味火鍋 (華僑商業中心)

今晚嚟到旺角打邊爐，鄰近地鐵站，非常方便。我哋一行7 人，幾個星期前已經Book定位，可惜張枱細到…機本上係放哂咁多個位嘅餐具之後，都放唔到其他，好迫好迫… 坐低冇耐就有4款小食送上有炸雞軟骨、中華沙律、陳醋木耳、手拍青瓜，味道正常，雞軟骨都好脆，幾好味。之後我哋就可以揀頭盤，有4款，麻辣雞煲同酸菜魚，兩人為一份，另外仲有1客3隻黑松露芝士焗生蠔同1客半隻芝士焗龍蝦，都係人頭計。雞煲只係叫咗BB辣，夠哂惹味同辣。酸菜魚都辣，魚肉都好嫩。焗生蠔同焗龍蝦，都新鮮、肉嫩口，正。跟住就係主菜打邊爐，首先要揀湯底，都有成10款，我哋揀咗鴛鴦湯底包括養生牛肝菌湯同特濃沙嗲鍋。牛肝菌淡啲，沙嗲好濃好香，啲材料吸咗啲沙嗲湯，夠哂入味。之後就送上一盤一次性時令海鮮拼盤，有海蝦、廣島蠔、日式蟹棒、魷魚仔、大元貝、蛤、鮑魚、鱔片、手打墨魚丸以及蝦丸。啲鮑魚仲識郁，樣樣海鮮都好新鮮，鮮甜美味，啲丸又彈牙。再嚟係一盤一次性安格斯牛肉拼盤，有拼盤包括手切牛小排、牛肩胛、封門柳同牛板腱，肉色鮮紅食落鮮嫩，有牛香。不過由於成盤都冇寫係邊款，食咗都唔知係邊樣… 其他火鍋配料都係用QR Code落單，非常方便，但選擇就唔

邊爐控嘅我今日揀咗里間無限時任坐唔趕嘅火鍋店😚相比之下，其實佢都唔係貴好多就已經可以慢慢嘆唔洗鯨吞入口，性價比高‼️首先係前菜，係中華沙律，雞軟骨，涼拌青瓜，涼拌木耳！之後再有酸菜魚，芝士龍蝦，芝士焗生蠔，雞煲俾你4揀1！今日揀咗雞煲，超香，好多香料花椒八角，雞亦都好滑👍🏼正！份量夠！跟住到揀湯底！最興奮係鴛鴦湯底唔使加錢haha好好👍🏼👍🏼今日試蕃茄薯仔豬骨同海鮮喇沙！蕃茄湯底食牛一流呀😚海鮮喇沙我個人麻麻地，好重椰子味🙈再黎就有時令海鮮拼盤&美國安格斯牛拼盤✨✨絕對啱哂打卡，擺碟好精美，有好多海鮮種類，有大蝦，厚切鱔，鮑魚，帶子，墨魚，日本廣島蠔，蟹柳，手打蝦丸墨魚丸‼️超新鮮！個手打丸食完超想encore!!但無得再叫🙈🙈至於安格斯牛拼盤，有牛板鍵，牛小排，牛肩胛，封門柳👍🏼肉質好嫩！！高質嘅牛肉，都係一樣之後無得再encore 要好好地食🥺牛肩胛最正今晚‼️有少少肥咁！加蕃茄湯一流！最尾仲可以掃QR code 點其他邊爐料，例如肥牛片，豚肉，菜，特色丸…但已經好full🤣所以主要淨係點咗肥牛同菜！走嘅時候，原來仲有杯movenpick雪糕🤭有朱古力，雲尼拿，咖啡!!movenpick

