味皇餐廳小廚 (已結業)

Lunch 叫個快餐，蕃茄湯腸仔通粉，味道當然唔好! (茄膏係底+湯)食了1/3 碗，因為有D野，叫個大隻女侍應(主任名牌)換，佢大大聲質問，之後再大大聲叫了入廚房，唔使咁大碗GA LA!!已經火黎 ，咩叫唔使咁大碗? 我都係食佐1/3都無，好似我呃多你碗野咁, D 通粉係晒底你見唔到姐見你都肯換，心諗，和諧和諧，我忍你唔出聲!!!點知，再出一碗新既俾我，另一侍應拎黎，個大隻女侍應行過黎望，即刻係我身邊嗌入廚房:「使唔使咁大碗呀!!」我真係忍唔住啤佢 ，佢仲要啤番我好串咁問「咩呀?」`我真係串留佢「聽下你講野姐」佢即刻唔出聲。痴線，咩態度? 又唔係無錢俾P.S 另一女收銀，不停咳唔帶口罩唔UM咀，散播細菌總結，以後唔使錢，請我都唔食呀!!! 又污濁，又難食、仲要俾 $ 受氣

超難食的滑蛋蝦仁飯，同經理反映，佢話係咁架咼。態度極差。椰子湯有酸味。海南雞係灰色架，相比起蝦仁，還算可以。還有經理唔入單，要我地一碗飯錢俾cash佢，我真的以為我係大陸。

念住5點9, 未到6點可以食下午餐，於是入去食。入座前問侍應，是不是有下午餐，侍應(一名副經理)冷漠的話"有"。於是便入去，先坐在前中間位置的kar位。後來座位冷氣吹而轉位到後一排kar位，座位沒有下午茶餐牌， 向侍應(也是那位副經理)要餐牌時黑面，態度輕蔑 ，該副經理蔑咀蔑舌jetjet聲，又飛餐牌。最後問有冇餐飲時(那時他已收起下午餐牌), 這位經理竟然講 "你叫就有，唔叫就無!"本人從未遇過有食市侍應會咁樣做野。最後向經理投訴，此經理只說是誤會姐， 我會話佢" 但不見此副經理有任何改善，仲借d意在我枱旁邊走來走去，不停咳(之前之後都唔見佢咳，而那時只有我一枱在後方kar位)。以後也不會來，也會叫朋友不要來，除非你想加餸，食一肚氣，仲要食埋侍應的口水!

服務頂尖差, 鬧客人! 飛碟...服務員口黑面黑食物oK，價錢便宜，環境一般，不太差但食店應以服務及食物質素為先~這食店光有oK食物，嚴重欠缺服務如果一百為滿分，服務及食物各佔五十分我會比5分同30分，即35/1OO分

在銅鑼灣好難搵到又平又好食又大件的茶記, 但呢間係我覺得好味大件夾抵食的.呢個餐, 包括有一個鬆脆奶油豬仔包, 熱辣辣, 外脆內軟, 好味到係感人果隻.仲有火腿庵列, 一啲都唔細碟.加埋大大碗茄汁腸仔通粉(仲搭條唐生菜添), 以前真係有鮮茄, 而家cheap咗, 轉咗畀茄汁, 仲要係碟頭飯"茄汁xx飯"果啲茄汁, 不過都算ok啦.加埋杯奶茶, 茶味好香.咁樣, 都只係$29, 在時代廣場一帶, 真係算好抵食啦!

堅拿道西有新餐廳，雖然成日都經過但因為太近同是連鎖茶餐廳的關係，一直都沒有意思去食這一間傢伙。是日一行4人，沒有計劃，又不知食什麼好，近近地就決定試一下這一間味皇。門面太，但實際上其廚房水吧已經佔用了大半間鋪，座位的空間，實在是有限。幸好，坐上四人卡位，感覺都唔算迫。我叫了其招牌之一的梅菜扣肉飯，也試了同事食的招牌海南雞飯。先簡單的說一說海南雞飯吧，這海南雞飯味道咸香的，連骨的海南雞有點失去了南亞式的味道，不過雞肉是充滿了雞油，但咸得黎令我覺得佢似鹽焗雞多過海南雞。 扣肉，味道好香，肉亦非常之腍而且不太膩，味覺給我的訊息是好味道不過嫌佢唔夠汁，若是汁濃，多汁，這一個扣肉飯俾我既味道感覺，一定會更上一層樓。 我們簡單的一餐，這家茶餐廳的出品，不過不失吧。