呂仔記 (已結業)

今日我又同木先生去搵好嘢食啦。今日我地去左港島東區的筲箕灣。呢間鋪我其實上次都同木先生來過一次，因為隔難翠苑排長龍，所以試下呢間d糖水，我地試過喳咋（$20），裹面西米多，豆就很少，味道麻麻地；木先生話想食鮮果西米露（$28），望落去d生果已很不新鮮，味道可以講不好食。上次因為太飽關係，所以無食到其它嘢，諗住下次再黎先食呢度的招牌菜。入返正題，今次我同木先生黎的目的，就係食呢度的純正魚肉燒賣。雖然係我食過最貴的燒賣，但亦都係我食過最好食的燒賣。因為呢度的燒賣真係用純正魚整，仲要粒粒大大粒，食完都覺得值得。下次都會再返來食下大大大粒燒賣。

$2x 八粒燒賣，以為有乜特別驚人之處，點知令人大失所望，皮厚，肉質鬆散，味如嚼蠟，有豉油都救唔番，係有生以來食過最貴和最食的燒賣。$20 十粒魚旦，一樣係冇嚟聞味，質感欠奉，全無魚味，簡直想食唔想吞，難明何解咁多名人捧場客。$2x 喳喳係唯一覺得好食，煲得好棉，足料，甜度適中。眼見好多客都係食甜品多過咸品，明智。如果單看明星相片走入嚟食，就真係sorry喇 !又覺得店舖有些不潔的感覺，應該會列入永不錄用名單…。

每次嚟到筲箕灣都會嚟食呂仔記嘅燒賣，因為夠真材實料肉質鮮美，而且又彈牙，唔會有粉嘅感覺，但價錢就一定唔平$28 /8粒 。不過唔知佢地會唔會考慮一下裝修，因為真係好殘舊，而且有d污糟嘅感覺，令人想嗱嗱聲食完走。

今晚到筲箕灣找朋友聚舊，見肚子空空，也還有時間，就到久違了的呂仔記來個小吃。魚肉燒賣依然舊特別，係好食的，魚肉味重及彈牙。雖不敢說最出色，未食過的朋友就要一試了。但問題在於價錢$28/\粒的確貴了點。至於三溝就普普通通，料不多，$20一般而已。

住係呢頭附近既你一定會識呢間呂仔記，唔係住係呢頭既都要聽下呢個名，同賣啤酒廣告一樣，呢個可能係全世界最好味既魚肉燒賣。呢度啲燒賣真係唔講得笑，一層薄薄嘅燒賣皮，包住爽口既魚肉當你咬落去第一啖嗰陣，啲魚香已經係你個口到湧出黎。佢唔單止香仲好爽口彈牙可以先食一粒乜辣油都唔加，感受下佢果種魚鮮味。再食有辣油既，又更加提鮮。包你食八粒都唔夠。同埋一定要點杯椰汁。不論春夏秋冬，杯嘢就同燒賣天衣無縫咁夾，唔係話誇張，你自己試過就知食過無數次都係覺得係咁好食

認識呂仔記，又是大學同學的介紹當年小伙子資訊還沒太發達，盲中中兩三點去到食閉門羹，真好不美味少年氣盛，咁"串"開咁晏既地方，約定下次要會佢一會。。。其後每次經過東大街，沙爹屋同呂仔記就像孖寶兄弟一樣，缺一不可呂仔記較出名的首推燒賣，魚蛋，生菜魚肉碗仔翅(即三寶)個人獨愛燒賣加椰汁，在店內你會看見很多名人photos, 以及燒賣製作過程燒賣彈牙，有咬口，非街邊野比擬椰汁，無得彈，椰香加點點椰絲椰漿，非路邊社椰水貨色食物一流價錢當然一流，但呂仔記依然係必去之選

