吞POT 雞煲火鍋.住家菜 (譽發廣場) (已結業)

上星期日行街行到去油麻地附近周圍睇下， 朋友突然間還想食雞煲， 於是喺油麻地附近睇下， 睇到某大廈水牌有雞煲食， 同埋個餐廳名都幾得意， 好奇上去睇下， 順便借借廁所。一上到去就見到餐廳做緊優惠晚市七點半前結帳離座， 火鍋配料會有半價優惠， 然後望望餐牌， 半價後都幾抵， 就同朋友試下。滋補螺片花膠雞煲( 半隻雞)個湯底應該係用足料淆出嚟， 個雞湯餚得好入味， 應該冇落味精，事關我哋打完邊爐嘅時候差不多將個湯飲曬， 我哋都唔覺得口渴， 啲料都好足， 有大大嚿花膠和螺片。牛柳粒牛柳粒嘅油花都幾平均， 淥咗大約兩分鐘都唔會過老， 幾重牛味白鱔片師傅利用佢嘅刀工， 將鱔片切成蝴蝶形， 令鱔片變得更大片， 啖啖肉 ，鱔嘅味道夠鮮甜。自製爆芝響鈴呢度嘅響鈴係即叫即炸， 上枱時仲熱辣辣， 今日嗌咗呢個響鈴比較特別， 響鈴入面釀咗芝士， 味道方面除咗食到響鈴嘅脆香味和湯底嘅味道， 仲有浸芝士味散發出嚟好正。

滿心期待食, 吞POT及配料選擇也有很多。對餐廳既環境加分, 上到去竟然係落地玻璃既油麻地夜景，樓層高景觀好, 同埋唔會太逼同多人，坐得幾舒服Order胡椒豬肚雞, 我們人少點了半隻, 雞件嫩滑, 都好夠味，湯底唔算肥膩十全大寶丸全部自家製, 有5 款不同料餡料, 每款2 粒黃金海膽黑墨魚丸, 口感幾爽口彈牙新鮮自家炸芝心響鈴, 店員熱騰騰的拿出來，是新鮮炸, 響鈴幾大個。原來腐竹跟芝士都幾夾，咬落啖啖芝士香。下次係屋企打邊爐都想起佢韮菜餃子餡調得幾好味，肉質新鮮。係市中心有呢種環境食得好relax

平時打邊爐，多數都係揀酒樓或者放題嚟食不過今日想食得有要求D，所以就揀咗間高質素少少嘅打邊爐試下去到除咗晚市打邊爐，午餐都有選擇，仲要堅持少油鹽糖唔落味精打邊爐有部分時段做緊食物半價，計落好抵食我哋喺佢5：30晚市時段一開就入嚟，仲未好多人但係環境好舒服，同埋呢度係二十幾樓，唔使望到隔離嘅高樓大廈，景觀開揚食物選擇幾多，有海鮮、肉類、蔬菜等等餐牌都有部分食物強調係自家製，相信品質會有保證調味架都幾多選擇，不過後來我哋發覺其實都唔使點用到啲醬料，因為食材同湯底新鮮已經唔需要調味滋補螺片花膠雞煲既然諗住食好啲就揀個靚嘅湯底，呢個湯夠足料，有半隻雞、大塊花膠同切開一片片嘅螺片湯底好鮮甜，飲落真係似煲湯嘅味道，未開始打邊爐已經飲咗一碗仔湯我哋揀咗稻庭烏冬、牛柳粒、白鱔片，同埋自家製嘅芝士響鈴稻庭烏冬同個湯底真係好夾，烏冬索曬啲雞湯嘅味道，好好食呢個芝士響鈴幾有驚喜，將響鈴變咗裏面芝心，外面索咗啲湯，咬落少少爽口，非常好食白鱔片切到大大塊，所以就算烚完都仲係好大件呢個鱔片我覺得要加少少豉油同埋蔥蒜一齊食，會更提升到鮮味開頭擔心揀牛柳粒會唔會好韌， 不過可能有肉質素唔錯，所以烚完都仲好好味呢度食物

