吾係飯堂

因為在附近上班，所以到這間飯堂試下。米粉係用大陸嗰種透明米粉，午餐的選擇也很難食，常餐的炒蛋和多士也很乾，很少會吃到這麼難吃的茶餐廳，雪菜肉絲不像雪菜肉絲。豬扒的味道也奇怪。…查看更多

食茶記其實要求唔高，普普通通唔緊要，基本送齊食物冇問題，但係寫咩都錯，寫單寫錯！落兩個餐要落3次，寫單價錢又錯！送錯食物，拎走就算，唔再送返黎！叫住唔好落糖，繼續落！真係未食過一間茶餐廳啲員工係咁差！一定唔會有下次！…查看更多

自問對食嘅要求唔係太高，只要食材新鮮、擺得落口我通常都會照單全收... 不過今日真係有啲伏😅 見今日天氣唔錯，約埋「首領」出去行吓🐾 起初諗住去隔離食 #意粉 嘅🍝 不過首領又話嫌悶，行吓行吓時間有啲晏，唯有喺附近搵食。雖然 #小秘書 每日都會經過「吾係飯堂」，不過早已俾佢嘅大門裝修嚇怕，唔係話佢門面唔靚、不過只有啲怪，似搭建咗個臨時出入口，所以一直無意欲嘗試。見首領話水準唔差，今日膽粗粗去試吓😅入到去先知原來係係「麻甩佬樂園」，好在最後俾我哋搵到張枱，搭枱嘅除咗靚仔、就只有靚女(我)🤣 餐牌上嘅選擇都唔少，我揀咗#雞髀、#太陽蛋飯... 當首領都食到7788嘅時候，我碟飯依然無影，追完再追... 阿姐話 #炸髀 製作需時，叫我等吓😅 大概等咗30分鐘，#炸髀 終於出現，外觀望落去都唔差嘅，不過隻蛋就熟咗啲、睇落啲白飯質素好差... 有啲趕客😅 加上杯 #凍檸茶 個 #茶底 跟我個standard相差太遠😅 總之見到都飽哂啦😅 點解點解... 仲有咁多人嚟幫襯嘅？…查看更多

今日同同事去咗唔係飯堂食lunch，雖然今日係星期一但係都唔係好多人，咁我哋一行六個人就去咗房仔嗰度坐。佢係一間燒味茶餐廳，有燒味同埋快餐，快餐一般係蒸餸，扒類，湯飯之類。仲有一啲全日餐，而我就係叫咗全日餐我個山賊汁配厚牛扒。塊扒睇相都知油淋淋，厚切牛扒如果同大家樂大快活嗰啲相比嘅話真係好咗double。佢只係一塊普通嘅西冷扒，喺百佳$3，40嘅貨色。而佢應該用鬆肉粉那過所以塊扒唔係太韌，幾易切。而塊扒冇咩味，肉質會令你知道係食緊牛扒囉因為係比較結實，冇用調味料醃過，所以冇咩味，扒本身都冇咩牛味。山賊汁就只係啲加咗蠔油去煮嘅燒汁咁再加啲黑椒汁去煮，好甜，冇咩特別，但係塊扒如果唔點執就冇味所以焗住都要點下。整體來講茶餐廳食牛扒真係搵命博，都係食返啲正餸或者雞皇飯之類會比較穩陣。…查看更多

第一次食到未燒熟既燒肉 你估你係燒緊牛扒可以5成熟?! 連燒熟啲肉都唔識燒學咩人叫燒味餐廳 要飲湯要自己去拎 你話如果你收 30幾蚊 咁既質素我都可以睇諒你 但而家係收緊50幾蚊架 就算難食都至少同我煮熟啲野先拎出黎比客啦 冇可能砍燒肉時睇唔到呀麻?!…查看更多

第一次幫襯，買外賣返公司食，啲燒味唔錯，但啲飯好唔掂，完全因為煮的時候多水攪到一pat pat，一粒飯都見唔到，唔知仲以為食緊糭，啲米爛晒，希望只係咁啱今次係咁啦，因為啲燒味都ok所以應該會比多一次機會佢嘅。。。…查看更多

完全唔熟的地區，牛頭角……到那……只在方圓百里見到吾系飯堂……又唔想吃Starbucks就入来探險去。這家店有點心供應……但中午已约人飲茶了就點回傳統早餐。見同桌叫了沙爹牛肉面就跟著叫。来時賣相普通但吃落公仔面竟然是爽口的，再試牛肉，不是鬆肉粉后牛肉，很優……檸茶也不錯。看来可再来了………查看更多

This is a quick Chinese food place across the street from the Citibank and Manulife towers, beside WeSpace. They now have English menus for dim sum and other regular items, and the gentleman​ at the cash register is very helpful, translating specials into English. Whenever I get take away it is very quick.Specials are typical HK tea restaurant staples like spare ribs, omelet or chicken with rice, fried noodles with prawns, bbq pork, etc. A set with tea or coffee is around $40-50 HK. Today they threw in a banana free of charge.They are consistently busy at lunch time but still fast. For a quieter meal, go before 11 for breakfast or in the afternoon for tea sets.…查看更多

吾系飯堂😂好有趣的名稱！同同事第一次來吃午飯。一入去見到全是地盤工人，不過我也習慣了午市套餐有6款選擇。 我選了F餐這個泰式青咖哩豬扒飯！還有例湯及熱飲附送，凍飲加$2. 想不到在這裡會吃到好味的咖哩啊！ 好香椰汁味只是有點辣，不過咖哩都是辣的啦！ 沒想到會有2塊豬扒呢，而且每塊都不小啊！ 豬扒很軟身，沒有雪味！幾好啊還有例湯附送！而且不是味精湯那種呀！喝得出來今天的是蓮藕湯 我整碗喝掉了！最特別的是，在收銀台隔離，放了個紙箱，入面全是生果！箱面貼了凡惠顧午市套餐一客，便送一個生果結果我們每人拎住一隻香蕉返公司了下次會試下其他餐暫時整體來說也不錯，上餐速度很快，只是環境有點擠迫。放得下碟飯及湯，便放不下熱飲！…查看更多

相信呢個係呢間餐廳既第一份報告，餐牌食物款式少，選擇少，價錢貴，工廠區收呢個價錢好過份，咪又係茶餐廳一間，d食物不中不西 ，我下午3點3入去，一個人都無，都等成10分鐘都未起到貨，叫左常餐，就睇下佢個咩忌廉炒蛋，酥炸雞翼，蟹皇面又幾特別，一上枱碟蛋已經唔得啦 乾爭爭唔合格 ，我最怕炒蛋少到老晒，雞翼用萬年油炸，d老油味好重，又黑個牛角包ok,但入面無牛油等於無左個靈魂，日本蟹黃面，即係公仔面，無特別，整體來講，絕對唔值47蚊，我最多比佢30, 絕不推介，無下次…查看更多