品記鮮粉人家私房菜館 (已搬遷) 新店位置

地點輸>>>朋友約食飯，大家都想打邊爐，其中一位朋友推介這間「品人」，地址在紅磡一條比較偏僻不起眼的橫街，> 心想 : 呢間掂唔掂架，唔好浪費我一次打邊爐晚餐的Quota喎，坐巴士去落車仲要行多兩個街口才到，附近沒有其他食店，去到門口都有十個八個人在等位，好在已經訂了位。食物贏>>>店內環境和一般地道火鍋館差不多，入坐之後睇睇餐牌，食物價錢合理，全程由朋友發板，胡椒猪肚雞煱湯底👍，手切本地牛👍，自家制水餃👍，以上幾樣已經很滿意，其他食物不用多講，值得再去(不過下次唔好着西裝打呔，非常唔夾🤦‍♂️)

一間讓人上癮的食店這店是這個月第二次來，不是因它平，只是食材，味道，價錢也是性價比高。在港甚少吃川菜，做得好的川菜有三希樓，但要狂放享受川菜，但環境而卻讓人略為含蓄。深水步也有些小店是外省人所開，但環境衛生就讓人感無奈氣餒。而這裡的的環境和衛生在前倆者之間，酸菜魚，水煮魚(我選盧魚，上次在這吃我點選黑雕魚，是實肉魚，但比脆肉鯇魚味濃，没有脆肉魚的硬韌，所以總覺得脆肉鯇魚係整容魚，好像現在沒有了)而這裡的麻不是硬麻，也不是死辣，麻與辣的中間有層次的。此店雞皮餃子我一一人可吃三碟，炸得香脆雞皮裡有軟棉的魚肉，外脆肉軟是送酒佳品其它的川菜小吃死硬嗆辣，麻舆辣中含不同層次調味，絕對是送酒恩物，黃金皮蛋也是必吃小食，帶沙黄的蛋心半透明的蛋向味略為清淡但配合醬汁是絕才佳醒胃小吃。脆炸豬腸是朋友極愛r的菜式，鹵水將豬腸上色，將腸衣炸得脆化有咬口，送酒佳品。這店從没因疫情减少生意，因這裡的性價比極高，相信很快我又會再光臨

夜晚諗唔到食咩好，打開社交平台睇到廣告，試吓叫雞煲外賣，外賣全程手機落單，客服服務好好，叫左大概一個鐘頭就送到，夜晚睇戲加打邊爐一流，雞煲夠香夠辣，火鍋配料都夠新鮮，特別係海鱸魚片，又無骨，同埋即炸響鈴卷，用錫紙盒包住，雖然係外賣但係送到過嚟都仲係脆，韭菜餃餡料新鮮，店員好貼心跟埋雞煲醬同埋火鍋配料俾你打邊爐，雞煲仲要送埋個火鍋盤夠晒方便，最緊要就係叫四百零蚊都有得免費送貨下次一定會再叫。

老公話想食雞煲，但係沙田完全搵唔到雞煲外賣。問問朋友，朋友推介呢一間，加$60就可以送貨到沙田。全程WhatsApp落單，再payme/FPS付款，方便得很。WhatsApp回覆超快，又有禮貌，未食已經覺得開心。喺宜家呢個投訴國度，要搵一間咁有禮貌及Service的店舖，係好難得的。約咗5:30至6:30送貨，果然準時到達，司機有禮貌地送貨，又再教你多次要點樣食，超讚。我哋焗左兩個鐘頭後先食，跟店員分享的方法去食，真係超好食，焗咁耐先食，d 雞都冇老到，而且叫微辣真係微辣，超掂。又再跟多d 醬油辣椒絲等比你，另外再加碟辣油比你食完雞煲再撈落去比你打邊爐用，勁貼心。唔出呢個post真係對唔住自己呀。

朋友食過話好食，於是就叫咗幾斤同屋企人一齊食。見佢做緊優惠，268蚊3斤，我就叫咗6斤。送貨好準時，而且好有禮貌。其中3斤要大辣，另外3斤要大辣多麻。真係好夠辣，好夠麻，就連平時我食得辣都有少少招架唔住。雖然好辣，但越食越滋味。蝦肉都ok嘅，真係以為返咗大陸食小龍蝦。仲要外賣到樓下，下次都仲會幫襯。

外賣自取麻辣小龍蝦同红糖糍粑。去到，d食物熱辣辣，good. 小龍蝦要小辣，比想像中辣，好辣，要用水煮多次先食到。糍粑，打開，好香。可能我拎到返home凍左，熱d口感好d. 加红糖漿吃，不太甜，剛好。

喺疫情底下，湊住小朋友根本無得出街食。品記外送雞煲已經成為我嘅首選！等我哋一家人足不出戶都可以享用美食倒牌嗌嘅美食：（1）養生花膠雞煲啱曬我哋，老少咸宜好鮮甜而且好有豐富膠質口感小朋友都好鍾意食！（2）本地手切牛肉味香濃、肉質嫩滑我淥耐小小都唔會韌（3）海鱸魚不得了！好鮮嫩又無骨好啱小朋友老人家（4）自家製鳳城水餃皮薄、餡料十足（5）萵筍片出面好少食得到！所以一定會嗌（6）自製響鈴卷好脆！新鮮炸起！好味小食方面：本人私心推介涼拌海帶同黃金皮蛋黃金皮蛋又係出面少見！外賣pack得非常之好！咁遠送到嚟都完全無漏！真係非常之抵讚！講講下又想再食