好耐冇同朋友食過雞煲，今日行去油麻地附近，就嚟咗呢一間吞pot雞煲試一試。估唔到上到去個景都幾靚，環境唔錯！我同朋友都鍾意食辣，所以就嗌咗個重慶麻辣雞煲！雞煲辣之餘，仲有好香嘅花椒味。而且辣到恰到好處，唔會死辣，非常唔錯！而且雞肉亦都好嫩滑，好食！兩個人黎食嘅話半隻雞已經啱啱好了！食完個雞煲，梗係再加湯打邊爐啦！我哋就追加左幾款食物，分別有西班牙頂級黑豚豬梅肉、韭菜餃、娃娃菜同埋薯粉黑豚豬肉幾爽口，食落都覺幾新鮮！而韭菜餃餡料好多，皮亦唔會過厚，啱啱好！唔錯最後落紅薯粉嘅時候，薯粉吸收晒湯底嘅精華，非常入味，好好食呀！總括嚟講呢一餐好豐富，好滿足！又有靚景睇，唔錯唔錯！

呢日同友人喺旺角區覓食，見到呢間位於彌敦道嘅雞煲，好似幾正，所以決定試一試。一入到去店員已經即刻招呼我地，服務態度真係唔錯。我地食咗個零鐘全程都有主動加湯，見我地想舀走啲油就主動俾個碗同埋個skimmer我地。而且，衛生環境都唔錯喔！嘢食方面，我地叫咗個重慶雞煲小辣。雞煲嚟之前，有價值$12嘅醬料任你舀！食雞煲最緊要係咩？梗係個雞煲啦！一嚟到，啲雞已經熟曬。我同個友人即刻起勢狂食，好肚餓呀！個雞煲真係正到暈！辣度啱啱好，好足料，好惹味，食過番尋味！Woohoo!話咁快食完啲雞後，就可以加湯，打邊爐了！我地嗌咗好多嘢：薯粉、娃娃菜、韭菜餃，同埋豬梅肉。可以用清湯淥，味道略淡，不過質素都唔錯！下次去一定要加多一百蚊要個湯底先得！今次食到幾飽！簡直係大滿足！連埋我地叫嘅支裝烏龍茶同柑桔檸檬（各$24支）同加一，埋單只需$560！總括嚟講，真係好滿意今次嘅體驗！正呀！

呢間餐廳好近油麻地地鐵站，出口行3分鐘就到，好方便。上到去餐廳環境都好闊落，坐得係舒服既，仲有咁岩坐窗邊位，睇到街景。呢度既招牌就係雞煲，所以就叫左個麻辣雞煲試下，因為得兩個人，所以就半隻雞。當我地仲諗緊叫咩其他野食既時候，職員好細心咁過黎幫我落左個雞煲先，而過程中既招呼都好細心好快回應，值得讚👍🏻雞煲既味道係香同夠味既，但就唔會勁重香料有個陣雞煲味。兩個隻食半隻係可以食得曬😎之後因為兩個人所以叫得唔係好多配菜，叫左菜，炸魚皮，牛肉，脆魚腩。最讓我驚喜既係個炸魚皮，佢係新鮮炸起既，唔會有油憶味，仲好薄脆，同埋都好大碟，好歡樂。😍而菜同肉就正常野啦，個脆魚腩都係水準以上，份量都係足夠既。其實佢仲有招牌既手打丸但我地覺得太貴了所以無叫。總括來言，唔算係性價比高，但食材新鮮個雞煲都唔錯。

來到油尖，叫個雞煲呢到個晚景好靚，好似畫上去咁。花膠雞煲好補身。有半隻雞，食哂已經好飽。花膠有好多舊，大大塊好補個湯底完全冇味聲我幾乎飲哂個湯鮮甜味美柱花 桂花蚌同象拔蚌都即叫即切非常之 新鮮好味由於太飽主要都係叫咗兩件海鮮桂花蚌好爽口搭返十三秒鐘食得咬落非常之鮮甜美魚皮餃新鮮好味， 咬落好爽口彈牙肉質鮮甜餐牌有好多牛肉 選擇 也有不同 餃子囉晚景好似photoshop 左咁靚坐喺度嘆番個日落景已經食回票價服務員態度非常之好值得推介

