和氣食堂 (河畔花園)

營業中

休息中

沙田河畔花園其實有好多好食嘅店舖，今次就去試下和氣食堂食日本菜我哋入到去望到Menu，真係咩都想食，咩都想叫3點刺身盛 - 有三文魚、甜蝦、活赤貝每一款刺身有三塊，新鮮厚切三文魚、甜蝦夠新鮮夠甜、活赤貝好爽口鐵板煎霜降一口牛一上菜就已經聞到好香，熱辣辣嘅牛肉粒，每一粒都好Juicy、洋蔥好甜好入味、仲有秀珍菇同冬菇、金菇，加埋蔥粒蒜粒，真係食到好滋味大阪豬扒丼賣相好得體，最適合打卡有木魚、椰菜絲、洋蔥、滑蛋豬扒、飯由頭食到落尾，好似一個小火山咁樣，呢個飯嘅份量二至三人都適合一齊share食芝士軟殼蟹卷不嬲都鍾意食軟殼蟹嘅我，點可以唔叫芝士軟殼蟹卷呢 上面有一塊薄薄嘅芝士、沙律醬同蟹籽、餡料有軟殼蟹同生菜絲，一口食落去，非常滿足田樂麵豉燒日本米茄子呢碟燒茄子，上面有麵豉同菇粒，一啖食落去，估唔到麵豉燒茄子原來都幾夾，意外地好好食千迴火鳥呢個好有氣勢，好有名堂呢三隻火鳥（燒雞翼）係辣辣哋，食落去會令你想追住食，呢一隻辣絕對唔係令到你想停口嘅辣員工態度十分之良好，間唔中都會幫我地斟茶 環境都整潔乾淨，店舖放滿左酒瓶同埋日本可愛擺設大家有興趣嘅話都可以去試吓食和氣食堂

待應一入門口未問幾位已呼喝客人掃碼量體溫，當自己係差佬？分開枱坐行埋影張相就西口西臉督促人遵守限聚令，而家你當客係犯人？咁我係咪要報食環查下貴店有無維持50%入座率？1.5米社交距離？6次換氣？串返你兩句就龜縮入廚房，唔夠打就做洗碗啦！學咩人做樓面呀？

又到左一年一度慶祝家姐生日既日子啦🥳 今次家姐話好掛住日本 想食日式料理🤩 咁朋友就推介左呢間和氣食堂～～ 我上網睇啲相都已經覺得好吸引啦😍 我地驚多人所以未夠7點就去到啦～ 睇個餐牌 係一本書禁厚 好多選擇亦都有好多圖比你睇住揀非常好👍🏻 因為真係花多眼亂 揀咗一陣最後就揀咗呢幾樣🤤🤤🤤 🥗三文魚牛油果沙律 $72 都幾大碗同埋真係好足料！三文魚好厚身同埋有好多粒 牛油果夠熟 沙律汁調得啱啱好 加埋一齊食既感覺係幾fresh!! 跟住叫左2個小食🤩 🍖電擊雞翼（6本） $34佢係炸左既單骨雞翼 外面沽滿蜜糖 食果陣仲係脆脆的 甜甜地食落仲有少少微辣 幾好味😋 🧀燒芝士年糕 $32呢個記得一定要趁熱食 佢一拎上枱影完相就要食啦☺️ 佢仲係暖暖哋煙煙韌韌加埋芝士好正㗎🤤 🎉大盛刺身丼 $178好正好正好正！重要既事情要講3次😍 真係好正呀呢個！ 帆立貝同海膽真係好正好正😍 好厚身好新鮮又唔會有雪味👍🏻 甜蝦好大隻又鮮甜 拖羅碎一啲都唔吝嗇🤤 仲有油甘魚、三文魚同埋三文魚籽 都係厚厚既兩大片🤩 呢個丼真係一次過滿足晒你好多個願望 大推呀👍🏻😋 🎉5色魚生丼C $128呢個呢都有好多

