和記海鮮飯店 (已結業)

因為我好鍾意食燒鵝，朋友就介紹來呢間食啦！雖然裝修都係好舊式菜館，但係更加有港式風味！我地係繁忙時段之前點好菜，否則師傅上菜輕則半個鐘，重則45分鐘😱每樣菜講下先～燒鵝係必點！！！最好就燒鵝汁加梅子醬送飯啦～雖然好邪惡，但是呢個係必須呢個三蛋炒菜，係好味，不過相比其他小菜就有點失色啦～炸蝦餅拼鮮魷，有配上沙律醬同淮鹽加sauce，沙律醬我覺得太稀有水，沾蝦餅好似無沾過咁🤔老闆推介必食，起初聽到呢個配搭就開始冒汗⋯⋯唔知走出呢係咩味，點知一食，茄子有蕃茄味，好juicy!!!佢嘅Sauce我估係泰式辣醬加梅子汁炒🤔真心推介！開頭以為呢個椒鹽九肚魚會好脆，索索聲咁啦～點知佢係外脆內軟魚肉好嫩滑！真係估佢唔到！飯局有4人，點咗5個菜，3支大啤酒，4個白飯，一罐可樂，埋單519，好味又抵食！

近排洗錢多左，諗住食平dd，緊係睇下有咩小菜平靚正喇，睇睇下就去左和記（女朋友同我講果陣仲以為係電話果個和記）。女朋友話見到個個都食炸蝦餅，咁緊係試下喇！1。每件蝦餅好大件2。佢真係新鮮熱辣炸起比我地3。炸粉好薄，唔會食到好粉4。蝦肉同蝦膠好新鮮彈牙，比例夾得幾好5。好抵食6。（我第一眼以為係加大版麥樂雞）之後諗住再叫個骨（小菜必食），發現呢度竟然有個紫羅骨，即刻叫黎試下。1。紫薑波羅骨而家好少人整2。佢d骨係入味既3。酸甜度掌握得幾好，配個些少薑味，味覺幾豐富個人對呢樣小菜好有期待，所以都有2點可以做好d1。薑唔夠嫩，可以用嫩薑炒，口感更好2。我一開始以為佢會用金沙骨（咁平我可能大想頭左），點知只係普通肉排，有少少失望最後仲叫左個啫啫芥蘭（唔記得影相就食左），夠鑊氣，熟度剛好，唔會因爲個窩係熱既，搞到佢熟過頭。三樣小菜唔駛$200埋單，成班佬去一定會愛上！（是日同女朋友去無飲啤酒，但睇到大啤都平平地，而且款式好齊）

年事已高的父親經常問我一個問題：就是出街食能否食平D？但他的要求筆者我有時都挺難就的：他不要次次一樣，又要求一位$200左右；但又不喜歡日本菜，卻想想試多些花款，又想要求吃得飽。奈何我們住港島區，若是不想走太遠花車錢的話。要滿足以上要求，可選擇的其實是有限。講白一點，誰不知道＂蔗楂價錢有燒鵝味道＂最好？而自上年底父親有長者卡以來，他的一程車費因長者優惠變成了$2，我就可以帶他去九龍區找尋平價抵食的選擇。之前曾去過佐敦的拍板小館數次，但是父親仍然覺得價錢是不夠貼地； 為了就他老人家，還是要得做點功課！拍板都還覺得不夠貼地嗎？那就再走遠一點，目標，是位於文英街的和記。久聞和記是平民飯堂的優質選擇，雖然飯店格局似室內大排檔。但是有很多街坊和老餮的聚腳之地，環境雖然普遍嘈雜。但我們已經覺得比熟食中心要優秀多了！因此在兩個月間，就已經光顧了三次。每一次來，首件事都會先要一支大啤，這是大排檔的浪漫。有青島或藍妹，任君選擇！炸蝦餅六十多元有十大件，非常抵食！本體並不算油膩，金黃色的吉列炸漿下，包藏著彈牙的蝦滑，而蝦滑中還有著很細的墨魚碎，增加了不錯的層次口感。自家沙律醬也不太杰身，蘸點此蝦餅吃倍添滿

