品茗

叫左兩個蒸飯套餐, 飯生米好硬. 好似無煮過一樣. D餸還可以. 收兩蚊茶錢, 竟然俾D纇似茶餐廳嘅茶. 十分難飲.最頂癒就係有三個侍應. 但係服務其慢. 只掛住吹水. 一句講哂. 無下次. 請我都要諗諗…查看更多

與好朋友”求其”食d野,我一想便想起這裡(因為想試白色流沙包)完完不用等位,阿姐們企晒一角傾偈,我們有點不被理會。二人點了五點心&一蒸飯。品茗流沙包,包皮不鬆軟,明顯不是新鮮/即日製。「流沙」以為真是”流動”嗎?只是pet pet,味道和燉奶一樣。我相信如新解製會好好吃。鮮蝦菜苗餃,菜苗鮮甜,蝦夠爽。但厚餃皮蒸溶透,黏著筷子,咬感像吃西米糕。北菇雞蒸飯,飯沒有雞味。雞件肉多。不過不失。山竹牛肉,鹼水味太強。失真牛肉球。濃湯鮮竹卷,澄奶白色的湯,甜!鮮竹卷有肉有蝦,size較短小。主力是飲湯吧?雞扎,很熬辣辣,材料好吃,尤以魚肚,很滑又入味。點心專門店,由添好運興起,但有哪一間,可做到出色來?荃灣還有好幾間,點心專門店/小茶樓,下再比較比較~…查看更多

4:00pm 後 即係大多數酒樓都收埋個下午茶~10:00pm 後 食小小點心當宵夜.... 品茗算不錯既選擇 $2 人頭茶, 無加一, 地方骨子, 食品算合格 4:00pm 後~10:00pm 打後.... 食點心荃灣邊到仲有? 唔通次次都糖水? 台茶? 打冷?呢間點心店都算係路德圍唯一一間~食物有進步既空間, 但又未到"差" 既級數~連食左兩晚. ok la~有晚餐播~ 排骨完全合格~小蝦有肉汁~牛肉既馬碲份量唔錯~比例小汁既飽飽即炸春卷一定好食荷香呀~ 小汁珍珠雞…查看更多

咁啱見有位就坐入去，點心大都冇乜特別，不過比佢個奶皇包嚇親，事關佢奶皇包啲奶皇係白色，而且係流質，唔係平時見開嘅吉士餡，味道「好似」係煉奶+椰汁，我GF食果陣唔知，比佢啲流質餡淥親隻手好鬼心痛。鳳爪排骨飯味道正常，但一個大男人食一個絕對唔夠飽。啲枱迫到有幾個位要麻煩其他食客起身行開先入到去。佢最大問題係，叫得做「品茗」，但啲茶冇茶味冇茶香，只係茶色嘅水！…查看更多

天寒地涷諗住食d熱野, 醒起荃灣新開左間點心店, 兩條友即時聯想到熱辣辣蒸腸粉, 於是乎就轆到咁去! 我地叫左個二人餐 ($65), 茶錢$2一位, 另外加多一個點心已經好夠。枱面冇茶壺不過呀姐會幫你個杯唔停咁加茶。套餐可以揀兩個迷你煲仔飯 + 兩個點心, 點知勁普通既點心都可以食到where口where面...... 本身冇抱任何期望, 但係d飯拎出黎已經唔熱, 加上天氣涷, 唯有極速爬晒入口!不過不失, 又係唔熱。稍為好食既一個點心, 雖然一條腸粉得兩片仔豬潤, 不過腸粉算滑。另加既點心~ 蝦好爽, 不過冇味, 菜苗只係d好似蔥花咁細粒既物體, 而且數量有限......唔知點解餃皮超級黏, 可以黏響隻筷子上面唔跌落黎, 勁!全晚只有杯茶係熱既, 多謝呀姐唔停咁加熱茶, 簡直就好似雪中送炭咁感動!!!…查看更多