超正, 今晚食沙田既和氣。 果然係好受街坊歡迎既小店。 7點左右, 已經開始客滿。 真係信心既保證。今晚難得黎到有位, 同朋友好好食返餐。本來, 天氣咁熱都唔太敢食刺身, 不過和氣既出品算好新鮮, 而且見每枱客都總會叫刺身, 所以都即管點左個刺身拼盤, 順便解下日本相思。果然刺身好新鮮, 連蠔都好鮮味，一d都唔會腥，亦唔會話有雪味。 仲要好肥美, 又大件。芝士軟穀蟹卷包得好好唔鬆散, 亦保存到軟穀蟹既味道。明太子醬天婦羅炸蝦一d都唔油。 咬開仲勁大隻蝦，唔會成口粉。 鹽燒三文魚頭真係好大隻。超多肉。 連唔識食魚頭既朋友都讚好。 燒得黎肉質嫩滑, 唔會太咸。 仲食到唔少骨膠原。 真係好美味。黑豚肩燒丼, 好多肉。 黑豚肉薄片好有口感。配埋佢既燒汁真係好正。 吸引到人食晒成碗飯。這間平民日式小店真係不能錯過。

今日同舊同事吃飯，選擇了在她家樓下的和氣食堂人氣爆燈，幸好有她預早拎定位😋吃過就知道性價比極高，是河畔花園的人氣餐廳😋三點刺身盛B刺身有新鮮的三文魚和大大隻的甜蝦等等，肥美，吃得很滿足。鐵板一口牛粒鑊氣很舊的牛牛粒，面頭有炸蒜、蔥花，配料有入味的蘑菇和洋蔥大阪豬扒丼吃過高高的椰菜後底下有洋蔥炒蛋和豬扒，豬扒炸得香脆，配上珍珠飯吃，令人滿足兩位女孩分享，剛剛好。火焰左口魚邊牛油果沙律和風左口魚邊灸燒後的魚油，滲在沙律上，更滋味😊而且牛油果🥑軟滑、配上沙律菜就最合適不過了❤️千迴火鳥燒雞全翼，外皮脆脆，喜歡💕同事表示這裡的閃電雞翼也是招牌菜，下次再點🌱原來和氣食堂在這裏已經經營多年，食物的性價比高，地頭蟲同事都推介

一早黎拎飛，等多人檯完全冇機制，係咁俾啲更更更遲黎嘅2人入，完全唔留俾多人檯。員工態度差，好理所當然咁，唔覺得有咩問題，用氹小朋友嘅聲音黎串客人。仲要有人未齊人選擇唔入檯住，但留檯俾佢都唔俾多人檯入。同佢講可分2張檯入坐，都仲係俾其他人入先最後嘈佢，入淨1位朋友，即係仲要等，咁個位朋友係街食西北風。。。無言！真心想問係咪多人就唔得街食飯？明知疫情已經講到明可以分檯都咁，都唔留檯俾客。。。不論啲嘢好冇味，冇態度就唔洗幫襯！

今次轉下地方，去沙田食下日本野～而間主打日本菜既餐廳，由居住係沙田廿幾年既朋友介紹，果然冇介紹錯🤤🤤同友人630入座，一開頭得2-3枱，但當我地一入黎，就開始多人，到7點幾就full house😂亦都好多人叫外賣餐廳既食物好多元化，本menu厚到呢，由前菜、刺身、炸物、天婦羅、丼飯、特色飲料等等，真係樣樣都想試😂😂1. 厚燒鰻魚牛油果卷 $92必食👍🏻👍🏻鰻魚好軟，好多汁，加埋牛油果，新奇既食法，又唔會好怪，必食必食～2. 溫泉玉子牛油果凱撒沙律 $62份量十足，溫泉蛋配埋沙律、牛油果、麵包粒、芝士粉，醬汁等，好食到想食多份🤤🤤3. 白咖喱烏冬配炸雞 $88之前係旺角某間店食過一次，但而間既白咖喱烏冬又再次打亂左我既排名— 多汁、白咖喱甜甜立立， 十分開胃！炸雞亦都炸得十分脆口，非常滋味🤤4. 天婦羅盛合 $76經常係出面既日本餐廳食天婦羅，都係食粉，多過食肉，但而間好唔同：外脆，內裏又keep到蝦/蔬菜既原味同新鮮，配埋天婦羅汁+蘿蔔蓉，唔該，encore 🙈🙈5. 文魚腩刺身$69 & 大甘蝦刺身$49好新鮮，大大舊，唔會腥，高質👍🏻👍🏻總結，食過好多貴價既日本餐廳，但而間cp值絕

