味山田 (已結業)

之前在觀塘返工的時候， 經常會到東廣場食午餐，除了 Coffee Art， 橫濱水手，米拉外，味山田都曾是我的飯堂。想不到這幾間如今都同樣位列黃店，真不枉我長久的支持呀😆。每次來味山田，我都只會獨沽一味叫這個濃蝦湯叉燒拉麵，因為它的湯底實在太太太好味！蝦味既濃郁又鮮甜，絕對是整碗麵的靈魂所在，每次食完麵後，我都將湯底飲至一滴不剩。相對之下，拉麵和叉燒就只屬中規中矩，未算突出。 不過，我覺得其實只喝湯也已經值回票價啦🤗！

真係好後悔咁遲先發現呢一間店！佢嘅Menu好多款都好啱食，重點係真係好好味！吉列炸蝦咖喱撈烏冬佢嘅咖喱係偏甜甜地嘅，辣度啱啱好。碗麵望落好似唔係好多，但其實因為只係無咗啲湯，食完係好飽㗎！😋😋黑蒜油豬骨濃湯叉燒手打烏冬佢嘅黑蒜油真係好香濃！本身佢既豬骨濃湯底已經好正，加埋黑蒜油真係一絕！👍🏻👍🏻特色沙律醬南蠻酢炸雞飯呢個簡直一個字：正！佢嘅沙律醬好好味配飯一流，好似食緊北寄貝沙律嗰個有芥末味既沙律醬好醒胃，而炸雞炸得好好唔會「乾爭爭」咬開中間係有肉汁架！！😱😱😱

午餐又到，突然想食烏冬就上網搜查到呢間附近既日式拉面店，店面有點細但客人都不少。食物種類不多，主打日式飯，自家制拉面及手打烏冬。選好食物後要先到收銀處下單及付款，店員親切有禮亦幫忙找位置坐下，我點了一個特濃豬骨湯叉燒手打烏冬，鳥冬比一般粗少許，較滑身彈牙，豬骨湯底非常濃，叉燒不會太多脂肪，整體味道可以。

觀塘東廣場有好多好有誠意既小店，不過有好多都係輕食，有時想食飽d唯有去觀塘廣場。不過筆者就發現左「味山田」呢間足份量同埋抵食既日本小店👍 呢度有各款定食，價錢由$50-80不等，但每款都非常足粉量，而且好好味添😋筆者基本上每次都點呢個咖喱吉列豬扒飯，因為豬扒鬆軟可口，配埋日式咖喱非常美味😋 重送埋飲品添👍希望東廣場其他小店都可以學習味山田，份量double up，價錢唔up，咁就係我地食客之福😋

黃店爆買日實況！ 「係，淨返一個飯」、「唔好意思，冇哂蛋喇」、「今日真係忙到爆冇時停」「唔好意思，仲有冇得order呀？」；「唔緊要呀，呢度有位，過黎坐呀」真係覺香港人好warm、一定要守護大家相信既價值觀。講返食咩先，哎左個黑蒜油豬骨湯叉燒拉麵，$58有凍熱飲品送，係抵食既。佢呢個湯底真係好突出、好香；拉麵就比較硬身、叉燒偏瘦，份量都足夠。九月中都食過一次，哎左滑蛋吉烈豬扒飯同特色沙律醬南蠻酢雞飯質素同份量都好對得住個價錢。講真，成個東廣場都好多黃鋪，又近apm，行多幾分鐘就到。唔係爆買日都要多多幫襯支持呀 <3下次試埋個手打烏冬先！💛 良心行為：824觀塘遊行免費派水，並寫上香港加油

原來觀塘東廣場而家愈開愈多小店，今日Miss O' 去左入面一間食日本野嘅小店。😝 小店都真係幾小架，座位唔多，不過侍應幾nice, 係一間幾港式嘅日本餐廳，價錢亦都唔貴! 😊Miss O' 叫左一碗龍蝦湯叉燒手打烏冬，仲加左一隻溏心蛋~ 烏冬賣相都幾好，湯底都幾香濃，飲到有龍蝦味! 烏冬都幾滑，叉燒又唔韌~ 六十幾蚊都幾抵食~

黎到觀塘除左諗到有野要買，行街shopping之外, 繁忙的都市人都好少話尊登搭車落觀塘搵好食野，除非唔係，今日就係除非喇一入個東廣場就見到味山田係左邊我第一眼就見到個自家製濃蝦湯，就坐左係度等食我老公就叫左個特濃豬骨湯叉燒拉麵🍜老實說，個豬骨湯叉燒拉都就中規中矩喇，但不得不讚個濃蝦湯，一上檯就聞到濃濃蝦味！我係掛住食唔記得影相，到我就黎食晒先補返張相麵質都不錯，特讚個濃蝦湯底！濃到呢米深個龍蝦湯通粉...可以收埋一邊喇唔該再另叫一隻糖心蛋，糖心蛋都係普通，可以唔加，淨係個湯底夠食！午餐播，夠晒啦！總結：推介特濃蝦湯

lunch想食較平價嘅拉麵就黎試下叫咗個特濃豬骨湯叉燒拉麵湯底味濃而且食完唔會口乾而且有幾多菜冇咁油膩但拉麵有少少鹼水味味道不過不失雖然平日lunch放飯時間有好多人但係以普遍拉麵嘅價做比較都算平而且店員都幾nice整體係講都算ok

