告白果屋 (已搬遷) 新店位置

難得黎到葵廣，當然要趁機掃下街。一眼望去，就見到特別多人等呢間飲品店。文青既擺設，再加上標榜無添加(無加糖無色素)既健康飲品，即刻引起左我既少女心 哈哈碰巧某幾款smoothie做緊同款買一送一優惠，就決定一試！本身覺得紅肉火龍果最吸引，可惜已經售罄。所以最後揀左有superfood 羽衣甘藍既「青出於藍」。兩杯有唔同既生果貼住係個杯度，好有心思 味道好fresh，蘋果味就較為突出，反而波蘿同羽衣甘藍就唔係幾飲到。加左鮮奶既關係，飲落有密度但唔會太黏，不過飲到一半既時候會發覺有好多泡。

近排facebook同ig都見到呢間野搞到我都心思思想試下咁岩同m小姐黎開葵芳就黎試試佢啦可能太耐冇黎 葵涌廣場多左好多野食變左好多 🙃🙃呢間野都唔算難搵 一眼都望到黎到唔多人 見到有指定款式買一送一當然我地係叫買一送一款啦Btw 佢d野飲名幾特別 好襯佢個名 告白果屋叫左小確幸 $48/2有木瓜 蘋果 梨 牛奶唔係大杯ge 如果原價$48 我一定唔會買如圖 我隻手係偏細 ga係偏重木瓜味木瓜味可以話蓋過晒所有味我就唔係太鍾意

佢係水果野飲黎健康野好過飲平時果d珍珠奶茶呢間野我飲過好多次由我一開始飲，到而家佢都係做緊有幾款可以買一送一佢既野飲名都好特別而且佢有寫每個野飲入面有咩水果即叫即打新鮮又健康飲得多珍珠奶茶既我緊要飲下清腸胃

掃街😋經過左幾次終於有留番個肚仔飲啦，之前聽人講飲左一杯好飽肚會食唔落野😂買一送一既優惠仲係度，叫左杯小確幸，係木瓜雪梨蘋果牛奶既smoothie🍎🍐🥛味道普通啦，都係正常果汁一杯，唔會特別想飲多幾杯🙈店仲有打卡位，有兩個勢利眼既flamingo可以影相🤣🤣

就算葵廣既飲品店越開越多，但每次到訪都會受唔住誘惑，要黎飲呢間小店飲一飲：）佢係二樓既美食區門口位，舖頭當眼處有個好精緻，走北歐風既影相區，好容易搵到呢度有賣果昔，義式咖啡同埋鮮榨純果汁價錢普遍比出面貴少少，但佢每日都會有幾款有優惠：P ～ 有打星個d飲料同款買一送一；或者任選2款有打星既，可以減$20今次黎飲佢既 熱戀中的羊咩咩2杯 $48， 除番開每人$24都算係可接受既前面有3張單，等左大約10分鐘就有得飲lu！我唸佢甘出名既其中一個原因係-佢做唔落糖既健康smoothies！杯Smoothies 飲落唔係好甜，但就好有果肉味，感覺很天然～熱戀中的羊咩咩呢杯係由羽衣甘藍、楊桃、橙、啤梨打出黎既果汁上面個層係楊桃mix橙、下面個層綠色既係啤梨分開上下層飲 會好飲得出個款水果既味道，幾fresh下之後mix埋上下層 楊桃味就比較突出、禁住左其她水果既味道；果汁裡面打碎左既啤梨皮令到杯果汁有d咬口，成個口感提升左一個層次：）P.S. 之前都有飲過幾款味道唔錯幾果汁e.g. 楊桃乜乜乜、恐龍遇上噴火龍收銀處旁邊有個靚靚影相位，攞左飲品之後不妨去同friend子影相去～

葵涌廣場出名多野飲，但係唔一定健康，而且好多連鎖飲品都知道係勁多糖！呢間sale健康，而且仲有指定飲品買一送一嘅優惠。價錢亦都唔算太貴，所以今日同朋友一齊試下佢既買一送一先！佢啲野飲名都好得意！我地今日揀左個叫 熱戀中的羊咩咩 ！材料有雨衣金蘭，啤梨，橙同埋楊桃。（聽聞有排便嘅作用）🤣🤣拎左野飲舖頭仲有個影相位比一大眾少男少女呃like!! 我都唔執輸影返張！講返杯野飲！佢分左兩層，下面應該就係雨衣金蘭，上面就係其他生果！野飲好新清，新鮮！而且不會過甜！相信冇自己加糖漿！確確實實係一杯又睇得又飲得既飲品！

👫掃街食完辣嘢，緊係要買返杯飲品解下辣啦！見到呢間啲裝潢都幾靚，仲有影相嘅打卡位，再加埋健康飲品，無色素無糖嘅字眼，就吸引左👱🏻‍♀️去買啦👅#告白太陽 <$44>西瓜、蘋果、香蕉新鮮嘅生果汁，即叫即榨，拎上手見到杯入面有兩塊生果做裝飾，好靚❤️ 店員同我地講可以拎去打卡位影靚相，就影左上面果兩張相啦👀 飲落唔會好甜，都好重西瓜果香味，果然足料！而且仲有清熱排毒嘅功效，美中不足嘅係對👱🏽👱🏻‍♀️嚟講太細杯啦🙍🏻🗣：指定同款可買一送一喔！拉動圖片睇下有咩打卡位❤️

