咖啡灣 (荃灣千色匯) (已結業)

聖誕大餐入左去荃灣行街，好想食西餐，朋友介紹下去左試呢間8點到去到要等位 ，咁行左一陣唔洗等就入左去試新野因為節日期間，只能點聖誕餐。聖誕大餐MENU不太吸引，不過想飲湯，所以決定，要一個聖誕大餐，一個單點。聖誕大餐，非常失望，食物質數，只可與茶餐廳相比單點的反而很驚奇～芝士麵包雞好好味，麵包全滿芝士，有一些火腿溶在麵包內。炸雞鬆脆，放了很久也很好食～食物賣相不錯，可惜味道差很遠，店員細心友善。有機會會再試～

逛街逛到疲累 , 做什麼好 .... 當然就是要找一間 cafe, 歇一歇腳 , 喝杯咖啡 hea 一 hea ~Hea 還 hea , 這個時勢 , 最緊要找一間黃色的 cafe 來 hea ....位於 荃灣-眾安街-千色匯的 Cafe Swan 咖啡灣 , 是一間 "黃到發金" 的餐廳 ~ 入到餐廳就會知道 , 餐廳的立場 , 餐廳內的顧客大都是同聲同氣的同道中人 , 感覺溫暖 ~Menu ~Ice drip 冰滴咖啡 : 曼特寧豆的冰滴，味道濃厚，酸度不高，帶花香 , 雖非極品 , 㗳落是有另一番風味 , 頗合筆者的口味 ~玫瑰草莓窩夫 : 窩夫鬆軟香口，蛋香味濃，配上北海道草莓、忌廉、雪糕，一切味道好夾 , 實在是中佬的浪漫 ~本篇完 ~

一間靚裝修但又平又係黃店既西餐，值得支持。今晚兩個人叫左4樣野，和牛漢堡好好食、炸雞多汁同滑，只係炸粉厚左d. 軟殻蟹沙律大大碟，仲要原隻軟殻蟹，窩夫即整好香飲左咖啡同抹茶鮮奶，抹茶味再濃d就好會再黎

特登嚟朝聖，一見到個天鵝擺設就先冇黎錯地方。早嚟到所以冇咩人。我同朋友兩個人被安排到二人卡位，有少少迫。餐牌嘅食物好吸引有軟殼蟹意粉、又有burger。由於係窮L，所以就叫咗午餐set比較抵食。午餐set 蟹肉明太子意粉配餐湯同飲品，$78。餐湯係蘑菇湯，好足料好香嘅蘑菇味。冬天咁凍所以呢就好快就飲完熱辣辣嘅湯，食意粉前暖一暖個胃。意粉上面有好多蟹肉，食落係有鮮味嘅！ 蟹肉亦都煮得唔嚡，喜出望外。上菜時，明太子已經同醬汁已撈埋一齊，但分量都唔少。 每一啖意粉都食到明太子。醬汁份量啱啱好，唔會好濃，搶晒明太子嘅小小咸咸地嘅味。個醬汁實在太好味所以食晒成碟意粉！ 飲品方面我就加錢轉飲拉花咖啡，真係內外兼備。 只係加8蚊，好抵飲。 食物水準高，再黎荃灣一定要再食！

餐廳用餐佈置得好有心機，天鵝主題全店大部分食客都係以女性為主，只有數個男性，對面坐既都係女性，相信係陪女朋友食🥰餐牌上選擇好多上菜後先知，普通一份沙律都好大碟👍上枱食物同菜單上圖片非常似👍沙律及意粉味道都唔錯反而甜品，賣相幾靚，但做得有點硬同乾身

