味皇 (嘉榮大廈)

咁啱經過油麻地區，又唔知食咩好，又咁啱見到呢間茶記有下午茶就走入去試下啦...都係第一次幫襯...見到餐牌都係一般茶餐廳嘅款式，冇特別驚喜下就點咗個香茅雞扒扎肉飯配黑椒汁，餐飲熱奶茶。黑椒汁原來會另上嫁!塊香茅雞扒肉質都幾好，口味也合趕時間的上班族!(食飽即閃無要求!)而扎肉就薄薄的有4片。熱奶茶入口就有點澀口，本人不太喜歡這味道!…查看更多

到附近看跌打，看完已經11:30，早餐都未食，錶位未過鐘，諗住附近食唔洗再泊車。見到呢間味皇仲有早餐食（早餐供應到12:00），便入去食過早餐。同友一人一個歐陸早餐，我要牛扒炒蛋，佢雞扒煎蛋，兩個都走茄汁豆。好明顯，佢張我們的蛋調轉了。一見到啲早餐就有啲唔開胃，因為pat 汁，自己唔記得叫走汁，實在太失敗。炒蛋好多油，唔係炒滑蛋個種，餐牌寫牛乳炒蛋，好明顯唔係，係一塊蛋皮摺埋。朋友個煎蛋亦都唔係脆邊果種，看出一啲誠意都冇。牛扒係梳打粉牛扒，兩件細細件，仲要得個淋字完全冇味。雞扒我冇試，都係得個手掌心咁大。多士係普通薄多士，牛油係馬之蓮，夠熱，但係唔食唔可惜。有一兜仔細細嘅沙律菜，叫做成個早餐可以讚嘅一樣嘢。即磨咖啡味道正常，有咖啡味。服務：落單快，上菜快，收碟快。衛生：安排兩個人唔識坐喺隔離揾塊好似餐牌咁大嘅版就話係分隔，唯有食完快快脆脆走，疫情之下一啲衛生常識都冇。餐具餐枱餐椅全部都唔會有乾淨衛生嘅感覺。總結：一定冇下次。浪費quota的一餐，一個唔好味嘅早餐係好影響全日嘅心情。…查看更多

近排公司的同事都講這間味皇不錯，而且仲要可以外賣回來勁方便，今日拿著餐紙看到都有台式飯，我就選擇了其中一個台式飯 : 台式酥炸豬扒肉燥飯$56，食物來到打開見到都好大盒，入面有一大片豬扒，菜，蛋和白飯，食完絕對夠飽。首先食了豬扒，炸了之後可能因為再送來所以有點凍而且皮已經有點濕，豬扒夠厚身又有味，如果堂食應該會更好。蛋有色但是沒有味道，菜份量好多而且有味不錯，白飯應該都有碗幾，口感都軟熟吾硬身不錯，再加錢要了凍飲，檸檬茶的茶底都不錯而檸檬夠酸，如果糖再少點會仲好。…查看更多

成日食外賣都悶，有天看到公司有一張味皇餐廳的宣傳單張上有一個馬來亞咖哩牛腩飯幾吸引，而且又可以配凍咖啡，不用自己拿幾方便就叫了一個來吃晚餐。外賣好快都送到來，咖喱和飯分開上十分好，咖喱不似港式咁濃的顏色，而且仲有點椰子香，不太辣，如果辣點會更惹味。白飯份量都吃不完幾多，最喜歡仲有不少菜，而菜都幾鮮但有一點油，還可接受。咖喱牛腩做得不錯幾入味，又夠淋身。飲品要了凍啡的冰都夠，咖啡味都濃，如果不太甜會好點，以$60來講都可接受，始終不用自去下去取外賣，下次可以再買其他食物。…查看更多

今大清早7:30係碧街搵野食,摩咗入依度試吓。牛扒早餐~牛扒居然可以係(無味嘅)本身好怕橙色嘅醬汁,所以無細心品嘗。淨食牛扒唸住係一般嘅口感喇,點知完完全全係無味。還好可以容易鋸得開唔會有煙韌。沙律菜非常馬虎炒蛋帶油膩又淡口。多士烘得唔靚仔兼夾啲牛油搽到偏埋一堆,又係馬虎喇。沙嗲牛面~啲湯麻麻哋,牛肉好煙韌多士同樣情況,啲牛油搽埋一舊。無乜心機食。餐飲咖啡一般般。依啲價錢同區有唔少選擇,佢勝在面向彌敦道大街又有巴士站。但唔會有下次囉。…查看更多

