咀妙妙甜品 (已結業)

細佬忙拍拖, 有異性冇人性，經常唔理家姐難得佢提議同我出街街，行旺角，仲帶我食糖水都算佢有番少少良心細佬話佢平時黎旺角都係食依間甜品舖內滿座 畢竟係晚飯時間後我地冇等室內座位選擇坐係室外唯一那張台又係花多眼亂既時候不過天氣熱，都會選擇凍既甜品細佬係芒果控賣相好靚，好有心思小丸子芒果肉份量都多我就叫左海帶綠豆沙因為剛剛食完薯條好熱氣想食d 清熱解毒既糖水海帶同綠豆永遠都係咁match 唔會過甜所以都好食一邊食一邊同細佬傾心事就這樣過了一個愉快晚上…查看更多

建議大家不要去這家店，女店員的服務態度差。在吃甜品時，發現腳下有小強，跟女店員投訴，但換來不理不睬的態度。店內都不衛生，根本不是用心去經營。除了地理位置有優勢，看不到有哪一我們5個人去，我點了芒果小丸子。小丸子食落口係溶爛感，不好味。只有上面果舊芒果雪糕是正常。另一位朋友，點了熱的糖水，入面有雪梨的。不過他說感覺好甜。你見圖中，已經是拿錢準備走人，但碗甜品還有一大半的。整體品道是不好。…查看更多

一個星期五晚、同姊妹撐枱腳，系旺角朗豪坊食完dinner，就去左黑布街附近揾甜品食。個邊的甜品店間間都好多人等緊，而尼間相對比較少人等，我地就揀左尼間啦。等左五分鐘就有位，我叫左個芝麻糊、朋友叫左個蘋果雪梨糖水。店內環境細細地但都有D氣氛的，但系D 食物就...芝麻糊又稀又無芝麻味，個蘋果雪梨糖水就好明顯系冰糖煲水，太甜、但又無蘋果雪梨個種清甜 食物一般都算啦，個侍應 / 老闆娘又系咁趕人走......Rush hour 多人系出面等緊食甜品，你收碟收得快D我明的。但都唔系我坐底左十分鐘，而碗(難食的)芝麻糊又有一半未食完，就走埋唻問我"仲要唔要?"碗芝麻糊又唔平又難食，我心情已經一般，佢仲要咁趕我走我同朋友埋單近70蚊，坐翻20分鐘好過分?尼間、無下次 …查看更多

同朋友們打完邊爐未見夠 😂 通常都會食埋個甜品才是「完美晚餐」，而食甜品我們最喜歡去的老地方就是黑布街，貪這邊多特式甜品鋪! 未行到黑布街見到店內有很多人幫襯，個店名又幾得意，希望不會食到咀藐藐😌以傳統的港式糖水做主打，再加西式創新元素，中西合壁，款式都幾多，有班戟，湯丸，紅豆沙，綠豆沙，馬蹄露，黑糯米，布甸，香蕉船，連綿綿冰都有，總有一款岩你口味🙌叫左黃金島，內有火龍果，芒果，黑珍珠，金柚，仲有芒果布甸，面頭再淋上芒果汁!咦，我個布甸呢? 原來沉係底😝賣相稱不上好看，黃金島是以芒果為主的甜品，加入火龍果粒，芒果粒等水果，黑珍珠同金柚配搭得不錯，黑珍珠有咬口，芒果布甸不太甜，滑滑溜溜我鍾意😋 整體算是中規中矩，偶然想食港式糖水都可以一試，但注意舖頭不大，座位偏窄坐得不太舒服!…查看更多

今晚我們喺旺角食完拉麵之後去咗豉油街嘅「咀妙妙甜品」食飯後甜品！:)我們叫咗心花露放、生磨芝麻糊湯丸、芒果黑糯米同椰明珠！心花露放係香甜嘅楊枝甘露配上嫩滑嘅豆腐花加埋煙韌嘅水晶珠組成，感覺都幾特別，味道好清甜！生磨芝麻糊湯丸嘅芝麻糊非常香滑濃郁，湯丸入面都係芝麻餡，味道好香甜，質感好煙韌軟滑！芒果黑糯米嘅芒果都幾新鮮香甜，黑糯米唔係好煙韌，份量亦比較少！椰明珠嘅明珠係用煙煙韌韌嘅西米皮包著香甜嘅麥提莎朱古力，感覺都幾特別，椰就係椰汁同西米做底，加埋舖面嘅一啲朱古力碎，味道都幾香甜！…查看更多

