咖啡灣 (太和中心) (已結業)

估唔到太和都有咁靚嘅 cafe👍🏻👍🏻👍🏻Cafe 唔係好大，但食物賣相真係好靚！尤其飲品拉花好有心思☕️3杯飲品入面兩杯咖啡味道同賣相都好好；反而green tea latte 嘅緣茶味唔夠濃，飲落去覺得有少少好假嘅綠茶味，本身係為咗上面嘅三眼仔拉花而叫，點知整錯咗做天鵝🙈意粉嘅汁好香濃松露味，意粉軟硬度都啱啱好，但蟹本身就冇乜特別🦀最後甜品一上枱賣相真係好靚，忍唔住影咗好多相📸玫瑰味雪糕清清地唔太甜幾好味，但食落 waffle 口感唔夠鬆軟，同埋唔知係咪太多醬同裝飾用糖，整體甜咗少少😕

放假入左太和搵朋友 揀左呢間幾有人氣既cafe係menu睇實在太多野想食甜品好似好吸引 無奈兩個人食唔到咁多野最後都係叫左一個意份同一份漢堡呢個帶子意粉好足料 帶子算大隻 有4隻另外配料有蘑菇 青椒紅椒 但就嫌意粉味道較淡漢堡無咩特別 所以覺得好唔抵食薯條唔夠脆好就好在佢係用原隻薯仔去整 有誠意Overall 環境都幾舒服 假期要排隊 可能甜品會好食d

太和消防局對面有好多有特別既小店，其中一間比較出店既係咖啡灣，成功由太和開分店開到去荃灣。 平時夜晚都會大排長龍，今次晏晝去，等左一陣就可以入座。 入面環境都尚算有心思，但真係太逼了，冇左去cafe想輕輕鬆鬆傾下計既情調。不過都明白既，香港租金太貴，一間餐廳出左名想做多幾台客唯有愈擺愈迫今次叫左呢度名物黑松露軟殼蟹意粉。 軟殼蟹成隻擺係意粉上面，好有睇頭。可惜意粉的黑松露味唔特出，好似食緊普通的忌廉意粉。

挪威煙三文魚黑松露野菌忌廉意大利麵製作用心，煙三文魚鮮味而且分量亦多，上面鋪滿大量魚子，令進食每口意粉時增加口感。至於意粉，炒得爽口煙韌，配上濃郁的黑松露和忌廉，十分邪惡。手作特級和牛漢堡賣相美觀，牛肉鮮嫩多汁，但分量偏細。牛肉上面淋上溶掉的芝士、茄汁和少許芥辣醬，下面鋪上新鮮番茄和生菜。咬每一口都能吃到肉味與時蔬的味道。鮮奶咖啡奶味得豐富，適合想飲咖啡而且太濃的人士。除此之外，餐廳亦提供窩夫，menu 的圖片賣相十分精緻，下次一定要試一試。

大埔多好西食，咖啡灣都係其中一間值得一試第一次寫食評，之前聽荃灣區朋友提過咖啡灣幾好味，咁岩見大埔都有分店就試一試。趁今日同朋友係大埔行完山，就黎試下。果然係唔錯，難怪朋友會推薦！六點幾就到，好快就入得去。服務態度幾好，兩個人去，嗌左和牛漢堡，食過咁多間第一次有店員主動提議幫我地切開一半，感覺好窩心如果食物製作需時，除左餐牌有寫，店員都有再次提醒。食物高質，兩個人嗌左三樣都夠食夠飽。可惜今次朋友唔舒服，唔食得雪糕，冇食到窩夫，有機會會再次探訪試埋個窩夫同野飲。希望新一年，繼續努力，保持高水準，加油！

呢個係我近年食過最好食嘅軟殼蟹，上枱時好香炸蟹味。擺得好有氣勢，外皮鬆脆，難得裏面有唔少蟹肉，夠飽滿、脹卜卜（近年食好多都係主要得個殼，入面冇乜肉，好奇怪）。意粉煮得煙韌，醬汁creamy，面頭亦有好多黑松露，滿曬黑色點點。呢道菜會係我翻食首選！