係一間新店.我都好少劣評..不過呢間店.我個人而言..覺得食物唔合格..我叫咁少.都差的食唔曬.首先..評環境.因為新店衛生良好的..不過地下好似好滑.我坐張椅.好似坐唔穩的...我去呢間店的期間有一男一女的記者...間店不大.有記者.好似有點騒擾人客...閃光燈成日閃.二個記者行來行去....服務:店員.有記者在場..都好努力加茶......講到有禮,就談不上.....义燒飽..個皮有少少硬...义燒勁瘦..既無肥膏香味又無肉汁...上枱時又不是熱辣辣..有點似叮叮點心....蝦餃.個皮無爆開...呢點合格...不過只吃到荀味...蝦肉爽...但味道似完全無調味......一的味道都沒有...燕窩燉奶..有半碗係水,而且味道係好甜...甜到完全唔覺有奶味.......雖說新店要有進步空間...呢間店.在食物..員工等全部都要進步......唯有給一個喊…查看更多

Liver rice rolls 黃沙豬潤腸 were very good, liver was cooked just right, very juicy and tender.Shrimp rice rolls were ordinary.Steamed rice with Chinese sausages was surprisingly good. The rice was cooked perfectly.Tofu sheet rolls in soup was not bad. The soup was delicious but the rolls were just alright.Don't order the vegetables! The veggies were fine but the size of the order was super mini, not worth it!Steamed sponge cake 馬拉糕 was terrible. It was hard as a rock. It was not the traditional one, steamed in a round paper cake cup. The worst sponge cake I've ever had!!The seating was uncomfortable, too crowded. We had to seat back to back with other people behind us.…查看更多

看過蔡生的評論，心想，算喇，就算是被騙也只是一次，就去試試 約8時多去到，還剩下一張四人檯，BUT 個位是窄到基本上不能坐入去，是先要對面的迫入後，再把檯推開，這邊才可入去，這一刻，已經想走有兩種茶選擇，普洱、壽眉，茶味很淡，無什特別點心紙上約三十種點心，但已有幾樣被刪掉，唉，很不爽的感覺叫了晚市套餐，$65，一蒸飯+三款點心，再加$7 油菜一碟選了 蝦餃、濃湯腐皮卷、叉燒腸粉+蒸雞飯 + 菜心飯先到，小小一煲，不錯蝦餃，皮薄彈牙腸粉，也是很滑濃湯腐皮卷，應該叫腐皮餃才對，很迷你，味道不錯菜心，沒有特別好 or 差整體食品很ok，但是，其它都很唔 ok....1. 食物選擇太少2. 坐位太窄3. 鋪頭樓底很高、冷氣不夠、射燈很熱4. 待應姐姐不好意思的說檯太細，不能每檯放上一壺茶，所以添茶有時會慢了。唉，我便說，那就要大一點的茶杯啦，激死正如蔡生所說，這裡的租金一定不低，但以這樣的環境，真的很難能做到很多轉生意。位荃灣另一邊的同行"點晴品"開業只是大半年也捱不住結業了，"品茗"雖然食物是不錯，但其它不能配合，要撐下去真的有點難喔我會再來，但是會買外賣…查看更多

女友說在荃灣有間新點心店,在大河道,路德圍附近的"茗茶",我一向喜歡點心,當然有興趣去試.很明顯此點心店,在裝修上花過不少心思,但我不是吃環境的人,如果徒具外表,而味道不行的話,一切也枉然.當外面路德圍人頭擁擁,此店還有空位.點心取向穩陣,沒有那些懷舊如豬肚,糯米包之類,亦沒有創新得鬼五馬六的點心,想試其雪山叉燒包,是夜暫停供應,似乎當添好運在上年爆了出來,兼拿下一粒星,大家也似正向著這條路去走,真係當自己識整雪山叉燒包,就一定會成功?先來鮮蝦腸,即拉貨色,例牌很難整得差.腸粉皮外表晶瑩,入口帶點煙齦,包著的蝦肉爽甜,算不錯罷.蝦餃的外皮有點點弱,薄得弱不襟風,不夠實淨,真怕一夾就爆,幸好外皮不算黐身,內裏的蝦還算有質素.炸芋角一客四粒,細細粒一口過,酥化而帶有芋香.濃湯鮮竹卷,湯底一點也不濃,味道偏淡,浸湯的鮮竹卷,的確沒有淋上厚茨汁的肥膩,索價二十幾的灌湯餃,差不多是全場最貴的點心.浸在湯內的餃,一郁就爆皮.完全不能夠接受的一回事,餃內的餡了很少,得細細粒的蝦仁,加少量豬肉便算.湯底又是同之前的濃湯鮮竹卷一樣,很淡.唉,很懷念真材實料,將湯灌入去的灌湯餃,現今除北角鳳城,和美心集團之外,還有什麼地方會做?看過一些食評,大罵沒有浸湯的灌湯餃離譜,當然人人都有把口,有言論自由,你可以罵,但也要make sense.戇_也要有個限度,你對浸湯的灌湯餃癡心一片,我就當你黐餃線.吃罷之後,真有點慨嘆荃灣區的點心店,沒有一間比較像樣,繼早前的"點精品",和今次的茗茶,海軍鬥水兵,如果此店還是保持水準的話,恐怕也難以在路德圍,這個算是荃灣"食街"生存下去.…查看更多