同家人慶生，看了網上介紹就來這裏一試燒鵝：據說是這裏的招牌菜， 當然要試一下，可惜令人非常失望，端上來的時候已經沒有很熱，皮略脆但不夠香，肉質非常欠佳，又鞋又削，不管胸位背位都如是蒜汁蝦球：蒜汁頗有特色，像帶辣味的葡汁再加一點番茄味，用來撈飯不錯，蝦就是普通酒樓用的大隻冰鮮蝦球炸蝦餅拼九肚魚：蝦餅香脆，有蝦味，不錯，九肚魚就略嫌不夠脆同乾身百花煎釀豆腐：賣相並不討好，但味道不錯，豆腐嫩滑有豆味，蝦膠爽滑調味得宜，是最好吃的一道菜小炒王：鑊氣欠奉，但材料豐富，有蝦，魷魚，豬肚等，算是彌補了不足吃到這裏其實菜式是好壞參半，可以給一個OK的，可是後來再加了兩個菜，就把平均分拉到喊面了煎藕餅：外表金黃煎得香脆，可是這個藕餅只有可憐的一點點藕粒，大部分都是加了很多粉的魚肉，應該叫煎魚餅更為合適蒜蓉支竹蒸班片：上臺時班片上鋪滿了蒜蓉，太多了所以要撥開一點來吃，剛吃進口魚肉還算嫩滑，再吃一會就傳來濃濃的食粉味道，家人都有這個感覺，估計是魚片放久了要加一點食粉去回魂，怪不得要放那麼多蒜蓉在上面了七個菜加起來埋單才六百多元，便宜是便宜，可惜食物水準落差大，一不小心就可能會中伏

我地本身被燒鵝同炸蝦餅吸引而黎的....點知見到人地食緊羊腩煲，好好味咁....點好呢~2個人叫曬三樣又食吳曬!!冬天都係要補一補，揀左羊腩煲同炸蝦餅，羊腩煲仲有生菜跟tim~用火爐興住食既羊腩煲，味道剛剛好，吳太咸，吳太蘇，羊腩吳鞋吳UN，亦吳會膩到滯住食兩舊就停手。除左羊腩仲有枝竹，蘿蔔，馬蹄，花生...若然跟多D生菜就好啦～蝦餅出場啦～好香呀！金黃色既蝦餅表面係薄薄既吉列炸粉，爽口彈牙，一D都吳會死實實。蝦餅入面仲有D細細粒既墨魚碎架～好鮮味一D都吳油，食完一件即刻想多件呀！

今年做冬貼地d，同屋企人去平民飯堂和記。「和記」大大話話在佐敦屹立超過三十多年，無論家常菜或燒味，碟頭大之餘，色鲜、味濃、夠鑊氣。(雖然部份吃後有口喝)燒味尤其做得出色，佢做嘅燒味出名奄尖，聞説醃肉燒烤尊循古法(真偽不得而知) 但我最欣赏佢捨得用料，叉燒為例，太肥太瘦部分，大刀闊斧裁走，叉燒叉燒出嚟亮澤濃香，脂油間有股醃料香，肉邊微微燒焦，肉質纖维保持軟嫩，永無失手。金牌燒鵝皮脆肉嫩，一入口鵝皮油潤甘香，配合酸梅醬畫龍點精，味道更出色。椒鹽鮮魷外層薄脆，鮮魷夾集蒜香、椒鹽味道，惹味到極，送啤酒一流。薑酒煮雞雖然用上冰鮮雞，但薑、酒辛辣味巳完全逼入蝦中，夠濃香，足以彌補食材不足，而且暖胃又滋補，冬天食適合不過。结論：要食装修食排場唔好嚟呢度，和記食佢味道外，更食一份懷舊，必試燒鵝，件件脆皮，有鵝油光澤，就算放置一陣都仍至軟腍，咬落仍然脆皮酥化不韌，其他小菜亦出色，唯吃後有d口喝。

