咖啡廳

營業中

休息中

今次係小妹生日,一家3口去左食。點解選呢間係因為我地其中一人可以免費(持長者卡)。其實之前都未去過,不過見佢都幾有名氣,咁就去試下喇。初到步時有少少風波,安排左個對住門口既位俾我地,我地要求換窗口位,但個manager話張張都bk左,anyway佢都換左張好少少既位俾我地喇,畢竟人地有人地既難處。本來bk左18:45,趕唔切,打去改遲個時間,d人都有聲好氣,咁已經有個好既impression喇。首先就食魚生,的確好似大家所講得3款:三文魚.吞拿魚同埋8爪魚,後者唔得,前兩者都好味。熱盤有片皮鴨,ok喎,d扒類都不俗。湯類呢,南瓜湯都好飲,我dad仲飲左3次榣柱魚翅。至於甜品,esp.後尾出0個個方形chesse cake,超好咪,好濃,tiramisu都唔錯,我食左3round。另外有朱古力食,有隻黑朱古力苦帶甘,好正~不過好搶手,之後再出去都冇喇。*諗住食埋個豆花先走,但等極都唔refill,結果都係放棄喇.....總括嚟講係ok嫁,服務都幾好,waiter/ress都好後生,靚仔靚女。

一班大學同學想gather, 佢地話想食tea buffet.咁就揀左呢一間試下.我地去到時lunch buffetｄ客仲未走晒.我訂左三點位都仲要等左五分鐘到先可以入去.安排有d混亂.要扣少少分.我自己就未食過tea buffet.所以唔知大約有d乜野食.但係呢個buffet我自己就覺得選擇少左ｄ.食物種類就唔少.有pizza,沙律,冷面,三文治,點心,意粉,飯,幾樣甜品同雪糕等.種類就係多.但係每種就只得一樣選擇.好似意粉就只有一種白汁意粉.飯就只有一種炒飯.所以我覺得可能有個主題會好d.起碼唔會俾人覺得係求其俾d野你食就算咁.講番d野食.我覺得整得比較好既有一個煙三文魚包.煙三文魚配埋軟軟既包真係幾正.我同幾個friend都食左幾舊.其他冷熱盤就無乜特別.算係一般貨咁啦.中式點心就完全唔掂喇.燒賣d肉好散.蝦餃好細粒,牛肉燒賣又無乜味.估唔到酒店點心會咁差.甜品方面.我覺得最正係芒果布甸,夠滑.tiramisu 都唔錯.可惜個coffee mousse就無乜味.好似食緊cream咁.雪糕係haagen dazz貨色.有士多啤梨同咖啡味.我就食左幾球.唯一唔好就係真係要自助.即係要

想去呢間同海逸好耐,因為呢兩間酒店都有返咁上下同埋佢地0既buffet口碑都唔錯,結果最後揀左喜來登,因為呢間0既食評好似好d講真一直對呢間期望好高,因為如我之前所說,呢間酒店質素有返咁上下而且口碑又好好咁,但往往期望過高,通常都會失望而回,平心而論,話佢差又唔係,但好好就冇佢份,一定首先環境唔算好好,樓底太矮,裝修一般,出面lobby仲豪過佢,最唔好就係餐廳入面都裝滿閉路電視,響其他公眾地方裝閉路視可以理解,但如果連食野都要受"監視"就唔係咁好,話哂食野都係想relax d麻,而我地仲要坐響眼仔前面張台....食物方都幾少選擇,唔係好多款式揀,熱葷揀埋應該大約得十個到,可能禽流感0既關係,全場都冇"雞"0既跡,隨左甜品個焦糖"鄧"蛋,隨左冇雞外,豬肉都唔多覺眼,只係得串燒豬頸肉(好肥)同豬湯,牛肉0既菜式就重覆左好多,有幾個燒牛肉,我覺得選菜方面有問題至於味道都係一般,個粟米斑塊係鯹0既,普遍熱葷都唔夠熱,不過都有野好食,白汁意粉好CREAMY d 汁好滑好好味,所以食左幾轉(同時亦因為選擇有限),湯粉有淥粉絲,湯底好似係冬陰公,就有好幾款海鮮揀,個粉絲都幾好味,食左三碗甜品就麻麻地

由於有會員証關係,二人同行可以一人免費,埋單都要$38x(星期六價錢),如果原價都唔好話野少..酒店自助餐既款式大概都有齊..冷盤有生蠔(幾鮮,幾好味),魚生(種類得三種,比較失望),蟹腳(一向唔太愛蟹,呢度既蟹都無令我改觀,一樣係麻麻地)等等,質素平均~熱食方面有牛仔肉,火腿,天婦羅,燒大蝦等等..味道都幾好,但係無特別令人深刻既菜式..甜品方面有Haagen Dazs,重有臨臨種種既cake..每樣都掂過下,德國芝士餅,唔鐘意~不過蜜糖盧薈就幾好味,不過無refill過,要試快手~總括黎講食物質素同環境都唔錯,不過一向認為酒店自助餐好難會覺得超值..所以如非特別節日,都唔會再去呢度試喇..

