和光鐵板燒日本料理 (已結業)

一行4人, 為其中一友人慶祝生日。目的地就係黃埔"和光" (另外megabox都有分店, 不過無任食), 任食2小時的日式燒烤。Mon - Fri $178 (加一)、Sat, Sun, PH $198(加一)。主打係食和牛, 不過同行人士有一個唔食牛的..哈哈..。一坐低就每人送大蝦一隻 & 沙律：隻蝦果然好大隻, 之後再叫的蝦係細隻d。沙律就一般啦。之後我地喪叫和牛(total 叫咗3 round, 每round都叫3款唔同部份的和牛), 果然真係好靚, 級數都算高。D紋好鬼靚。牛舌：我唔食的, 友人話好食, 好多汁。 Mini羊扒：我唔食的, 友人話好食, 唔”蘇”。腸：好食, 好多汁 (不過有少少肥膏)。海鮮餅：本身已經熟, 不過我地都煎一煎。唔好食, 太多粉。一口牛：好正, 入口即溶。雞亦：半隻上的, 容易燒熟, 好食。鴨舌：我唔食的, 友人話好食。洋蔥、菇、南瓜：都係叫嚟令自己無咁大的罪惡感啫 (食得太多肉..哈哈)蘿蔔、魷魚：好一般, 唔叫都得。Service都ok, 訂咗8:00pm-10:00pm果輪, 因為執緊枱, 都要等一陣。叫咗round1之後, 仲有個侍應去每

Great quality of food, even the free king prawn was fresh and huge.Surprisingly the various beef were all so tender and juicy.Definitely worthwhile going, but will need to book about 2 weeks in advance.The chicken wing was split into 2, which makes it a lot easier to cook.Will go again for sure.

聽同事介紹日式鐵板燒之下, 預先Book 定位6-8 pm, 小孩子未滿十二歲收$100. 六時已經被安排入坐, 首先送一盤剌身質素亦唔差, 鮮帶子好食. 跟住每人一隻大蝦,係好大隻,超爽.好食過香草蝦好多倍. 首先order 牛胸腹果汁x 4和燒汁味x5 都十分十分好食. 鹽蔥牛舌(薄)x9極多蔥好野味. 太子貝x6 記住唔好燒太耐. 跟住再叫牛胸腹, 鹽蔥牛舌, 油魚鬚, 素菜天婦蘿, 有機溫室青瓜……., 和牛炒飯, 估唔到和牛炒飯超好食,好香炒飯味. 我地可能好好彩, D伙計OK, 無漏單, 係近門口個魚缸重幫我地影相; Last order 再叫一碗和牛抄飯. 飽到不得了. 超抵食!

食6時個段,一入座即寫紙,好快上和牛,肉質鮮及多汁,送果隻大蝦好食到爆,帶子好大隻,炒飯都有加和牛,個凍豆腐都好正,一定要試,服務一流,環境唔錯,有X8既水準,但平成半,最緊要係食得飽,有下次

我們於2009年10月9日光顧6至8時段的放題，6時15分仍未送上贈送的大蝦，後送來6隻，又欠一隻，於6時10分落單叫食物。為免浪費食物，7人分成4人一組及3人一組，亦把此安排知會經理，到6時25分才有食物上枱，但份量少，例如元貝只有兩粒，我們7人如何夠分，故唯有再叫，又不想同時叫得太多，故分多張單叫食物。食物遲遲未到，等多過食，於是請侍應加快送上食物。不知是否這樣促請令侍應不滿，過了很久，才送上食物，數量又不多。我們再請侍應加快動作，但侍應反而表示，廚房工人說我們落的單不見了，叫我們重新落單，這樣便遲上加遲，令我們有爐但無食物燒。於是，我們便向經理投訴，要求加快送上食物，怎知上枱的食物又未解凍，草蝦還有雪，要燒很久才熟，加上我們7人才有兩個爐，燒烤較為需時。燒烤期間，我們頭上的抽氣扇突被關掉，令我們被煙得眼淚狂流。我們向經理表示，食物遲上枱，等多過食，無法在8時食完。之後，食物才在7時30分左右大批送來，但侍應說要在8時交台，叫我們盡快燒，放在碗上到出面食。天下間豈有如此道理！最後上枱的食物竟被"加料"，在牛肉片上洒了大量鹽，不燒也吧！事後經理解釋時表示，關掉我們頭上的抽氣扇，是要作

