影片
港鐵旺角站 E2 出口, 步行約2分鐘
繼續閱讀
電話號碼
70104533
35656278
開飯介紹
以內蒙直運的百日羔羊為主打，讓食客感受地道的蒙古風味。餐廳每日供應限量的羊上腦（頸）、高鈣肉等罕有部位，搭配五款不同部位的優質羊肉，無論涮煮哪一款都嫩滑無膻味，還帶有天然的淡淡奶香，令人一試難忘。
繼續閱讀
營業時間
今日營業
17:30 - 02:30
星期一至日
17:30 - 02:30
以上資料只供參考, 請與餐廳確認詳情
有關餐廳
有關獎賞計劃
今次去咩記打邊爐！選了鴛鴦鍋，一次過盡情享受多層次的羊肉火鍋滋味。我地自選卜卜蜆濃湯鍋和雞湯鍋，卜卜蜆濃湯係皮蛋芫荽湯底，不過卜卜蜆竟然係好幾隻超大沙白，湯頭濃郁而不失清爽；雞湯鍋就有烏雞、大䓤和元肉，感覺養生，讓人食欲大開。打邊爐必備的酥脆炸魚皮，點落去個咁正的湯底，就咁樣已經隊左支啤酒。啤酒係香港製造的少爺大大支啤酒，雪到超凍，連杯都預先雪凍左，飲落去冰感個下真係超級正。海鮮類我地食左，8隻超甜沙白、4隻鮑魚和桂花蚌，全部新鮮飽滿，非常爽口，同個蜆湯勁夾。咩記一定要食嘅至尊羊肉拼盤！有乾冰凍住d肉俾你慢慢打邊吹水，圍住個爐一圈的薄切羊肉片約莫有100-120片，視覺上震撼左我，味道上都非常之有層次。一大圈的羊肉有4種不同部份，咩記建議逆時針方向食，由淡味去到濃味。羔羊肉肉質鮮甜嫩滑有奶香，沒有羊羶味，平時怕吃羊的朋友都可以放心一試。另一款非常特別的肉叫高鈣，肉片帶有軟骨，嚼勁十足。我地係食肉獸，今晚就試埋個挑骨雪花牛，個肉一望落去已經知係好野，肉同脂肪比例分佈平均，完全係上品。串燒類我地試左經典烤羊肉串、豬黃喉串與雞脆骨串用左孜然粉調味，甚有蒙古風味，香氣四溢，串燒愛好者都唔好錯過。蔬菜我地叫左水蓮菜同油麥菜，水蓮菜好新鮮好juicy，真係唔簡單。除左飲左好多支少爺大大支啤酒，我地都忍唔住想試埋清酒，老闆介紹下簡左甘口的鳳凰美田愛山酒，有層次有豐富果香有醇厚酒味，搭配羊肉火鍋真係極級享受。咩記除左野食酒水超級出色之外，重要係坐得好舒服唔會限時趕人走，咁正嘅打邊爐以後真係要去多好多次先得。
繼續閱讀
次同班friend去咗旺角「咩記打邊爐」，成間舖頭都有種港式大排檔風，摺枱摺凳、仲有大大個霓虹燈招牌，勁有舊香港feel！環境勝在夠地道，坐低就feel到嗰種熱鬧氣氛，啱晒一班人圍爐吹水😆😆湯底：鴛鴦鍋（卜卜蜆濃湯鍋 + 麻辣鍋）卜卜蜆濃湯鍋真係冇得輸！一上枱已經聞到超香蜆味，湯底好鮮甜，仲有勁多蜆肉係底，建議飲啖湯先打邊爐呀!! 另一邊係麻辣鍋，麻香都夠但唔會太嗆喉，辣度啱啱好，越滾越入味！1. 招牌羊上腦肉呢個真係驚喜！羊肉帶少少奶香味，肉質超嫩，完全冇羶味，淥幾秒就食得，必encore！