品香樓中西風味餐廳

營業中

休息中

呢間已經好耐冇去過喇!!!今日經過，其實唔係好餓，呢度最出名係凍朱古力，突然好懷念所以就忍唔住入咗去隔咗甘耐呢間都係咁多人，但係好在我地兩個人唔駛等太耐。而且仲係比左卡位我地，坐好舒服。晚上六點後如果落單就可以㩒側邊鐘仔，好快就會有姐姐過嚟幫手今日試下泰式肥牛脆豆腐，同埋枝竹黑椒牛仔骨。（佢d牛仔骨一向都唔錯）而且份量好多。泰式肥牛脆豆腐，就麻麻地，泰式酸酸甜甜，個人就覺得偏甜唔係咁適合我口味。凍朱古力都係舊陣時味道，都係忌廉係上面😍打卡一流！因為唔太肚餓，食淨既用外賣盒拎走都竟然可以裝滿晒就證明佢真係份量唔少拉！兩個人埋單total$240有找好抵！

今晚點了個風沙雞，啫啫通菜煲食，風沙雞上面放上蒜香，肉質整到岩岩好好嫩滑，外表層皮好香好脆，啫啫通菜煲好夠火鑊味，菜嫩鮮甜，仲有我最愛的朱古力上面加cream..沖到好濃，連埋cream入口簡直無得彈❤️❤️❤️

作為正宗港女 除咗鍾意食打卡下午茶其實仲勁鍾意食大排檔飯因為屋企真係食唔到咁有鑊氣嘅菜呢間屋邨餐廳咁出名都唔使多介紹黑椒薯仔牛柳粒係必叫嘅相信大家都知道哈哈牛肉唔會好un，超正同埋佢係連住個鑊咁樣上熱辣辣！！今次仲叫咗一個梅菜肉餅豆腐其實有少少重口味不過送飯就好好食！！唔敢相信我食咗兩碗飯金銀蛋時菜正正常常蛋嘅份量都好多～因為得兩個人食所以叫唔到好多餸大排檔梗係要叫到成枱都係先過癮希望快啲完結限聚令又可以一大班人食嘢

品香樓出名就係一大班人Reu嘅好地方，同埋佢遠近馳名嘅凍朱古力，今日就嚟朝聖喇～佢呢度成哥風格都幾懷舊，全部都係木頭🪵，但係有莫名地有種溫馨嘅感覺兵仔我去到邊都好鍾意食福建炒飯，所以就叫咗一個。佢個汁都幾好味，同埋料都比得好足，有啲地方真係得蟹柳同雞肉，仲要成浸雪藏味，呢度算幾高質小菜來講椒鹽九肚魚同埋沙拉骨都非常有鑊氣！好惹味！沙拉骨酸酸甜甜，好開胃九肚魚炸得好香脆，唔會好厚粉杯朱古力大大杯，啲cream係上面好似雪山一樣，非常打卡able～而且甜度適中，朱古力味香濃，下次可以再encore！

聽聞石硤尾有間品香樓小菜好食，價錢又抵，所以才相約朋友前來飯聚兼試菜。價錢雖然是大眾化，小菜份量不算多，味道都沒有傳聞中如此好食，確實有點名過於實。******************************聞名已久的品香樓，位於石硤尾南山邨之商場內，前來都是想試下係咪真係咁好食。餐廳有營業時間。餐廳地方都不是很大，都是以圓枱為主，有大有細枱，坐得都有點逼。餐牌菜式都不少，看過餐牌，我們都點了些較特別的小菜試試。下單不久，很快便把小菜送上。南乳雞中翼例牌，都算大隻的雞翼，炸得非常香脆，又有南乳味道。芝士琵琶豆腐配伊麵，豆腐都大粒，吃上口啖啖肉的口感，芝士汁配伊麵底，都不錯。龍鳯球，炸得都好脆口，配上沙律醬汁夠開胃。XO醬炒蘿蔔糕例牌，XO醬又不會很辣，味道都幾惹味。火焰蜜味牛柳粒，送上枱時是會點火，待火燒一陣，影相之下，就只見到左邊有少少光。但吃上口又沒太大特別味道，牛柳粒都夠腍口。芥蘭炒牛肉，都是一個普過的小菜，芥蘭都炒得爽口。凍朱古力，送來時賣相都幾吸引，都是一杯普通的朱古力飲品。

