咖吔

營業中

休息中

食咗個下午茶一個海南雞飯，一個新加坡喇沙海南雞隻雞好肥有啲嚡，感覺同喺美心食海南雞飯差唔多喇沙湯底還可以啦，鍾意濃湯底嘅可能覺得唔ok，面頭得兩隻蝦，仲要對半切最貴嘅都係杯嘢飲，普通都要加$8仲要好細杯大部份飲品都係梳打，作為梳打仲要冇乜氣，雖然有唔同味道嘅梳打，但係都其實只係一個甜字下午茶都要收+1 ，最後兩個人食咗$170唔可以講佢難食，又唔可以講佢好食就食咗囉，下午茶都咁貴晚餐唔使諗性價比有啲低

呢日同仔女去咗沙田火車站附近玩，又想食星馬泰國菜，發現有一間呢間餐廳，就入咗去食，當晚好多人好，不過等咗一陣就有位入，餐廳雖然不大，但座位很舒服，又有好多卡位，食物又不錯，下次有機會會再試。無骨海南雞飯：嫩滑多汁的去骨雞肉，加上泰式海南雞醬汁，搭配上油飯，口感清新爽口,十分開胃。櫻花蝦柚子沙律: 將新鮮的櫻花蝦與柚子肉混合，加入泰式檸檬汁、魚露等調料，口感酸甜爽脆。手打蝦餅:蝦餅外層有星星💫脆粒，好吸睛，蝦餅外酥內嫩又彈牙。馬來芒果汁配芒果雪糕：芒果味非常香濃，配埋芒果雪糕，簡直透心涼。

呢日一家人去咗沙田大會堂睇阿仔畫展，之後周圍搵餐廳食飯，發現有間星馬泰菜餐廳，內裏格局簡約乾淨，坐卡位又很舒服，食物又很好食，有機會會再訪。馬來炒貴刁：貴刁粉炒香，內有豬肉、蝦仁、葱等食材，帶有濃郁馬來風味，香口又惹味！雞鴨絲湯粉:將雞肉、鴨肉絲加入米粉湯中，再調以泰式香料，鮮美又滿足。馬拉盞炒通菜:用通菜炒，鑊氣足夠，配合馬拉盞又惹味，加上白飯一起食，好正～藍莓巨峰梳打：藍莓同巨峰提子配合，飲落非常清甜解渴！美祿哥斯拉：好濃美祿味，仲有一粒粒脆卜卜嘅波波球，好好飲！

.沙田好運中心都幾多新晉餐廳進駐😜 其中一間小邊幾like號就係呢間咖吔 大家都知小編好中意食星馬菜😂 呢間都幾岩小編口味.🐷 香芒大蝦米紙卷呢個米紙卷都幾特別🤣 竟然係點芒果汁架🥭🤣 裡面口感豐富 有紅蘿蔔、青瓜、椰菜、芒果、蝦 🦐米紙口感都幾煙靭😆 裡面嘅食材又fresh又爽口🤣 .🐷 街頭雞鴨絲湯粉呢個湯粉唔錯 清清地又唔會太over🤣 然後有齊雞同鴨絲 兩者味道都幾出😆 啲河粉嘅份量非常之多😂.🐷 檳城拉麵呢個係一個摻摻😂 又有油麵又有米粉😀 口感方面係雙重嘅麵條一粗一幼 好正～🤣 咁樣食落冇咁寡😂而且個粉有齊蝦、腩肉同埋溏心蛋😉 都幾豐富吖.🐷 美祿哥斯拉小編仲叫左杯食星馬菜必叫嘅美祿😂 今次呢杯都ok喎 上面都有好多波波米🤣.咖吔📍沙田橫壆街1-15號好運中心商場3樓3008-9號舖.#吃貨日常#香港#茶餐廳#Cafe#麵包#西餐#中餐#日本菜#韓國菜#泰國菜#堂食#好西#食#香港美食 #hkfoodie #foodiehk #沙田#沙田好去處 #沙田美食