呢間 "味火鍋" 放題係 ✨冇限時✨, 出面真係好少放題會冇限時, 好難得👍👍, 每位$318, 包四款前菜小食, 頭盤, 皇牌火鍋拼盤, 飲品任飲, 當然火鍋配料都係任點🤗🥔頭盤 : 芝士焗波士頓龍蝦半隻芝士味香濃, 龍蝦多肉, 鮮甜彈牙🤤🥔湯底 : 花膠竹絲雞鍋湯底清甜, 好香雞湯味, 仲有半隻竹絲雞畀我哋🤭🥔王牌火鍋拼盤 : 美國安格斯牛肉拼盤, 有手切牛小排、牛肩胛、封門柳、牛板腱, 全部都肉質鮮嫩油脂豐富, 好滿足時令海鮮拼盤, 有北海道大元貝, 超級鮮甜, 好鍾意😍, 新鮮海蝦, 新鮮鮑魚, 廣島蠔, 吊桶仔, 海蜆, 仲有自家製手打墨魚丸、蝦丸, 食得出真係好新鮮🥔Like 餐廳嘅社交平台, 有MOVENPICK雪糕送👏👏

又係時間聚聚……今晚約咗戴氏夫婦及祥兄打邊爐……試吓呢間……四人居然有間不用加附加費嘅房仔，超正打邊爐前，送每二人一款小吃，我哋四人，揀咗一份芝士焗龍蝦及一份酸菜魚share 試下……都ok嘅……食完附送嘅嘢後，就開始打邊，都係一開始送一盤海鮮，有鮑魚、蟶子、蠔、蜆、蝦、魚片、蟹柳等……都幾新鮮，另外再點咗餃子、牛、豚肉、丸類都OK的……因為我吾食牛，所以比吾到意見，但冇聽到佢地講吾OK...呢度環境都吾錯，乾淨，我地有房坐就更加好添...服務都幾好呀..

首先，送上什錦海鮮盤，有鮑魚蝦墨魚帶子生蠔花甲丸子，另一盤新鮮牛肉，有牛味，質量也不差， 每人還送半只芝士焗龍蝦或3只生蠔，鍋底雖然較淡， 也是一件好事因為，味精不會發作，食材也算新鮮，雖然蝦有點霉， 除了不能無限量供應的牛和海鮮盤，任叫的美國肥牛質量也比其他火鍋店高一級， 豚肉也切得很薄，肥瘦均勻，其他蔬菜 各式各樣的丸子也有很多選擇，值得一提是他們的服務也算貼心。

想孝順幾時都可以，今次專登同媽咪來味火鍋到食好野， 因我知佢鍾意食打邊爐又鍾意食海鮮呢到絕對滿足哂佢 d 要求。味火鍋一個價錢已經有齊火鍋四部曲⬇️⬇️⬇️1️⃣ 自選頭盤 ～ 我地兩人都選擇左芝士焗波士頓龍蝦配菠蘿蕃茄莎莎醬， 佢用左大量芝士去焗龍蝦又幾正喎。2️⃣ 自選湯底 ～ 特濃芫荽皮蛋鯪魚球湯鍋 + 特濃喇沙海鮮鍋， 前者清熱氣，鍋內的鯪魚球好彈牙， 後者我專登叫來放海鮮，喇沙的香濃更能帶出海鮮的鮮甜。3️⃣ 皇牌火鍋拼盤 + 美國安格斯牛肉拼盤 ～ 前者有北海道大元貝， 海蝦， 鮑魚，自家製手打墨魚丸和蝦丸， 廣島蠔，日式蟹棒，海鮮新鮮鮮甜滿分， 後者手切牛小排，牛肩胛，封門柳，牛板腱， 要重牛味有重牛味，要嫩滑軟諗亦有。4️⃣ 精選火鍋配料 ～ 好多丸類蔬菜都有絕對飽住個肚走。呢到個雪櫃超多野飲選擇，汽水，茶類， 啤酒咩都有總有一款啱你飲。最後打個卡仲有 Movenpick 雪糕作結尾正呀！絕對對得住呢個價錢唔怪得咁多人book 枱食啦！

