呢度

營業中

休息中

叫了兩個早餐，沙爹牛豬扒雙拼麵， 37蚊連熱飲，同區來講唔平。豬扒等於3-4塊碎肉，好肥。沙爹牛3-4片。個湯底好似清水甘劣質，個份量好細，熱檸茶普通。另一個煙肉沙爹牛面，好鬼肥的煙肉。無下次

由於公司係葵涌區，所以附近餐廳的選擇唔算太多，咁岩有同事都係住葵涌，帶左等地幾個同事黎到附近住戶區的平民餐廳，鋪面睇落普普通通，估唔到都有驚喜😍冇諗過呢到會有韓式拌飯，我揀左食雞肉拌飯黎試下，當然唔少得有石鍋熱辣辣咁上菜，然後可以自己加適量的韓式辣醬。拌飯的白飯底有醬油配上，又有泡菜，而且係石鍋上碟所以有飯蕉食，平民餐廳都做到飯蕉香真係要加分👍🏼👍🏼，d雞肉都好入味添，唔會話太乾身。唯一係條菜有d唔夾，似係普通一條生菜咁，同韓式拌飯唔match😕另外同事有叫到鴛鴦扒餐配意粉，係豬扒配雞扒，爆多黑椒汁好惹味，用鐵板上菜好香😍但係黑椒汁有d咸，要配埋意粉咁食先岩岩好。總結，我中意呢到食韓式拌飯，相信我下次黎食，都會叫返呢道菜😂

每日返工lunch諗食咩有時都幾頭痛，因為在葵涌區可選擇性不多...“呢度”可謂有齊日韓泰越式的午餐，而我就選了至愛的越南生牛河。湯底牛骨味唔錯，生牛片厚薄適中，所以浸一浸已經熟了，肉質軟腍。另外這店有自家製的酸辣汁都幾惹味。不過我還是喜歡有青檸薄荷葉及辣椒粒那種調味。

今日lunch o係公司附近試 o左間餐廳唔錯的…同大家分享一o下;這裡約有16個位，我問佢有咩好介紹，佢問我食唔食辣、不如試試佢地d辣鍋；所以我就叫了一個辣雞乾鍋餐$48配飯、仲有餐湯同餐飲的、我覺得這個雞鍋d雞係先走個油然後至再炒的、雞夠乾身、d份量都ok,雞件夠滑、入味、我叫中辣都ok，辣得黎夠香…裡面應該有唔少香料的，大家不妨一試哦！！！

(805)葵涌屏麗徑最近開了一間茶餐廳，名字就叫(呢度-Here)。這天早餐便來到這店。早餐有多款選擇，我揀了B款，沙嗲牛肉公仔麵、油包、火腿奄列及凍奶茶。沙嗲牛肉公仔麵，沙嗲味道普通，牛肉沒有化學過腍，麵身沒有淥過火，味道OK。火腿奄列，雞蛋包著幾條火腿，是一般簡單的奄列。油包，包軟身，也夠油。凍奶茶，茶味不濃，甜度適中，味道普通！這店前身為匯民米線，最近才轉名為(呢度)。屬於小店，一般茶餐廳格局，價錢勝在夠經濟。