影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
餐廳：咖吔地點：北角匯菜式：新加坡菜餐牌：午市套餐選擇好多，有好多款飯麵，配冷熱飲品，可以加錢升級飲品，設有加一服務費。新加坡喇沙 $88 另加一新加坡喇沙摻摻即係黃色粗麵加幼身粉絲，前者有咬口又滑溜而後者幼滑吸汁，加埋係好正嘅口感。個湯又香又滑，梛汁又夠，都頗辣。配有去殼蝦四邊開邊，彈牙魚蛋三粒，同唔少魚蛋條，其他配料有半隻熟蛋，爽口通菜，吸汁豆卜4件，紫洋蔥絲同爽口芽菜，口感豐富。另配青桔一件同參峇醬。海南雞飯 $88 另加一海南雞大概有十幾件，半胸半脾仲有半隻雞翼，雞肉都算嫩，伴有4片青瓜，跟有大大碟三色醬汁。雞油飯大大碗，熱辣辣，好香。仲有一碗鹹香冬瓜雞湯。新加坡鹹蛋黃單骨雞翼 $32 另加一新加坡鹹蛋黃單骨雞翼一客四件，熱辣辣上枱，整得外脆內嫩，鹹蛋黃味十足。街頭雞串燒 $28 另加一街頭雞串燒一客兩串，熱辣辣上枱，燒得皮脆啖啖肉，撈埋個參峇醬微微辣，好惹味。伴有車厘茄半粒，洋葱絲同青瓜幾粒解膩。馬來芒果汁配芒果雪糕 加$12 另加一 馬來芒果汁配芒果雪糕有濃厚芒果汁面頭加上大大球芒果雪糕，芒果汁味道唔假，都唔會太甜。呢個價錢好抵。海鹽雪糕椰汁珍多冰 加$12 另加一海鹽雪糕椰汁珍多冰就係微鹹藍色海鹽雪糕伴香甜椰汁，直頭係一杯甜品。仲有綠色珍多冰加添口感。今餐食物質素幾好。呢度上菜快捷，座位舒適，平日下午茶時段都好滿座。
繼續閱讀
呢排熱到人都暈，突然好想食啲濃味嘢刺激下味蕾。諗起北角匯地下有間專做星馬菜嘅，環境幾開揚，對住個小公園，望住啲樹都覺得涼爽少少。睇佢午市餐牌選擇都幾多，價錢合理，一於試試。今次同朋友叫咗三樣嘢分嚟食：新加坡喇沙： 湯底真係夠濃郁，椰香同蝦味都出，飲落幾舒服。料都足嘅，有彈牙魚蛋、魚片、索晒湯嘅豆卜、爽口蝦仁，仲有半隻蛋，幾正宗。 老街咖喱麵： 呢個湯底香辣得嚟幾開胃，唔會一味死辣。配料幾豐富，有入味嘅鴨肉、鮮蝦、爽口嘅魷魚鬚同埋豆卜，掛湯一流。 巴東牛肉飯： 朋友揀嘅，啲牛肉炆得夠晒腍身，香料味好香濃，撈飯食真係幾正。最抵讚係！有金桔話梅水（酸酸地好解渴）、馬來拉茶（茶香幾滑）同香茅荔枝梳打（幾清新）揀，揀凍飲都冇附加費，呢點好貼心。 熱辣辣想食啲濃味嘢醒神，呢度係個唔錯嘅選擇，坐得舒服，食物質素對得住個價錢，尤其係飲品唔加錢真係加分。經過北角不妨試下。
繼續閱讀
今日同朋友去北角滙食lunch，我哋早一晚已選定呢間，今日係星期日都有set lunch，非常好，我哋都揀咗海南雞飯set $88，餐飲我加咗$12飲海鹽雪糕椰汁珍多冰。想講海南雞飯份量剛好，雞肉嫩滑，冬瓜湯亦好好飲，蘸汁有齊薑蓉，辣醬同黑豉油，好好味😋😋。另外要讚就係杯餐飲，個賣相好靚，海鹽雪糕非常好味，呢杯餐飲加$12都絕對超值，大推，下次會再試其他菜式👍👍總括而言，今日個套餐我俾💯
繼續閱讀
放假約好友《北角匯》吃午餐，環境舒適，有海景大玻璃窗。我們點左午市套餐海南雞飯$88配熱桔仔話梅水無骨雞肉很嫩滑配油香飯，配薑油、醬油、辣椒醬，米飯粒粒分明，吸收左雞的鮮味好好味。桔仔的酸甜與話梅的鹹香，飲後回甘開胃。海南雞飯$88配馬來芒果汁配芒果雪糕加$12芒果汁味香又甜，芒果雪糕清甜可口，口感冰涼。新加坡喇沙摻摻$88配熱桔仔話梅水有蝦仁、魚蛋、雞蛋、豆腐泡、芽菜等⋯椰漿味香濃湯底濃郁，配米粉、油麵口感不錯。
繼續閱讀
咖吔北角渣華道123號北角匯地下G09號舖經開北角，老友推介地道新加坡菜，環境舒適，食材新鮮，入去 Chill 吓先。😋海南雞飯雞肉新鮮嫩滑，口感鬆軟，無骨啖啖肉，米飯煙韌有飯香，加薑蓉、酸辣醬和醬油提升層次，必食！😻牛油果五色米紙卷即叫即製，配料新鮮，米紙鬆軟，天然好味，配香甜醬汁效果更佳。😍街頭雞肉串雞肉新鮮，口感煙韌，醃製得恰到好處！香辣醬汁開胃，青瓜洋蔥新鮮爽口，推薦！😽熱手工拉茶拉茶又香又滑，甜度適中。😸椰子斑蘭冰椰子又香又甜，班蘭味濃，飲完好舒暢。😙咖吔 環境舒適氣氛好，食材新鮮高質，海南雞飯米卷正，侍應服務態度好，還會再來。😎🤘
繼續閱讀