周庄灶房 (已結業)

同男性朋友第一次約會，唔知佢揀呢日有無特別意思，原來我哋識咗剛剛 3 個月。佢可以提早收工陪我去 Elements 睇 <單身男女>！真係開心！ It is my beautiful day! 因為，佢要半工讀比較忙！所以，我早幾日 check 定交通及餐廳資料，唔想令佢增添麻煩！同佢睇完戲之後，一齊搭小巴 77M 落番廣東道食嘢！無意中搵到呢間食江南菜嘅<周庄灶房>，都幾順路！仲有朋友鍾意食嘅鎮江水晶肴肉！ 一於呢度食啦！Sasa 附近正是流尚坊，一上到 10 樓，即見到<周庄灶房>招牌，行近睇好似布質，實質同易拉架廣告一樣物料。雖然係10 樓全層，但係唔係好大，大約半間課室咁細，比預期中細！ 10 ~ 12 張枱，靠牆位置為卡位，坐得唔算迫，可以接受！ 我發覺掛燈上有風景暗花圖案，三邊掛住如意結，結上有個面譜，相當特色！還有，每一個鐘發出音樂嘅鐘。首先，老闆問我哋要酸梅湯或豆漿？係晚市贈送！兩樣唔啱我哋，我要熱水，朋友要熱茶，老闆好識做，送咗一碟春卷俾我哋！至於店員只得兩、三個，朋友叫我留意一下一位店員把聲，好似詹瑞文！ 佢都幾細心

同一班預科同學、班主任等人去同學朋友開的一間江南食府品嘗小弟少吃到的江南菜。點解叫周庄灶房?負責人說是從周庄引入來，故用此名。雖然小弟經常到江蘇工作，卻第一次嚐到如斯美食。每碟分量比較細碟精緻，可以讓客人試多幾碟。難得老闊親自招待，他落力細心服待客人的態度值得加許。小弟誠意推介。1. <糖心黃金蛋>-糖心黃金蛋-是用68度溫水令蛋白蒸熟但蛋黃仍處半熟狀態，入口即溶~此物本應天上有,人間那得幾回嚐2. <鎮江水晶肴肉>3. <京燒羊>4. <紫菜蝦皮雲吞>5. 呢期香港最hit~鹽局雞 (鹽擦雞)6. <酸菜魚> -酸酸地，有鮮味，送飯一流

有中國第一水鄉之稱既周庄我就未去過，不過是晚就黎左呢間「周庄灶房」食晚飯。同媽咪兩個人係尖沙咀行行下，有個阿姐係咁話呢間野好好食，而且仲眼見好似幾多客人咁，咁就試下啦。上到去既時候發覺都幾多客人，都滿滿地架，裝修幾有中國風，環境都算舒適的，仲有d外國人係度食飯添，真係好好奇點解佢地會識得搵上黎架呢？兩個人都唔算太肚餓，所以叫左一飯一麵一齊食就夠啦，新開張佢地仲會送酸梅湯/豆漿俾客人添。不過是日食過覺得唔算特別出色，一般咋喎。我地叫左個燈影xxxxx湯麵，我唔記得左佢個名，總之其實簡單d講就係牛肉麵啦。呢個係比較好的，最好係牛展，整得夠淋夠入味，麵條亦彈牙有口感，湯底味道唔算太濃但都ok的。不過佢有一D牛筋簡直靱到我幾乎咬都咬唔到，真係好誇張，如果可以淋返D應該會好好多。另外叫左個周庄炒飯，通常用得店名的都覺得應該係比較特色招牌菜的感覺，不過呢個炒飯實在有D問題.... 首先黎到唔夠熱呀，只有微暖既感覺，太過份了吧。材料有蛋，肉碎，齋鮑魚粒等等，味道唔算太淡都OK的，但感覺幾多油下... 而且我地估佢可能係之前炒左之後再翻炒的，因為有少少油「益」味既感覺... 所以唔太好食呀是日食左一麵

一行4 人, 1位新娘子要去附近的酒樓交代細節, 另1位就派帖, 行經樓下見有人派傳單, 就去試下~上到去, 成間餐廳唔係好大, 不過就好骨子....我地食左1) 手拍小黃瓜 -- 真係手拍, 個汁好好味, 不過稍嫌黃瓜唔係好入味, 不過就好新鮮, 好味2) 麻醬三鮮粉皮 -- 原本係辣的, 但有2位新娘子係度, 所以走左辣, 粉皮ok滑, 亦好味, 不過可以多少少麻醬同咸多少少3) 酸辣湯麵 -- 麵較淋身, 可以酸d辣d.....4)干煸四季豆 -- 好好食, 唔係好油, 又夠乾身, 我不停咁食食食.....5)腐皮卷-- 清清地, 好好味6)魚塊(唔記得左係咩魚塊) -- 好濃味, 亦入味, 不過食多2件就會覺得太咸新開張, 做得真係唔錯, 好開心係廣東道上有一間算係OK 的小店.....

一直都好鍾意食上海菜, 前幾日同一班朋友去試吓開張無耐既周庄灶房...非常滿意既一餐! 食物真係好味, 環境有特色又舒服 糖心黃金蛋 - 超正呀! 蛋黃喺口入面溶....一定要試!! 太雕醉雞 - 酒味好香, 啲雞肉又滑 周庄麻香冷麫 - 招牌菜之一, 好香麻醬味, 好食到要打包一碗返屋企! 京烤羊 - 我自己唔食羊既, 但係見到朋友個個都食到舔舔脷 酸菜魚 - 酸酸辣辣, 超開胃, 強烈推介! 蒜泥白肉 - 醬汁整得啱啱好! 韮王炒滑蛋 - 名符其實既"滑"蛋!食到好飽好滿足...朋友們都話下次要再去試吓其他食物!

倆口子找到樓上新店試業，興致勃勃找上門「周庄灶房」名字很中國風，骨子鋪面的裝潢亦然，是老闆娘設計的呢！　拍手小黃瓜　$28好味，爽脆開胃！青瓜是拍出來不是切出來的。不過要再凍一點以及入味一點丫再更開胃了！　麻辣醬三絲粉皮 $42要了小辣，麻辣醬不嗆喉易入口；粉皮煙韌爽口。整體油而不膩，粉皮與三絲（青瓜，煙鴨胸，蟹柳）很有口感，醒胃。凍一點更好，因為都是室溫。　鹽擦雞 $48雞肉嫩滑，有點像白切雞。畫龍點雞的是個sauce (黑醋,乾蒜,麻油) 很吊味 ! ! 　范家祠蔥燒鱖魚塊 $56一般。茨汁太多，變了蔥煨不是蔥爆。告訴店小二茨汁略鹹，他說可能會為香港人的味蕾調交一下濃口味的滬菜，不過其實需要嗎?.北方菜就來應該重味一點，嘿，不要寵壞我們唷！ 黃金蛋 $12 (隻)hm..倆口子不知怎樣形容，但它貌似”老”水溫泉蛋。蛋白很入味，蛋黃就有點膩　special 他們送豆漿同酸梅湯也今日！！！不過應該是試業期間限定．．　服務滿店盡serve 黃金客 ，好多黃金自由人，上海人也來吃呢！還可以特別要求加辣呀！店小二跟拳櫃都很熱情好客，由樓下到坐下都殷勤招待，還不斷問菜煮得怎樣，態度可加！