配飯？不會再來吃。燈光太暗，連睇餐牌都有點辛苦。落單紙太細，落單適合寫字轉細的人落。食物味道可以，款式可以。

今日約咗朋友喺apm睇戲，一早講好食台式餐廳，貼心的朋友仲訂咗枱。一行到門口，我即刻退後，以為去錯地方，同我上次去嗰間唔同嘅，朋友笑笑口話有兩間分店。食物兩間都一樣，呢間細啲簡約啲，我哋每人點咗一碗麵，一啲小食，飲下嘢，傾下計，輕鬆咁食咗一餐晚餐。台灣滷水拼盤，同餐牌有少少唔同，少咗萬巒豬腳，牛滷得幾好食，唔係外面食到嘅滷水咁入味，不過汁厚身食嗰陣都食到茨汁，都唔錯嘅。套餐+香腸，鹹酥雞各$9豐盛台灣牛肉湯麵(牛肉，貢丸，花枝丸)呢個朋友點嘅。牛肉鮮蕃茄湯麵，湯底嘅蕃茄味唔突出，麵條一般，不過過牛係好食嘅。跟餐綠茶。+$18青蛙撞奶

前幾日去左觀塘行街，順便黎到哈豆食午餐😋😋平日中午都好受歡迎要排隊，好彩當日兩點幾黎到唔洗等～～🍜豐盛牛肉鮮蕃茄湯麵 $76✨湯底味道鮮甜，唔會好濃味～～配料好多，有幾片牛𦟌、貢丸、花枝丸同半隻滷蛋等，質素都唔錯😍😍我地(+$3)轉做新竹米粉～食落好有咬口好索湯，都幾好味❤️❤️🍖椒鹽排骨肉燥飯 $58✨椒鹽排骨大大件，上枱時已經切好左幾片～～排骨口感外酥內嫩，而且都醃得夠味🤤🤤肉燥配埋菜脯都好送飯，推介👍🏻👍🏻套餐可以(+$9)加小食試試，我地就加左香腸同蝦仁卷～～份量唔多但係味道都唔錯，有時候一個人黎食飯想過下口癮都可以order😏😏-飲品方面，我地叫左胚芽豆漿(+$6)同青娃撞奶(+$12)～～豆漿好濃豆味，唔會好甜😋😋而青娃撞奶即係黑糖珍珠鮮奶～但係咁啱珍珠賣哂，店員幫我地轉左鮮草～估唔到都幾夾幾好飲❤️❤️

📍 哈豆 小編好耐都冇食台灣野😛所以早幾日帶咗朋友去觀塘一間工業大廈入面試咗一間專賣台式野嘅餐廳😎-豐盛台灣牛肉湯麵 $76台灣牛肉麵算係熱門嘅菜式之一😌 所以我地叫左嗰豐盛版本😜除咗有牛筋、牛肉、牛丸等 仲有貢丸同埋花枝丸🤪 食落去彈牙😙 咬落去有肉汁 湯底味濃郁😛麵條比我想像中幼🤭 小編比較鍾意食粗身啲嘅麵🙈 食落口感彈牙啲台灣滷水拼盤 $49有豆腐、滷蛋、牛肉、萬巒豬腳同埋雞翅五款～ 拼盤種類豐富 但係就咁食 食落去偏鹹左啲🤭食落偏重口味 豬腳食落去彈牙❤️炸物拼盤 $49有香腸、鹹酥雞、蝦卷、丸子、甘梅薯角五款～香腸食落偏肥 但咬落外面脆皮好味😙鹹酥雞食落去鬆脆 丸子都一樣外脆內軟 薯角食落去鹹鹹地甜甜地🤩蜂蜜檸檬山粉圓 $24 （跟餐加$12）小編叫左走冰走甜 杯飲品有好多奇亞籽粒飲得好放心🤣 飲落去甜甜地 檸檬味唔算特別重 蜂蜜味比較出 但係整體幾好飲🤪✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎綜合食評📝外觀：★ ★ ★ ★ ☆回頭率：★ ★ ★ . 5抵食指數：★ ★ ★ ★ ☆✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎-🔎 地址：觀塘成業街19號成業工業大廈2樓29室

疫情之下無得去旅行，留係香港緊係要周圍搵嘢食，今晚就嚟到觀塘工廈嘅哈豆去一轉台灣啦～我哋叫咗酥炸小丸子(六粒)，熱辣辣脆卜卜yumyum～主食就點咗山賊燒雞翅沙茶乾拌麵同椒鹽排骨芝麻醬乾拌麵，share嚟食就可以一次過試曬兩隻味～我自己就鍾意麻醬多啲，芝麻嘅香氣再撈入麵中，加上炸起嘅椒鹽排骨，啖啖麻香同肉呀！而沙茶乾拌麵嘅沙茶醬味都好惹味，仲有我哋鍾意食嘅雞翼呢。小食仲有台式滷水豆腐，店員仲話我哋好好彩係最後一份呢，滷水汁夠晒濃味，豆腐超入味呀～食台灣嘢點可以唔叫台式飲品，兩杯少冰少甜嘅珍珠鮮奶綠茶就路啱曬，有淡淡嘅茶香，加上用鮮奶沖製，同本身少少甜嘅珍珠，唔錯呀～

好耐好耐好耐冇食過台灣野了，係朋友既推薦下黎左呢間doctor bean 食。 從裝修上來看，就知呢間係一係小店，店舖面積唔算好大，一人打理。 但有部大電視俾大家一齊睇食物方面： 我當日就叫左一份雞翼并丸子的麻辣拌麵，而我朋友就叫左一份雞翼肉燥飯。 2碗都配有蔬菜， 半粒鹵水蛋和辣菜甫。 雞翼的味道很適中，而且係入味的和肉燥很搭！ 而小食方面叫了一份炸物拼盤包括： 炸蕃薯條、炸貢丸和花枝丸，鹽酥雞和一條台灣腸。 感覺上很豐富， 食落都好脆好香口，49蚊來說cp值算不錯了 飲品方面， 一杯是蜂蜜仙草，而另一杯是豆漿紅茶加珍珠。 珍珠略嫌有啲硬， 但蜂蜜仙草值得一試， 我個人覺得好好飲