餐廳位於好運中心，環境偏走放鬆舒適路線，價錢大約中等價位，食物和服務都有一定質素，性價比算不錯。新加坡喇沙配料都幾豐富下，有蝦肉、溏心蛋、魚蛋、魚片、豆角、豆卜等，而麵底係由口感彈牙既油麵和米香味十足既米粉組成既摻摻。不得不提喇沙湯底香辣惹味，集齊椰香、蝦香和咖哩香味。海南雞飯拼白胡椒肉骨茶可以一次過試哂碟海南雞和肉骨茶，岩哂有選擇困難既大家。海南雞肉質鮮嫩，鮮味十足，有提供薑蔥蓉、黑醬油及酸辣汁沾點食用。肉骨茶有濃厚既白胡椒味，味道芳香帶著微微既嗆味，內有排骨、蒜頭和豬肚。班蘭咖央多士薄多士中間夾住牛油和咖央醬，香脆味濃，有獨特清香，甜而不膩，一定要趁熱食！凍手工拉茶

今次介紹呢間新加坡餐廳鄰近沙田站，裝潢雅緻，座位舒適。食物方面，海南雞飯相當出色，必試🥰 🦀參峇蟹肉配炸饅頭 $118新加坡菜必試菜式之一，蟹醬以大量蟹肉絲、蟹膏煮成，帶非常濃郁蟹鮮香味。炸饅頭外脆內軟，唔會太乾身，而且唔會太大件，食完都唔怕滯。 🥚新加坡鹹蛋黃單骨雞翼 (6件) $75雞翼雖然經油炸，但仍然保留大量肉汁，雞皮亦唔會炸得太硬身。鹹蛋黃醬帶香濃鹹蛋黃味，但唔會太鹹，仲有少少甜味，味道相當有層次😋 🦐馬來炒貴刁 $128整個貴刁以大量老抽、生抽炒成，相當惹味。配菜種類較多元化，有鮮蝦、芽菜、臘腸、雞蛋等。餐廳貼心地將辣椒碎同花生碎分開放，客人可以自行控制辣度。面底以河粉、油麵組成，口感特別。 🐔海南雞飯 $88餐廳選用三黃雞，肉質嫩滑、脂肪豐滿且味道鮮美。因用冰水過冷河，雞皮頗為爽滑，配合以雞油製成嘅油飯，整體鮮味更突出。三種醬汁分別係薑蓉、辣醬、甜黑醬油，將海南雞味道完美昇華😍

今朝工作比較忙， 停得手黎原來已經接近下午茶時間， 本身諗住快靚正去茶餐廳食午餐，經過見到d 間下午茶幾抵食， 食物同賣相都ok , 平均$5x -個餐， 已包－杯餐飲.大街咖喱麵: 咖喱味濃， 微辣，每啖麵都掛滿咖喱汁， 又唔會太流， 份量都多， 基本上食曬都飽大蝦青木瓜沙律:有幾隻大蝦， 新鮮彈牙， 青木瓜清甜， 加埋個汁酸酸甜甜，好開胃， 夏天食唔錯， 有時唔想食沙律菜食d 個都係另一個選擇南洋白咖啡: 提神之選， 咖啡味濃， 返工必叫

嚟到沙田呢個新裝修嘅好運中心，見到商場外圍當眼有兩個大字［咖吔］，就知會有新加玻地道嘅食物～我至愛嘅星州海南雞🥰嗌咗個二人套餐，雞油飯香而不膩，粒粒分明夠乾身，雞肉嫩滑肥瘦適中，皮肉分離，甜豉油、酸辣計和薑蓉三種醬料都好食，蘸上無骨嫩滑雞肉送飯，啖啖都係出色嘅味道😋街頭雞串肉很juicy吾嚡，厚身彈牙，非常香口❤️五彩自家手打蝦餅，即炸熱辣辣，外脆內香！藍莓巨峰梳打和香茅鮮橙茶冰涼可口，解渴解膩，值得推介😍😍櫻花蝦柚子沙律，柚子味道好清新，酸酸甜甜，食完特別開胃，配埋櫻花蝦就大大提升了口感。馬拉盞通菜炒得入味，軟硬適中又吾太咸，爽脆好食。

