味山田 (已結業)

有時响觀塘尋寶，順便嚟東廣場地下覓食，而呢間拉麵舖我都幫襯過唔少次，每隔一排總會心思思嚟食下佢個自家製特濃蝦湯义燒拉麵同埋佢嘅凍柑桔蜜，濃味對濃味！除咗貪佢嘅蝦湯濃味外，我都好欣賞佢啲义燒，雖然比較薄，但都有幾塊嘅，欣賞佢好淋又唔肥，仲要咸咸哋，好味！食完成碗咁濃味拉麵連湯都飲咗一大半，當然會口渴喇，跟手飲埋佢杯凍柑桔蜜中和番啲味，正！

原本想食台灣野，但無位，所以轉左試依間日本食肆。錯有錯著，唔食唔知原依間食肆都唔錯同事叫左個黑蒜油豬骨湯叉燒拉麵。一黎，嘩，真係好黑呀仲有好多一粒粒黑色既，唔知係米黑蒜呢？我飲左一啖湯底，好香黑蒜味呀同事話我聽佢地個义燒好好食。我叫左個生姜豬肉飯。嘩，好姜呀！雖然係有點港式既姜蓉，但就好好味豬肉佢唔係用平時個d豬肉，唔識講添睇圖就明架勒！佢地用左好似平時打邊爐既薄切豬似片再切開。但因為薄切，所以如果調味做得好，就會好好食，甜甜地，姜姜地，又入味佢依度凍熱似都唔使加錢。以依個價錢黎講算唔錯呢～

試食餐廳： 味山田（觀塘成業街7號東廣場地下G08號舖）美味指數： $60自家製龍蝦湯叉燒烏冬（6/10）-觀塘除了APM、工廈有美食外，近年東廣場也成為一眾餐廳的聚集地，小女子與男友仔都不時來此覓食。這次我們選擇了這間日式小店，小店的地方不多，只有數張桌椅，看得出是自家經營。小女子點了自家製龍蝦湯叉燒烏冬，麵底可改選拉麵，附送飲品，沒收加一，價錢普通，但值得支持小店。烏冬的質地較軟，男友仔點的拉麵則存有鹼水味，用料不算很好，但湯底十分濃厚，喝下去稠密且滿載龍蝦味，且有四片叉燒，比香港一般餐廳的拉麵多，拉回不少分數。

黎到觀塘區行街，又唔想係商場食咁悶，咁就漫步黎左東廣場。距離觀塘地鐵站大約幾分鐘既腳程，地點方便，食物選擇都唔少。黎到東廣場之後行左一圈，都幾多人係到食飯，好似想食既餐廳都坐滿晒人。咁就隨意選擇左靠出面既鋪頭，食日式野。係餐廳出面徘徊既時候，餐廳已經有人遞左張menu比我地睇揀咩食，又唔會話逼人即刻落單店員又趁排隊既時候問我地洗唔洗落單先，到有位既時候唔洗等野食等咁耐我地叫左兩個丼飯，我食既係滑蛋豬排丼。老老實實味道一般，豬排肉薄唔夠脆，滑蛋夠味不過不失。飲品用紙杯上，羮係即棄既，唔係好環保但我諗係因為省卻洗碗既時間？另外叫左個炸雞丼飯，太淋太少雞唔夠餸飯，就唔推薦了。總括黎講，店員好友善，食物ok la，下次黎觀塘會再去食的

觀唐東廣場出名多野食☺️總有一間岩你心水🖖🏾呢間味山田鋪位細細地，但勁有水準呀啲野食！特濃豬骨湯叉燒拉麵 包野飲 hkd47😃湯底係真係十分之濃😂都好足料！不過就真係鹹左小小🤦🏽‍♀️整體黎講ok既！再黎係佢個滑蛋雞肉飯 hkd42 包野飲😍 完全係日本既味道😂😂最中意食啲有蛋既野，啲汁撈飯岩岩好😏洋蔥好生好好食！啲雞又勁滑，一淡肉一淡飯都可以食到最後😆美中不足既係啲雞連埋雞皮😂不過都好食！真心推介🆙🆙🆙🆙🆙