下大雨，找地方打邊爐。去到差唔多油麻地見到有個阿姐喺下低派傳單就上嚟試下。上到嚟呢度地方好鬼大醬料款式有好多種我就最鍾意佢個芝麻醬同埋沙嗲醬基道一路望過去就係西九龍而且仲有海景打邊爐有好多配料供選擇我就叫咗個桂花蚌片， 同埋螺片桂花蚌片非常之新鮮， 輕輕戳 一分鐘就食得咬落爽口彈牙鮮甜味美之後又叫咗個魚皮餃魚皮餃咬落大牙非常惹味最正就係呢個花膠響螺雞煲， 個湯真係好鬼寶有冇味精我差唔多飲曬呢個湯鮮嫩的雞總共有半隻食落已經好飽之後嗌多兩碟海鮮就足夠

預祝父親節，今日一家幾口去了吞pot雞煲火鍋食雞煲。點了全隻雞，湯底要了辣酒花螺。十分足料，舊舊雞都十分大件，雞煲味道都好到位。小食點了一客wasabi 牛柳粒，wasabi芡汁夠哂攻鼻加上牛柳粒，味道特別！　火鍋配菜點了: 餐廳獨家爆芝響鈴 ; 十全大寶丸 ; 冬瓜片 ; 蘿蔔片；安格斯牛小排 ; 黑豚豬腩片 ; 鵝腸 ; 牛柏葉 ; 魚皮餃。不得不重點提一提個爆芝響鈴的確幾好，芝士跟響鈴意外地夾，細路就喜歡脆卜卜食，大人放入煲灼一灼，芝士半溶更美味。十全大寶丸就同一般打邊爐會食到的丸類不一樣，幾新穎，可以一試！　

The chicken pot was full of flavours and tasted great. Ingredients were fresh and portion size was great too, we had 6 people and it was enough to share around. After the chicken pot we had the hot pot straight after. We must start with the beef, it was outstanding, nicely served and well presented. One to mention was the goose intestines and the various meat balls, absolutely brilliant if you are an organs lover.Overall the meal was great and the waiters were friendly and helpful. A restaurant

上次同屋企人食完覺得正，今次特登帶啲朋友再去食等緊雞煲嘅時候就食咗個Wasabi 牛柳粒，牛肉一啲都唔會韌，同Wasabi味出奇地夾上次食咗重慶麻辣雞煲，今次試咗個辣酒花螺雞煲（小辣），啲雞好入味，花螺好快就已經俾人清晒十全大寶丸：全部手打新鮮整，啲味同配搭好特別，滿足晒大家不同嘅願望自創爆芝響鈴：響鈴每一層都夾住塊芝士，新鮮炸，好正！沾湯食好味，但係就咁食更加好味冬瓜片頂級安格斯牛小排 & 西班牙頂級黑豚豬腩片：一句講晒，係靚牛同靚豬蟹子墨魚滑：夠實，夠鮮味新鮮肥鵝腸：份量夠多魚皮餃：朋友至愛牛柏葉：朋友們搶住食蘿蔔片皇帝菜青瓜特飲 & 西柚特飲 & 大檸樂：杯杯都好大杯，好抵飲，打邊爐啱晒臨走仲有瑞士蓮朱古力免費攞嚟食

昨日，味公主我同菲律賓工人 (即係“勇者💂🏻‍♀️”)岀街睇戲，之後睇到openrice話有間火鍋店夜晚9點半後火鍋配料有半價，係吞pot。我當堂嚇一跳，然後流哂口水。呢個世界竟然有啲咁抵既事，咁即係擺明當我味公主流架啫。嗱，我即刻叫勇者係openrice book位，準備大食特食。嗱，呢啲就叫特異功能。😋一去到吞pot，環境都唔錯，睇黎都唔會令公主我同勇者失望。醬料款式又幾多，正路既都有齊。我地嗌左普通既沙嗲同蕃茄湯底。點知！佢係寫沙嗲賣沙茶☹️味公主麻麻地沙茶，所...所以都係食翻蕃茄算啦。勇者就覺得兩邊既湯底都幾唔錯！👍👍美國特級肥牛🐮 3.5/5⭐️ 我地嗌左一份大既特級肥牛，份量都幾大，望落去又幾靚，搞到味公主我滴哂口水。原來食落去...係真係唔錯既😆只係唔係特別大驚喜...自創芝士響鈴🧀 4.5/5⭐️個響鈴就確係岀色既，笨唔係荒間攞貨果款，果然無吞pot，係自己炸既😋咬落去脆卜卜係基本，仲有勁多芝士湧岀黎!!! 鐘意”極邪惡” 、”拉絲” 既朋友千萬不能錯過哦！勇者仲嗌左豬肉片、蔬菜籃同炸魚片頭🐷，不過無乜特別大亮點就唔多講啦。成餐飯食左hkd 6xx，原來半價左都唔係平得去邊🥺