同事介紹下到呂仔記食下午茶 估唔到筲箕灣原來都好多出名食肆 呂仔記店鋪貼左好多報導同明星幫襯過既相 原來個個都黎食佢既燒賣！佢燒賣係人手現場包 仲要好大粒 咬落去好多肉 好足料！完全未食過咁大粒既燒賣 圍起都係3-4蚊粒

Be pare to take out $30, the price of a normal lunch, for 8 pieces of siu mai. The restaurant claims that the siu mai is handcrafted. Honestly, there are some kinds of difference between this little box of siu mai and others that you can get from convenient stores. The siu mai is rich in the taste of fish and is steamed just right that it is not too soft. It tastes good when its hot and spicy (depends on whether you wanna add some spicy soy sauce). (Note: The spicy soy sauce is quite spicy. Leve

擠入新假期 5大自製魚肉燒賣大比拼之一😯 早排燒賣控朋友們帶過我去食😛 個日行完龍脊 一落番去筲箕灣 當然要補充體力💪 一行5人 去左依間平民既呂仔記 牆上滿滿既與明星既合照👀 而索價26蚊8粒既燒賣 究竟味道如何😮燒賣好大粒 或許係我活左21年見過最大既燒賣😂 據說係用門鱔打成既自家製燒賣😯 有魚味 好實淨👍 不過不失😝 不過名氣確係令價錢放大了😹 我都係食番6蚊串個啲算啦🙈

服務態度超級差，非常高傲！下午去買外賣，冇人招呼就算，我主動搵人落order。付款，由於冇散紙，只能俾500蚊，店員竟然話冇得找？！咩事？下午，已經做咗半日生意啦！500都找唔到？（而且根本冇感覺到佢地有盡力去解決尼個問題）最終叫我出去找。我見佢都打包好曬，費事為難，走咗兩間舖先找到錢黎付款$49大洋！哈哈，多謝曬！潮州粉粿$26四個，貴過飲茶。滿心以為高價、熱賣，應該係值得期待。點知⋯no comment！冇下次！從此不光顧！

專程, 老遠來吃 ....Menu ~兩溝 (魚肉、碗仔翅) $20碗仔翅材料豐富, 雞絲、冬菇絲、 粉絲 都非常捉料, 芡湯味道濃香； 加上爽滑的魚肉 .... yummy ~感覺上, 味道好似不及以前的好, 但仍是比坊間的為優 ~本篇完~

每次經過東大街都不禁來這兒吃一碟燒賣和叫碗生菜魚肉吃。不要少看這些街坊小食，它們都是香港獨有的特色之一，其他國家很難找到。當初去了意大利Exchange人在異國，當每天吃的不是Pizza便是Pasta時，會特別想念香港的街頭小食。回到香港後第一件事便是去掃街吃過夠。對我來說燒賣魚蛋等小食永遠是百吃不厭。

突然好想食糖水，但5點左右筲箕灣無乜甜品舖有開，就試下哩間好有名氣的舖頭。用左$2x叫左個楊支甘露，餐廳無乜人，啲員工就坐哂係度傾計，等左成10分先拎得到外賣，一食發現啲芒果同柚好酸，1半都食唔哂。或者哩間野只係出名燒賣，今日我中哂伏，無下次

附近上完堂有d餓想食少少野，我第一時間就諗到來呢度都好耐無來啦！呢間d燒賣唔錯，算大粒，魚肉食落有彈性。叫左杯椰子汁，第一次飲!味道香得來都幾清新，唔會過甜，感覺好清新!以前來親都會叫甜品，多數食呢個南瓜西米露，今次都係叫佢!雖然份量唔多，但南瓜夠香夠甜，食完個人會好開心!^^哈哈好滿足啊！

這裡出名的魚肉燒賣$26只有8粒, 這個價錢令人充滿期望，可惜水準令人失望，完全不彈牙而味道毫不特別，港鐵snack express比他更好味. 至於魚肉碗仔翅同樣$26，竟然很多粒粒透明粉團, 簡直低級錯誤，我不是在吃台灣粉圓吧！但甜食腐竹白果糖水和椰子汁是正常的!