點心質素不俗，是有誠意做的，荃灣這類點心店，是我我吃過的第三間，亦是最滿意的一間。不知是否店主喜歡看電視，不斷聽到播now tv新聞台報新聞聲，但又唔見有電視睇，但我諗這種做法跟餐廳格調不一樣，閉上眼還為去了茶仔睇電視食炒公仔麵。另椅子跟地磚唔多夾，張椅成日冼走，有D潛在危險。Anyway，最重要係食物，總括可以再去。…查看更多

睇左今期忍食男女介紹，被食肆的裝修吸引，所以今日決定會一會佢!裝修真係幾靚，不過座位比較迫，但服務好好，職員好有禮貌，一坐低就問你飲乜茶，我覺得好過添好運喎，因為添好運無得俾你揀，D茶又凍凍地咁。呢度D茶都有D茶味，又夠熱，又成日幫你加茶，$2的茶錢，抵哂啦!!新張期內，有個$65的套餐，可以任選三款蒸點心或腸粉，再加一個蒸飯。於是就揀左︰1.魚翅灌湯餃︰因為呢款係最貴($27)，所以套餐叫呢款覺得抵D 我覺得幾好食喎，個湯都幾清甜。2.濃湯鮮竹卷︰鮮竹卷內有蝦肉的，好味~3.藥膳雞腳︰一捧上檯已經聞到好香的藥材味，而雞腳又入味，正，啱哂鍾意「LUN」骨的我蒸飯4.蒸飯方面，當然揀左我的至愛︰鳳爪排骨飯，飯粒夠乾身，排骨唔會太肥，滿意!!由於兩個人食，又驚唔夠飽，所以加左︰5.鳥巢芋角($18)︰好懷念舊式茶樓的芋角，所以一見到呢度有，就想食下。一碟有四粒，SIZE細細的，圓圓的，可以一啖一隻，芋蓉好香，而且唔油膩6.再加左$7油菜，呢個真係一般。埋單$94，我覺得好超值，因為點心夠熱又好食，而且唔係粗製濫造的點心!! I'll be back!…查看更多