食完正餐，整個肚都充斥著剛剛大量吸入的雞煲，同時內心又發出警號.....「我好想吃甜品！😋甜品！甜品！😍😍」女人對於甜品是潛力無限，儘管肚皮被雞煲撐得多漲，但面對甜品時都依然有心力和肚量。（不過只會事後埋怨又增磅了...哪裡又肥了一吋😣😣）由於友人的戰鬥力有所下降，已經揚言對於一些太大、太膩、太滯的甜品通通拒絕，所以韓國和西式甜品無得留低，就轉成尋覓港式糖水鋪。走啊走～走啊走～突然友人眼利地發現一間鋪名玩味十足的甜品鋪，外面放了兩個大大stand roll，列出鋪內供應的所有甜品，有傳統中式，有港式，而且不用等位，便進去看看會吃到嘴藐藐定咀妙妙荳芽夢荳芽夢其實是豆腐綿綿冰，口感綿密，荳味重，配上旁邊的新鮮紅毛丹和乳酪爆珠，食落較fresh，有口感，越食越透心涼，適合夏日炎炎嘆返杯！妙妙（芝麻椰汁西米丸）當我們選擇困難症又發作時，店員跟我們說妙妙是他們的自創甜品，在出面是吃不到的。友人一聽便order了一個試試！（又中計了😑😑）芝麻椰汁是熱食的，但食落椰香味不重，較稀身，而且芝麻有點容易zip牙。西米丸有綠豆蓉和芋頭蓉兩種餡料，友人說口感煙煙韌韌，綠豆和芋頭味均不香，不太出味，十分普通雖叫招牌，但不太推介一試....紅豆沙加小丸子另一友人突然心血來潮想食小丸子，便叫了個紅豆沙（$25），再加$9小丸子。悄悄地偷了一口，紅豆沙只是普通質素，不杰身，沒有起沙，不太香滑。總結：味道普普通通，又未會變嘴藐藐，卻未達到咀妙妙的質素，算得上旺角區中的抵食之選！…查看更多

同朋友喺旺角食完飯就搵下場 當然係食糖水繼續傾多陣啦 經過好多間都要等位 而我地又唔想等 經過哩間唔洗等滿心歡喜咁入去 睇menu 都見到一d特色甜品糖水 仲未知伏 咁就叫左款叫「妙妙」既糖水哩粒好似乒乓波咁大粒既丸子內有芋頭同綠豆蓉 成粒口感奇怪 真係幾伏將芝麻灑喺椰奶上又係好奇怪總之未試過食糖水會覺得咁唔好食🙈…查看更多

騎呢甜品店~一行6人到左間野想拎位，轉頭同我地講話有張大枱係房，但係俾人book左10點搭三四，問我地坐唔坐，咁個時已經係10點搭一，我地見第二日都要返工，咁快食都ok ge，咁就行左入間房。點知入到間房勁似難民集中營，個環境都幾差，又焗，房入面有部冷氣，因為冬天，唔洗間阿貴都唔會開俾我地，但食一陣都忍到既。咁我兩個朋友見佢有個推介叫唔知乜乜明珠，係西米皮入面有粒麥緹莎，咁就膽粗粗叫左。個糖水一到就知一定伏，椰汁上面勁多泡，仲有朱古力碎條，個賣相真係好唔掂。食落粒西米麥緹落，個皮同粒朱古力係分開既，個皮厚過潮州粉粿，粒麥緹莎勁硬，簡直世界級。我朋友食食下放棄左個皮，剩係食粒朱古力，然後個樣好似粒無左核既龍眼。轉頭搭三就話個堆book左枱既客到左，心唸間咁既野都有人book枱而且真係黎。講真就算無人book枱都唔會坐得耐，難食到趕客，環境又差，我地走個陣唸住同個枱客講聲“停一停，諗一諗”，但不幸地佢地係未聽到我地個忠告已經放棄左😂😂😂總之，甜品都做到咁難食，其實好值得嘉許😂😂😂…查看更多

吃完晚飯，路經這甜品鋪，見到甜品都算有創意，便放棄了HE SHE EAT，轉投這間店鋪的懷抱。雖然店面面積非常細而且擠逼，但是吃個甜品時間不長，將就一下就可以。椰明珠 - 第一次嘗試麥提沙融入的糖水，外層用西米皮包住，口感偏硬，椰汁味道不足，口味偏淡，只是一般貨色。椰果椰香特飲 - 椰汁味很淡，椰果很有咬口，喝到的多是冰塊融化話的雪味，剩了大半杯沒喝。士多啤梨香蕉班戟 配 雲呢拿雪糕 - 甜到膩的班戟，一口咬下，滿口充斥著奶油忌廉，只有中間一小部分有生果，愛吃忌廉人士可能會愛上，但是我，實在欣賞不了。雖然每款甜品的價格不高，但是這樣的價錢還是可以找到更好的選擇。另外一提，服務態度是很好的...…查看更多