係圓方行完街, 間間餐廳都超多人,改去佐敦食,行過黎, 都唔使10MINS第一次黎幫趁, 原來好多人, 已坐滿不過我地少人, 等張細枱幾分鐘就入得百花煎釀豆腐, 好出色, 豆腐好滑, 外脆內軟豆腐上面釀左蝦膠, 令豆腐無咁單調, 必食之選個汁都好惹味金銀蛋豆苗, 終於等到冬天有得食雖然豆苗價錢偏貴, $80, 不過份量幾大, 皮蛋亦大大舊 椒鹽鮮魷, 本身無諗住食既, 但見到隔離枱碟鮮魷炸得幾靚, 炸得香脆, 黃金色, 鮮魷仲幾爽口連埋2個飯埋單都200蚊多d, 抵食

上次同老友F君一試之後 (他太太叫我以後稱他為F君)，主辦窮鬼飯局的總 admin 南瓜就說要來《和記海鮮飯店》搞一場大龍鳳。而我們把這飯局排期，剛好排到農曆新年前，我們眼見《和記》的地方夠大，南瓜就說，一於搞大佢，就當窮鬼飯局的團年飯吧! 而這也是我在"窮鬼飯局"變成"窮L飯局"重新出發之後的第一次活動參與。是次在《和記》，我們坐在後舖的位置，這一個半場，自成一角，我們延開了4席，困獸鬥的感覺，喧嘩聲夠集中，份外的熱鬧。好快就齊腳，好快就可以開席，然而，同一般飲宴一樣，打頭炮的是燒味拼盤，而這一個燒味拼盤可算是份量十足，好多又腍又香的梅頭肉蜜汁叉燒，皮爽肉嫩的燻蹄，皮爽肉香的豉油雞，再加上極脆皮的燒腩仔，伴啤酒好，朋友帶來威士忌，也很配合。《和記》自稱是靚湯專家，燉湯是他們的主打之一。是日菜單上的沙參生魚湯是老闆的推介，說他們一開店便準備好是日的湯去燉，燉到夜晚，燉足一日，味道十分之濃郁，沙參味，魚味燉晒出黎，只是生魚燉了一整天，肉老，不建議食。百花釀豆腐，在這一些傳統老店，賣相絕不是重點，以味道為重。一看，明顯地肉既比份好重，而且肉醬是煎香過再釀入豆腐內的，之後再加個豉椒茨汁，濃濃

今日去到渡船街搵食，惗住尋下寶食啲特別野，點知朋友話睇完電視有咕嚕肉，即刻先試下...咁又係既，屋企真係比較少機會食到咕嚕肉，就試下渡船街呢間和記門口已經覺得中菜館好舊式，入到去更能夠肯定，牆邊寫滿各樣小菜，老闆坐係收銀招呼入門口客人，一坐低就有waiter叔叔問要咩茶，有透明洗碗兜，茶壺茶杯，仲有碟花生，辣醬餐牌寫清楚一樣樣既小菜，好多頁，60至100蚊左右不等。我地叫左生炒骨同金銀蛋浸豆苗落左單唔夠5分鐘，waiter叔叔已經拎住兩碟上枱，每碟茶上面蓋住鐵兜仔，好似熱辣辣咁喎跟手就嗌左兩個靚仔（白飯啊）咕嚕肉好大碟，足料，有成十舊仲有波羅添。味道酸酸地幾好味喎，不過咕嚕肉係肥肥豬扒煎開一塊塊落粉炸，因為真係太肥，食到一兩舊係炸肥肉，有啲反感，撇開呢點，炸得算係咁，味道好好，同埋真係好大碟金銀蛋浸豆苗都係好大碟，咸蛋同皮蛋都好多，應該係各一隻剪開，而且豆苗應該有1斤炒埋。味道唔錯，因為本身咸蛋夠，好夠味，豆苗無青草味，炒得夠惗兩個靚仔份量足夠，話明舊式中菜館，飯一定裝得滿滿向外弧，讚總括黎講，兩個小菜中規中矩，眼見十點鐘都仲有3，4枱客食緊，其他小菜都應該唔錯，始終份量取勝。價錢咕嚕

