告白果屋 (已搬遷) 新店位置

十年都唔去葵芳一次即我，成日見到人影告白果園啲相，真係好靚。但其實係無諗過一定要去，係無啦啦行行下見到好多人，又裝修幾靚就認得係依間，重要有個女仔狂好熱情咁講"無糖果汁"，見到我同個朋友有好多問號咁望住個餐牌，所以好主動介紹啲優惠比我地，好好人。雖然最後無用到個買一送一優惠，但我地兩個嗌左都唔太貴，六十幾蚊，一杯係西瓜，香蕉，士多啤梨。另一杯係火龍果，兩杯都唔甜好清新，因為我本身同朋友仔都唔中意飲太甜，所以我地兩個都覺得好飲好健康，又靚，佢地會尊登切好啲生果痴係杯果道，岩曬相機食先既朋友。不過唯一唔太好，真係等好耐，因為佢地真係即叫即整。

最近好似多左個偽文青打卡熱點，特色就系有個area系專for人影相，有特色既野總系能夠吸引更多人去幫襯，不過我覺得有樣野更加抵讚既就系佢賣既健康果汁，一定比出面落左好多糖同埋添加劑既飲品優勝。咁岩買戈陣做緊買一送一優惠，幾抵買～ 不過一定2杯都要同款，系林林總總既飲品中揀左「青出於藍」「青出於藍」有羽衣甘藍 (有抗氧化同抗癌作用)、蘋果、菠蘿、牛奶，仲有士多啤梨做點綴，的確飲得出系無添加既，系幾fresh既果汁，果然睇得又飲得

My Order:糊塗飛鴿 ($38)這杯是水蜜桃、草莓、蘋果、提子、乳酪一起打的果汁。小店稱沒有加糖，是健康飲料。店主很用心裝飾了店內一角的位置，供人拍照上傳分享。糊塗飛鴿真的是沒加糖，整杯飲料沒什麼味道，只有少許蘋果味，應該是乳酪的關係有點太稠，而且不夠冰所以不解渴。這個價錢和味道不太成正比喔!

放工後去葵廣掃街當晚餐,食左pancake同串燒,爭梗杯野飲,經過lee間新鋪主打健康飲品,個妹妺話指定smoothie有買一送一,好抵呀,但我得一個人所以唯有揀特價special price果幾款,佢D飲品名改得好靚,我左揀右揀最後揀左sa-wa-dee-ka,佢係由芒果,蘋果,香蕉,椰奶同牛奶打成smoothie,好fresh好好味,價錢$34(原價$48),個妺妺推介我下次試有羽衣甘藍果D款,因為對身體好好,個人覺得最好兩個人一齊去,佢不時會轉款做買一送一,正價的話真係超貴。題外話,其實店名會唔會係店主同人告白之後食白果而來的?

內有杞子、香橙、菠蘿、香蕉𥚃面雖有香橙同菠蘿既成份，但居然一D酸味都冇。反而平日味道唔係好突出既香蕉成為左主角。成杯果昔中只係飲得出濃濃既香蕉味。杞子亦都係消失得無影無蹤。小編覺得佢應該叫香蕉奶昔更為適合。佢有水蜜桃、士多啤梨、蘋果、提子、乳酪不過相對水蜜桃會比較突出D，但佢都有微微既士多啤梨味，至於蘋果同提子味本來就唔係好濃所以就心知肚明啦！雖然驚喜就冇咩，但都不賴。喜歡桃的絕對要試尼個丫！裏面有啤梨、士多啤梨、提子、牛奶、乳酪佢下面嗰層真係好香啤梨味，冇諗過清淡嘅啤梨都可以做得咁出色，明明本身啤梨嘅味就唔係好突出，但啤梨味仍然超級正。不過對於佢嘅士多啤梨味就有啲失望啦，小編飲唔出士多啤梨嗰隻香味。可能小編只係Focus左係佢嗰隻啤梨味道。另外小編超級鍾意佢哋店內嘅裝修，好文青feel呀！

在葵涌廣場有吃的，當然也有喝的。還記得當初告白果屋開業時，吸引不少人光顧它的果昔，當然包括我吧。當時更誇到日喝三杯，因為買一送一，有三個不同的朋友都想喝，所以我「捨胃陪朋友」喝了三種口，自此我再沒光顧過。不知是熱潮減退還是太晚的關係，少了不少食客，但它的拍照區依然美輪美奐，只是換了一些新擺設和乾花。朋友問我想喝甚麼買一送一的，我選了我未喝過的醒目小王子，試試新的口味，不會有沉悶感。醒目小王子包括有香橙，杞子，菠蘿及香蕉，儘管果昔入口冰涼口，味道新鮮，但我們異口同聲說醒目小王子完全感受不到菠蘿與香橙的味道，只有濃重香甜的香蕉味。整體味道其實可以不錯，我們都覺得告白果屋可以做得更好，果昔不要則重一種水果的味道，那就失去調配的意義。另外杞子份量少得可憐，只有三，四顆，味道即是很甘醇，可是口感和數量都不能令我滿足。

之前都知道葵涌廣場開咗間生果汁店但係一直都未嚟到又計下半島去2樓添今日難得去到人多需要我哋最後就選擇咗買一送一嘅飲品…小確幸 $48/2杯，等左10分鐘就有，果汁以雪梨，木瓜，啤梨，蘋果，牛奶 ，冇糖所以味道幾清，但牛奶味吾太覺有，如果買一送一就抵飲，以正價就未必啦，同等候時間預10分鐘（我前面整左3杯）要比耐性。其實我都見佢又唔少嘅果汁選擇同埋竟然仲有咖啡沖泡，都幾特別。如果下次有機會嘅話就應該會去試一試去嘅咖啡。

