味道樂居酒屋 (元州街) (已結業)

長沙灣是一個比較少到嘅地方，難得去到就梗係搵下一間隱世嘅小店嘆一嘆啦！果然有驚喜話明居酒屋就梗係有好多日本酒嫁啦！真係好有日本小店嘅感覺喔！接著當然要來一點小吃，同朋友可以輕鬆chat一chat啦！呢份七味魚翅，乾身爽脆，味道有少少辣辣地而又咸咸地，點埋個沙律醬就真係一流啦！岩晒如果想飲返幾杯日本酒嘅朋友！呢款芝麻雞翼真係炸得剛剛好，外皮脆內肉嫩，肉唔會太難咀嚼，真係好正！點了份火灸魚壽司。賣相不是很特別，但吃了就覺得很特別了，魚經過火灸，表皮有點脆脆的但內嫩，因為魚肉非常鮮嫩，而壽司飯就非常柔軟，暖暖地好正！串燒則點了一份黑蒜豚肉，豚肉燒得好脆而不膩，肉和肥膏參半，配搭黑蒜醬特別味道濃。另一款則點了牛舌，不過不失，而且味道都好濃味的。暖後的驚喜莫過於是巨型鰻魚飯吧！巨型鰻魚超吸睛，而且都非常長，汁味好甜而又，而且白飯吸晒鰻魚汁，所以好正！真係好值得嫁！

處女🎉食評之😻美食誘惑 減肥慎入🤦🏽‍♀️諗住星期三Happy Wednesday唔洗點等位點知細細間轉角鋪巳經擠滿左人半個鐘後有Window Seat (平時book都未必有)雖然人多 但餐檯細細張岩哂密密傾炸魚片 $48 (100分 聽職員講係新鮮日本入口魚蛋 返到香港薄切後風乾 再拿去炸 難怪咁新鮮 炸完好似棉花糖一樣 入口即融）鹽燒厚切特上牛脷 $68 (100分 好香口 好想encore)味淋魚干 $38 (100分 有驚喜 好惹味)芝麻雞翼 $58 (100分 脆口 夠味 真係真係真係好好食 好重要所以講3次)巨峰提子乳酸梳打 $42 (100分 飲落解油膩 唔似一般汽水d味咁假)原條成田醬炭火燒鰻魚飯$128 (90分 滿口鰻魚實在興奮 份量大 2個人分岩岩好)小龍蝦刺身 $58 (90分 勝在新奇 值得一試 3小塊 可見有幾珍貴)特大赤蝦 $38 (90分 啖啖蝦肉 好有口感)流心芝士燒年糕 $48 (80分 芝士味好濃 似焗芝士蛋糕)

幾個月前已來過這家小店， 一直為它的鰻魚飯念念不忘!所以拉姊妹黎再食過!被安排了搭檯，非常擠迫，不過無損我地對美食既熱情!成10吋長的鰻魚!!!視覺效果已經夠滿足了吧!鰻魚超肥美，配上濃稠的鰻魚汁，真的好好食!份量唔少，足夠兩個女仔開心share!呢個黑蒜黑豚肉卷都唔錯，黑蒜味好香!芝麻雞翼炸得外脆內嫩又Juicy，加上芝麻好香口，熱辣辣好味!野菜炒烏冬。呢個平平無奇，不夠熱，講唔上好食，突然覺得好大落差，下次就不用試了。下次再encore鰻魚飯! 

今日特意去長沙灣嘅“味道樂居酒屋”，希望試吓個超大大鰻魚飯。呢間餐廳門口十足十日本嘅居酒屋，內裏佈置極重日本味，如置身日本。第一道菜一定係叫“原條成田醬炭火燒鰻魚飯"，加一客“香炸日本池魚仔"同“芝麻雞翼"另叫“煙肉荔枝卷" 同“鹽燒厚切特上牛脷"首先嚟咗小食“香炸日本池魚仔”，呢個魚仔炸得好乾身，但內裏肉汁及濃濃嘅魚味仍然保留住，飲酒一流。另一小食“芝麻雞翼”，雞翼面有滿滿嘅芝麻，D芝麻唔會炸到過火有苦味，雞翼皮香脆加上香口芝麻味，一咬落口滿口雞味夾雜著芝麻味，回味無窮。到燒物先介紹“煙肉荔枝卷"呢個未講，聽個名都好有新鮮感啦，食落煙肉嘅咸香，加上清新嘅荔枝中和咗煙肉嘅肥膩，食兩串都一定唔會覺膩。另一燒物“鹽燒厚切特上牛脷”厚切嘅牛脷，加上海鹽燒後，能帶出濃郁嘅牛味。主角出場“原條成田醬炭火燒鰻魚飯”一上枱，真係嚇一跳，好大條，好大條，真係好大條，熱辣辣嘅鰻魚，加上日本米飯，個鰻魚汁又唔會太甜，最好味就係條鰻魚啦，一食就知一定唔係大陸貨，好厚肉好鮮嘅鰻魚味，一丁點而魚腥都沒有，唔洗三分鐘就KO成碟飯，好回味。