之前係instagram睇到個介紹.....話呢間野個蝦湯好濃....咁我本身好中意食蝦既.....所以諗住去試....去到叫左個蝦湯烏冬....一拎到黎聞落係好香....之後試試個湯底...哇好腥呀！即使本身好中意食蝦的我都覺得好腥....不過唔算貴...算啦另外服務態度都唔多好.....除左要人轉位之外....仲好有壓迫感....好似俾人催住你走咁...食到好唔安樂...食到好趕咁...個女人又有少少串又吱吱喳喳

上星期去觀塘東廣場食個間味山田，我叫A同B餐，個侍應問我地A同B餐要拉麵定烏冬，我話2個一樣要拉麵，黎到碗野係2個A餐，我同佢非常禮貌地講我地叫了A同B，佢竟然反白眼同我講：唔係囉，你係叫一樣（*#%*¥&%....我心諗錯唔緊要仲要咁架態度）最嬲係佢仲要話：唔緊要我換俾你。以後都唔會再去哩間食，大把好野食。佢哩個價錢，我出去俾多10蚊去拉真正日式拉麵同埋服務好佢多多聲，我覺得作聽錯本身無問題但佢自己落錯賴落我度之後我食時佢都仲好不滿我唔認係叫一樣，走時佢個個客都會講拜拜，到我地走佢聲都唔出黑面。

某明星都話觀塘食嘢越嚟越貴，要搵間合格既拉麵更加係困難！所以如果你問我我就會推介呢一間位於東廣場嘅小店- 味山田名副其實係小店因為空間真係非常少，但不代表兒戲，推薦大家既係特濃蝦湯拉麵！飲一飲個湯頭就知道係誠意之作，非常香濃，我每一次都差不多把湯飲完！叉燒份量也不少！可惜麵質一般，有時候會太軟身。不過重點是價錢只是$58 ，外面食個拉麵隨便都要＄100，呢度咁既價錢有呢個質素，絶對性價比高！

快要告別觀塘這個地方，百感交雜。但仍然堅持陪伴媽咪在觀塘吃最後的午餐帶了媽咪到這家店吃，希望媽咪多點認識觀塘的食肆因為我記得有次朋友買外賣給我時，我對這家的濃湯特別有感覺於是自己點了這家店的濃蝦叉燒烏冬湯底真的是非常濃的蝦湯，熱度夠，而且相當甜叉燒雖然一般，應該是肩肉的緣故，要是那種側邊有點肥肉的，可能會加點分另外，半熟蛋也好吃，平常一些小店會給半隻而已，但這家真的給你一隻，讓喜歡吃蛋的我，有點驚喜。烏冬雖然普通，但我喜歡店家把它煮得很淋，因為我喜歡吃煮得耐一點的烏冬~ 不錯~ 雖然食完有點口渴~ 

自從上次黎過呢度, 都覺得可以一試呢度既小店尤其上次走既時候望到呢間拉麵店~咁岩今次黎開APM, 一於食下!!呢個廣場D食店全部都細細間, 呢間都不外如是D枱枱櫈櫈係哂鋪頭出面, 不過商場有冷氣都唔係咩大問題既坐低望下MENU, 選擇唔多拉麵 / 烏冬只有3款 : 原味豬骨 / 黑蒜油 / 明太子我就揀左黑蒜油烏冬, 老公揀明太子拉麵呢個係我個烏冬, 隻蛋係另加既, 6蚊一隻店員都好貼心, 知道我地2公婆SHARE一隻就自動斬開一人半邊咁上!個湯呢, 我覺得唔差wor! 黑蒜油好澎湃但冇食到成口油淋淋既感覺, 都好香烏冬質地夠軟滑, 唔係hea貨叉燒呢...就o鞋左d, 不過食到係有醃制過, 唔係就咁DUM塊白烚豬肉出黎其餘仲有少少配菜 - 海苔同埋粟米呢個係老公個明太子拉麵個2條就係明太子喇, 唔係蟹柳黎架!!XDDDDDDD由於有明太子, 湯底都偏咸少少, 但OK既~不過老公話D麵質就麻麻喇.......整體黎講, 以50蚊左右, 一碗拉麵 + 1杯凍熱飲品我覺得收貨, 出去食碗拉麵閒閒地都講緊80~90蚊不過份量真係唔多, 如果一個大食少少既男仔, 一碗可能未必夠飽~所以一分錢一