平日既12點到，發現都幾多人食，味山田 鋪頭好細，佢哋喺出面加咗啲枱，坐埋最多都係廿個人度，當時大概都坐咗八成位置。落單後會先收錢，食完可以直接走。叫咗 特選豬骨湯叉燒拉麵 ($52)包嘢飲再加$6加左個溏心蛋。拉麵比較硬身，對於我呢啲鍾意軟身拉麵既人嚟講就差咗少少啦 。叉燒都有四至五塊，佢主要都係瘦肉。五十幾蚊有野飲嚟講呢個質素算係咁，初初上嚟嘅時候見到隻糖心蛋好似好一般咁，但打開發覺原來都唔錯，個蛋入面都仲係流心嘅。 唔會驚唔夠飽，呢度份量都好足夠，食完都已經好飽。

平食和食既小店日式咖喱吉列豬扒丼$48份量不多不少 咖哩汁小辣都幾香 撈落飯度都幾惹味豬扒炸粉有d多 不過都金黃香脆肉質就不過不失 呢個價錢合格嘅🙈另外奶茶都幾香滑😋

好耐冇食拉麵🍜，行過 #東廣場 見到 #味山田好啦⋯⋯抱著「未試過就試下」心情....果真失望而回😞。老實說，#港式拉麵 來說，佢都算 #大件夾抵食。#明太子豬骨湯叉燒拉麵 $60豬骨湯味濃，但感覺唔係餚出來的叉燒🐷大十塊共三件明太子份量都不少麵底都多可惜沒有糖心蛋、沒有木耳、沒有竹筍朋友叫了是日推介，#辣味豬骨湯叉燒拉麵 真係一笑置之🤣🤣🤣豬骨湯加上 #桂林辣椒醬 感覺好fusion!#gotravelwithandie #foodblogger #食玩焗煮遊世界

明太子叉燒豬骨湯烏冬加凍檸茶午市套餐。外賣同堂食食物素質差距好大。堂食都有好大碗，配料幾豐富，外賣就一小小塑料碗，配料混雜，難以下嚥。感覺就是各個湯底面底都煮好，直接加一勺配料出爐。一碗面味道不融合，明太子太鹹，叉燒肉片好似浸過許久。烏冬面都軟黏無滋味，骨湯完全嘗唔出豬骨湯底味道。唯一好處是甜玉米粒幾多。這樣的食物素質竟然還要60蚊一份套餐，完全不如旁邊的吉野家！若非今天執意想食湯麵，堅決不會揀呢間！

東廣場唯一拉麵店，雖然未食前已聽過朋友腐皮，但晚市唯一得佢唔使等位，唯有以身試伏。五十蚊左右，也不能有太高要求。朋友食拉麵我沒有試，她形容像即食麵。我食的南蠻炸雞，油膉味極重，標榜的自家沙律醬也離好食有點距離(我食日式南蠻炸雞或吉列蝦係為咗嗰個日式炸蝦他他醬)，好膩，喺唐吉訶德激安之殿堂買支現成都好食過佢多多聲。食完有樣很想嘔的感覺。另外佢使用平價外賣餐具，那種燒味飯一啪就斷半透明膠匙羹，令人想食餐安樂茶飯也加倍吃力。

不嬲都知東廣場多好野食，無論中西日韓泰嘅餐廳都齊哂，而我成日晏晝心思思想食多次嘅就係呢間味山田。佢嘅特濃蝦湯叉燒烏冬一直係我嘅favorite，比起個啲要成過百蚊嘅拉麵，呢度60蚊度就食到出色嘅味道，簡直係有過之而無不及。除左因為佢嘅蝦湯底夠哂香濃之外，其他材料都配搭得好好，烏冬有煙韌有咬口，叉燒竟然有足足四塊，超足料，令人驚喜嘅係每塊都夠厚身之餘，而唔會乾身，肥瘦比例剛好，好正！另外加6蚊會有隻溏心蛋，醬汁入味熟度亦剛好，得閒一定會再黎重溫！

嚟到東廣場嘅“foodcourt”搵嘢食，見呢間幾多人又平就即管試下坐咗係面向牆嘅兩個單人位，幅牆俾唔知邊個細路劃花哂，其實都幾核突揀嘢食啦，是日精選先跟嘢飲，一個叫咗個胡麻豬骨湯手打烏冬，加咗隻溏心蛋，配檸蜜胡麻豬骨湯都幾濃郁，但係同普通出面嘅豬骨湯唔一樣，佢呢度嘅湯底飲落有好多一粒粒，感覺唔太舒服，都係鐘意飲落順滑落喉嘅湯底多啲叉燒應該係自家製嘅，本身已經有味，我個幾塊未浸落湯之前係凍嘅有2塊肉質滑嫩啲，有2塊又好韌，睇嚟佢嘅水準都係要再做得穩定啲烏冬方面偏淋，但都幾好食檸蜜有啲似鹹柑桔都幾潤喉呢個黑蒜油豬骨拉麵其實好多香港人都鐘意食黑蒜油味，鐘意佢夠香，但係唔知點解佢唔放佢做精選，跟餐同嘢飲嗌就會抵啲黑蒜油有點兒太油，蓋過成個麵，食落啖啖都好膩拉麵麵質一般，有少少唔似拉麵添，好似嗌烏冬會好啲