和順記 (已結業)

雞髀食落有陣酸味，雞肉乾柴，黑椒汁又咸到死煎蛋又唔流心冇燶邊最慘係+$10轉讚岐烏冬點知竟然係普通即食烏冬，咁你唔好寫讃岐兩個字啦，其實真係食得出架，唔好當人傻，呃得就呃先得架！！我分別食左兩次，有相證明，兩次叫既食物名一樣，但唔明去到我手上，好似係兩樣唔同既野食！第一次食果陣好好味雞髀juicy,確實係讚岐烏冬撈流心蛋，第一次食真係好評先諗住再食，諗住Encore 多次點知成事錯晒！！！no next time!!!!

食開油麻地同天后果間，都覺得非常好食，好Juice。炸同滷水都係好欣賞。今日入開大西北，就特登去食啦，點知我係覺得O咀同失水準吖😞我叫佐個滷水脾，一上嚟，係話個脾細佐啲，然後搭多塊唔知算係炸定煎嘅雞扒，完全係9唔搭8，都算。一食個脾，啲肉質真係老到呢…又硬又實，鞋口架，仲要滷得唔夠味，完全唔知食緊咩😢😢😢茶記一塊雞扒可能都好食過佢🥺個炸脾都係咁嘅口感。耶係失望至極。元朗店真係尼世都唔會去第二次！

下午茶$39送熱飲（外賣加$1）做開鷄脾薯條但薯條未翻貨第一次聽 所以變咗係「沙律菜」加芝麻醬同埋對門唔知點解唔開哂 要打側個人先行到（我60kg）試業中鷄脾蛋飯$52 荃灣好似要成$65 $52仲可以接受嘅 路過可以試下食落有啲骨膠原(類似豬手)嗰種feel問咗做廚房嘅老豆話佢係滷咗然後風乾再炸我麻麻地依種feel 鐘意實啲嘅皮配嫩肉本人係唔會再食啦 不過唔係難食嘅