星期六既晚上 食完晚餐就緊係要食下糖水 本來諗住去HeSheEat不過經過見到呢間好似都唔錯 又未試過 就決定入黎試下呢度既糖水真係有好多選擇, 亦係吸引左我地入黎既原因其中最吸引我既其實係呢版既糖水, 係店家自已設計既比較特別既糖水款式Menu係特別款式甜品下面都有寫明材料, 令人大概知道每款甜品係d咩~ 幾好!我揀左椰明珠 $32 因為見到有麥提莎係入面幾得意 =D不過食落其實硬既麥提莎配軟綿綿既西米皮係有少少奇怪.. 都係只會試一次既款式~ 一碗有有6-7粒西米麥提莎個底既味道反而唔錯 哈哈.. 係椰汁西米底, 因為配左d朱古力碎 所以更加甜蜜蜜!朋友叫既係蜜瓜西米露 $32面頭有少少蜜瓜味既沙冰 下面有蜜瓜粒, 不過個底因為冇椰汁所以食落味有d淡 味道一般晚上 9:00 仲未係有太多人黎食糖水環境都幾有風味 有少少古老感覺~…查看更多

剛巧想食甜品, 見到這裏可以坐下食, 就選這間 (因為登打士街附近的店, 好多只有外賣, 又不想去X 流山)叫你一個妙妙, 其實係用西米制成的湯丸, 適合一些不能食糯米的人士食用, 一碗有4 粒, 有3種餡, 綠豆蓉, 芋頭蓉和純西米椰汁湯底, 好香椰汁味, 西米造成的湯丸, 幾得意呀但餡就差D 了,  綠豆蓉和芋頭蓉入口, 欠缺油香, 感覺是純綠豆/芋頭搓成泥似的…查看更多

見路過就入去諗住入去食碗甜品隨便就點左碗見佢楊枝甘露都算係不過不失咁啦同普通甜品店既質素都係差唔多但就有少少酸價錢黎講都係適中廿零蚊食碗甜品算係咁上下鋪頭裡面都算係多芒果系列既甜品賣相好似都唔差下次再去試希望有唔多既經歷啦…查看更多

BBQ完想搵地方吹下水,於是出MK搵下糖水舖,原本想搵間西式CAFE坐下, 點知去到門口覺得似係一個伏, 於是搵番最普通的糖水舖坐下味道OK,D芒果未幾出~朋友叫的, 普通的雲尼拿雪糕, 如果唔係怕生飛滋我已經叫左..咩甜品都好加個雪糕已經加晒分啦~仲要配芒果真係無得頂!朋友叫的糖水,正常味道!由於我地7點未夠已經坐低,無咩人食完又唔趕我地走,甜品我地都係叫番D正常野, 所以都算食得過, 3X/碗, 都算唔錯啦~…查看更多

今晚同男朋友食完飯就周圍行下，諗住想食甜品，行過哂周圍都睇落差吾多食過哂，就去到呢間咀妙妙既門口，見到餐牌既相啲賣相都吾錯。見到出面都有吾少客人坐係出面，心諗應該都吾錯。而男朋友都見到有想食既野就入去試下，入到去見到間甜品鋪既裝修都吾錯，牆上都有吾同既甜品相片。見到個餐牌都有好多野想簡。男朋友想食個椰門珠，但係賣哂，冇得食。咁我就叫左個雪芒妙丸子。個賣相係吾錯既，但係味道就一般啦。🙅🙅🙅我加左個清心丸，以為佢呢個清心丸會拍得住九龍城既糖水鋪，但原來吾係。😰😰佢個清心丸同埋西米團冇味道，但係好軟身，而佢個芒果汁好淡，碗野入面食到仲有幾粒冰，有冇粒仲特別大。唯一好食既就係雪糕同埋啲彩針。係有啲芒果味。總之食完既結論既就係好淡。原本男朋友仲想叫其他野既，但食完我呢一啖之後就話我都吾叫啦。😂😂但值得讚既就係啲店員禮貌吾錯，會汁好哂啲野先心客人入去。但係就見到佢地掛住食野同傾計連坐出面客人叫野都睇吾到，要等勁耐。仲有既係食野其間見到另外一枱既客人叫左香蕉相，見到得2球雪糕，覺得吾多抵食。因為本人食開個間都係$38／39，但有3球雪糕，有吾同既生果鋪面，條蕉仲要燒埋，可見到本人食開既鋪頭花既心思都比呢間高。如果下次去旺角食既話都吾會去呢間食。…查看更多

旺角區有好多好多甜品店! 富臨食完晚飯, 皇太后話想食甜品...想起久違了的咀妙妙可惜環境有點殘舊了!J先生想食 花朱蕉展 45朱古力棉棉冰 + 香蕉 + 棉花糖 + 椰果冰凍棉棉冰而浸透朱古力味道妙妙 30熱芝麻椰汁西米丸綠豆蓉 + 芋頭蓉 + 純西米皮 + 椰汁 + 芝麻皇太話：好香濃饀料 甜度適中!!咀妙妙 總結: 值得一試!…查看更多