趁著中午到荃灣銀行辦事,午餐也當然在荃灣找好吃的,起碼也給自己一點新鮮感嘛。想不到平日下午的路德圍竟然人流不多,比週末或晚上的人山人海是兩回事,太好了! 今次放棄很好吃的蘿蔔餃,嘗試另一間區內點心專門店,為的是這裡有酥皮叉燒包!!!室內其實不大座位也不多,不過以白色為主色的裝修也算特別,仿古設計木造桌椅令環境變得更有"去飲茶"的味道,抬頭一看,牆上那白色凹凸字體更為有趣,可是自己名字的用字卻找不到哦 年青小二先詢問客人喝什麼茶, 在普洱和壽眉間挑了後者, 壽眉茶香一般也不滑溜,以大堆茶葉預泡的茶可有什麼香味?不過真的夠熱,小小一杯的份量,侍應們添水還算頻密。必點的酥皮叉燒包一籃三個,個子小小的迫在籐籃裡剛好,可是她比腸粉還快出現,肯定不是即叫即焗,而是早早焗好的貨色嚕。以筷子一夾起已感到外層很夠堅硬,實實的像在夾一個硬豬仔包!酥皮薄薄的舖在包子上,咬下去即時散落如粟米片, 做得夠薄身也夠香脆,嚐到有淡淡奶香及甜味,跟包子可成了味道對比,以酥皮來說還算夠味,可是卻黏不住包子,貌合神離得很;包身真的焗得稍過火了, 尤其包底相當深色還帶點焦,包子本身也偏硬,又以較厚之底部更硬, 咬得牙骹也有點倦; 包子不好要是餡料好吃也可補救,所用叉燒夠大片也不肥,但好味來源的芡汁真的沒有太多,沒甚味道之餘吃來偏乾,加上調味不討好及不夠熱, 這個酥皮叉燒包真的要大大改進。在玻璃窗看到師傅在拉腸粉後,韮王鮮蝦腸到了,卷腸粉時應掃了不少油份,燈光下來看真的好閃!半透明腸粉下清楚看到有兩隻泛紅大蝦仁,好好看!大蝦仁非常爽口,有點鮮蝦香味,好吃!韮王雖然不多但其味卻不輕,為鮮蝦仁提升了味道;腸粉拉得軟糯但不黏筷子,不會太薄或太厚,這個腸粉頗為好吃的!所配醬油鹹甜剛好,份量下得一滴也不多,但對我來說多一點更好。點心水準有點不平均,暫時來說這裡的酥皮叉燒包是吃過最難吃的,用來作招徠,似乎有點危險了。…查看更多

今日閒閒地~又有人話飽飽地~又唔想食咁肥~大家行到荃興徑~ 見到間新嘢食點心喎~ 就担粗粗去試吓囉(有人話睇吓有冇米芝蓮水準喎)其實門面同格局都唔錯~先去試吓~ 因為啲lunchmate要求好高, 爛爛地一定唔去, 唔係食完又又媽又义....(講笑啫)入正題佢有套餐(2人,4人餐)及一般劃點心紙兩味啦~ 我地就自選囉...叫小小試試先! 招牌雪山义燒包 ~ 大家食完都 晒咀...個包底厚過我面皮...失敗! 生煎腐皮卷 ~ 賣相唔錯, 食味口感都OK, 不過油咗少少. 鳳爪排骨飯 ~ 不過不失! 古法馬拉糕 ~ 好似未夠火喉喎~ 唔夠鬆軟~仲有小小痴底! 豉汁蒸鳳爪 ~ 食味ok~ 不過牙力唔夠就會覺得硬咗少少. 鮮竹牛肉球 ~ 感覺唔錯, 材料新鮮! 香茜牛肉腸 ~ 腸皮夠爽滑, 但牛肉唔夠入味! 白灼時菜芯 ~ 賣相一般, 欠鮮度, 老咗啲!可能啱啱新開張, 人人都好似手忙腳亂咁, 有嚟錯嘢, Jump錯茶, 隔離枱話蒸飯太多豉油.套餐沒有寫清楚什麼點心不包括, 容易做成不必要的爭吵. 一定要改menu! 半年後再試~(如仲健在)…查看更多

見佢新開, 所以同媽媽來試一試，佢既點心款式不太多, 太約有20幾款，但有一半點心都有蝦蟹，本人同媽媽都對海鮮敏感，所以選擇都少了些，剛開業不久，人客不多，無需等位，我地點了蘿蔔絲穌…外表醜，會俾人印象差，幸好內裡好吃，腸粉…即叫即做，仲見到師傅製做過程，好吃，鳳爪…吃不到味道，好清，好淡，流沙包…獨一無二，因為流出來是白色，有奶味，有創意，味道一般，馬拉糕…味道好特別，帶些酸味，味道似白糖糕，質感似鬆糕，服務好好，一知道我不能吃海鮮，即時解答所有點心邊d有海鮮同邊d無海鮮，店員細心服務，令人抵讚，可以的話每台設一壺茶，等我地自己加水，費事下下掂到茶杯，咁樣會衛生些。…查看更多