凡事總有第一次，今晚，PJ發生了好幾個；第一次參加窮L飯局； 第一次食到一些超創新配搭菜式；第一次來這間飯店；也是第一次來渡船角這帶尋食。是晚4圍窮L 一齊團年，又熱又鬧，精采到呢！這裡出名燒鵝，斷估其燒味應該有番咁上下。先來個拼盤，燒肉皮脆，叉燒肥瘦適中，油雞滑亦入味，至於燻蹄~ 我對面位窮L兄笑說話有陣臭腳味，即係夠味la，good。聽聞這裏的燉湯亦出名，八大盅沙參生魚湯4 圍窮L分，味鮮，我飲了三大碗，阿J 就比條生魚賣相嚇親...接住連黎幾個小菜；百花釀豆腐- 先不要看賣相，蝦膠彈牙，豆腐連個汁餸飯一流，廿九幾隻手舉起叫"靚仔"，壯觀。豉汁蒸鱔- 新鮮肥美，豉汁香，阿J 今次就比個鱔魚頭嚇親...跟住呢味夠哂新鮮感，真係估你唔到廚房大佬；豆苗我食得多，搭潤腸就真係一次，又幾夾喎，學到野喇。接著呢味都係不要看表面，蒜汁蝦球- 肉爽有蝦味，大大隻，加埋個香濃蒜汁，又係註定同白飯成一對的組合，廿九幾隻手又再擧起... 今次無野嚇親阿J，只係個汁佢無興趣。估計這裡盛產蝦，今晚第三道菜用上它做主角- 炸蝦餅，火喉炸得剛好，蝦餅彈牙香囗，嗜蝦的我食得樂在其中，但不好熱氣炸物的阿J 就繼續埋

即叫即燒肥鵝。極脆椒鹽鮮魷。刁鑽魚肉藕餅。抵食,美味,很讚! 不能去南瓜兄辦的窮L飯局,但仍立即Mark實這裡。數前天便在惠風和暢的一晚和三位友人來試一試。店舖坐落在文英樓地舖。在隨變雞煲附近。樓面是街坊飯店格局, 枱與枱空間充足。佔了兩個舖位,把文英樓前後貫通。原來這舖已不算舊, 和記以前在八文樓另一舖位經營, 算起來應和街坊和衷共濟超過三十年。 選擇繁多。其實肉類菜式好像比海鮮菜式還要多。可能是職業病發作, 餐牌一頁直排,一頁橫排,有時跟據材料來排,有時跟據烹調方法來分類,有時沒有分類,我看得頭昏腦脹, 用了相當多的時間才能循名和實,點好菜式。 最後叫侍應介紹招牌菜, 心想海鮮飯店應會介紹海鮮, 但侍應反而說是燒鵝! 我們一行四人點了半隻燒鵝和其他菜式。 先來胡椒豬肚湯。顏色比一般的白。胡椒味不重, 反而豬骨湯的鮮味更出。豬肚新鮮,又不會韌。第一道菜已令大家一團和氣。 接著是椒鹽鮮魷。看炸漿的顏色已覺得會很美味。果然炸漿極為鬆化, 厚薄適中, 絕無半點油膩感。炸的時間掌握得剛好,魷魚原全不韌。大家吃得和顏悅色, 激讚的一味! 突然有位廚師走出來很有禮貌地告訴我們說燒鵝即叫即

平時去佐敦八文樓，通常只去隨變食鷄煲，是晚食友介紹佢朋友屋企人有間餐廳響隨變條街，叫和記海鮮飯店，主要做街坊生意，一行三人去試試，原來店內都幾大，大枱可以有十數圍，仲要星期二都有八成客。 店方介紹名物，燉湯：花旗參鷄腳湯，好香花旗參味，湯頭清甜，可見鷄油仍在窩中但其實不算肥膩。 朋友飲啤酒，所以點了椒鹽九肚魚及炸蝦餅雙併，椒鹽九肚魚脆漿炸得夠薄，外面香脆、裏面魚肉嫰滑，而炸蝦餅也是炸得火喉適中，蝦肉味鮮彈牙。 又一推介名菜，蒜香蝦球，此菜伴飯一流，蒜香汁味香撲鼻，蝦球用油泡過，肉質鮮美彈牙，我食了兩碗飯。 原來燒味也是自家製的，所以點了例牌燒肉及义燒嚐嚐，燒肉雖已放凍，但皮仍然脆身，加上肥美有層次的燒肉，好好咬口，而义燒是用上梅頭肉，肉質夠肥又夠腍，是做得不錯之义燒。 還有一、兩碟忘記拍照，埋單每人不用$100，價錢非常便宜，可以攪大型飯局。