自從舊年某一日經過..發現左屋企附近呢間小小cafe之後呢1年都經常黎幫襯..變左呢度既常客! ~ >v<雖然店仔細細 但係裝飾佈置好有心思 有少少似屋企既感覺~而家臨近聖誕節 入面佈置得更加靚~!!呢度既意粉同窩夫都幾出名下.. weekend黎食lunch或dinner都好..都要預早黎 因為排隊等位是必須的*0*幾鐘意佢每隔一段時間都會有新品推出~~而且次次都係會令人流口水既配搭💛軟殼蟹黑松露忌廉意大利麵$108基乎次次黎唔係叫呢個 就係叫和牛漢堡🍔🍔今次食好似又進步左~! 軟殼蟹原隻上, 比起之前食既更加大隻亦都保持到一貫鮮甜多汁.. 一咬落去已經感覺到肉汁爆出黎好好味😋😋松露香味比之前更加濃郁~~ 抵讚而且食完成份都唔會有太飽滯既感覺... 即係有quota可以食埋窩夫😻意粉既軟硬度亦都掌握得剛剛好!~~~平時好少係呢度叫小食.. 但係今晚突然好想食雞翼..所以就叫左呢個 焦糖山賊雞翼$68雞翼用香草同焦糖漿醃過.. 食落好香~ 佢仲配左2個醬汁一齊食但我地覺得唔使醬汁已經好好味...我鐘意佢既雞翼唔會煎得過脆 無咁熱氣~ 而且一咬就散 好軟嫩仲有佢配左少少黑

今日約咗朋友去大埔shopping ， 順便食完飯先回家， 朋友帶我去「Cafe Swan」食飯，因為佢掛住個甜品， 佢想再encore 呀！ 首先，我哋叫咗個《軟殼蟹黑松露忌廉義大利麵 $108》， 以平民嘅價錢， 可以食到軟殼蟹同黑松露真係超值之選。 我對黑松露情有獨中， 佢嘅香味， 係我至愛。 意粉加咗洋蔥、菇菌同黑松露一起煮， 香噴噴， 香味十足，加上香滑忌廉，非常Creamy，味道可口。原隻軟殼蟹放在美味嘅意粉上，真係有d震撼，外觀非常吸引， 又係相機食先嘅時間，軟殻蟹炸得香脆， 配上香濃嘅黑松露忌廉意粉，真係高水凖， 太美味了！《鵝肝和牛巨人堡 $138》件和牛真係好大好厚， 不愧係巨人漢堡，和牛又香又有牛味， 加上芝士， 真係十分juicy呀！ 而且， 鵝肝同和牛係最佳拍檔， 味道好夾， 鵝肝甘香，十分惹味，再加上洋蔥、蕃茄和生菜等材料， 可以中和鵝肝嘅油膩， 蔬菜又幾爽口， 味道當然好正啦！ 仲有薯條做配菜， 薯條脆卜卜， 仲熱辣辣添。 最期待嘅甜品出場啦， 在多種口味當中， 我揀咗《紫薯雪糕窩夫 $82》， 因為覺得幾特別。嘩！好巨型呀， 份量十足， 兩人食到好滿足，

依間餐廳上年食過一次，我覺得幾好味，朋友未試過就尼食吓喇～不過今次既水準就有d失望喇印象中依到個軟殼蟹幾正，當然要嗌軟殼蟹依然大大隻好有份量，不過唔夠脆，仲係完全唔熱，好似放咗好耐。意粉都係暖暖地，不過味道係唔錯，黑松露配雜菌係好味另外仲嗌咗個香草忌廉汁海蝦意粉，依碟就香草味真係好重，只係唔太岩自己口味，我朋友就幾中意我地就無嗌飲品同甜品喇~cafe尼講依到都坐得幾舒服既，價錢都合理，但希望可以一直保持返之前水準喇