朋友聚會想揾個地方坐耐啲就試咗味火鍋，WhatsApp 訂位或者查詢都覆得好快，可以講低定需要雪蛋糕之類嘅要求，幾方便👍🏻由於冇限時，唔洗人齊先入坐，到咗就可以坐低飲住嘢先，飲品全部都係罐裝、樽裝飲品🧃前菜揀咗酸菜魚同雞煲，以bb辣嚟講，呢兩樣都算幾辣，仲辣過bb辣嘅麻辣湯底🌶️🌶️開頭諗住前菜會係一小碗咁上，但雞煲係連埋鍋一齊，上菜後店員仲會幫手抄幾吓，幾惹味，都有驚喜😋食完就開始火鍋，湯底揀咗豆乳同bb麻辣湯，豆乳煮完啲嘢好似有少少麵粉味咁🤔🤔相比之下，麻辣湯比較好，但唔算特別出色🍲皇牌火鍋拼盤肉類同海鮮都高質👍🏻👍🏻海鮮同肉新鮮，丸係手打，而且份量唔少，食完都半飽。之後開始落單火鍋放題其他配料，但選擇好少😨😨叫咗肥牛同豬肉片各一份，但肉質唔夠新鮮，而且都冇其他肉可以揀🤔當揾個地方打吓邊爐、朋友聚會係唔差，冇限時，而且店員服務都唔差，見到好多枱都係慶祝生日，店員都會清潔咗枱面先上蛋糕，又主動幫手影相，但以火鍋放題嚟講，質素同食物種類似乎可以再改善～

新開無耐嘅旺角火鍋，環境都幾乾淨寬敞，而且服務態度確係幾好。先來一個前菜拼盤，有陳醋木耳、手拍青瓜、中華沙律、炸雞軟骨。頭兩款好啱我口味🙌🏻然後就係火鍋四步曲1️⃣自選頭盤2️⃣自選湯底3️⃣皇牌火鍋拼盤4️⃣自選火鍋配料✨自選頭盤（四選一）四川麻辣雞煲/老壇酸菜魚/芝士焗波士頓龍蝦配菠蘿蕃茄莎莎醬/黑松露芝士焗美國生蠔 。前兩者係二人起，我地就叫左後兩者。尤其喜歡個焗生蠔。✨自選湯底方面叫左滋補藥膳醉雞鍋，醉雞件係另上。✨皇牌火鍋拼盤分別有海鮮同牛肉拼盤。時令海鮮拼盤 - 北海道大元貝/新鮮鮑魚/自家製手打墨魚丸/自家製手打蝦丸/廣島蠔/日式蟹棒。整體都幾鮮甜。美國安格斯牛肉拼盤 - 手切牛小排/牛肩胛/封門柳/牛板腱。✨自選火鍋配料其他配料就自行喺QR code落單，不過選擇就唔算太多。最後一人有一客Moven Pick，有我最鐘意嘅咖啡味😋

火鍋放題食得多，但好少火鍋放題會好似呢一間咁，直接送半隻龍蝦俾你依間火鍋放題，只要$318就可以，首先一入坐就有四個小菜俾你食，包括雲耳，青瓜，鹽酥雞同埋中華沙律，然後就可以揀一個頭盤。頭盤可以選擇酸菜魚，雞煲，生蠔或者半隻龍蝦。我就揀咗半隻龍蝦，味道都唔錯，至於湯底就揀咗花膠雞湯底。依間嘅花膠雞真係好高質，花膠滑得來亦都好彈牙，雞件係用烏雞至於其他火鍋配料亦都唔馬虎，首先會有海鮮拼盤同埋一碟好靚嘅牛，之後就有得用QR code點其他火鍋配料。另外不得不提嘅係，佢嘅飲品櫃之中，居然有提供玻璃樽汽水，真係勁難得。而且每一座嘅枱面亦都會有開瓶器，同時亦都會有開蟹嘅工具提供，可謂相當貼心。

