和平居 (已結業)

打風最佳節目就是飲茶睇戲飲茶睇戲，早茶超級碳水化合物全餐粥粉飯有齊，非常豐富震憾。放假先黎打風？打到聽日三點後先好走呀！突如其來的洪水假，撐個靚腳，慢慢嘆個黑乳靚茶真梳乎。超高質美味經濟屋邨酒樓，搞到我越來越懶費事走到老遠其他酒樓，直接落樓下平靚正，全部即叫即蒸新鮮出爐滾熱辣芳香撲鼻！便服綣毛四眼大嬸疑似老闆娘堅係搏鬧﹗劃點心紙望來望去都無早巿午巿時間，大嬸走過黎話您地識唔識字架，指住最下面細細隻字過晒時間啦﹗是否正常直接通知我地就可以呢？無需要專登使用挑釁字眼﹗幸好我大人有大量唔跟小人計較，放假留留我放過您把嗅口！竹林深處有間高質屋邨酒樓，搞到我懶得行出巿中心飲茶咯﹗侍應嬸嬸叔叔們都熱情有禮，唯獨收銀阿姐及四眼老闆較乞人憎，經常擺出幅挑釁的嘴臉。不過其他侍應叔叔嬸嬸們都熱情招待，連搭枱的街坊嬸嬸們都十分有禮，仲幫埋我酙茶，受寵若驚，多謝多謝。臘味蒸飯⭐️⭐️⭐️飯粒飽滿香噴噴，不濕不爛特別索汁，臘味甘甜油脂搭甜豉油撈飯，食到損晒手指﹗略厭餸太少而飯太多，只得幾片臘腸臘肉那夠呢﹗唯有向其他點心求救。豆苗餃⭐️⭐️⭐️竟然蝦仁比豆苗多幾倍，啖啖都係爽口蝦肉散發咸鮮。我喜歡勁多豆苗滴住菜汁，成粒綠色充

202210月的平日，上水和平居地點位於: 上水天平路48號天平商場地下123號舖要到天平村辦點事，本想到商場二樓的酒樓午餐，但原來已易手變作安老院。問商場管理員天平村，得悉商場地下有間規模不大的酒樓--和平居。平日的中午時段，座位未爆滿，一人隨意坐在四人圓桌，每張桌子也鋪了一張白色膠枱布，雖然觀感特別，但疫情下，感到格外衛生竟然有龍井茶，茶味不錯點餐:咸蛋燒肉飯一碗價錢好像$3X咸蛋燒肉飯上枱，燒肉沒有用碟分開上，不過賣相也討好，碗子不少，燒肉切得大大件、份量足，放在白飯面上，再加上咸蛋半隻，第一觀感有誠意的燒肉飯。燒肉皮脆卜卜，肥瘦比例適中，咸蛋不會太咸，蛋黃漏油，白飯軟硬度適中，份量足，味道整體合格以上。埋單: $4X，可用八達通燒肉飯味道不錯，侍應服務主動，酒樓在商場地下，面積不大，天平村只有一間酒樓，行過路過可以一試。

有日放工巴士落車，本應諗住食麥當勞。啱啱見到呢間酒樓新開張，佢啲外賣價錢都算合理。買咗個小炒外賣。味道唔錯。而家屋企附近多咗個選擇，如果大家好似我放工夜夜地，附近啲嘢都食厭晒，我覺得呢間茶樓可以一試。