♡‎ ♡‎‎ ♡‎ ♡ 沙田 - 咖吔 ♡‎ ♡‎‎ ♡‎ ♡‎ 『 星馬下午茶 🫖 chill chill 先～』屋企附近有間星馬菜平時好多人 今日襯住下午茶嚟試下先～🔹街頭雞鴨絲湯粉$49最近keep fit 中 所以揀咗款清湯米 雞鴨絲份量多清清地 食完都好夠飽🔸海南雞飯 $68啲雞有啫喱仔 好開心 滑捋捋🪄個碗係雞油飯 香香的仲有碗湯仔可以濕下個口🩵海鹽雪糕椰汁珍多冰 +$12一向對海鹽嘅副制品 例如海鹽雪糕 /咖啡 都好喜歡今次仲要有椰汁珍多冰超吸引啊！又可以不嚟食雪糕 亦可以撈埋一齊飲唔會太甜幾好◆*．◆*．◆*．餐廳資訊◆*．◆*．◆*．📍 咖吔 (沙田)沙田橫壆街1-15號好運中心3樓3008-3009號舖

服務極差永不要去餐廳 去完呢間餐廳明白點解 香港人番大陸食因為就係有呢d咁嘎餐廳 本身約朋友慶祝生日 餐廳員工已經拎哂 盤同叉突然收到經理話唔準食 出面有寫 就算加錢都唔得根住算了 唯有走 但外面根本無寫 您見到 拎住蛋糕果時都可以講聲 我都唔比食外來食物 ！咁我地一定立即起身走拎位經理又串串拱 已經我比錢您 洗唔洗咁嘎態度 打死都唔會再去

等位時負責帶位既職員好好人，提我哋有限用餐時間，齊人先入好啲。點知入到去係另一個世界。如果想開開心心食餐飯，就唔好嚟呢間。食餐飯都勁大壓力，由落單到上菜去到食完都勁多說話俾我哋聽，甚至未食完就要收番啲碗碟，仲要係問咗好多次，好似想趕我哋快啲走咁。眼見好多餐廳冇呢度咁差都要執笠，真係唔明香港發生咩事。我哋五個人叫咗4人餐再加小食，食物質素尙可，但性價比唔高，冇乜驚喜。如果有得揀就去附近其他餐廳，唔洗受氣。

在沙田行行下，想搵間平靚正嘅下午茶食，俾我哋發現一間大件夾抵食嘅馬來西亞餐廳，即刻同大家分享一下。✨串燒拼盤$63✨ （爆推🌟🌟🌟🌟🌟) 估唔到下午茶亦有提供串燒🤩，必須下單🙌🏻。當中包含了雞肉、大蝦和魷魚鬚這三款串燒，款式十分多元化。雞肉咬開帶淺黃色，是調好味道才拎去燒，非常濃味。大蝦蝦肉爽彈，魷魚鬚長嗰支竹籤，食得十分之爽🤣。還附上馬拉風味的辣醬，超級好食，必須推介‼️✨斑斕咖吔多士 $40✨講到馬來西亞嘢食，不得不提咖吔多士😍。整個多士烘得乾脆，邊位有少少爐邊，非常之正。中間夾着甜甜的斑斕咖吔醬，咬落仲有清脆的聲音，極具風味，一流👍🏻。✨檳城蝦麵 $58✨非常大碗，以木盤呈上，一上枱已經香氣十足。內有蝦、豬、豆腐卜、雞蛋，還搭配着通菜及芽菜，十分足料❤️。而且面底是摻摻，一般是黃面，一半是米粉，口感十分豐富。最重要是它的湯底，濃郁而不膩，整體質素很高。✨馬來炒貴刁 $82✨ （爆推🌟🌟🌟🌟🌟) 餐牌上寫着餐廳推介，果然令人喜出望外。顏色搭配令人食慾大增，內有蝦、臘腸、魷魚、韭菜，紅椒等多款配料，賣相十分吸引。炒野始終係最重要係要有鑊氣，這個炒貴刁鑊氣十足，而且不會有油淋淋嘅感覺，乾身