食得多餐廳，食嚟食去都係嗰d，偶而會想試試其他型式嘅美食。幾次都想試下東廣場入面地下開嘅幾間鋪位美食。呢d店嘅型式大多係租一個小型嘅鋪位，鋪位內作廚房並有一兩張枱，可以坐喺度食。之後就喺店鋪嘅外面多放幾張摺枱，可以喺繁忙時間多做幾個客人。今次就試左日本嘢，呢間日本嘢就以拉麵同烏冬為主，其他仲有一些日式嘅小食，如餃子，雞翼，章魚燒等等。店家每一天都有是日推介，今日嘅推介係龍蝦濃湯拉麵同麻醬豬骨湯拉麵。龍蝦濃湯拉麵--龍蝦湯配日式湯底幾特別，龍蝦味好重，但又唔會有好腥嘅海鮮味，內裡再配有日式葱同日本叉燒。叉燒為薄切，半肥瘦，咬落都軟熟。仲加左隻糖芯蛋(加7蚊)，咬開入面蛋汁出唒嚟，蛋味濃。另一個麻醬豬骨湯拉麵，味道就唔太似豬骨味，但係湯底都夠濃，有好多芝麻粒，仲配有粟米粒，海藻同叉燒。56蚊呢個價錢嚟講仲包杯嘢飲都好合理。再叫左個章魚丸子，整出嚟細細粒唔算好大，的的骰骰幾美觀，味道又好，配有鰹魚碎，沙律醬同章魚燒汁，值得一試。整體嚟講味道不錯，價錢合理，喺觀塘又極小呢類型嘅日式嘢，值得再一試。

特色沙律醬南蠻酢雞飯 $42評分：🌟🌟🌟-沙律醬從來都係送飯良伴，所以呢個飯一入口就有驚喜，因為好多沙律醬！但個人覺得少翻啲啲就岩岩好🙊因為真係會越食越鹹喔～至於今次雞滑皮脆唔厚粉，加埋沙律醬食真係好惹味！

又到lunch 時間，好在工作地區在觀塘，算是有很多選擇。這次lunch 選了這間日本小店，坐位不多，之前聽過朋友說拉麵好像不錯，但看看menu,一碗拉麵要差不多60元，以lunch 來說，有點貴，相反飯就相宜得多，40多塊一個飯加飲品。叫了一個吉列蝦咖哩飯 和一杯熱咸柑桔蜜看到炸蝦有三隻，覺得份量也不少。賣相也不錯先吃一口炸蝦，沒有很粉的問題，是真正用麵包糠炸的，蝦也新鮮，不錯！但飯真的需要改進，很糊，像吃米糊的感覺一樣，咖汁是不錯挺香濃，但紅蘿蔔不是那種燜軟了的那種，是生的，硬硬的。吃了大半個飯我也放棄了，因為飯真的太爛了

成業街東廣場裏面既餐廳包羅萬有，平食之選而且選擇仲好多。今日去左試呢間拉麵，我見好多人排隊以爲食物質素應該唔錯，不過我食完之後非常失望 係東廣場既餐廳因位置有限，全部都坐得好逼，不過環境尚可。但係拉麵味道真係好普通....我叫左麵底質地似油麵多過拉麵，湯底味道尚可，不過叉燒都幾入味，係同價位既拉麵黎講算幾有水準~跟餐仲包飲品同生果~另外仲試左個豚肉黑蒜油拉麵...黑蒜油非常鹹..而且麵食落去口感亦都係好似油麵...唔推介比大家....雖然呢間拉麵好平...不過質素認真麻麻...應該唔會再有下次..

觀塘雖然有各式唔同嘅餐廳，但有時想去速食個拉麵烏冬嘅話，我會揀呢間，貪佢夠平，好味又就腳。今次我就食龍蝦濃湯叉燒烏冬加温泉蛋。湯底無令我失望，非常濃味，但又唔係加左勁多味精令你食到口渴果隻，烏冬軟硬適中夠彈牙，叉燒有多達5塊，不錯不錯。天氣咁凍再食住熱辣辣既烏冬真係零舍好味。最重要係，加左隻温泉蛋，叫埋凍飲加埋都只係60幾蚊，咁抵真係去邊揾。