味道街

好鍾意食呢道的手打麵，說是自制的，非常彈牙，他的泡椒腩肉手打麵，泡椒看著好似好多，但其實不太辣，惹味可口，不過腩肉真的有點肥，但很爽口，雖然少食肥肉但這個都會食，因為好味，但這個湯底比較咸，如喜歡清淡可能不太岩食。另外雲南酸辣米線也是不錯，因為要符合港人口味，所以不太辣，可以做到酸香辣，配上米線正啊!!他的無骨海南雞和炭燒豬頸肉也是馳名的，海南雞好嫩滑，燒豬頸肉附有特色的醬汁，很香，但是肉的份量比較少，如果是女仕還可以，男仕應該不太夠，不過已$4x-5x的午餐價錢來說，這裏確是很不錯。…查看更多

最近放工要做運動既話都會由鰂魚涌行去銅鑼灣，中間會望下有咩想試，而呢間我望左好幾次都想試下佢個雞好唔好食同滑唔滑...我點左金牌鹽焗雞改油飯$51一住低佢就已經放低左個中湯，但好好湯既我唔知點解就係唔多想，佢好好咁改左個西湯俾我.我自己覺得呢... 無鹽焗雞應有既咸香，亦唔覺滑，油飯都唔香口... overall我碟飯都食唔夠一半就走啦....問心佢唔難食，但呢個價我會去返前尐個間"津津茶餐廳"，佢個雞都唔算滑但最少做到咸香味... 但佢兩樣都無，用來醫肚係可以接受既，但有更多好既選擇…查看更多

上次黎‘味道街’食過酸辣米線唔錯，今次諗住試下佢嘅牛扒先😋之前有朋友話餐廳嘅牛扒好食，因為佢嘅牛扒係用炭燒架﹗無錯就係炭燒🤗所以我今次諗住試試佢嘅好食程度😂😂我今次揀左佢嘅炭燒牛扒餐配洋蔥汁😊牛扒確實比一般嘅香味香啲，味道都確實唔錯，可惜我塊牛扒好多筋….食落好韌，但無筋嘅地方就剛剛好好食，火候啱啱好，肉嫩多汁。如果無咁多筋一定好味好多🐒🐒🐒…查看更多

前日又去左鰂魚涌與北角交界嘅味道街食lunch，今日得一個人，所以唔使點等位就即刻有坐底😊今次我叫左個魚腐、扎肉酸辣米線，一大碗都只係$41，而且仲送一碗是日靚湯，同一杯飲，真係好抵食呀﹗😆餐廳好好，無論你叫咩野食，一坐底佢就會先上一碗湯比你飲，抵讚﹗而且湯應該無味精，因為我飲完都唔覺得口渴，所以值得推介下，可惜我無影到相就飲左落肚…😅終於主角上場啦﹗魚腐、扎肉酸辣米線~~~~~魚腐大大粒，口感軟綿但有質感，味道好好味，好令人難忘﹗至於扎肉都唔錯，唔會好薄，味道同口感都好好。至於米線嘅湯底都唔錯啊﹗可惜對我黎講有啲辣…佢並唔係少辣，而係幾辣吓😅…查看更多

今日路過鰂魚涌 行左幾間睇下有咩食。隨心入左呢間味道行 都算有啲人。𠶧面唔係好大。姐姐拿了一堆下午茶餐牌。價錢好抵下喎 但我地唔係好肚餓 所以隨心地叫左個沙嗲牛肉包 一份炸脾薯紅豆冰 加埋都係55朋友個包好快到佢個脆豬都包好好味。令件事豐富左 佢多牛肉。而且好耐未食過咁有質素嘅沙嗲醬佢個沙嗲醬有濃濃嘅花生味 配起嫩滑嘅牛肉同埋個包簡直係無敵絕配佢杯奶茶都唔錯。茶膽正等左好耐。個炸脾 終於到 等係好值得 因為佢係生炸😘😘😘脆脆嘅表皮好juicy雞肉💯 不過佢的紅豆冰就 好一般🤨整體 有質素 可再食…查看更多