今日我行過長沙灣，發現一間日式居酒屋，心血來潮所以入去看一看，嘩！竟然俾我發現手臂咁大條鰻魚圖中是我女朋友的手臂，鰻魚不單只大條，入口亦都很juicy。淋上了鰻魚汁燒汁，味道帶甜。返雖然不是日本珍珠米，但它的味道也很好。除了味道之外他的視覺震撼也很利害。不單止是主食我們也試一試串燒。叫了一個牛脷和一個黑豚肉。牛脷很爽，又很厚。加上一點點鹽帶出牛肉的鮮味。黑椒汁加上蒜蓉的味道很特別就好似鐵板燒一樣。豚肉入口不肥膩但有肉汁芝士餃子用鐵板上，上菜的時候還是熱辣辣的，芝士溶化在膠紙的上面，食的時候可以大大感受到芝士的香味魚仔炸得很香脆，味道亦很鮮甜一點也沒有魚腥，用來送酒一流總括，環境很不錯充滿日式屋台的風味，食物的味道也很不錯，鰻魚飯就最有驚喜，手臂咁大條鰻魚

之前睇左篇介紹唔同餐廳既鰻魚飯既報導，講到好似幾吸引咁，所以就捉埋男人去試下😂今次因為早去到所以唔洗等位，但要快快食完交番枱。上一次經過好多人又冇book枱，行過就放棄左嚕🙈鰻魚飯賣相十分吸引😎份量亦好足夠，但燒得唔夠乾身...被鰻魚飯吸引而黎，但最後係俾個丼飯留住左個心⬇️好似係叫三文魚子甜蝦蓉丼因為小妹最鍾意食甜蝦蓉😍所以真係深深被佢吸引住。細細碗又足料岩晒我，個鰻魚飯即刻交左俾男人😂😂😂All in all: 個鰻魚飯有待進步，如果可以燒得乾身啲就正喇😋

之前睇到好多地方都介紹過長沙灣有間食特長鰻魚飯好好食，想去食好耐，今日終於都可以食到喇店內好有特色，充滿住日式居酒屋既感覺七味魚翅味道好好，佐酒一流唯一唔好就切得有點厚鐵板芝士餃子熱辣辣唔需要加醬油，味道已經好足夠，個皮又夠薄炭火燒鰻魚飯主角出場喇件鰻魚真係好大塊，一d都唔膩，一啖鰻魚配一啖飯，簡直perfect泡菜黑豚肉卷黑豚肉卷住d泡菜，味道豐富，外層肉質夠juicy, 唔會燒到乾爭爭流心芝士年糕呢個年糕相對地有點失色，中間既芝士好淡，芝士味唔夠價錢亦好划算

由於工作關係，經常行開長沙灣一帶，都沒有留意這間味道樂居酒屋，今日機缘巧合路經，就决定放工後約埋老婆試一試。未到7:30pm,門口已有多人等着，相信食物味道好才有這麼多人願意等。好彩我一早訂了位，只等了片刻便可入座，正！這餐廳裝潢日式味十足，無論門外店內，都十足大板之居酒屋，好日本feel,難怪吸引咁多食客幫襯。翻開餐牌， 無論小食、燒物、刺身 、壽司和烏冬，應有盡有，款款吸引，一時間真是難以選擇。經過一輪思考後，决定order多款不同小食和燒物,以滿足味蕾和肚子一番，期待中……。轉眼間，店員很好將各樣的小食和燒物一碟一碟的傳上，快捷的速度，絕對要Like。而各款美食的賣相，吸引到極，加上香濃的燒物味，未食已興奮。鐵板芝士焗餃子，薄薄的芝士鋪在餃子面上，而餃子焗得脆邊，剛好一啖把整隻餃子放入口，味道不得了。芝士的香味而溶化在餃子皮上，餃子肉汁濃郁，口感味美！汁燒大白鱔，白鱔燒得好香脆， 鱔皮邊位咬落勁脆口，而白鱔肉肥美，好鮮味。 香炸日本池魚仔， 池魚仔炸得好乾身， 加上酒了味鹽，鹹鹹的又脆口，佐酒簡直一絕。芝麻雞翼，燒得非常金黄，非常香脆。加上熱辣辣的， 雞翼燒得啱啱好，味道滿分。而