今天約了親戚在佐敦附近吃飯，雖然佐敦很多東西吃但大部份都是在橫街，由於親戚住得比較接圓方那邊，今次就選擇了在親戚附近的那邊吃，選了和記海鮮飯店我們二人。 我聽親戚說這間飯店已有非常久的年紀，就跟我一樣大吧我都不太清楚，見到裝修都不太新但勝在夠乾淨，看見周邊枱的食客都是街坊吧。 我們2人都不太熟悉就有老闆去介紹，點了一個燉雞湯，這個雞湯比我想像中更出色，老火燉湯最緊要夠火候，第一啖就已經足夠表達一切。 我這個「湯塔」，就名字是我親戚在細細個時候給我的稱呼。一喝就喝了兩三碗了幾乎要把整大鍋湯清光光了。再來就是燒味這裏的叉燒簡直比著名的快餐店好味得多， 叉燒非常之惹味，發燒配白飯就最好不過了！停不了口簡直，這裏的小菜簡直令我非常之驚喜！再來呢我讚不絕口的是九肚魚， 九肚魚非常之滑，椒鹽炸得非常美味。這裏簡直是我意想不到的評價。

昔日的渡船街，就是昔日的佐敦、油麻地海旁。在佐敦道碼頭旁的一眾文X樓 (文華新村)(八文樓)，更是一片大旺的地方。人流多，食肆林立。可是，碼頭搬走了，剩下的印記就是佐敦道的紅色小巴總站，以及電影 "大事件" 的拍攝場地。今日，這一帶作為交通樞紐的地利已經不再，不過因為租金便宜，而且鄰近鬧市，再加上路邊的停車位夠多，這一個舊區作為美食天堂的地位一點也沒有減，反而仲吸引到越來越多的食肆進場。這一帶，有新店，當然，也有做了幾十年生意的老字號。而是日，我同另外兩名食友就來到這一家自稱 "靚湯專家" 的《和記海鮮飯店》品味。這飯店的格局，是典型的老牌香港式粵菜館的格式，單是看這一個充滿了名酒樽的酒架，是老牌酒家標榜多豪客來飲酒吃大餐的象徵。而且細看，當年的香港人不會飲什麼 82 Lafite，而是一支支白蘭地當水飲.....說是海鮮菜館，魚蝦蟹當然少不了，但當中不乏廣東小菜，街坊小炒，來這一類型老牌中菜館，叫幾碟香口餸菜，隊大支啤酒，就是來這一種舊式粵菜酒樓的歡暢。當然，以前既中酒量好，來一支白蘭地，山西竹葉青都可以.....(今晚的確係有阿 sir 請食飯，所以....隨便坐。)既然是靚湯專家

今晚同家人慶生，所以選擇了這家在佐敦的傳統飯店吃飯。這家飯店附近其實已成為一個食店雲集的地區，但各店百花齊放，令各大食家可以一飽口福。而這店就相對歷史較悠久，可見佢真的有實力，才能屹立不到。由於和一家人食生日飯，當然食要食好啲。而其中有幾樣菜值得推介。半隻燒鵝：相對燒鴨，食燒鵝的真的買少見少，因價錢較貴，但佢的燒鵝與深井的真的有得揮，佢好像是自家燒的燒鵝，所以夠香，而且鵝都夠滑，所以真的好正。燒腩仔：個皮真的好脆，真的脆到薯片一樣，但腩肉沒有油膩感，真的係高質素的燒腩仔。炸蝦餅：相對可能有魚肉，或較假的蝦餅外，佢選用較多蝦肉，真的啖啖蝦肉，加上鮮炸，配上薄薄的外皮，令我一試難忘。鹹菜豬肚湯：白白的湯頭，配上香香的胡椒味和足料乾淨的豬肚和鹹菜，又下火又好飲。其他菜式都係十分有鑊氣，又足料又抵食，雖然沒有華麗的裝修，亦是家庭式較港式的服務，但真的食左一餐充滿港式傳統的晚餐。有時舊食店都有好東西，我們需要好好尋找，好好保存。