2人晚餐，先黎個海膽刺身盛B，加一份活赤貝活赤貝好爽👍🏻特別之處系佢刺身竟然有虎蝦🤭配個泰式醬，朋友話個醬調得10分好👍🏻👍🏻好夠風味。明太子醬天婦羅炸蝦，薄薄既粉炸得非常鬆脆，配上明太子醬之外仲有小小芝士粉，香氣十足😋芝士燒日本廣島蠔，煙煙unun既芝士配肥do do又嫩既廣島蠔。上：芝士軟殼蟹卷下： 蟹膏甜蝦👈🏻我超愛，濃濃既蟹膏味🦀🦀、辣味三文魚黑松露鵝肝帆立貝卷，第一次見壽司有包住鵝肝，幾特別，食落都好香，但黑松露個味有d蓋過左，所以分開食，或者整走d黑松露比較好食😆最後日式炒野菜，超大碟，個汁野味得黎食完唔會口乾，剛剛好👍🏻

上一篇食評講過我幫襯咗兩間餐廳，呢間係第二間。呢間餐廳喺黃大仙嘅分店本身有食過，感覺都不錯，所以嚟到沙田見到佢都有分店就幫襯佢嘅外賣。今次嗌咗個刺身飯用咗openrice嘅外賣，所以唔使點等，夾啱時間就落訂。刺身飯質素都好高，唯獨就係蝦仔有一隻唔係好夠喉，希望可以落多幾隻蝦咁就足料啲。除咗刺身飯之外都嗌咗鵝肝壽司卷，同埋天婦羅，份量都好多。而且就算係外賣都熱辣辣，不過唯獨係天婦羅汁唔夠多。大約200蚊就食到三樣嘢都算係唔錯。

呢間舖頭我都食過幾次，每次食完都覺得唔錯，所以都回頭左幾次，今次帶媽咪去食！石鍋鰻魚炒飯佢個飯都幾濃味，用鰻魚汁炒，加埋真材實料嘅鰻魚一齊食，好滿足！天婦羅盛合佢個炸粉唔多，蔬菜幾爽口而且d蝦好新鮮！金蒜燒日本米茄子佢擺咗好多蒜落去，所以我覺得好好味，而且佢啲茄子又大大條又新鮮！（左）鹽味燒牛舌個牛舌好淋好軟，而且食到油脂都幾均勻！（右）柚子芥末燒一口和牛，覺得唔夠淋，但係個醬做得好出色！（左）鹽燒開邊雞翼佢開咗邊所以個雞翼好容易食，同埋開左邊嘅雞翼咀嚼感覺會好啲，而且佢d肉好嫩！（右）明太子雞肉串鍾意佢係明太子醬，有小辣。鹽燒三文魚鰭。個三文魚好rich，而且外皮炸得好脆！牛油燒一口蕃薯呢個當一個甜品作結，好幸福！

是日同朋友經過河畔花園，又有d肚餓，於是誤打誤撞就黎左呢間叫和氣食堂開餐只係聽個名，已經好有日本既感覺本餐牌好厚，選擇十分多，選擇困難的我們足足簡左差不多十五分鐘先簡好先上芝士厚燒玉子，對於一個芝士控加玉子控黎講，呢個簡直係完美既配搭。一啖咬落去，好有滿足感，甜甜既蛋再加上香濃既芝士，而且仲係熱辣辣的三文魚五味，由冷食到暖食，口感好特別，其中一舊有加上牛油果，配上三文魚又真係幾夾大阪豬扒丼，一上枱已經好驚喜，因為d配菜真係堆到好高，食落好爽脆，感覺食左好多菜，好健康底下既豬扒好入味，真係會令人食吾停口有叫我最鐘意既花之戀，三文魚子好脆卜卜，刺身又夠晒新鮮鐵板牛柳粒，入味又吾韌，一口一粒好快就清晒叫左兩串串燒試下，明太子雞肉串好惹味，食落好香總括黎講，今晚呢餐都好滿意，食物選擇多又好味，可以再黎幫襯