2. 百日羔羊肉薄切羔羊，肥瘦均勻，口感滑溜，羊味比上腦肉濃少少，但一樣唔會羶，麻辣湯底配佢絕配！3. 招牌高鈣肉肉質嫩而不臊，一樣唔羶，高鈣部位果然正，食完都唔會膩！4. A4牛筋丸手打牛筋丸超彈牙，咬落仲有爆汁感覺，牛味濃郁，我覺得係必點👍5. 青筍打邊爐點可以冇青筍？爽脆清甜，吸晒湯底精華!6. 烏冬最後落個烏冬，索晒麻辣湯同蜆湯嘅精華，煙韌有咬口，完美收尾！7. 猛火肥仔蠔唔單止打邊爐，呢度仲有燒烤串燒，打住邊爐食串燒都幾有風味。
繼續閱讀
📍咩記打邊爐｜打邊爐界嘅隱世高人🔥未落單已經聞到隔離枱蜆香～我哋一行人即刻點咗個【卜卜蜆濃湯鍋】，一打開蓋——蜆嘅鮮味好似打我塊面咁直接🫣🧄🥩【挑骨雪花牛】– 脂肪分佈靚到好似藝術品，涮5秒，入口即溶，肉汁直噴喉嚨！🐑【羔羊後腿肉】– 啲羊唔鬧人，又唔臊，完全係高質外表＋溫柔靈魂，港女都愛💘🦴【招牌高鈣肉】– 真心嫩！而且唔臊！食完想問老闆：你啲肉係唔係讀書讀得多所以咁斯文？📚🥹🥬 菜類方面：油麥菜鮮脆唔老，白藥蔔浸湯變成中藥界既豆腐，包仔豆腐真係「包到盡」，吸晒湯底精華～🫕🍑 飲品推介：【水果蜜桃茶】～啖啖果味+少少清甜，好啱平衡口腔，食肉唔會覺得膩😌⸻⚖️ 總結：如果你唔係為咩記而嚟，咁就真係錯過左火鍋界一位「溫文儒雅、內外兼備」嘅師兄👨🏻🍳💯下次再去我想打包個蜆湯返屋企做facial。
繼續閱讀
同朋友再嚟食心目中最正嘅羊肉火鍋，最正緊係主打內蒙直運嘅百日羔羊～ 另外仲有牛肉、海鮮同串燒可以揀❤️整體嚟講，CP值高～揀左個「鮮甜雞湯鍋」 雞湯清甜唔油膩，涮羊肉同海鮮都好夾～ 「大大隻生蠔」超誇張～ 肥美多汁，入口有海水鮮味，簡單涮熟已好夠味。羊肉就揀咗「招牌羊上腦」入口嫩滑，帶淡淡奶香，油脂分佈均勻，涮熟後唔腥唔臊，真係袋幾多都唔夠🥹 「百日羔羊肉」都好正～ 肉質軟嫩，奶香突出，涮幾秒即食，入口即化。 「脆肉鯇魚」魚肉爽口彈牙，配雞湯底好鮮甜「響鈴」都夠酥脆～ 正。「皇帝菜」新鮮爽脆 「豬腦花」都好完整好大件～ 朋友話咁核突！但好好味囉🤣🤣
繼續閱讀
卜卜蜆濃湯鍋有鮮甜嘅蜆肉配料還有皮蛋 紅棗 杞子 薑 蔥等等湯底好濃郁 又滋補招牌羊上腦肉限量供應 非常珍貴有羊香但不會太重羊羶味入口奶香 肉質嫩滑平時唔食羊嘅朋友都話好味道另外個人推介高鈣肉其實係羔羊的前腿夾心肉附近帶有脆骨 口感好正每次黎都必食黃喉其實係牛或豬嘅大動脈火鍋或爆炒都流行口感爽脆彈牙脆骨腩魚骨帶膠質 爽脆口感新鮮彈牙 除左火鍋用料新鮮外燒烤串燒都一樣高質猛火肥仔蠔大隻肥美生蠔配上微酸微辣醬汁解膩蒜蓉超惹味啱晒重口味朋友燒雞腎爽口彈牙燒到微焦最正佐酒一流整體黎講環境空間感十足食材與服務都令人好滿意非常滿足的用餐體驗
繼續閱讀