今日兩個人黎食hkd160 燒肉放題,食左以下野:首先每人送一隻大大蝦,真係好大隻,好爽.1. 牛胸腹 x 4 - 3個鹽燒,1個汁燒,當然係好好好好味先encore再encore再encore...2. 一口牛 x 2 - 3. 鹽蔥牛舌(薄) x 2 - my favourite,勁多蔥,超好食,燒一陣好快就食得4. 鹽燒牛舌(厚) x 1 - 比起薄燒就爭d,but都算高水準5. 太子貝(即元貝) x 2 - 都ok大粒,本身半熟,所以燒熱就好食,唔係會太老,個人鐘意生d6. 香草蝦 x 1 - ok,比起送o既細d7. 牛仔肝 x 1 - 唔係太鐘意食,本身唔太喜好"瞤"r既感覺8. 冬姑 x 2 - 個人僻好,鐘意食乾爭爭燒冬姑9. 羊架 x 1 - 每邊約燒2-3分鐘,都算幾嫩9. 豬頸肉 x 1 - 食淨,好肥,勁"漏",如果冇咩preference,可以不試,留番個肚食牛10. 黑豚肉 x - 食淨,好鞋,建議唔好試,o徙位11. 芝麻雪糕 x 2 - 臨尾整杯雪糕真係可以消滯兩個女人仔食咁多肉,真係飽&"漏"到想死...不過真係好抵食,d和牛o既雪花紋真係幾靚幾均勻,

平時都有去和光食Lunch, 知道佢既質數係ok, 價錢都合理昨晚就去試試佢既 $160 和牛放題估唔到係咁正 !!!!!我地食 6-8pm個場, 準時去到即刻Order, 有好多款 和牛, 豬, 雞, 蝦, 帶子....我地當然狂叫哂所以 和牛 啦!一上菜見到個 和牛, 真係 "嘩" 左出來!!! 唔係咁靚呀ma !!! 個Waiter話呢D和牛係A2-A3級, 超正 !!!!仲有 厚/溥 燒牛舌, 如果起 E呂波食, 每碟起馬都要$100, 而家可以狂食十幾碟, 都係 $160 !!! 真係唔知佢點做 (我1個人都食左2碟和牛+1碟溥燒牛舌啦!)仲有想講呢度 Waiter服務非常好, 上菜快而且冇漏單!!! <-- 呢樣真係要大讚! (因好多自稱任點任食既放題, 其實叫十樣都係來6樣, 又要成日追單, 等食)而且用既燒爐都係同E呂波一樣, 好新淨, 火力夠! 環境舒服冇油煙味!晚市 $160 有咁好質數和牛放題, 真係超勁推介, 一定要再去食!! yeah !

一直有睇開依度既食評作參考，雖然食過好多地方(例如: 時新快餐, 添好運, 糖百府..)，但從未諗過寫食評。就係因為和光，我終於忍唔住要同大家分享我既感受..諗住早訂左放題位以後實冇死啦，點知黎到門口人影都無，係門口等左好耐先有個侍應"行"出黎，不過個侍應行左兩步就突然行番入去，完全無理我。之後有個接待員施施然出左黎，同佢講完我訂左位既時候，佢就話你訂既時候無講過放題喎(我可以對燈火發誓"有講放題，連我訂左枱既時間都係放題開始時間") 跟住佢就係咁游說我食日本菜，仲望都無望就話放題無位，我話我訂左位想食放題姐，佢就黑口黑面咁話"唔食隨便你，你訂錯左位咋" 嘩，被黑面都算啦，有無攪錯咁樣屈個客，仲要一句唔好意思都無，咁既服務態度，我第一次遇到，真係未食都飽晒。雖然之後有個經理出黎幫我手問吓有無位，去到唔食調頭走，我都覺得自己好衰，但係我真係頂唔順啲咁既服務態度，未食已經俾佢激走，我想黎食野姐，我唔介意環境迫，地方無咁乾淨，但我唔係黎受氣，點解要用啲咁樣既態度對我呢？我發誓唔會再幫襯，我只想係度忠告大家佢地既服務真係超差，我都未試過去食嘢要咁受氣。成日都有人話澳洲牛奶公司啲伙計態度差，我覺

燒肉放題，八點入座，可吃兩小時，$160 未連加一。食物：選擇方面有牛，豬，雞，海鮮及一些小吃。每種食物 (牛，豬，雞，海鮮)有十多款，特別推介一口牛及香草蝦，味道鮮美。環境：舒適及優雅的裝飾，通風做得很好，沒有使到衣服染滿燒烤的味道。服務：服務週到有禮，上菜速度尚算可以，只是門中有漏單。之前試過"盛八"，感覺上這間燒肉放題比"盛八"更好吃，而且更平。