「味火鍋」主打無限時火鍋放題，星期一晚七點半黎到已經滿座位，好彩等左十五分鐘就有位，建議預先訂座。除大廳外，仲有唔少獨立房間，私隱度夠，聚會一流。餐廳另有售清酒(低至$158/720ML)及生啤 (包括1664 $72/PINT)。頭盤每人可選一款，分別係黑松露芝士焗美國生蠔（三隻）、芝士焗波龍（每位半客）、麻辣雞煲（兩位起），或酸菜魚（兩位起）。眼見焗蠔及波龍較多人選擇，焗蠔芝士份量多，芝士味濃，帶微微咸香及松露香，蠔肉滑嫩多汁。有十多款湯底可選，大部分都可點鴛鴦鍋，我選左一濃一淡嘅湯底，分別係四川麻辣鴨血鍋(小辣)及養生牛肝菌湯鍋。其中，麻辣鍋望落唔辣，但食落都夠辛香，小麻，鍾意食辣嘅朋友過下口癮都okay嘅。牛肉拼盤只奉送一客，其餘只有美國肥牛可點食，拼盤共有四款牛肉，分別係牛頸脊、封門柳、牛肩胛、牛板腱：其中牛頸脊牛味濃郁，脂肪比例適中，帶輕微油香，食落夠香滑；封門柳脂肪比例較低，但肉質軟嫩可口。每枱亦會奉送一個時令海鮮拼盤，包括蟶子蝗、北海道大元貝、新鮮鮑魚、日本廣島蠔、鮮蝦、魚片、手打蝦丸、手打墨魚丸及蟹棒，數完一次都覺得飽。海鮮整體黎講都夠新鮮，蟶子蝗肥美厚肉，肉嫩無沙；

旺角味火鍋是一間性價比高，食材新鮮的無限時火鍋放題餐廳，位於旺角彌敦道華僑商業中心3樓，交通方便，環境寬敞舒適。首先，我們選擇了醉雞鍋作為湯底，這是一款特色湯底，用上了新鮮的醉雞和多種中藥材，熬出了一鍋香濃的湯汁，喝起來有點甜甜的，很滋補。醉雞肉質嫩滑，入口有淡淡的酒香，很開胃。接著，我們享用了四式前菜拼盤，包括炸雞軟骨、中華沙律、木耳和青瓜。這些小食都很清爽，不會搶走火鍋的風采。我個人最喜歡的是炸雞軟骨，香脆可口，佐上一點芥末醬，更加惹味。然後，我們選擇了頭盤，每人可以選一款。我們分別選了芝士焗波士頓龍蝦和芝士焗生蠔。芝士焗波士頓龍蝦是每客半隻，份量十足。龍蝦肉質爽彈，配上濃郁的芝士和莎莎醬，十分美味。生蠔焗完之後仍然有滿滿嘅汁，肉質嫩滑，肉厚飽滿，好有滿足感。最後，我們開始享受無限時任飲任食的火鍋配料。這裡有特色丸類、手工水餃、炸物、豆製品、粉麵類和新鮮蔬菜等等。每一款都很新鮮高質，可以透過QR code用手機自助落單，非常方便。我們特別喜歡的是時令海鮮拼盤和美國安格斯牛肉拼盤。海鮮拼盤有蟶子蝗、北海道元貝、新鮮魚片、新鮮海蝦、新鮮鮑魚、自家製手打墨魚丸和蝦丸、廣島蠔和日式蟹棒等等

係香港想食火鍋放題可以有好多選擇，但大部分都係有限時間嘅放題，而「味火鍋」就進打無限時任飲任食嘅火鍋放題👍🏻雖然就算無限時都食量有限，但勝在可以無時間壓力輕輕鬆鬆慢慢食慢慢傾。「味火鍋」4部曲火鍋放題不分時段盛惠每人$318 ，除咗頭盤同皇牌火鍋拼盤外，可以自助QR code 落單任點精選火鍋配料，至於飲品同醬料就可以係自助區自由選擇😎第一部：自選頭盤每人可以4選1，除咗雞煲同酸菜魚需要2位起跳外。小妹就揀咗芝士焗波士頓龍蝦配菠蘿蕃茄莎莎醬，每人半隻嘅龍蝦🦞都幾大隻，肉質新鮮彈牙，菠蘿蕃茄莎莎醬就好醒胃第二部：自選湯底10款湯底任選，除咗花膠竹絲雞鍋同滋補藥膳醉雞鍋外，其餘八款都可以選擇鴛鴦湯底，而且不需要另外收費。我地揀咗滋補養顏嘅花膠竹絲雞鍋，好足料嘅奶白色湯底第三部：皇牌火鍋拼盤分別有時令海鮮拼盤同埋美國🇺🇸安格斯牛肉拼盤，擺盤相當吸晴超澎湃，最愛新鮮海蝦、大元貝、連鮑魚都有😍相當新鮮鮮甜，牛肉拼盤有4款，牛肩胛大大片雪花紋均勻，封門柳肉咪濃👍🏻第四部：精選火鍋配料超過20款任食火鍋配料可以自助下單，連自家製手工水餃🥟都可以任食😎