疫情下，最掛住嘅食物一定係日本菜🥲止止癮先🐟4點刺身盛B $178啲魚厚切到一個點😍 大啖大啖咁咬勁鮮味😍大滿足～～🐟厚燒鰻魚牛油果卷6件 $92鰻魚又係勁厚🤣 不過啲飯都一樣好多，一啖完全食唔哂😂如果少啲飯食落會精緻啲😂🥑牛油果芒果三文魚班戟2件 $48又係勁大件🤣入面夾咗好大條三文魚😍🥗香芒燻鴨胸黑醋沙律 $68鴨胸數量充足，碟碟都勁足料😂🍲美國安格斯牛肉鍋 $128其實係牛舌，個人覺得正過肥牛🤣湯底好香👍🏻兩個人食完飽到暈，碟碟都好大碟😂😂😂大大大滿足🥳

今晚同住沙田嘅朋友一齊食飯大家都想食日本嘢就決定去呢間日式小店5點刺身盛B好少刺身會配上廣島蠔所以我們點了這個刺身盛刺身盛好豐富好新鮮有廣島蠔刺身、三文魚丶甜蝦丶油甘魚丶活赤貝食落好鮮甜日式炒野菜用鐵板上嘅炒雜菜野菜新鮮脆口熱辣辣又炒得幾惹味鹽味燒牛舌牛舌好爽口燒得好香令人一食上癮柚子芥末燒一口牛柚子加芥末味道獨特香甜一口牛肉脂肪分佈均勻食落好有油脂香一嗒一口食落好方便鹽燒開邊雞翼好香鹽燒味燒得剛好皮脆肉嫰明太子雞肉串用明太子醬作調味燒起來好香雞肉好嫰大阪豬扒丼豬扒井超大份和相片一樣一座山椰菜絲加上木魚配上沙律醬即炸熱辣辣嘅吉列豬扒加上滑蛋整個飯味道配合剛好食落吾會太滯我們點選了兩款梳打特飲青蘋果奇異果梳打檸檬藍柑梳打酸酸甜甜很適合夏天享用整體來講呢間係高質素嘅日式小店食物質素好性價比高可以再encore

今次嚟到沙田呢間和氣食堂， 日本嘢嚟講喺沙田區呢間真係人氣之一， 晚晚都超級多人排隊嚟食， 我本人試過入面啲嘢食都幾高質，而且價錢都合理，性價比高之選。好多店鋪就唔係算好大， 所以坐位都唔會話好苦但係都坐得啱啱好舒服啦， 本人就最欣賞佢嗰裝修，因為係木系裝修，感覺非常之日式， 環境都乾淨衛生防疫措施都做得唔錯。先講嗰間日本嘢最流行嘅刺身拼盤啦， 三文魚新鮮有光澤，無黑色瘀血， 係本人最愛嘅刺身之一。 刺身拼盤嘅亮點就係佢仲有生蠔， 生蠔食落幾新鮮睇，落都好肥美。炸物方面，天婦羅做得恰到好處 ，炸粉咁又唔會太多，而且上枱仲好熱辣辣。主食方面，最鐘意個冷烏冬，配埋佢估汁食好清新，係夏天呢d天氣食，好解熱，夠曬開胃。最後，個炸蒜茄子真係好好味，記得要趁熱食，好有炸蒜既油香。

呢間日式食堂，座位唔係太多，每到熱門時間，門口排滿很多人等位，由我觀察下，原因有3一、價錢親民，相對其他食堂便宜二、高性價比，質素高三、店員親切友善☺️香芒煙燻鴨胸黑醋沙律🥗沙律很開胃，酸甜配搭，鴨胸不會太肥膩三文魚五味分別有芝士煙熏三文魚、煙熏三文魚、生三文魚、牛油果配三文魚、海膽三文魚🍣味道有不同的層次配搭軍艦五點分別有海膽、三文魚籽、香蔥拖羅碎、蟹膏甜蝦、蟹膏帆立貝味道挺新鮮，材料分量十足，推薦一試黑松露鵝肝帆立貝卷中間包有鵝肝、有青瓜等中和味道，飯上加入帆立貝，上面再有黑松露，重口味邪惡之選，而且鵝肝的價錢岀面食不便宜，但呢到價錢相當吸引野菜天婦羅稻庭冷烏冬味道十分香脆將蔥花和蛋液加入醬汁，再伴吃，超正☺️網燒牛扒👍🏻