今日本身約左人一齊黎試呢間餐廳，可惜對方因工作關係要遲到，店員見我係門口等了又等，好好甘邀請我入店內坐低，即使我話未知要等到幾時，佢亦都吾介意，而且態度十分有善，態度滿分，餐廳別有風格已經令成件事加哂分，係店內等待既時候，我就叫左杯Green tea latte, 飲品上面係好可愛既三眼仔公仔圖案，睇到已經好開心❤️係等待既時間入面，店員仲好貼心甘問我要吾要杯暖水。由於時間關係，我最後只係要多左個take away既海膽飯，但係店員親切有善既態度，一定會係我再回頭幫襯既原因之一！最後直得一讚既係，個飯帶到番屋企即使凍左都仍然係，色，香，味俱全👍🏻正呀！下次再黎一齊會試多啲野😊

今天中午來到荃灣，看到這間充滿少女味的餐廳，餐牌上的甜品也充滿少女味，店內裝潢風格也可以打咭，而且環境舒適。正值午餐時間，叫了一個三文魚蕃茄意粉餐，跟餐湯及比其他餐廳更有特色的餐飲，本人加$3換成熱玫瑰咖啡。三文魚蕃茄意粉：三文魚都是現成的，意粉全都吸收到蕃茄醬的味道，不會過咸，熱騰騰的。餐湯：粟米及蘑菇味濃厚玫瑰咖啡：牛奶及咖啡適中，很香口。服務人員也很好，本人坐在位上玩手機，只找過一次他們加水，自始我的水杯未有缺過水

想和朋友一聚，於是在網上找到這家餐廳餐廳有很漂亮的摩天輪和城堡我們叫了兩個套餐及炸雞😁先上跟餐的海鮮湯忌廉蟹肉意粉，蟹肉的份量很多，味道不錯，不會有一般忌廉意粉很溜的感覺。豬肋骨，很驚喜，肉質很好一點都不硬而且還是粗薯條醬汁很野味令人欲罷不能這是這次我最喜愛的菜式，炸雞！雞炸得不乾，也不會有雪味附上三款醬汁有很受歡迎的蜜糖芥末，泰式辣醬及士多啤梨！跟炸雞也很夾總體很滿意，店員也細心有禮，絕對會再去！

傳說中既咖啡灣，就算我唔食甜品都要黎試下，佢地有三間分店，今次黎左荃灣。八點幾到，唔洗點等位已經有得入，帶位的侍應非常好笑容，有壽星走果時佢仲大聲嗌生日快樂，好cheerful！門口已經有好多裝飾，入面貼滿memo，好多都畫得好靚。叫左個軟殼蟹沙律，有凱撒醬、黑醋、芝麻醬可以揀，我揀左凱撒醬。軟殼蟹上台仲暖暖地，炸得酥脆，有少少咸，配淡味的沙律幾match。沙律菜份量唔算多，菜無苦味，整體幾好食。

加了小小人工, 和同事食餐好的, 去了荃灣的咖啡灣, 專登早小小 12:30pm到, lucky不用排隊。 叫了兩客lunch set。 餐湯是磨菇白湯, 夠厚身, 不似一般餐廳太多水。 黑毛豬蕃茄意粉炒得夠火候, 又入味, 真心好食過連鎖cafe多多聲 不過sorry, 太肚餓, 忘了影相之後再來海鮮芝士焗飯, 拉出一絲絲的, 不錯。 加左$10, 叫了杯凍紫薯紅豆牛奶, 真心好味我鍾意未攪紅豆時的紫薯牛奶味道同事叫了凍紫薯牛奶咖啡, 他說啡味不錯