依排成日入大埔搵朋友，原來大埔都幾多cafe，又係住大埔既朋友帶我去食，去到依間見到個門面幾靚，有d特式而依間cafe都係食意粉果類 睇餐牌見到主要係意粉配帶子/蝦/蜆/軟殻蟹咁我地就一人揀咗個意粉再share食忌廉香草蝦意粉，d香草味係好重，如果中意香草既一定好中意依款軟殻蟹黑松露雜菌意粉，軟殻蟹都幾脆幾香口既，不過可以熱d就更好喇！黑松露配雜菌又係好夾忌廉白酒煮蜆，淡淡地忌廉味唔會太膩，d蜆都幾多菠蘿紅茶，味道會淡d，中意水果茶清新既就岩蘋果蜂蜜綠茶，飲落甜道剛剛好，又有果肉，不過果肉會幾甜

又黎覓食大埔系列，呢間舖已經見到佢開左好耐，但係一直夜晚就排足咁耐，用左藍白色做主調，天鵝做左個標誌，今次夜左少少番去唔駛等好耐，終於俾我食到喇，但係食完之後見到仲有人排隊。就到聖誕已經有聖誕樹做裝飾，全店都用左藍白色做主色，座位夠大都坐得好舒服，牆上面掛左佢地既天鵝標誌，同埋好多好得意既字或者圖畫。做得地舖坏當然會有對街既位，用左淺藍色既窗框再貼上好多好靚既貼紙，貼紙就好似掛左唔同既燈好似係一間小屋入面一樣。話明係咖啡灣點可以少左咖啡機既裝飾呀，仲寫左好多唔同咖啡種類既名。先黎左一個《大蝦蕃茄醬義大利麵》($83)，蕃茄醬味都幾濃，意粉軟硬度岩岩好，大蝦又唔會食到梅味又幾大隻。必定會叫既《軟殻蟹黑松露忌廉義大利麵》($108)，一大隻軟殻蟹趴係麵度好震撼，用上左原隻軟殻蟹，意粉落左蒜炒香，加埋本身黑松露香味更香濃。甜品一定試《黑魔王曲奇雪糕窩夫》($82)，用上左比利時雪糕仲要有兩大球，配搭上Oreo棉花糖同星星脆脆更有口感。野飲叫左《燒焦糖燉蛋咖啡》($36)，見到個面都燒得幾靚，但係吉落去無脆脆既感覺，不過咖啡真係幾香濃。店名：Cafe Swan 咖啡灣地址：大埔太和路15號太和

今天出來剪髮，但等到妹妹起床已是中午十二時三刻🤣所以決定還是先吃午餐😆原先想去某腸粉名店，可惜太多人輪候，打消想吃的念頭......因此就來妹妹很想吃的Cafe Swan咳咳，這兒都是很多人輪候（我終於記得今天是星期日，所以接近下午兩時都仍這麼多人😭）侍應跟我說仍需等7張桌子才到我們😱若不介意猛烈的陽光，可立刻入座坐吧檯位置。太饑餓的我當然不介意😂雖然很曬，但餐廳環境挺清新舒適😄妹妹點了香草忌廉汁海蝦意粉，我則點法蘭腸片瑞士意粉。妹妹的意粉很快上來。很香很吸引，我嘗了一口，濃烈的鼠尾草，意粉彈牙，磨菇一般，但有香草渣；妹妹說蝦彈牙，但吐出不少香草渣🤣妹妹吃到一大半，我的意粉才上檯😭法蘭腸片感覺就是普通的腸仔......沒有什麼特別，蘑菇也是一般，意粉偏腍，醬汁有點茄汁味，整餐下來我感覺像吃茶餐廳的中式燴意粉😰我這樣子跟妹妹說，她說這店出名的是窩夫嘛🤣

