品記鮮粉人家私房菜館 (已搬遷) 新店位置

屋企樓下開咗嚟間餐廳後，幾乎夜夜爆滿，實在令人好奇，上星期六七點來已經冇位，今個星期六特登六點半就來到，終於坐到位。入面啲阿姨態度好好，很主動，甚至會幫手洗碗筷同去湯底的浮沫。我哋嗌咗花膠雞鍋底，料同湯底就分開上，湯底裡面有好多中藥材，花膠桃膠雞件就同花雕雞湯擺咗滿滿一碗。個湯底有鮮甜味，一啲都唔鹹，雞件新鮮，花膠同桃膠都發的唔錯。除咗鍋底仲有羊肉，皇帝菜，炸響鈴，凍豆腐。羊肉品質唔錯，有羊味冇膻味，凍豆腐相比之下就普普通通。竹蔗茅根水唔會太甜，冇香精味，仲用保暖壺維持凍的狀態，好好心機。一餐食落來我哋兩公婆都好滿意，性價比好高，以後唔嗮整日為咗打邊爐去大角咀～見到餐盤上仲有唔少川菜同火鍋食材，一定會再來嘗試啲新嘢～

冬天要打邊爐！呢間之前無做，現在重出江湖，緊係要捧場啦，食物依舊美味抵食，食辣嘅朋友，要食佢嘅炸雞腳，有唔同辣度揀。邊爐小菜都出色，啲邊爐食料好抵。甜品有個紅糖糍粑，QQ的又唔太甜。

喺舊舖嘅時候，我已經視佢為我飯堂，結業後都有兩年時間冇食啦，最近發現喺隔離街重開舖。地方大左靚咗，環境都舒適左，最緊要係食物水準依舊，價錢合理。以前收錢位樓面招待都係靚靚老闆娘負責，而家隱居幕後負責出品，樓面由阿仔擔當，服務都唔同左，真係大個仔啦！今晚重點舊時食開的水煮烏江魚，魚滑配菜多，再加碟蓮藕，另叫咗一碟小食 麻辣海帶，海帶有啲硬，煮得唔夠淋，而且唔夠入味，有待改善。其實佢仲有好多小食我都想試，例如白灼牛柏葉，但鑒於只有兩個人食，怕食唔晒。唯有等下次過嚟食。

隔左好耐無食過，由佢舊舖結業到依加重開，的確好期待！雖然新張期比較多人，但無損一眾熟客嘅支持。我同男友二人點左三樣食品，同幾款火鍋配料，基本上餐牌無乜點變過，係價錢好似有少少微調，不過點都平過好多地方。第一道是水煮魚，以前有分兩個份量同兩個價錢可供選擇，依加只得一個，但份量都可以接受，味道不變才是重點！我地點左大辣，好正！第二係麻辣肥腸，唔臭唔會好韌，好乾淨，連上面嘅花生都特別脆，好好吃😻第三係涼拌海帶，同樣非常好吃，香辣可口，而且好大碟，絕對又平又正期待下一次再光顧！希望快啲有海蜇食！

非常便宜又好味的一店，食辣必然要試推介絕味鴨，白灼粉腸，土豆絲海蜇頭水煮魚和雞我個人覺得水煮魚好味些新店地方較以前更大坐得舒適服務人員有禮貌沒有限時今時今日很難得有這種小店希望能繼續經營下去