下班比較晚，路過找點吃的，選了味皇。燒豬頸肉配香油飯︰豬頸肉的邊是脆的，非常爽口，而且味道適中。香油飯，只有淡淡的香味，但是不會太油、飯的軟硬度也剛好。原本要想胡椒豬肚雞煲，可以缺貨，只好點了雲吞雞煲。雲吞雞煲︰材料不少，除了不少雞件，4粒雲吞，小白菜，除有枝竹。雞件是嫩滑的，雲吞有蝦仁，也不過咸不過湯底應該是有味精吧，偏鹹。…查看更多

服務員態度極惡劣，企係收銀想落單外賣自取，但眼見收銀員忙緊入單，所以企係到等，等完佢忙完，但係佢唔會示意你佢搞掂 唔會同你講要啲咩ᴏʀ其他，只系勁惡甘望住你，好似欠左佢全家甘，落單食野係錯甘，一啲禮貌都無…查看更多

第一次食，捻住方便，點知即中伏。一入到去，無人理你，自己搵位坐，職員態度冷淡。然後叫左個早餐，點知啲炒蛋炒到乾哂，多士又唔好食。白麵包比距仲好食！蕃茄腸仔通粉，腸仔係凍嘅，個湯亦無味。…查看更多

年初一，就連旺角都好多食店無開，好在仲有味皇。其實之前無咩留意到間店存在，今日就黎試下🤣睇落海南雞飯最正就食海南雞飯，係油飯黎請算香口，口感偏硬。而雞肉都幾ok，夠滑但稍嫌唔係非常嫩，少少扣分，但醬非常好食！驚喜係椰子雞湯，好香椰子味，湯入面亦唔少雞肉同湯渣，非常唔錯。而到奶茶...飲檸茶我會開心d🤣🤣我有偷食到朋友既麵，湯底非常濃郁，所以加埋麵係非常不錯，如果下次經過我會想試下。總結而言，年初一都照開，食物又ok，都唔錯既。海南雞飯同麵都可以一試，湯都值得試。…查看更多

今日進店午膳，因為未試過在油麻地這間吃過，所以試下味道如何環境裝修一般，客人數量一般，午膳時間多有空桌可入座，入去叫了個海南雞湯河，上餐頗快，大約10分鐘便送到枱上，食物質量唔錯，份量足夠，雞件軟硬度適中且多肉心想這一餐真是不錯，價廉物美，很有滿足感重點是當我去埋單時，我問佢可否再print一張單俾我，佢大大聲聲話“你可唔可以拿拿林俾錢啊！”我看看後面，並沒有其他人排隊，只有我一個在埋單，佢再講”你快啲俾錢我啦！“我俾了錢後，佢將單連找錢”啪“一聲放在枱面，再話“你要咩單啊！！係哩啲單呀嘛！！”語氣非常差我並沒有得罪佢若然是不想print單，可以講係print唔到，我冇所謂，但態度如此惡劣，是最不能接受的地方以後都唔會再幫襯哩間，食一次已經受氣受飽…查看更多

路過見到個餐牌， $88蚊肉眼扒280g(大約10安士左右)，心諗都唔錯就試下啦。咁叫左個乾炒牛河，同個$88蚊肉眼扒(有d期待)，先黎個乾炒牛河都唔錯，有色水同抄到幾香，牛肉片都幾好食。我個肉眼扒都黎到啦，賣相都唔錯，點知一切落去就唔對路啦.....點解肉眼扒280g(大約10安士左右)，可以同個乾炒牛河塊肉片一樣咁薄。我叫侍應黎，問: d塊係牛肉片定牛扒呀？個侍應呆左同傻笑，係咁上下啦！嘩...咁都得，如果餐牌寫 "$88 肉片"，我絕對接受，而家個餐牌係印住，"$88 肉眼扒 280g"。我好懷疑，算唔算係違反商品說明條例。搵笨搵到離哂譜........…查看更多

2018年10月25日晚上光顧油麻地味皇，以前幫襯過呢間所以有啲信心，我叫左個魚腐海南雞絲河，男友叫左咖哩牛脷飯加椰子雞湯x2。椰子雞湯，夠椰子味，幾好飲。咖哩牛脷飯，份量少，味道一般。重點負評：魚腐海南雞絲河，雞肉係生！魚腐又油又「益」，河粉麻麻。真心講，完全對唔住個價錢！同阿姐講啲雞唔熟，仲要兇神惡煞一邊超大聲一邊噴口水講：「啲雞點會唔熟！都無血水！咁你想點丫！係咪想我換過舊畀你丫！？」大佬，其實你個邏輯好有問題囉，淨係見到無血水就唔係生？我只係唔想你啲口水再噴落我度，費事同你嘈咋影低啲相為證擺上黎等大家留意下就算喇。…查看更多