上次同公司成班人一齊去, 其實都覺得幾貴, 但係真係覺得好正, 尢其係生蠔光同燒大蝦, 食多幾隻都回本, 甜品又多款又好食, 個個都有讚無彈

沉日星期日食過自助晚餐, 真係唔錯, $275 + 10%.d生蠔勁大隻, 魚生, 凍蚧, 凍蝦(好新鮮), BBQ蝦, 青口好野味, 熱盤(不過不失), 不過牛扒就"鞋左D, 甜品OK, 但係選擇唔多, ok啦, 不過收碟慢左D, 食得過啦.

請問有冇人食過佢地個海鮮buffet, 好唔好食, 多唔多野食, 新唔新鮮, 比些意見,唔該.

$108 一位tea buffet, 我真係覺得好抵, 食物選擇多, 味道好之餘, 服務亦都好慇勤. 佢既甜品都做得唔錯, 唔會太甜. 我記得舊年有一個士多啤梨tea<br />buffet, d 野好好食. 唔知今年會唔會再有呢?

我只係鍾意夜晚度飲o野靜靜咁傾計, 覺得環境好舒服寬敞. 不過最最最鍾意係佢的chesscake, 好濃芝士味, 好正, 好好味......

今日八號風一落即刻去尖沙咀等返工, 出o左地鐵站見到喜來登就走o左去cafe 諗住食個tea buffet 啦, 點知門口位小姐話今日special arrangement 冇tea buffet, 但係個lunch buffet 會extend 到五點半, 咁就是但啦.冷盤方面有生蠔同龍蝦仔, 亦有各式沙律如印度乳酪沙律, 泰式粉絲沙律等都幾特別, 刺身同壽司幾新鮮, 龍蝦湯creamy 味濃, 正!!熱盤有印度咖哩同naan, 不過我覺得寶軒o的好味o的, 其他魚魚肉肉就一般味道啦, 唔多impressive, 另有日本拉麵檔同墨魚丸檔.甜品的home-made chocolate 唔好食, 其他選擇有chocolate mousse, 雪糕, 雜果o者喱, 綠茶蛋糕, 忌廉蛋糕等, 不過冇cheesecake, 有o的失望, 最令人喜出望外的是有一個豆腐mousse, 唔太甜, 好滑好香豆腐味.service 幾好, 態度幾親切, 不過可能因為我坐著個自閉位, 成日都冇人收碟.AE 咭找數有9 折, 埋單共銀$158.

已經好耐無去酒店食自助餐，對上一次應該係去萬景海景酒店。今次諗住去食，一係唔去，一係就食大佢，食好D，所以揀o左去喜來登。入到去，環境唔錯，食自助餐o既咖啡室地方寬敞，放食物o既地方又夠大，食物種類多。冷盤都係應有的貨色，無啥特別；值得一讚係生蠔夠多夠大夠新鮮，不過D冷盤龍蝦仔就無乜味，較遜色。熱盤方面，最欣賞「蜜汁烤羊架」﹕細細件，烤得半生熟，棄用一般的香草，改用蜜汁烤，在羊肉獨有的羶味中能帶出了淡淡的蜜糖香，加上羊脂在口中發出的香氣，久久不散，味道十分清新，可以連吃數件。其他菜色還有「香橙鴨」，幼敕的鴨肉加上淡淡的橙味，又是一道令人欲罷不能的菜色。其他熱盤的質素都很高，一一品嚐後，已經很飽。不過還有即場由廚師烹調的意粉，不可不試。當然吃到最後亦不能不吃甜品。西式的蛋糕是這裏的強項，甚麼朱古力蛋糕、芝士餅、各式小蛋糕，一定要式。另外中式的紅豆糕亦很好吃，不太甜，紅豆多。唯一不足的是，當日人太多，但不是食物不，而是令周圍的環境太嘈雜了。所以大家可以揀平日去，一個人大約$250到，但物有所值。

今日去左食lunch buffet,都叫做多野食,味道仲幾好~!尤其係甜品,特別推介Tiramisu......正~!

我係情人節個日去呀, 係食自助都幾貴, 但係服務同食物都好好, 有好多食物選擇, 尤其係甜品啦, 可能平時仲會平些,