味火鍋．友情無價 無限時烚下烚下Ms.A 是個有個性的女孩愛恨分明，擇善固執做人有她一套她忙了一排約我小聚一下說好久沒有和我好好聊天一定要促膝長談連地點都安排好我豈敢拒絕地點都不錯就在大家以前讀書時代一起買衫的旺角離地鐵站非常近環境都頗為寬敞有卡座，更有VIP房間飲品雪櫃 和 自助醬料 都很充足店員帶我們入座後放下餐牌讓我們慢慢選餐牌寫著火鍋四部曲原來四部曲：第一部:自選頭盤第二部:自選湯底第三部:皇牌火鍋拼盤第四部:精選火鍋配料其實未開始火鍋四部曲每枱都四式前菜拼盤一客那這個一定屬於前奏我最愛手拍青瓜 和 黑木耳Ms.A則愛中華沙律 及 炸雞軟骨第一部:我選的是 半隻 芝士焗波士頓龍蝦 配菠蘿蕃茄莎莎醬用芝士焗波士頓龍蝦 配菠蘿蕃茄莎莎醬波士頓龍蝦事吃得出新鮮新鮮的鮮甜味配上菠蘿蕃茄莎莎醬分外甜是不新鮮龍蝦配沙律醬烤焗不能相比的Ms.A的是 3隻黑松露芝士焗美國生蠔她給我一隻試味黑松露濃香芝士和美國生蠔纏綿生蠔未有過熟新鮮生蠔由蠔水證明第二部:自選湯底我們不約而同想點 花膠竹絲雞鍋好足料花膠湯在鍋中切件竹絲雞連蟲草花一起上看得到的新鮮自己放入鍋中滾見證新鮮滋味第三部:皇牌火鍋拼盤其中

味火鍋 (華僑商業中心)旺角彌敦道678號華僑商業中心3樓香港人真係好鐘意打邊爐，一年四季都咁旺場，今日朋友就帶左我黎試呢間位於旺角既<味火鍋>,黎之前上網search下，見到一致都係好評，而且都幾難book位，長期都full架，所以今晚有機會黎試下都幾期待，一於試下呢到既火鍋四部曲第一部芝士焗波士頓龍蝦，真係估唔到打邊爐都有焗龍蝦食，龍蝦肉好彈牙食得出好新鮮，配合埋芝士同醬汁一齊焗，真係無得頂呀。。順帶一題，除龍蝦之外，大家仲可以選揀黑松露芝士焗生蠔，麻辣雞煲或者酸菜魚架第二部有10款精選既湯底可以選揀，而且仲可以係鴛鴦鍋揀兩款，最後我地就選揀左特濃沙嗲鍋併豬骨鍋。。。沙嗲鍋味道香濃，離遠已經聞得到，而豬骨鍋就真材實料，大大舊豬骨第三部海鮮拼盤，入面有超大隻既蟶子皇，大元貝，海蝦，廣島蠔，另外仲有自家製既手打墨魚丸同蝦丸，呢個係出面絕對食唔到，好彈牙真材實料安格斯牛肉拼盤，有唔同既部位，分別有牛小排，牛肩胛，牛板腱，封門柳。。牛肉既質素絕對係高，但除左好食之外，最欣賞係連個造型都好靚，以新鮮既牛肉砌成花既造型，勁呀第四部各款精選火鍋配料，呢部份係以QR Code落單，

我們一行7人安排了我們坐一間房店員每次入房都會敲門每次用qr code加點食物都好快送到，又黎得齊黎得快又齊是好小數放題能夠做到的食物種類方面就好多人介紹過我就不介紹了