之前食過呢間主菜唔錯甜品失色左少少難得朋友想食呢間所以比多次機會好彩有進步冇令朋友失望卡珍大蝦芝麻沙律大蝦預先用香料煎香仲要隻隻爽口整碟感覺好清新，開開胃口 芝士肉醬美國薯條😍芝士!芝士肉醬比較多如果更多芝士就勁正墨魚汁帶子義大利麵大大粒帶子仲要好多粒配上蟹子令整碟口感大增黑魔王曲奇雪糕窩夫即叫即整今次雪糕冇溶仲要係雙球其中一球係我鍾意的曲奇仲標榜用比利時雪糕👍窩夫外脆內軟一冷一熱😍燒焦糖燉蛋咖啡

屋企附近呢間人氣Cafe，經過左好多次，但我又想食咸食又想食窩夫又怕食唔晒，都係冇食到，最終朋友今日大陸放工落嚟陪我食！今晚客人都幾多，有九成客，好彩仲有位唔駛等。舖面唔係大，中間有個大型水吧。嘢食啱年輕人口味多啲，老人家未必啱食，場內都唔見有老人家。我哋都算係年輕人，嘢食都幾啱我同朋友口味。【綠茶鮮奶$36】因為俾餐牌幅相吸引，所以我哋兩個都叫左呢個。構圖好可愛，有少少似三眼仔，一上枱未飲就要相機飲先，喪影相！！！綠茶味同奶味都好濃好平衡，唔駛加糖，甜度啱啱好！【軟殼蟹黑松露忌廉意粉$108】呢個係我近年食過最好食嘅軟殼蟹，上枱時好香炸蟹味。擺得好有氣勢，外皮鬆脆，難得裏面有唔少蟹肉，夠飽滿、脹卜卜（近年食好多都係主要得個殼，入面冇乜肉，好奇怪）。意粉煮得煙韌，醬汁creamy，面頭亦有好多黑松露，滿晒黑色點點。呢道菜會係我翻食首選！【手作特級和牛漢堡$98】點餐時店員問駛唔駛開半，又幾貼心，我成日都切得好肉酸！芝士半溶，漢堡扒亦幾厚，味道係唔錯，但係就食唔出牛味特別濃郁或者油脂特別豐富。【紫薯窩夫$82】好少見到窩夫配紫薯，即刻要點一客！面頭有一粒粒小蕃薯同士多啤梨，窩夫呈心型狀，

太和不是只有太和站，今天坐太和到太和，約了老媽一起去太和菜市集，媽說那邊市集的菜都是人手種，很新鮮。逛完打算和老媽食完晚飯才回家，見到對面有間小餐廳，行到過去看看，老媽被餐牌吸引了，指明要吃這間，因為有：窩夫！這邊的窩夫很美麗，我們點了「紫薯雪糕窩夫」，食用完才上。因為有了甜品，我們只點了一主菜一小食。小食點了爆趣蜜糖芝士炸雞，我懷疑這不是小食，因為份量好多，有一堆薯條，不是麥XX那些咁短，是長薯條啊！炸雞都有六七件，上面有滿滿的芝士粉，炸雞很脆口，口感很好，味道方面，因為有滿滿的芝士粉，所以聞起來好香，味道也咸咸的，但也帶點甜，是因為有蜜糖吧！如果不喜歡本身的味，隨碟還有三款醬，泰式甜酸漿，芥末和辣醬，辣醬只是少少辣，辣味不是太重，我喜歡以芥未點薯條，味道很濃！炸雞配泰式甜酸醬也很特別，甜甜的蜜糖配上酸味，令炸雞多了一種味覺享受！主菜叫了最吸引的「軟殼蟹黑松露忌廉意大利麵」，沒辦法，看到人家的，很想吃...別的餐廳，精緻的意粉通常粉量較少，但這個意粉雖然是$108，但份量足！黑松露味濃，配合忌廉好Creamy，配料還有芥洋蔥同菇，軟殼蟹成隻上，一大隻蟹，賣相十分搞笑，軟殼蟹十足十軟殼