去開鰂魚涌，諗住食埋野先走，於是求其揾左間茶餐廳搞掂無骨沙薑雞飯 $49已起骨、啖啖肉，肉質嫩滑，皮薄無肥膏，可惜沙薑醬味道唔夠香濃，而且飯係白飯底，如果係油飯一定更正老火湯應該係紅蘿蔔煲豬𦟌，味道唔錯，唔太覺係味精湯，因為飲完唔口渴😊…查看更多

今日收工經過北角見有啲肚餓就走咗去搵食，行行下見到有米線食，一於去試下。坐底望下餐牌，雙拼米線茶餐都係33蚊咁抵食，我就叫咗個酸辣小辣豬潤野菌米缐。嚟到碗米線比我想像中細，不過33蚊茶餐細啲都正常嘅先試一啖個湯，個人略嫌個酸辣味淡咗啲，不過勝在味精唔多，食完都唔太口渴。至於配料方面，啲豬潤又厚切，又大塊，咬落爽口，啱哂鍾意食豬潤嘅我。啲菇都好爽甜，食落無草青味。米線就不過不失啦。間餐廳仲有好多款茶餐粉麵，都係40蚊內，非常經濟抵食，下次經過要試下其他。…查看更多

汁 扒 腸 腿 白飯 凍飲 -- 相信是不少人對「頹飯」的定義這亦是我最喜歡 自小吃到大的食物鰂魚涌 北角區能吃到頹飯的店有很多今次介紹味道街門外陳列大部份餐廳有的食物一眼看到 就是上述講的汁撈飯其實我叫的是洋蔥汁 不過誤打誤撞 來了蒜溶汁 味道也非常好吃不花10分鐘 整碟全部吃光味道街其實是一間出品不錯的店可是很少來的原因是由於餐廳環境非常迫 坐位不太舒服偶爾來一來吃是可以除了這類飯 更有麵等等 另外海南雞和乍醬也是這店的熱門推介…查看更多

香港夏天炎熱 食湯粉做午餐，唔會令人感覺飽飽滯滯, 因此我也會常常吃湯河粉做午餐。位於鰂魚涌的味道街也是不錯的午餐之處。在午飯時間時很多上班人士都去味道街午膳， 甚至有可能需要等候十至15分鐘才能進座， 而在下午茶時段會比較少人一點， 進食環境也會比較舒適。 味道街的海南雞味道不錯， 店主也有特別宣傳海南雞 味道街的下午茶餐也十分超值 30多的價錢已經有一個下午茶餐 包括一杯熱飲我點了一個無骨海南雞湯河海南雞十分嫩滑 湯底湯底味濃 吃完湯河後也不感覺到口乾, 相信應該沒有什麼味精。大家也可以來試試它的海南雞餐!…查看更多

好耐未食過呢間野，因為我5算好中意食雞，但聽講呢間野係主打食雞。所以隔左好耐都未食過。今日好中意食雞ge同事猛拉住我要食呢間野，咁唯有再去食下啦。去到現場，估5到咁多人，所以決定外賣買返公司慢慢食。不過真係估5到間野咁旺場，同埋佢樓面人手好明顯5夠，落單，傳菜，收銀都係同一個人，搞到我都要等左佢一大輪先叫到外賣。返到去，食果時見到佢個貼心小舉動，佢將湯同面分開裝！咁就5驚d面會泡到淋哂啦，但個泡菜就5係想像中咁，5夠酸同5夠辣。而同事就話個沙薑雞都ok，最中意佢有冇骨咁話。…查看更多

前日中午，去到剛剛好有位第一次光顧。入座後，看見其他顧客平均在門口等待5~10分鐘左右，視乎人數。店面屬港式冰室茶餐廳類，環境整齊，香港寸金尺土，繁忙時間用善後還是盡快讓座比較好。看見也有幾個顧客都點了無骨海南雞飯，於是跟隊+凍檸水少甜。等了幾分鐘，就送上枱了。沒有影相，不過大致跟2015-11-03 movelung的相一樣，賣相算係過得去。當然先試一下件雞，味道適中，肉質有「O趙」頭。飯味十足，吃了幾口，已經要中和一下。凍檸水是有少甜的，感覺一般。生菜伴碟，明顯比過去節約。不過這碟無骨海南雞飯功力還是有待磨練，要不是叫「海南雞飯」比較合適。服務良好，有求必應。埋單47+2Total $49…查看更多