葵涌廣場愈來愈旺,睇衫買下平野,近期仲有唔少小食飲品店,系商場唔洗熱住行街買衫,行到口渴就諗起上次經過間文青風格的告白果屋好多款飲品都有兩層色再黏上生果超特別,平時少食生果既我近年出街中意買鮮榨果汁,健康又解渴。Menu既果昔有星星的飲品有買一送一優惠,只限同款,有5款所有生果我都中意,有d難選擇呀羽衣甘藍,生食打邊爐我都好中意食,所以一見到已經鎖定左兩杯,選擇範圍少了,最後和媽咪都簡左呢杯*熱戀中的羊咩咩$48,杯內都黏上不同生果(士多啤梨,奇異果)賣相非常好,橙同啤梨味道較突出,不加糖會加冰好味道,如果出多d優惠或價格降低少少更好。

係葵廣發現呢間果汁店店旁嘅裝飾好吸引好文青而且果汁款式多 個名又得意今次飲了青出於藍 顏色好靚 味道方面完全冇失望蘋果菠蘿再配牛奶都好夾每啖都係濃濃的 係我鍾意嘅口味下次一定會再試其他款☺️

葵芳越嚟越多野食，於是就去咗掃街喇！去到見到一間賣新鮮果汁嘅鋪頭，擺設好精緻，每杯飲品都有個特別嘅名同功效，而且見到佢做緊買一送一，就同朋友試咗2杯「青出於藍」，有羽衣甘藍、蘋果、菠蘿、牛奶，賣相好好，但味道一般，飲到一半都冇已經得返啲泡泡了，試過一次就算。

個日等緊章魚小丸子時，因為要等15分鐘所以就行前搵野飲。本身諗住買3樓幾蚊杯既芒果野飲，但行行下見到呢個文青裝修就行左過去睇。呢間果汁店主打健康不加糖，100%用水果去打既smoothie，減輕我呢個肥妹cheat day既罪惡感😂😂🙈價錢係葵廣黎講係中高價錢，但其實同出面相比算正常價。重點係原來每個月會有幾款做買一送一，除翻開20幾蚊杯，勁抵😳青出於藍(羽衣甘藍蘋果菠蘿牛奶)飲左第一啖我可以肯定佢地一定一定冇加糖，飲落勁fresh，好解渴同佢係有密度，唔會好水。未食過羽衣甘藍，只知道係superfood🙈，飲完杯野感覺將今日cheat day 既罪惡感清除哂😂

老實講我覺得還可以，未到十分滿意，由價錢，飲品大小同質素黎講，我下次是不會再來。並唔係唔好飲，系值唔值得再黎。雖然佢地外表做得唔錯，感覺到店主比心機寫靚個menu，職員都好有禮貌同斯文，每樣飲品都有寫出功效，主打健康，同又有買一送一優惠，但其實佢地買一送一的指定飲品成四十幾一杯🙄，你唔買一送一系唔會有人買，重要你地like佢地個page先有優惠。 我就叫左杯熱戀中的羊咩咩，$48買一送一，無記錯裡面有楊桃，梨，橙同一種蔬菜。 味道唔錯清新，感覺到材料系幾新鮮，無額外加糖，健康，但個人認為有小小稀同細杯，$24一小杯系葵坊哩到我覺得小貴，因為三樓有間非常便宜，雖然外表無咁靚，同有加糖，但我認為大家可以先試三樓個件，唔滿意再試哩間都得，唔系哩間唔好，系性價比的問題。

食物可以令人回味之外，其實飲品都可以令人再三回味。今次去咗葵涌廣場嘅呢間叫做告白果屋，睇佢嘅門面，都好睇得出佢地好用心咁去裝修。佢呢間嘅飲品，宣稱全部都係用新鮮水果黎榨嘅，而且有啲飲品仲要買一送一，今次我嗌左「熱戀中的羊咩咩」材料有：羽衣甘藍、啤梨、楊桃、橙。「羽衣甘藍」呢個名咁有詩意，係咩黎呢？我上網一查，原來呢樣野係一種蔬菜黎，有抗癌同排毒嘅功效，係一種好有益嘅食物黎。至於佢配搭出嘅味道，唔會太甜，亦唔會太過澀。

幾個月沒來葵廣，開了好多好多新店，先去了二樓這個新開發食區覓食。來到這間叫告白果屋的果汁，感覺跟台灣的文青飲品店好像喔，而且部分飲品更有買一送一優惠，一於打頭陣試試。.點了這杯叫做木馬私奔假期的飲品，其實就是木瓜+香蕉++橙+牛奶，標榜不加糖不加色，是全天然的。飲落味道比較淡口，果然是以健康作主打，當中以木瓜味較為突出。但是溫度是偏向室溫的，如果稍為雪凍一點會更好，加上一杯原價就要大概40元，不是好划算，在葵廣裡也有其他便宜一點的選擇啊～

放大假最開心既事就係不斷吃喝玩樂～～時日行街日，路過li間好有文青feel 既果昔店,佢哋改d果昔名個個都好特別～果昔主要使用奶類，乳酪&蔬果，保証天然無添加，我同朋友分別叫咗「最美麗的意外」（右）同「野孩子的天空」（左）我個杯「最美麗的意外」是由紅菜頭、甘筍，蘋果同牛奶攪拌而成，味道偏清甜味，仲可以補血抗氧化添；而朋友的「野孩子的天空」則由藍莓、香蕉、青檸、椰奶，牛奶同乳酪攪拌而成，朋友話飮落有d酸酸甜甜既滋味～～店家每日都有買一送一既優惠，口味款式每日不同，唔洗次次都飲台式飲品～又健康又好味既果昔，值得一試！！