中午3個好友行完街，搵咗呢間餐廳食午餐，門面好少女感（大大隻天鵝🦢），不用等位，店內一樣卡通少女感，我們坐靠牆一邊，餐牌好多選擇，店員熱情，有比意見提供點叫比較抵！是日餐湯—忌廉粟米湯，彩色茶杯上可愛（同少女主題幾夾）忌廉唔會有奶膻味，配粒粒粟米甜甜的好味蒜香帶子意粉（$68）即炒意粉夠香，份量不大，意粉有咬口，配料有紅椒絲及菇片，意粉乾身灑上芝士粉幾香，微微辣感，好味！唯一失色是帶子，雖然無沙唔韌又唔膻，但完全淡茂茂，感覺炒的時候無落鑊兜一兜，只是炒好放在意粉面！攞唔到調味！若帶子有一點調味就高分多了！生薑伯爵茶（跟餐）伯爵茶包+薑蜜，夾埋感覺幾滋潤，薑味不強不會辣，伯爵茶味其實都不強，不過熱辣辣飲，夾埋係一杯幾滋潤飲品好友食：三文魚他他意粉（$68）凍檸茶（跟餐+$2）食物好味，店員有禮有笑容同主動，因為落單可能有誤會，飲品攪錯了款式，上飲品女店員知道後，好快更正上返啱嘅飲品比我哋！過程接觸到兩位店員都nice!我哋食完店員都無催促埋單，由我們談天！（當然係無客等位，唔想阻店家做生意）好味天鵝🦢

黑松露海膽芝士蟹蓋飯🦀 $198一上菜，即刻覺得好吸引，忍唔住係咁打卡*海膽份量都算幾多，但唔算好鮮味蟹蓋就真係一個蟹蓋黎，入面無蟹膏而飯個part係成碟入面做得最出色既，濃濃既龍蝦湯燴飯，入面仲有唔少龍蝦肉，非常好味軟殼蟹黑松露忌簾義大利麵🦀 $98又係有蟹架，因為打卡好正*個醬好creamy, 黑松露味都幾濃，個意粉唔錯但上面隻炸軟殼蟹勁咸，完全唔可以直接食*紅豆綠茶雪糕窩夫 $82窩夫送到過黎仲係熱既，份量都唔少綠茶雪糕唔係太苦偏甜個種，加埋蜜紅豆好夾肉醬薯條 $48薯條炸得好香脆上面既肉醬似7仔肉醬意粉既肉醬味道加埋一齊無咁dry，都幾好食不過芝士有d少ig:venus.holic

位於荃灣的咖啡灣，是一間主打意粉和窩夫的咖啡廳。餐廳提供的美食，深受年青人歡迎，不論什麼時侯光顧，都大排長龍，大家要有心理準備哦。餐廳的定位清晰，在各方面勻能抓住年青人的心，裝潢色彩繽紛，菜式西日化為主，飲品有趣可愛，適合客人打卡哦。玫桂山雞翼 $68一客有六隻三種囗味雞翼，有玫瑰花，桂花和山賊黑椒味，能滿足貪婪的胃囗哦。雞翼不算大隻，兩人分享剛剛好。黑松露野菌忌廉意粉 $72餐廳的意粉雖不是手工製造，但味道也不錯呀。黑松露的味道香濃，忌廉汁包裏每條意粉，煮得很好哦。紫薯雪糕窩夫 $86全份窩夫的造形賣相，較半份窩夫的更為吸引漂亮呢。以紫色為主調的甜品，把紫薯主題完美呈現。有一球紫薯雪糕，大量星星和心形朱古力粒和八件心型窩夫，是重量級甜品哦! 窩夫有蛋香，外脆內軟，但較為乾身，若有多一球雪糕就更加美味。

在荃灣千色店附近有家裝潢很少女心的餐廳。這次就約了友人到這裡吃晚餐。餐廳有幾款食物都很吸引，例如有黑洞奶黃芝士麵包脆雞。我們這次點了一份夏威夷果汁醬燒豬肋骨，配有香脆的薯條。豬肋骨很大份，肉質軟稔，又煮的很入味。香辣蒜香義大利麵的意大利麵煮的很彈牙。蝦香辣惹味。晚餐加40元可以配半份玫瑰花草莓窩夫。擺盤十分漂亮，立即打卡。窩夫焗得外面很脆，裡面依然鬆軟，配上自家製的玫瑰花釀，十分滿足!另外還點了一份凱撒沙律，不過比較其他食物較普通。

We ordered a all day breakfast and lattes. The foods of all day breakfast are delicious. Nice cafe, cute latte art. It's quite a good place to chill a while in tsuen wan. It's not so far so good, whereas, to me, it's quite far but quite good!! Lamo 🤪