味吉拉麵館 (已結業)

同屋企人3個去左食.知道都係貴野.但決定試下.叫左2個meal,1個係凍喬麥拉麵配雜菜天婦羅蝦.另1個係牛肋肉烏冬.最後加$10要杯巨峰提子梳打.凍喬麥拉麵配雜菜天婦羅蝦-個拉麵都ok ga..起碼睇落去好似好多咁. 而且食落都幾飽肚.但我自己就唔太鍾意個麵汁啦. 太甜啦.怪怪的.-個雜菜天婦羅蝦就都ok好味.大大個.好香口.但1一定要點豉油先好味有味.牛肋肉烏冬-就真係ma ma1般貨色.烏冬唔係特別彈牙.唔似手打感覺.赤丸的仲好味過佢.at least有咬口先.-牛肋肉就小得可憐..得4塊....但碗野計埋加1都要60$, 咁好似過份d wor.em.價錢貴.而且唔係咁好食.唔會再去食啦. 除非我好有錢啦-_-

學完二胡一支公，記得屋企樓下開左間味吉，就來試下﹗9:00pm人客不多，可以說是得小貓三四隻，講真在藍田這個人口老化地方開一間賣成六七十蚊一個麵的鋪頭到底做不做到呢？我就唔多信可以﹗要了個秘制豬軟骨叉燒面，湯底要了極濃豬骨湯底﹔想喝點酒，要了杯凍梅酒。湯底濃郁，呈濁黃色，喝下味道甚甜，但再細味下有少少酸，不及沙田味吉﹗溫泉蛋蛋心十分綿軟，蛋味卻嫌不足﹗豬軟骨真的值得一讚，肉軟糯夠腍香，骨夠爽有咬口，正﹔叉燒則是普通麵店吃到的日式叉燒，無甚驚喜。拉麵彈牙有嚼勁，但有少少皂水味，記得之前在沙田店吃時是驚見無此味道的。梅酒冰就多喇，酒就得兩啖，呢杯野真係孤寒左0的﹗要提一樣野就係間野焗到不得了，我一路食麵一路出汁，仲要係我只穿短袖衫，開0的冷氣啦老友﹗只能給佢一個OK，質素不及沙田禾輋店，麵亦有我最唔鍾意的皂水味，酒又少過人，唔.......試一次便夠﹗

早排看見味吉開業就已經好想試嗰晚我哋就一行兩人去試男友食醬油湯差燒拉麵個湯底連出前一丁都不如~d差燒好乾好un!!!d拉麵還可以的......到我既豬骨湯扣肉黎到仲慘~都係又乾又un~我完全係咬唔到~個湯底其實都ok~係油左d~同負責人講~可以話佢d服務態度好~但只不停的解釋~話換d淋d既比我~真係已經冇心機試~佢多次解說反而令我哋覺得好滋擾倒不如索性收少我一碗錢會來得更好......$60碗嘢食唔到一半~真係食魚蛋粉好過~

與父母一起來試這家在附近新開的店。本身對這些標榜甚麼也有的店鋪沒甚麼期望。因為在我眼中「周身刀，很難張張利」。一家標榜甚麼口味也有的拉麵店，最後都只會是甚麼口味也做不好。結果...... 的確也是。但這附近沒有拉麵店，所以相信都會有一定人流。先說回今天點的。分別是美國牛肋蕎麥麵、博多口味的叉燒拉麵、小餃子一客。先上的是叉燒拉麵，湯底比較鹹。不過不失，我會說是「現在味千的質素」－－跟合格有少許距離。之後到餃子，但醬料居然是...... 中國紅醋（？！）。連味千的都比不上，劣。到美國牛肋蕎麥麵，蕎麥麵過火，牛肋弄得乾乾的，又沒牛味，整碗都可以用失敗來形容。總結一下，本來都不打算與八八八等之流來比較，已經把標準降至味千來比較，但都比不下去，難到要跟茶餐廳的所謂"拉麵"比較嗎？

之前味吉係shatin開時引起一陣旋風好似好多人都慕名去食如今係我屋企附近開左間分店當然要去試下味吉有咩優勝之處一坐低就見到kitchen貼住'pokka員工...'為標題的notice心諗pokka旗下的店鋪 應該唔會差得去邊家人叫極上醬油同鹽味叉燒拉麵各一碗我就叫左雜錦天婦羅冷稻庭烏冬拉麵吸收唔到鹽味湯底的味道 所以無咩味醬油湯底ge就鹹左d不過拉麵質感好似公仔麵 我相信旁邊jusco賣的拉麵會俾e到ge更好我的最遲上 天婦羅係剛炸起油都未出晒就上碟送出 所以waitress送到之後天婦羅就係咁出油 2張吸油紙由實色變到半透明當中的南瓜天婦羅炸後不失日本南瓜的甜味但實在太慳皮 南瓜肉僅如一張紙咁厚至於冷稻庭烏冬 佢係有稻庭烏冬的煙un口感但好似係未煮熟出黎的效果門牙係需要好用力先把烏冬斷開成兩節冷麵汁係全場最好味的 係百份百日本貸色每碗麵average都要$50 係pokka來說係正常但以pokka的名賣差過赤丸/味千的麵 就真係唔抵

見佢新開張，環境又唔錯，我哋就嚟試吓。我哋order咗兩碗义燒、豬較骨豬骨湯拉麵($65 each)、炸蝦什錦烏冬($55)和义燒、扣肉麵豉湯拉麵(50)。义燒、豬較骨豬骨湯拉麵 - 賣相不錯，望落就細碗咗啲，但食完都好飽嘅。湯底徧淡，唔夠香濃，麵質也是一般，好在不算太腍。豬較骨唔夠味，义燒都OK嘅。炸蝦什錦烏冬 - 有蝦、冬菇、南瓜、番薯和茄子，都幾豐富，但味道一般，烏冬都幾滑，但唔煙韌。义燒、扣肉麵豉湯拉麵 - 朋友話味道OK。Overall食物質素一般，價錢偏貴。