又在附近行了幾個圈，沒看到特別出色、格外吸引的餐廳，於是倒不如重新考慮本身的計劃，就是去味皇😏。感覺上，比較近廟街那一邊的那間味皇，好像比較久一點，這兒這間味皇還比較新簇，內裏亦都環境空曠，有多張卡位，但多數都是二人座位，有人坐了，就需要在四人桌搭桌了。來到門口，才發現還有咖喱牛脷這個選項，咖哩牛脷，就可以一次過嚐咖哩汁及牛脷；但是，感覺上，咖哩的牛脷往往浸在咖哩汁很久🤔，可能會比較林，而且不用新鮮的牛脷也可以。考慮之後，還是點洋蔥汁坑燒厚切牛脷，因為這樣可以吃到原味的牛脷，牛脷不老，剛好，內裏嫩滑，Gordon Ramsay 應都會說聲「tender」。牛脷厚切得來，亦都不會感到或者吃到有脷胎，或是一粒粒的那種狀態，切起上來也沒有痴刀，輕輕一拖已經可以切開，就是最佳的質感。林林軟軟，而且肉味濃郁，輕微切出油脂，濃郁得來又不會太過油膩，厚切也不會感到滯，實在美滿。雖然，那個洋蔥汁都是餐廳頹飯的那種洋蔥汁，只有淡淡的粉紅色或是輕微橙色，味道非常淡，雖然有幾絲洋蔥。賣相吸引，一大舊白飯上面，又大件又口又多肉汁的牛脷，的確有一間間橫的燒烤模樣，相信的確放在底下有紋的爐子上面燒過，味道香濃牛肉肉質濃郁，非常豐富。白飯份量還算夠多，但是下低有點兒太過多水，因此米飯顯得有點兒爛，而洋蔥汁亦都不太出色，因為都像是頹飯那種洋荵汁。本身是為了吃西蘭花或其他配菜才叫這個洋蔥汁，後來結帳之後才醒起，原來我也沒有吃到西蘭花，因為它所贈送的是沙拉油的菜絲。本來以為特飲需要加$6 ，但是出單之卻印了$8後，以我據理力爭的人來說，當然，結果，員工才說，剛才回答的時候出錯，因為牛脷那個不是套餐，當作單點，因此需要加$8，細心解釋，不會氣憤難平般與你鬧得面紅耳赤。不要緊，就試一試這個黑白鴛鴦紅豆什麼味道，也是用那些大大長形的透明膠杯，本身不太吸引，但是它的鴛鴦顏色吸引，不會太過淺色，或者太多冰沖淡了，而且紅豆的份量也甚多，差不多佔了整個杯子的三分之一，只看賣相就十分吸引。結果，這個鴛鴦的確有奶茶的味道，其中亦都有少許咖啡香，但是當然不要期望它好像港式百年茶餐廳的那種熱鴛鴦的味道，而配搭的紅豆，都分量十足，紅豆不會太晏，有點兒軟林，味道不錯。向來不太喜愛連鎖餐廳，但是近來吃過一兩次之後，感覺味皇最少起碼比起太興或者翠華、大家樂更加有所保證。原來餐牌最底下，也寫上了，上次在沙田吃的那一間海南雞飯專門店，也是它旗下的餐廳之一。…查看更多

收早陪波士，行現時點都行成個鐘！落雨濕濕唔知去邊好，行完出黎見到都幾大雨就走去嘆杯奶茶避雨首先，有足夠嘅卡座係好重要嘅！店員好醒目帶我地坐入面啲位子，唔洗坐出面俾人啲遮整濕身！可惜，奶茶麻麻地，唔夠香唔夠濃唔夠滑…查看更多

我地3條友叫左個3人餐， 之後數埋有六個餸， 一睇就知道食唔曬，除非都係大隻佬。 所以建議有四個人先好食如果唔係食唔曬打包又好麻煩。 小菜都ok唔算話好出色但係合格有餘，尤其是嗰隻海南雞有半隻 嫩滑冇雪藏味！…查看更多