好想食海南雞飯，見大約＄50 ,就同阿妹入去，我地都叫咗無骨海南雞飯，一個要湯，一個要奶茶飯，不油，但不夠香，行貨味精飯；雞，每碟都有兩舊雞脾肉搭雞胸，但略嫌太鹹，肉質太硬；湯，紅蘿蔔佛手瓜，內有雞腳和豬肉，但淡而無味；汁，偏鹹，基本上無用武之地，因雞已很鹹了 ；菜，很正常，爽脆，無甚特別；反而杯奶茶，水準中上總括而言，用嚟頂癮還可以，但雞略嫌過鹹是死罪，回家飲左幾杯水呢…查看更多

8.11.2013再見Quarry Bay系列(9)這天完成上午工作後, 傻拍檔要趕時間回他的公司, 所以揀了這間在公司附近的茶餐廳醫肚. 我揀了炸醬撈手打麵配熱朱古力($34), 他就揀了咖哩雞皇撈手打麵配熱檸水($34).熱朱古力沒有驚喜. 很夠熱, 也不太甜. 這碗是味精, 可以撈在撈麵裡的, 但我沒有撈.炸醬撈手打麵來了, 一大pat炸醬鋪在手打麵之上. 炸醬內有不少肉碎, 味道酸酸辣辣的, 很醒胃. 雖然手打麵放置在炸醬之下, 但仍感到麵身彈牙爽口. 碗內附送了些生菜, 如可再多些就更好了. 咖哩雞皇撈手打麵的雞件不是太多, 但傻拍檔卻傻傻的, 把最大的那件雞, 給了我. 雞件上的咖哩汁, 味道並不濃郁, 不太辣, 但雞肉尚算大大件的, 很軟諗, 薯仔也煮得軟熟入味, 甜甜地. 但不知何故, 這碗內的菜比較多.19.11.2013這天傻拍檔要在下午趕回公司, 於是我們又走到來這裡, 吃個快快的午餐. 這天我吃了腩肉肥牛酸辣米線配熱檸茶($34), 他就吃無骨酸辣海南雞飯配熱檸茶($42).熱檸茶很酸, 而且好苦, 茶味也很濃, 飲了幾啖, 決定放棄它.無骨酸辣海南雞飯的雞肉已經全部去骨, 很合適傻拍檔這個懶人吃. 雞肉很嫩滑, 但覺酸辣醬太多了, 蓋過了雞肉自身的味道. 腩肉肥牛酸辣米線碗大大的, 湯甚多, 內裡的材料也很足, 有腩肉, 肥牛, 酸菜, 韮菜, 腐皮, 芽菜等. 腩肉很腍, 可是肥牛不夠滑, 只覺煙韌而已. 酸辣湯底是小酸辣, 很醒胃哩.這間小小的茶餐廳, 除了手打麵有驚喜之外, 其餘也很一般, 沒有什麼特別. 如果只為飽肚, 沒有什麼要求, 可不妨一試吧.…查看更多

Order了外賣的下午茶~我們點了:1)牛肉煎蛋公仔麵: 佢地好細心~d湯分開上~最初我地聞到個湯~以為係例湯~但後來致電佢地解釋為「雞湯」因為佢地日日賣好多隻雞~都係煲雞湯的~最後入左口都發現~原來真係雞湯2)脆脆豬扒包: 個包皮脆內軟~所以好好味~~而且入面塊豬扒都煎得剛剛好~唔會太乾~仲有d肉汁~~配上少少沙律醬~正~!…查看更多

今年的夏天實左太熱，令我這個喜愛出外食午飯的白領變得足不出戶。今日選了味道街的外賣--無骨海南雞飯跟羅宋湯海南雞肉質嫩滑，配合酸酸辣辣的醬料真的回味無窮。雞油飯散發著淡淡的蒜香和雞香，食落卻不覺油膩。羅宋湯也是不錯，味道濃郁，林料十足，食得好滿足唯一不滿的是雞的份量略嫌少了點。…查看更多