有心做既小店，我實支持好多人讚，當然夜少少都去試吓，希望唔使排咁耐隊星期日晚九點左右到，要等一陣，ok有期望，可惜..........價錢唔平，無所謂，只要好食但蟹膏蟹肉豆腐，腥既，唔夠鮮，豆腐唔香口，又太大舊，一碟4大件，唔精緻銀雪魚，兩舊燒燒咗嘅魚，難食，廚師根本唔識煮兩舊魚呢兩款每樣佰幾，好食就收呢個價啫，咁既質素，只值幾十蚊其他食物，還可以，芝麻雞翼，泡菜豚肉串燒，原條鰻魚飯兩人埋單七佰幾

呢間食市我印象中開左年幾兩年，成日都好多人，剛好位置係死位無風，好似今日真係熱死，前三個星期男友本來同朋友試先，由地鐵行去都一段時間（長沙灣/荔枝角中間），火人底朋友已經全身濕晒，加上無風，等左20分鐘朋友發老脾叫走，記住係一早訂左位，好多都剛坐低，即係起碼最少再等多15分鐘以上今日想去金鮨，但唔記得星期日唔開，咪去呢度試下睇下有無位，我地排第二張枱，男友話等20分鐘算，剛望錶睇夠20分鐘未，就有位啦野食唔算平同種類多，叫左綽頭野12吋長鰻魚飯/牛肉壽喜燒/豆腐沙律/炸雞翼，鰻魚飯唔錯既，用來呃下like,沙律同雞翼中等，牛肉鍋太咸咯，咩唔係偏甜咩？埋單380幾蚊，長沙灣來講貴，又無咩特別，坐得又迫，9點仲要排餐死，張枱笠ga, 試過一次算，唔會有第二次

呢間餐廳想食好耐架啦, 次次都見排哂隊, 今次決心排一次, 哈哈, 終於食到啦, 店子小小, 但都坐到幾多人下GA 喎, 勁!! 同埋都好多款式架, 有小食啦, 壽司啦, 飯啦, 烏冬啦, 仲有串燒TIM.我地點左香炸日本池魚仔$48, 呢個十分香口, 咸咸香香, 送酒一流, 細條得黎都好有肉架.呢款串燒必叫, 鹽燒厚切特上牛脷$68, 爽口彈牙, 又唔會好乾身, 正!!仲有呢款黑蒜黑豚肉卷$48, 咬落肉汁豐富, 再點埋呢個秘製黑蒜汁, 味道好夾.鹽燒雞翼$38, 味道香口, 外脆內軟, 肉汁豐富, 啖啖肉.重頭戲黎啦, 原條成田醬炭火燒鰻魚飯$128, 個個黎到都係為左食佢, 我地又點可以唔叫黎食呀, 一上枱大大條既鰻魚係你面前, 見到都流哂口水啦, 哈哈. 鰻魚燒得夠香, 再配埋鰻魚汁連飯一齊食簡直係絕配呀.最後我地叫左個 - 鹿身島和牛炒飯$88, 牛既份量比想像中多, 呢個不算話太特別, 勝在有和牛食, 哈哈