南山村中菜館推介👍🏻👍🏻😍中菜最緊要夠鑊氣價錢親民 最實際😆火焰蜜椒牛柳粒呢碟餸好啱打卡👀好吸睛真係有個火一路加熱個賣相滿分💯牛柳方面肉質淋軟冇筋位juicy配搭黃紅椒一齊食味道豐富去膩加埋黑椒汁嘅配搭非常惹味略嫌油嘅份量重咗少少🤏韭菜豬紅呢個韭菜豬紅唔講得笑份量好多大大粒 完全冇腥味醃製得非常入味 而且湯底濃郁重口味好好味😋 食到底有少少鹹絕對會令人停唔到口兩個人都食唔晒 我仲要打包返去添豉油王大蝦如果要講到大蝦嘅煮法我最鍾意嘅就係豉油王估唔到隻蝦都幾大隻配合豉油王嘅鹹香炒得好香口 真係想連個殼都食埋😆

估唔到係屋村入面，都有間餐廳係要慕名而黎😌相信係城大讀書既朋友仔更加唔會陌生!(仲係飯堂tim😂)今次小仙子又帶小🐷出省😅食好西😙平日晚市7:30左右，等咗陣就有卡位🤓見到餐牌有熱賣排行榜，諗住參考吓有咩推介🧐最後點左幾樣招牌菜：招牌菜風沙雞半隻 ($13x)：表皮炸得好香脆😍肉質好嫩好滑，可惜有D骨位仲係紅色，只係剛剛熟😅南乳炸豬手($8x)：南乳醬分開上，唔會整淋炸豬手👍🏻 炸豬手表面香脆，入面仲係軟軟的，好多骨膠原😛啫啫通菜煲($6x)：上菜時通菜先會放入熱辣辣既鐵鍋度炒幾下，香味即時衝哂出黎😗XO醬炒蘿蔔糕 ($8x)：蘿蔔糕大大粒，好足料👍🏻飲品點左杯鹹柑桔蜜，唔係太夠味，偏淡，可以濃D😅好滿足既一餐，果然係招牌菜😋走既時候仲見到門口有炭燒雞蛋仔(推車仔架)，可惜太飽同好多人排隊所以無試到🥲

-石硤尾嘅南山邨除咗有出名嘅打卡位，入面仲有出名嘅凍朱古力要飲💕🍫-記得以前返學都成日飲😳 今日咁啱工作經過，立即忍唔住衝咗去食返個常餐，仲加咗三蚊加忌廉🥲 （邪惡度MAX…) -綜合嚟講，我覺得佢算係我心目中好飲嘅朱古力top 5之內，當然唔可以話佢用邊度國家嘅靚可可豆咁啦，不過個味道真心好好好味🍫🤭-朱古力味道香濃，就算飲到底都唔會覺得淡🥳 加埋忌廉更加香滑😋😋😋 哩三蚊我覺得都值得比🤪🤪🤪-常餐就不過不失，都係典型嘅快靚正😬 其實佢哋嘅蜜桃沙拉骨都唔錯嫁，值得大家一試🥳

相信呢間大家都唔會陌生！City人嘅經典飯堂！依家出嚟做野間中都會約朋友嚟reu！有鑊氣，價錢收得合理！火焰蜜椒牛柳粒 $113好食又打卡一流，個個叫呢盤都會即刻影相😆👍🏻 火焰一路燒住牛柳粒，暖住佢！蜜糖黑椒汁甜甜辣辣！惹味！薯仔粒有焦香！ 外脆內裏粉粉軟軟，同牛柳粒煎炒得夠鑊氣！呢款嘅薯仔粒出色過牛柳粒架，會食到停唔到口😋 係我最推介嘅菜式！___________________品香樓中西風味餐廳 (石硤尾)石硤尾南山村南山商場平台204-205及210-213號舖___________________