一班朋友最岩聚埋一齊打邊爐食雞煲，但又好怕環境太過嘈搞到傾唔到偈，有朋友話哩間質素同環境都唔錯，又係油麻地，方便大家由唔同地方過泥。有窗邊位，可以睇到彌敦道同西洋菜街主打雞煲做鍋底，例牌食完打邊爐，好多自製丸類，肉類少而精，亦都有餐前小食俾我地食住等芥辣牛柳粒，第一口當然係刺激既芥辣味，然後有恰當既肉香，佐酒一流醬料百子櫃，食雞煲都不用落太多醬料，煲底本身都好夠味辣花螺雞煲，食開既都知雞煲配海鮮唔會錯得去邊，花螺新鮮脆口，同雞煲既醬底好夾，所以好快就俾我地清曬即點即炸，入面仲夾左塊芝士，就咁食加啤酒，又係佐酒一流豬牛各有各精彩，有肉味係基本，個人今次鐘意豬多過牛，同煲底味道更夾十款不同自製丸類，每款都有不同內涵，相當好玩，見到鵝腸滿滿肥膏就知道係正野

同一班朋友聚會最好就係打邊爐，今次揀左雞煲一去到呢間餐廳首先係比佢高樓景吸引左先haha,環景都幾舒服！我地叫左個小辣雞煲，濃味得泥d雞都好嫩，好好食佢既豉油配料都好多款選擇，個人幾鐘意右下個款麻辣配料。肉類我地叫左一款牛小排，五花肉同埋熟食既wasabi牛柳粒。個五花肉襯個雞煲湯底好好食，半肥瘦岩岩好佢呢度個招牌係手打丸類，叫左一樣咩都有d,果然好彈牙無令我失望 鐘意食內臟既人可以叫佢個牛柏葉同埋鵝腸，好爽脆同埋一d腥味都無，正呀！最出色既一定要試佢個新鮮炸起既芝士響鈴，咬落去仲熱同埋脆卜卜，仲唔會太油！一個人食兩件都得飲品都唔錯的因為夠大杯，西柚梳打好清新，唔會飲野飲到滯左呢間餐廳員工服務態度都好好，份量適中，價錢合理，一班人食最岩

#吞Pot一年四季香港人都鍾意打邊爐。圍住個爐吹水，一邊食一邊可以傾好耐。比吞pot呢個名吸引左，玩食字語帶相關之餘仲係廣東話先有既意思。所以都決定上黎忙中偷個懶，食個hotpot。揀左健康嘅蕃茄湯$89😋🍅鍋肉有大量新鮮蕃茄肉同秀珍菇，好鮮甜足料。👍P.S 呢度加湯既時候會加返上湯而唔係加水，所以一直都保持都濃厚既蕃茄味，唔會因爲加水而變淡。😳食物當中響鈴🔔$45/3pcs 最能令我留下深刻既印象。驚喜在響玲內有芝士，芝士味好香，放落湯浸兩浸食埋湯嘅味道。總結係外腍內脆帶芝土香加蕃茄湯，正到暈～～得響鈴先做到呢個效果。特級美國肥牛 $128 🤤打邊爐肥牛肉必點係常識。肉味香濃帶微微牛羶味😆好正呀！黑毛豬腩片 $128 都爽口不油膩手打四寶丸 $118 調味啱啱好，手打嘅關係比機丸有咬口，略嫌唔夠彈牙。菜品 娃娃菜$38 比起其他餐廳較大兜平時打邊爐叫一杯嘢飲一定唔夠， 但呢度大大杯檸茶完全滿足晒我。