❣️下午茶時間經過見到好多人排隊的新加坡餐廳🇸🇬。門面幾靚，座位寬敞。望埋餐牌親民價錢，於是乎就入去試下😁下午茶menu 都有不少選擇，有飯有麵有小吃，而且仲包嘢飲！🌟海南雞飯 $68 🐔無骨海南雞飯搭配三個經典醬汁。冬瓜青雞湯有着冬瓜蓉提升口感。米飯雞油香，又有淡淡椰香🥥入口唔會太油膩，十分好味。雞肉入口鹹味剛剛好，加上酸酸甜甜醬汁好清新，肉汁鮮嫩，不會柴🤓🌟檳城蝦麵 $58 🦐有五花肉、蝦、豆腐pot、炸蒜。鮮蝦湯底厚實，米粉油渣麵雙溝，獨特新奇，擁有多重口感。🌟串燒拼盤 $65 🦑雞肉、魷魚、蝦。伴隨着沙嗲醬，有輕微辣味提升惹味同埋鮮味。值得一提的是蝦已經剝了殼。魷魚都相當有咬口。🌟椰子班蘭冰 🥥椰子味重，夾著淡淡班蘭香味，沙冰口感入口清新，簡直係消暑聖物。🌟凍白咖啡 ☕️啡味濃郁，口感嫩滑，帶點兒花香味。後有甘甜味。

商場重新裝修後愈黎愈多餐廰美食，今次揀咗 "咖吔"，呢間新加坡菜平時就算午餐晚餐都會見好多人排隊，令人更加有意欲想去試！餐廳裝修雅致，牆上面花花圖案及窗邊放置植物，設計充滿東南亞熱帶風情，令人relax！餐牌內有十幾款選擇  :  新加坡喇沙、海南雞飯、炒貴叼、咖吔多士、串燒、沙律等，特式嘅新加坡美食。馬來炒貴刁       $82呢款貴刁以河粉+油麵混合，吸收左濃濃嘅醬油，炒至香氣撲鼻；材料都好多元，鮮蝦爽口，豬柳嫩滑，魷魚新鮮，煙韌有咬口，油脂豐富嘅臘腸，配備辣椒粉、花生粒、青檸檬汁，可另加作調味，帶出鹹香味，與所有材料拌勻，多重口感，完全感受新加坡嘅地道風味。新加坡喇沙        $56新加坡喇沙摻摻係由類似油麵加幼粉絲混合而成，麵條有咬口又滑溜，粉絲幼滑吸湯汁，加埋口感豐富好味，湯底味濃郁，椰汁突出，又香又滑，帶少少辣，配搭啖啖蝦肉、爽口魚蛋同魚條，以及熟蛋、通菜、豆卜、通菜、芽菜、蝦乾等，口感豐富，另有青檸同參峇醬，可作調味。斑蘭咖吔多士     $40麵包烘得非常香脆，咖吔醬塗得慷慨，入口有好重椰香味，配埋中間嗰塊香滑嘅牛油，絕對係無敵組合，食完真係好有滿足感，斑蘭咖吔

新加坡鹹蛋黃單骨雞翼$56/6件炸得乾身鹹香酥脆，外皮充滿鹹蛋香氣大蝦青木瓜沙律開胃菜式colorful爽脆沙律木瓜及其豆角、蘿蔔絲得，辣得刺激～新加坡喇沙 $56蝦，雞蛋，魚丸，魚片，菜，豆腐卜，黃麵條，極豐富喔～加埋叻沙湯底濃厚微辣，搭配彈牙米粉同油麵海南雞飯 $68肉質好嫩滑，皮薄有彈性，香油飯軟糯點埋辣汁最開胃，另外仲有黑醬油同薑蓉配爽口青瓜。熱飲+ $3/杯☕️南洋白咖啡｜🍊香茅鮮橙茶南洋咖啡香、醇俱備仲可以揀甜度凍熱飲香茅系列，仲有支棍搞吓幾過癮❄️凍飲+ $6/杯桔仔話梅水｜香茅青檸荔枝梳打解渴清爽系列兩杯都有薄荷葉一杯淡然荔枝味，冷一杯酸酸甜甜全部都好Natural