住左係黃埔好~耐, 呢間和光都開左好耐, 但之前見佢都係貴價野, 所以無試過但係有一日坐車經過見到佢有放題星期一至五 $160, 星期六日 $180仲有每人一隻 15cm 大蝦送即刻想試!其實自己唔係食過好多次日式鐵板燒, 淨係食過盛八, 但係一碟碟咁叫真係好貴, 又細細碟, 又要就住價錢黎食 ... 其實我今次係第 2 次 book 檯, 之前一次係 full 哂... 雖然黃埔係唔多人去, 但係 weekend 大家都係 book 定位好d. 佢有分 2個時段, 6-8pm,, 8-10pm, 我地book左8-10 個段 (price 一樣)但係我地睇完戲 7:30pm, 所以走左去和光試下有無得早入, 好好彩有一檯人埋單, 等左 5 min 就入得啦~ waiter 們既 service 都好好, 無歧視我地早入 佢地 menu 主要分左牛,豬,雞, 其他 (有羊,蝦,帶子, etc) 同小小熟食我地雖然只得 2 個人, 但係都點左好多....本來個 waiter 話可能要等耐少少, 點知 d 野食勁快就上哂黎, 超好!雖然係放題, 但係佢地 d 料都好足, d 牛係大大塊,

從來都未吃過日式燒肉放題, 估不到近日乘車路經黃埔, 發現和光門口有個banner寫著160元燒肉放題, 於是立即上openrice查查, 打電話訂座。原來星期一至五的價錢是$160, 星期六、日則要$180, 分兩個時段6-8 pm及8-10 pm。 我覺得都好抵食, 因為吃個燒肉dinner, 動輒都要兩、三百元。店內地方頗大, 有幾個廳。我們坐在電視機下, 可是電視聲量過大, 有點吵耳! 食物方面, 有很多選擇, 主打為和牛及豚肉, 並有雞肉、羊肉、鯖魚、帶子、蔬菜等。本人甚為欣賞牛胸腹及牛舌。牛胸腹有三款味道: 鹽燒、梅味及果味, 我覺得果味最出眾! 而牛舌則有兩款: 鹽荵牛舌(薄切) 及 鹽燒牛舌(厚切)。 至於上菜速度, 雖算不上很迅速, 但也不算慢, 兩小時吃了4 round是可以接受的, 至少他們並沒有出現漏單情況。

我地初頭諗住咩都試下.所以樣樣都叫左..任食真係底但係發覺完來真係淨係食牛先好食...由其是係一口牛同埋一塊的..忘記了名字唯一缺點..飲品貴..只有熱茶供應仲有係冇咩冷氣!!!

家住黃埔很久，以往亦曾光顧這間鐵板燒，整體感覺亦不錯（價錢適中，食物新鮮） 本來預定父親節那天一家去做節，但因為冇位關係，結果順延到24號晚，當晚去到才知道已推出烤肉放題！！因價錢和餐牌十分吸引（160元／位）！！！可能太吸引啦，我們亦無預約，所以唯有留待下次吧，因大家都餓了，所以一致決定坐低食和食，結果、唉、、、！點了幾樣寿司剌身，感覺上寿司飯太硬，至於剌身質素亦差，爸爸食了一客赤貝，落枱時已經見到是淋淋的，結果當晚痾了一整晚，唉！熟食大致上都ok,但是真希望魚生類可以改善一下，畢竟日本料理魚生類是很重要的一環！！ps:總括而言，烤肉放題是非常吸引令人期待！

上個星期收到一個唔識嘅電話，原來係我一個自從中五畢業後就冇再見嘅一個小學，佢竟然從澳洲回來了，又比佢咁好彩搵得返我地幾個同學，我地以前都係一齊讀小學、中學，係好好嘅朋友。佢突然嘅出現，令到我好出奇，但又好開心，我仲以為從此冇機會見返嘅一個老朋友，又再出現喺我面前。佢又喜歡食日本菜，所以我地決定去黃埔呢一間新開嘅日本料理 - 和光。入到去，裝修簡潔，見有一張壽司吧枱、幾張鐵板燒枱，好靜、冇咩客(我地到達已經8:00)，我地最終被安排坐在鐵板燒枱，亦因為佢呢度係主力鐵板燒，所以我地叫了一客二人套餐。食物方面：1. 沙律 > 啲菜都新鮮，不過冇咩特別，有少少蟹柳，同其他日本餐廳食嘅沙律差不多。接著就係師傳出場2. 大蝦 > 啲肉超爽，食得出係上乘貨色，好有蝦味~~~3. 銀雪魚 > 好嫰好滑，咁肥嘅魚又點會唔滑呢，不過師傳火候算控制得好，啱啱熟，又有金黃色嘅表面4. 元貝 > 切成細件之後都有好多粒，可想而知隻元貝原本有幾大呢，加埋混有醬油嘅汁，味道幾好5. 安格斯牛肉 > 我地要求medium，啲肉雖然嫰，但係好明顯師傅已經將佢over cooked

之前同爸爸慶祝生日去左呢間食雖然佢既位置隔涉左d , 又係苑入面但係佢d 野一d 都唔cheap環境幾好架, 有3 張燒烤枱 (對住個爐)坐到四個人到 d 野食好新鮮!!!! 叫左兩個餐!d 龍蝦好彈牙!個廚師都好nice, waiters 都好有禮貌!good!!!