剛剛搬到紅磡，夜晚經過幾次，樓下呢間火鍋店都勁多人，疫情關係冇得堂食，搵到時間過嚟試吓外賣，老闆介紹呢度雞煲係招牌，所以叫咗半隻番屋企試吓，雞煲醬汁勁惹味，雞肉夠嫩滑，冇介紹錯！我之前仲諗住冇湯跟做火鍋，自己走咗去買咗盒史雲生雞湯，原來呢度所有嘅雞煲外賣都有跟火鍋配料同埋雞煲醬，雖然我只係幫襯一個雞煲同小食，但係都有跟俾我！非常之貼心。小食我就試咗嗰涼拌海蜇頭，配上日本芥末非常開胃！同埋涼拌皮蛋，酸酸甜甜好開胃！疫情之下雖然生意少咗，但係我個人覺得保持食物水準同埋服務，點樣都有得做嘅，所以一定要支持

疫情前同朋友一齊食，真心唔錯，豬肚雞煲係正，發現佢地既辣野好有水準 去之前記得打電話，好彩個日有訂位，去到就有位，上菜都好快手，勁推安格斯牛肉，油花重牛味都重，推啊 希望疫情快d過可以再去😭😭😭😭

品記個花膠養生雞煲，超足料！啲雞好嫩滑，個啖湯超正😋落既材料補而不燥！係女人既恩物💁🏻‍♀️👍🏻打邊爐點少得牛肉！個安格斯牛超新鮮每次指定要食🐂🐂🐂個涼拌拼盤同辣子雞軟骨，尤其係辣子雞軟骨色香味俱全👍🏻鑊氣夠打完邊爐又點可以無甜品呢！紅糖糍粑，外脆內軟口感超正😋😋😋

上社交平台睇到，雞煲火鍋$300有送貨，疫情冇得出街，日日都係屋企食公仔麵同埋嗰啲急凍食物，所以同老婆兩個叫咗個雞煲返屋企食。雞煲超級嘢味！第一次叫我叫咗小辣試吓水溫，雞非常之滑，有雞味，唔會死鹹，以前去酒樓食任食雞煲火鍋，搞到我都唔敢食雞煲，今次真係令我改觀，食完雞之後打邊爐，火鍋配料我就自己落街買咗啲，見到佢手切牛都好推介，所以我就加咗碟牛肉，牛肉份量夠！有牛肉！店家非常貼心，提供埋火鍋配料同埋火鍋豉油，同埋雞煲醬，值得一讚！

呢度好食嘅推介會有（1）薑蔥魚卜 好惹味嘅 必食（2）白灼鵝腸粉腸 佢個醬好正又係每一次都必叫（3）絕味雞腳 係好重孜然味嘅雞腳 不過有時會炸到過咗龍 睇你好唔好彩啦（4）紅糖糍粑都唔錯㗎 係好似年糕嘅質地 炸左再係上面鋪滿紅糖（5）雞煲都好食 食完雞煲你可以加水變打邊爐 不過我哋通常都係叫餸多 加水打邊爐最多都係淥個薯粉（6）粟米汁都好好飲 係已經冇落糖但係甜到爆本身個粟米甜😂呢度嘅味道係濃味嘅 所以如果食開啲嘢好淡味就未必適合喇

今日難得番舊公司同舊公司吹水，做完野落樓下搵野食，見到間雞煲，大家都異口同聲話想去食。坐低老闆就介紹人人都食既雞煲，我地最後叫左半隻。秘制醬汁味道非常好食，令雞既鮮味提升去另一個層次。 雖然雞不是說非常肥美同滑，但都嘗可。其實半隻雞2個人都夠食，不過眼闊肚窄既我地仲叫多左一份菜，芋絲，希望用佢地吸晒個汁既香味。份量可以接受，菜亦好新鮮！ 最後就係呢碟安格斯牛了，其實肉唔係話非常有牛味，可能係因為個湯味蓋過了牛味，但份量給絕對高CP值！ 肥瘦都非常適中！

朋友帶我去呢間抵食之選一黎叫左個胡椒豬肚湯底味道不過不失，佢地話要食小食叫左個絕味雞腳，個味幾好的不過我食雞腳鍾意淋，所以一般不過佢個雞皮餃子有驚喜！估唔到咁好脆同埋牛肉好大碟！

因為疫症，大家都好少出街食飯，難得解禁第一日，就去左試食呢間店。一人6行。————————-先講環境，普普通通似茶餐廳格局，冷氣好足夠，仲開大風扇通風，不過就比較凍，但對於空氣流通保障大家，也做得不錯。所以帶多件衫先去食野啦。————————-飲品，有酒水，但我好驚訝竟然有賣天地一號(蘋果醋)，我以為只係大陸先有，呢度竟然有賣，係罐裝的😳😳。我覺得配黎食辣野真係一流。————————-食物水煮魚，食完可以用湯底打邊爐，湯底正。不過魚肉少，後尾追加多一份魚肉。生切肥牛，好厚身，但佢吾un架喎，柔硬度適中，牛味又重。最緊要係我地叫完放左係度成個幾鐘未食晒，佢都冇變點，證明佢真係新鮮！推薦辣子雞，朋友喜歡食，味道夠辣，不過我懶，唔喜歡有骨🤪我下次去食要試下辣子雞軟骨。吾知佢叫乜雞腳😂佢係咁多野食中最辣，你睇佢個樣唔覺呢，但佢真係辣，有孜然味，係一款濃味食物，送酒一流，佢個雞腳係炸嘅，所以塊皮好乾身。尖椒芹菜炒魚卜，好食，魚卜嘅fans一定要叫，好食到飛起，口感爽爽地，好正🥳🥳