居酒屋，意指小酒館，甚具日本特色，會提供酒類和飯菜的料理店。與只提供酒類為中心點的普通酒館不同，居酒屋提供比較有質量的飯菜，但卻不同於小吃店。這間打正旗號居酒屋，由外部所見，的確充滿日式特色。以木制與玻璃為主調，以趟門為設計。推門進去後發現內部裝潢同樣以木製為主題，一邊垟上有兩層木製酒架，放滿各類酒類，另一邊垟放滿木制裝飾品，枱椅同樣以木為主。池魚仔金黃酥脆，甚是香口，此時配上一杯小酒，相信特別醒神，店內有生啤機，可即時提供新鮮啤酒。芝麻雞亦脆香的皮，裡面包住肉汁豐富的雞肉，雞翼炸到金香，仔細地咀嚼，因每一處都是香口惹味的滋味。鹽燒厚切上特牛脷，牛脷很是入味，沒有油貳感，很香口，屬於爽口的口感。因為味道新鮮，其實可以不用加檸檬汁。汁燒大白鱔，外皮燒至金黃，肉汁尚算鮮嫩，白鱔沒有魚骨，因此食起來啖啖肉，過足口癮。原條鰻魚飯。剛上枱時感覺它的震撼，平時食鰻魚飯很少會原條的，愛好燒鰻魚的口味一定會完全得到滿足，食鰻魚最怕腥味，食過後發現還好不算腥，與白飯一齊食或者光食鰻魚都覺得好味。黑松露蒸蛋，蒸蛋很滑，平時在家根本做不到這麼滑的效果，蛋上加了黑松露，即時身價提升，黑松露配合蒸蛋味道得宜。野

今日無意中過黎長沙灣，醒起附近有間小店waiting已久，一直未有機會，決定今晚去。可能時間尚早無咩人，環景裝修好有日本居酒屋feel。唯獨太迫太迫太迫(重要既野要講3次) 成晚同隔離搭枱似的。別人的高聲閒聊，強迫你一一聽進耳裡 不能少放一張枱嗎？呢度會見到每枱都會order鰻魚飯，我亦唔例外 原條成田醬炭火燒鰻魚飯，淨係果名都成尺長，可想言之條鰻魚系好長好長好長(重要既野系要講3次架) 用木板取代碟成張棉胎咁撻係個波波飯上面，賣相已經呃到唔少like 食落口感 厚厚的鰻魚有少少炭香味配上醬汁送飯 wooooooo停唔到口。 鐵板金菇牛肉卷，夠熱、普通野基本上系唔會出事。 鐵板泡菜芝士雞，中左伏完全唔掂份量少收$88都唔緊要，雞肉雪味濃、芝士少得可憐又無芝士味、只有泡菜系正常。冀待下先再來將不好的有所改進，而好的可以保持水準。

昨日和老友在荔枝角打完桌球後，晚上帶他去我早已想一試的「味道樂居酒屋」，吃那傳聞中的鰻魚飯，果然有料到，也叫了些炸池魚仔、串燒等東西下酒，談天說地，渡過愉快的一天。幸好六點多去到，不用等便能walk-in，但就要八點前交枱。先叫兩杯生啤，接著Order食物。首先來個醬油淮山漬來清吓味蕾，那些淮山加了些芝麻，味道起了變化，挺清爽。接著要試的是今餐的主角，原條成田醬炭火燒鰻魚飯，鰻魚真係有成呎長，賣相已先聲奪人。鰻魚質素正路，雖然不會期望有像日本吃活鰻的質素，但起碼D肉質唔會「削」，個汁就挺啱我胃口，甜甜的拌落D汁飯，挺好吃。炸池魚仔細細件，樣子可愛而且骨不多（有骨都炸到酥脆），送啤酒一流。朋友叫個鹽燒雞軟骨，味道OK但談不上驚喜。反而個黑蒜黑豚肉卷很惹味，但汁帶甜，有點吃甜味噌的感覺，配合有嚼口的豬肉，唔錯。總體而言此店除了啤酒選擇較少外，味道同氣氛都唔錯，應會繼續幫襯。

特意過來吃巨大鰻魚飯，條鰻魚實在大件，飯亦足夠2人份量吃飽，滿心歡喜開動，一入口，個鰻魚汁好鹹，汁又多，相信完全無落糖調味，要不斷吃飯減去鹹味，吃一小口鰻魚放二口飯, 十分失望。燒大白鱔，燒得唔夠香囗，相同問題，個鰻魚汁太鹹。芥末八爪魚，可以放多些芥末味，但味道可以，加青瓜吃不錯。味噌蟹甲羅燒、用蟹蓋放入蟹膏及小許蟹肉、加蒜蓉包吃，這個配搭十分好，有諗頭的菜式。芝士魚餅，咬落入面有芝士、魚餅鹹咗小小，可以再多d芝士。火灸左口魚，燒得啱啱好、入囗魚肉即溶，有魚甜味。軟殻蟹反卷，反卷上有魚子及蛋黃醬，本身反卷沒有醬汁，兩隻味好夾。除咗個好鹹嘅鰻魚汁之外，其他食物都做得唔錯，不過今次特登為咗吃鰻魚來，令人失望，所以給與負評。