而前見中學同學每次reu 都會尼品香樓，搞到自己都心思思🙈今次終於同朋友尼咗😋最impress我嘅係佢嘅火燒黑椒薯仔牛柳粒🥰一直食都暖笠笠🙈仲要燒到啲薯仔同牛柳粒輕微焦底😙😙

打開餐牌幾百個餸，睇到眼花撩亂，驚朋友介紹，佢嘅炸嘢係最好食，但怕太熱氣嘅關係都叫咗少少其他餸，佢有個小食海蜇杯幾特別可以打下卡，五個人食咗六百幾蚊都算好抵，值得一讚嘅係佢有個麻辣雞，味道一流，又香又麻好入味，五個人捧住個肚走

因緣際會要去黑盒劇場看表演，來到石硤尾搵食。見到這家在open rice 有不少好評，於是前往一試！果然有驚喜！朱古力加忌廉加冰很好味！隔離枱的小朋友見到我們飲得咁開心，投以羡慕的眼光！ 啫啫煲芥蘭夠熱又大份！當芥蘭放入熱煱時，發出喳喳喳聲和香氣時，再次引來小朋友的好奇心！ 另外叫了半隻雞！不油膩，溫度也很合適！上菜速度快！服務態度好！餐牌上很多選擇，我們直接請職員為我們介紹了他們的招牌菜！果然好介紹！我們坐的是卡位，兩個人坐四人坐位很寬躺舒適! 總括來說，雖然門口有些暗，但裡面夠光！很懷舊的地方！

今日因為女人話想食品香樓，所以拉埋大隊訂台食，我地叫左個薯仔牛柳，黃金花枝，炸大腸，南乳豬手，加朱古力，同埋炒糯米飯。南乳豬手仲keep到水準，脆口又嫩，食落口d筋好似食年糕咁煙韌，薯仔牛柳好甜蜜糖味，不過都係唔係好熱個頂，個底因為有火，就熱親條利。黃金花枝就唔🉐️啦，又唔脆，花枝好似紙皮咁，最後個糯米飯，好似普通炒飯咁，差

品香樓位於舊式公共屋邨「南山邨」內，這裡沒有都市的繁囂，有的是傳統大排檔、賣懷舊玩具的報攤和賣水果的老婆婆，充滿屋邨人情味。我地一行人慕名而來,試左個午餐。店內光線充足，可惜座位距離比較狹窄，吃飯時要一眼關七，不時要讓路或小心侍應來回上菜及收碗碟。沙拉骨外脆內軟，配搭蜜桃沙拉汁、甜甜一流，份量亦算多，食肉獸必點。當然少不了一杯「凍朱」！以前光顧時總愛一人一杯，像小朋友喝可樂般開心。朱古力上有很多忌廉，茶餐廳出品來說賣相一流。

同朋友一齊去品香樓食午餐，叫咗個梅菜扣肉飯，大大碟碟頭飯，梅菜汁好惹味，扣肉好香，鍾意食嘅朋友一定要叫。另外仲叫咗個椒鹽豬扒上海菜飯，椒鹽豬扒炸得好香，唔會整得好乾，依然保留肉汁，應該算係品香樓嘅招牌菜，菜飯都好好味，成碗食晒。另外朋友叫咗個常餐，沙嗲牛肉米粉、煎蛋、再加埋多士。沙嗲牛肉米粉非常好味，牛肉唔會韌，加埋個沙嗲醬，非常之夾。煎蛋同多士就冇乜特別啦，都係正常水準，午餐以外，另類之選。下次都會再嚟。