葵涌廣場有好多美食, 又多飲品選擇💕今次就試下依間 以鮮榨果汁 的小店 😙 即叫即做, 好新鮮👍又健康😋 又好飲❤飲品嘅名字 完全估唔到係咩材料, d名真係好特別😉 小確幸🎆: 雪梨, 木瓜, 蘋果🍎, 牛奶🍼, 啤梨🍐熱戀中的羊咩咩🐑: 羽衣甘藍, 啤梨🍐, 提子🍇, 香橙依家仲有🌟買一送一, 價錢都係$40 有2杯 ❗餐廳佈置好文青,❤ 店舖仲有位置俾你影靚相呃like👍 間舖仲有好多其他款式嘅飲品😙✅下次如果去葵涌廣場掃街, 就要去2樓買杯文青, 健康嘅果汁🍻, 邊飲邊掃街啦💕

行到攰，掃咗咁多野落肚，自然就會想買返杯野飲下。不過葵廣唔單只多野食，而且連野飲都有好多選擇，選舉困難症嘅我表示行咗一兩個圈，都未見到有心水嘅飲品店。直到我見到呢間告白果屋，雖然佢嘅飲品都只不過係將唔同嘅果汁溝埋一齊，但佢嘅杯身設計真係幾靚，令到我忍唔住要買返一杯影下相。好明顯，我嘅少女心又再一次抵受唔住呢杯粉紅色嘅誘惑，佢叫做告白太陽，由西瓜、蘋果同香蕉所整成嘅果昔，再加埋幾塊水果乾做襯托。 飲落最突出嘅就係西瓜味，然後就有小小香蕉嘅餘韻，但就唔係好感覺到有蘋果味，但總括嚟講都幾清新嘅～

星期六難得同老公可公人放低3隻小妖去葵廣行下街，行到咁上下口乾乾，就諗住買杯野黎飲下，自從葵廣變成左‘美食商場’之後，人流有增無減，人多到行都行唔到，周圍都係台式奶茶店，但老公話唔想飲咁甜嘅野，行行下就見到呢度，舖頭仔細細但有好靚嘅裝修，不過人太多我影唔到，舖頭有好多小擺設，仲有個影相打咭區，行到去有店員大聲宣傳某d飲品買一送一，仲標榜冇色素冇加糖，啱哂老公口味，於是就排隊去買，其實都真係幾多人。買一送一只限同款飲品，所以同老公一齊叫左杯叫小確辛，有蘋果，雪梨，士多啤梨，木瓜同牛奶，買時店員同我地講聲杯飲品嘅木瓜味比較重，貼心嘅服務。等左大約15分鐘先有，證明好多人幫襯。一拎起杯飲品見到有好2片士多啤梨好靚咁痴係隻杯度，果然係打咭一流，我地拎杯野品時店員仲提我地門口有個打咭區比我地去影相，但因為真係有太多人嘅關係我地冇去到影。杯飲品果然係冇加糖，所以甜度唔會好似出面嘅果汁店咁甜，不過有好香嘅果味，木瓜味的確比起其他幾款生果味較重，所以唔太接受木瓜味嘅人未必飲得到。雖然就咁睇係48蚊一杯，但因為買一送一又講明冇加色素糖水，咁我又覺得值得嘅。

葵涌廣場食家係一個掃街行街的好地方，乜都有，食既，玩既，用既，着嘅，要乜有乜👍🏻👍🏻👍🏻👍🏻今次去咗好出名嘅告白果園，我同朋友分別要了啤啤熊的約定同楊桃乜乜乜😍😍😍😍

新鮮生果汁冇加到水架賣相吸引仲買一送一添呀一般最多人叫火龍果汁但呢一次我嗌左木瓜奶因為第二次叫 相比之下個人覺得火龍果汁比較特別 值得一試各位女士仲可以瘦身美中不足嘅係 實在太多人排隊啦

葵廣比我嘅印象係焗同迫，黎飲呢間野都唔例外，首先要揀野飲，飲品名改得好有心思，但係睇menu時睇到好熱，因為好大盞射燈，要揀杯3個人都鍾意飲嘅唔容易，每杯都總有樣食材有人唔鍾意，到最後終於揀到去比錢，先發現有星星嘅飲品係同款買一送一，咁又要重新再揀過，最後篩選出呢杯紅肉火龍果，飲完好不安，因為驚痴牙，點知真係痴哂。。。跟住循例影下杯野，個背景好靚，影出黎都好靚，但個人一行埋去影就出事，本身好白嘅朋友影出黎好黑唔靚，個燈光好怪，唔適合影人。價錢方面都唔平，有啲款成50蚊，成餐飯嘅價錢真係唔值，但可以試一次，朋友話佢自己都整到。

係葵芳掃街經過呢間鋪頭，見佢買一送一所以試下。呢間鋪都幾多選擇，所以揀左好耐，最後買左2杯告白太陽。等既時候見到員工切緊生果，果然係真材實料。試飲覺得冇乜落糖，淨係有生果果糖既甜味，覺得好清新，係掃街解渴既一個好選擇。

成日行葵廣都會見到呢間幾靚嘅果汁店，但係因為價錢比較貴所以一直都冇試。今日行過聽到店員話某幾款果汁有買一送一，就決定買黎試下。店舖嘅果汁都有一個特別嘅名 我同朋友揀果杯叫小確幸，其實就係木瓜，啤梨，蘋果，牛奶......溝埋嘅smoothies (唔知有冇漏xd) 果汁賣相好靚，同menu張相係一樣嘅，岩晒我地打咭用😂飲落好重木瓜味，唔太甜，都幾杰身，飲得出係冇加糖水，感覺好健康🖒買一送一之後係24蚊一杯，都幾抵飲，係葵廣除左台式飲品之外嘅另一個選擇😋